متعب بن طواله
10-07-2011, 08:01 PM
غيم الشعر يزبر وتبرق قوافيه=سماه راسي وارتوي يافلاته
مثل البرد بيضٍ تلالا معانيه=قامة تدحرج بالصدر مفرداته
اختار مايختار فكري وابديه=اوشم خدود الورق من دواته
حر الوجع بعض المواقيف تدعيه=ويحل بجفون السهر عن سباته
الوقت يركز بالخواصر جنابيه = والحظ كهلٍ لو تعينه عصاته
الطلح اعرفه شوك وشلون ابي اجنيه=وانا الخبير بكل عود ونباته
موقف حصل يانية الخير عديه= ننساء ويبقى للزمن وحجياته
مادام طيبنا تخذله ماباديه= مافيه داعي للعسل ونحلاته
تحيزمي بالدين والجهد شديه= وخوذي من محمد نبيك وصاته
الله فقط مستقبل الخلق بيديه= والعبد ماله بالعظيم وهباته
مثل البرد بيضٍ تلالا معانيه=قامة تدحرج بالصدر مفرداته
اختار مايختار فكري وابديه=اوشم خدود الورق من دواته
حر الوجع بعض المواقيف تدعيه=ويحل بجفون السهر عن سباته
الوقت يركز بالخواصر جنابيه = والحظ كهلٍ لو تعينه عصاته
الطلح اعرفه شوك وشلون ابي اجنيه=وانا الخبير بكل عود ونباته
موقف حصل يانية الخير عديه= ننساء ويبقى للزمن وحجياته
مادام طيبنا تخذله ماباديه= مافيه داعي للعسل ونحلاته
تحيزمي بالدين والجهد شديه= وخوذي من محمد نبيك وصاته
الله فقط مستقبل الخلق بيديه= والعبد ماله بالعظيم وهباته