كفى تخاذل ياعرب كان يكفي

[الصهد]

ماعاد باقي من العروبه ولا شي
القدس تصرخ والمجازر جديده
صهيون شب النار ماعاد تطفي
شعب يساوم به وشعب يبيده
كفا تخاذل ياعرب كان يكفي
عميت الابصار وين العقيده
اخذ العبر من شعب صدام وعدي
ترا السرا ماشي على السيد سيده
نبى على صهيون ذا الحين نمشي
نزيد مد اهل الفعول المجيده
من مات للجنه والنصر للحي
نصرا وعد رب العباد لعبيده
ننخا زعيم العرب مطوع العي
تكفى يابو متعب نباها الوحيده
في كل سيره نذود والكل يدري
ارواحنا دون الكرامه شهيده
القلب ينزف دم والعين تبكي
اخجل من شوف الصور بالجريده

[وافي الدغيلبي]

بااااااااااارك الله فيك على نقل القصيده

[هنـــدالسبيعـي]

تسلم يمناااااااااااااااااااااااااااااااااك

[وجودك يكفي]

الله يعز الإسلام والمسلمين ويينصرهم فوق كل أرض وتحت كل سماء

صح لسان شاعرها وتسلم يمينك يالصهد على النقل المميّز

احترامي

[الصهد]

الاخوه الاعزاء شرفني مروركم العاطر واسعدني تحياتي وتقديري

[؛؛ابو ريناد؛؛]

الصهد لله درك لاجديد سوى أنك مبدع دوماً

(كفا تخاذل ياعرب كان يكفي
عميت الابصار وين العقيده)

[الصهد]

لايكمل الابداع الا بتشريفك المتصفح لاعدمتك ابوريناد تحياتي وتقديري

[الغـويري]

قصيدة رائعه

[الصهد]

الاروع مرورك

[اخو هبسه]

تسلم

[الصهد]

تسلم

الله يسلمك