ياوجودك تعال اقرب ودوك (محلول) من وجودك صح لسانه

[{ أبوفيصل }]

ياوجودك تعال اقرب ودوك =ياابيض الوجه ياراع الوفا
اِنشد الربع لاوصْلَوْ وجوْك =عن فتاةٍ ماتِذْكر بالقفا
شفتها لاعبوس وْلا ضحوك =وشوْفت الوجه مافيها خفا
من محايل عسير الْيا تبوك =تشوف لْها حلاياها وحْلفا


:icon31:

[•° حلــم •°]

صح لسآانكـّ " خليجي "
اممممم << بس أحسسكـّ إني أفكر .. خخخ

وجوودكـّ تعاالّ حلّ اللغز ,, أنا و لا نصّ رمعهـّ قدرت أطلع :/ ,, المخيـخّ متجمّد :/

[عهود]

مساكم الله بالخير


صح لسانك خليجي

يعطيك العافيه على هالغز الخطييييير

وش رايك أخوي بالمرايه مالها قفا ... تعكس الوجيه وجميع مايوضع أمامها وتظهره كما هو من دون تغيير في الشكل

[{ أبوفيصل }]

صح بدنكـ ياحلم

ماعليكـ ارمعي قد توصلين لللحل

[{ أبوفيصل }]

مساء النور والسرور
صح بدنكـ ياعهود
مالكـ لوا بالمرايه :)

[جااابر]

صح لسااانك ياخليجي
وش رايك بالشمس
والله يرد وجودك ويحله

[{ أبوفيصل }]

صح بدنك ياجااابر

مالك لوا

[عهود]

الــصــوره بشكل عام وبشكل خاص الصوره الشخصيه ..

[{ أبوفيصل }]

مالكـ لوا ياعهود

[{ أبوفيصل }]

اذا احتجتو لأضافة بيت
حاااااضر وممنون :) << شافكم تهددون اللغز بشراسه ههههههه

[{ أبوفيصل }]

ياوجودك تعال اقرب ودوك =ياابيض الوجه ياراع الوفا
اِنشد الربع لاوصْلَوْ وجوْك =عن فتاةٍ ماتِذْكر بالقفا
شفتها لاعبوس وْلا ضحوك =وشوْفة الوجه مافيها خفا


:icon31:
^^^^
تم تغيير كلمه اَمل قبولها على هذا النحو
( عن فتاةٍ ماشفت لْها قفا ) الى ( عن فتاةٍ ماتِذْكر بالقفا )

[•° حلــم •°]

^
^
تراا نفس الشي :24:

اسدح البيت لا هنت .. :18:

يمقن أتهور وأحل اللغز و يمقن لا .. :18:

[{ أبوفيصل }]

^^^^^^
لا ياحلم تفرق واجد ودققي بالكلمه زين وراح تشوفين

:)

[{ أبوفيصل }]

وين اختفو ربعنا :) يشوفون هالمشكله

فيه واحد عندي متحمّس والمشكله واثق من رمعته يقول سجّل حلّي انا لقيت الحل
قلت طيب هات ، قال الرؤية الشرعيّه
قلت : كيف اسجّلّك وكيف ارد وأنت ماسجلت بالمنتدى :151:
، والثانيه رمعتك بعييده ، وركب راسه الأخ الاّ هذا هو الحل
يالربع وش السوات هههههههههههههههه

[جااابر]

وين اختفو ربعنا :) يشوفون هالمشكله

فيه واحد عندي متحمّس والمشكله واثق من رمعته يقول سجّل حلّي انا لقيت الحل
قلت طيب هات ، قال الرؤية الشرعيّه
قلت : كيف اسجّلّك وكيف ارد وأنت ماسجلت بالمنتدى :151:
، والثانيه رمعتك بعييده ، وركب راسه الأخ الاّ هذا هو الحل
يالربع وش السوات هههههههههههههههه
:151: طيب الرؤيه الشرعيه او النظره الشرعيه مافيها قفا !! الا احتمال واحد منهم يقفي :4:
لو هي صحيحه رمعته سجلها ضد مجهول :18:

