جو حبك [الأرشيف] - منتديات عتيبه

مشاهدة النسخة كاملة : جو حبك

راع المحاني

11-17-2005, 11:36 PM

السلام عليكم...

قصيّده لا تصل لمستوى قصيده وهي كيبورديه قديمه اعذروا قصورها.

سألتك بربي لا تزيده وجع يكفي=ترى القلب ماهو مثل خبرك على حاله
تروّح به الكلمه وتاخذ به وتقفي= ويرجع عليّ بجرح الايام مشتاله
دخيلك يابو رمشن ليامن طالع في= يخلي دموع العين فالخد هماله
ترفق على ذيك المعاليق ياولفي=ترا نارحبك وسط الاعماق شعاله
سكنت الخفوق اللي لحبك قدر يخفي=خفوق ٍ غديت اكبر همومه وغرباله
فداك القصيد وكل ما يملكه حرفي=وفدتك المشاعر كلها دق وجلاله
على الحرام انك دوا قلبي وشفي= وعليك الجوارح كلها حيل مياله
زهاك الجمال اللي تعدا على الوصفي=وعيون ٍ الخلايق منك يازين مهتاله
متى جو حبك ياعنا القلب لي يصفي=وياخذ حبيبك كل شيٍ على باله

السعار

11-18-2005, 07:04 AM

على الله العوض:mad:

راع المحاني

11-20-2005, 07:00 AM

سبحانه :)

اخو من طاع الله

11-20-2005, 08:01 AM

مشكورررررررررر اخووووووووووي على القصيده
وربي يعطيك العافيه

السعار

11-20-2005, 03:13 PM

على الحرام انك دوا قلبي وشفي= وعليك الجوارح كلها حيل مياله
ابدا انا شدني هذا البيت ولم اتخيل انك تعاني من المجاعة الى هذه الدرجة.:p:D

لاتنسى أنني من المعجبين بكل ماتكتب وتنقد.. احترامي ومحبتي لك يالغالي..

راع المحاني

11-20-2005, 04:08 PM

السلاح الجوي, والعفو وشاكر لك التشريف من هنا

تحياتي

راع المحاني

راع المحاني

11-20-2005, 04:13 PM

<------ميت ضحك

لا تضحك بالمسلمين يبلاك الله + (لاتعليق)

شعورك متبادل يعلم الله ...وحييت مامشيت :)

منك اليك

راع المحاني

إبن ثعلي

11-25-2005, 01:54 PM

لاهنت ياراع المحاني قصيده ولا اروع منها
تحياتي

أبونايف

11-25-2005, 02:03 PM

صح

لساااااانك

راع المحاني

11-25-2005, 07:55 PM

مشرفنا الفاضل ابن ثعلي

شكرا لتواصلك

تحاياي

راع المحاني

راع المحاني

11-25-2005, 07:55 PM

ابو نايف العزيز

شكرا لمرورك وصح بدنك

تحياتي

الجوووري2

12-05-2005, 07:47 AM

سألتك بربي لا تزيـده وجـع يكفـي &&& ترى القلب ماهو مثل خبرك على حاله

صح لسانك يالغالي

ابيات اكثر من رائعه

الله يسعدك يا خوي

اختك

الجوووري

راع المحاني

12-17-2005, 02:17 PM

العزيزه الجووري

صح بدنك وشكرا لمرورك من هنا

اخوك

راع المحاني

نوف

01-05-2006, 11:31 AM

قصيده تجمع الإبداع والروعه

أمتعتنا بقراءة أبياتها الجزله مراراً وتكراراً

تحياتي لقلمك وإبداعك

جراح العتيبي

01-05-2006, 05:53 PM

راعي المحاني

تقول هذي كيبورديه

وقتلنا فيها

راع المحاني

01-06-2006, 10:59 PM

مرحبا بمشرفتنا العزيزه نوف

شرفتي وشكرا لإطرائك الجميل

تحياتي

راع المحاني

راع المحاني

01-06-2006, 11:01 PM

ابو مناحي,

ومنكم نستفيد طال عمرك

شكرا لمرورك

تحياتي

راع المحاني

نور

01-07-2006, 08:56 PM

سلامة قلبـك ..ياراع المحاني:)

وصح لسانك ..قصيده عذبه

راع المحاني

01-07-2006, 11:21 PM

هلا بأختنا العزيزه نور

الله يسلمك :) وصح بدنك وشكرا على التصفح والقراءه

اخوك

النـايــــــف

01-26-2006, 11:01 AM

صح لسانك اخوي راع المحاني

وبيض الله وجهك يا الغالي

تحياتي لك ،،،،،

السعار

01-26-2006, 11:12 AM

اخي وعزيزي راع المحاني فعلا قصيدة ممتازو ولكن ودي اعرف معني كلمة كبورديه وماهو اصلها واتمنى ان يأتي التعليق من صديقك ابو سعد اطال الله عمره وياك.. اخوك المحب :p