فيحان بن تركي !!

[محمد العريــدي]

تشرّفت بإلقاءها أمام الشيخ / فيحان بن تركي , أتمنى أن تنال إعجابكم :




يا هاجسي مالك عليّه ذمه = إني لا اعدي بك حدود القمّه !!
شاعر و شعري وارثه من خالي = ماهوب نوب اخطيه و نوب اخمّه !!
يطيب لي بدعه .. و بدع طروقه = و أقوم له في ماقفي و أتمّه !!
و الليله الموقف صعيب و كايد = الموقف اللي حطني في مهمّه !!
قدام شيخ(ن) نادرات فعوله = حط الشيوخ الثانيه في كمّه !!
إن قيل منهو ؟! قلت ما في غيره = عان العرب لدّوا نظرهم يمّه !!
فيحان لا من الليالي جارت = سمّه حزامك في الشدايد سمّه !!
سلام يا راع العطايا الجزله = يا ابو الكرم , يا خاله و يا عمّه !!
يا حي ذا الطاري و حي حجاجك = يا شيخنا اللي همّنا من همّه !!
ما كل شيخ(ن) يشبهك في فعولك = مطنوخ ../ و المطنوح ما احد ٍ يمّه !!
ابوك قبلك متعب الشيخاني = كل الفعول الطيّبه في دمّه !!
يموت تركي ../ و سيرته ما ماتت = في صفحة أمجاد العرب ملتمّه !!
و اليوم ابو نايف على منهاجه = قد درّسه تركي .. و درّسه صمّه !!
يكفيك بيت(ن) كاتبه من مبطي = يفوح طيبه للعرب و تشمّه !!
لو تزعل الشيخان عندي عادي = اعرف طريقي لا بغيت اليمّه !!
فيحان من طيبه و طيب فعوله = حط الشيوخ الثانيه في كمّه !!

[وجودك يكفي]

يستاهل المدح ابونايف عسى الله يطوّل في عمره ويحفظه


صح لسانك يامحمد وبيض الله وجهك


احترامي

[شـوآق]

محمد العريدي

وش تباني اقول ؟
يعلم الله انك مبدع بكل حالاتك ., ويستاهل ابو تركي ماقيل فيه
بيض الله وجهك وسسلمت يمناك ي القرم


كل التحايا لك

[محمد العريــدي]

ولد ثابت

لا هنت على مرورك يالغالي , شاكر لكك

[غيابك صعب]

صح لسانك وصح نبض قلبك
لااقول سوا الله لايضرك ويسعد قلبك اينما كنت
لك جنائن الفردوس
كنت هنا
غيابك

[؛؛ابو ريناد؛؛]

العريدي لاجديد سوى أنك متفرد بالأبداع في منتدانا حتى ولو زعلو شعارناالغالين
وجهة نظر( كل بيت يعدل قصيدة)

[أبوصلال]

يستاهل المدح ابونايف عسى الله يطوّل في عمره ويحفظه

[رفق المجنا]

صح لسانك

[محمد بن نجر]

محمد صح لسانك


قصيده جميله