[جااابر]

وش رايك بالشهاده او الحقيقه
او البصمه

[{ أبوفيصل }]

:151: طيب الرؤيه الشرعيه او النظره الشرعيه مافيها قفا !! الا احتمال واحد منهم يقفي :4:
لو هي صحيحه رمعته سجلها ضد مجهول :18:

مثل ماقلت ياجااابر ، ادوخني ، لاعاده من لغز ليتني ماعلّمته :biggrin:
لا . . وأقوم لك اتصل به باقول له تراني عدّلت فـ اللغز كلمه
حتى مايلتمس مفهومك ، ولْيا رفيقي اصمخ ،
راسه وميّة سيف الاّ هي ماغيرها ههههههههههههه

[{ أبوفيصل }]

مالكـ لوا ،، ياجااابر فيما ذكرت

[{ أبوفيصل }]

هههههههههههههههههههههه

تدري وش طرى عليْ ،، الرجاّال دبيْبه ومتعقّد من النظرة الشرعية
الله يكون بعونه تذكرت القصبي في طاش ، وواحد من ربعنا اللي هنا فالدكه
اول حرف من اسمه ج :SnipeR (9):

[{ أبوفيصل }]

^

اسدح البيت لا هنت ..

يمقن أتهور وأحل اللغز و يمقن لا .. :18:

سمّي ياحلم ،،، تفضلوا أضفنا بيت للّغز
الله يعينكم
:SnipeR (22):

[•° حلــم •°]

خخخخ حبيت رمعة النظره الشرعيه البنيه ما بتمشي !!!
و لا بتمشي و هي مقابلتنه " عاطتنه وجهها " خخخ أما خيااله ..

[•° حلــم •°]

يلا يا أهل السعوديه شدّوا حيلكم ..
أنا لو أخمس ما بعرف الحل .. شو دراني ب عسير و تبووكـّ .. :/

[{ أبوفيصل }]

يلا يا أهل السعوديه شدّوا حيلكم ..
أنا لو أخمس ما بعرف الحل .. شو دراني ب عسير و تبووكـّ .. :/
ههههههههههه ياسلامي عليكم يالسعودية
بس خليتوني اضيف بيت واخرتها ماترمعون :SnipeR (88):

[•° حلــم •°]

و الله لغزكـّ صعب .. :/

رحت قريت مقاله عن تبوكـّ عشآان أعرف شو فيها و شو ما فيها .. بس ما عرفت الحل ..

بس تصدقّ طلعت مب هينه طلعت منطقه سياحيه و أنا مادري ..

[وجودك يكفي]

صح لسانك ياكابتن خليجي وبيض الله وجهك على اللغز الجميل ..

عندي رمعه برمعها مع العلم ان اللغز مانعني من الرمعات لأنه يقول ياوجودك انشد الربع عن الفتاه المطلوبه .. وإذا كانت رمعتي صحيحه اكون ريّحت الربع من هالفتاه وإذا كانت الرمعه غلط بنشدهم

وش تقول ياخليجي في محافظة الوجه

[{ أبوفيصل }]

صح لسانك ياكابتن خليجي وبيض الله وجهك على اللغز الجميل ..

عندي رمعه برمعها مع العلم ان اللغز مانعني من الرمعات لأنه يقول ياوجودك انشد الربع عن الفتاه المطلوبه .. وإذا كانت رمعتي صحيحه اكون ريّحت الربع من هالفتاه وإذا كانت الرمعه غلط بنشدهم

وش تقول ياخليجي في محافظة الوجه
هههههههههههههههههههه
مايحتاج تنشدهم ،، صح لسااانك ياريّس (( محافظة الوجه )) :SnipeR (37):

[وجودك يكفي]

هههههههههههههه يعني خلاص مايحتاج انشدهم

صح بدنك ياخليجي والله يعطيك العافيه ولاهنت على اللغز ياكابتن

[{ أبوفيصل }]

(( محافظة الوجه ))
:SnipeR (37):

ياوجودك تعال اقـرب ودوك = ياابـيـض الـوجــه يـــاراع الـوفــا
نداء للريّس مراقبنا العزيز :rolleyes:
اِنشد الربـع لاوصْلَـوْ وجـوْك = فضخ عينه مانشد عنه :4:
عــــن فــتــاةٍ مـاتِــذْكــر بـالـقـفــا = محافظة الوجه لاتُعرف الاّ بهذا الأسم
شفتها لاعبوس وْلا ضحوك = الوجه تعبّر عن اسمها كمحافظه
وشوْفـت الوجـه مافيهـا خفـا = الوجه من محافظات الشمال المعروفه
من محايـل عسيـر الْيـا تبـوك = مثلها مثل أي محافظة سعودية
تـشــوف لْـهــا حـلايــا وحْـلـفـا = تتشابه بالعمران والعادات وللوجه عدّة قرى تابعة لها

الشكر كل الشكر لمن شارك ومر من هنا

[عهود]

سلامات ياحلم وينسسس عايشه فيه ... تبوك الورد لبى قلبك منطقه سياحيه رهيبه مره شفت برنامج عنها ف الاخباريه ماصدقت ان ذا الطبيعه والمناطق الاثريه بتبوك ..

[عهود]

صح لسانك خليجي أبدعت

مبروك وجودك يتسفي الحل

[{ أبوفيصل }]

صح بدنكـ ياعهود ،، ماقصرتي على الحضور المميز يعطيكـ العافيه

ماشفتي جااابر !! أتلا العهد فيه رمع له رمعه وحط خده على صفحة اللغز والنومه النومه :SnipeR (54):

[وجودك يكفي]

الله يبارك فيك ياعهود ولاهنتي

[اصايل]

اعجبني تركيب اللغز :)

صح لسانك خليجي

وماشالله على وجودك جابها ..

[{ أبوفيصل }]

اعجبني تركيب اللغز :)

صح لسانك خليجي

وماشالله على وجودك جابها ..
صح بدنكـ يا اصايل

[وجودك يكفي]

لاهنتي يا آصايل

[سكون الليل]

صح لسانكـ وأعتلى شانكـ شاعرنا
أوما صديقكـ تحفه
هههههههههههه ههههههههههههه
الي أبلشك وربي صرعت ضحك منه
الا غصب
هههههههههههه ههههههههههههه
ويعطيك العافيه يكفي
على هاالرمعه المصيبه للهدف
دمتم بخير

[وجودك يكفي]

الله يعافيك ياسكون الليل ولاهنتي

[جااابر]

بيض الله وجهك ياخليجي على اللغز والزياده اللي تو اشوفها :SnipeR (2):يمكن لو لحقت عليها قبل ذيبان حليته :SnipeR (9): بس ماقلتلي من الدبيبه اللي يبدأ بحرف ج :SnipeR (19):
صح لسااانك ياولد ثابت ولاهنت على التفكير الرائع :SnipeR (37):ماشاء الله تبارك الله

[وجودك يكفي]

صح بدنك ياجاااابر ولاهنت يالغالي

[{ أبوفيصل }]

صح لسانكـ وأعتلى شانكـ شاعرنا
أوما صديقكـ تحفه
هههههههههههه ههههههههههههه
الي أبلشك وربي صرعت ضحك منه
الا غصب
هههههههههههه ههههههههههههه
ويعطيك العافيه يكفي
على هاالرمعه المصيبه للهدف
دمتم بخير
لا ،، أبشركم بعد شاف الحل اقتنع
والاّ من أول يقول ماعنه وعن النظرة الشرعية :1: