ياويش بنتٍ ماتقول الحقيقه )محلول( من خليجي صح لسانه

[وجودك يكفي]

السلام عليكم

اليكم هذا الإنتاج الجديد وأرجوا أن يحوز على رضاكم





ياويش بنتٍ ماتقول الحقيقه=تكذب ولاتكذب وتصدق مع فلان
هذا تفيده بالعلوم الدقيقه=وهذا بعد مردودها خاطره شان
لقيتها بين الرفيق ورفيقه=مضمونها تصريف في بعض الاحيان

[{ أبوفيصل }]

صح لسسانك وسلم بنانك على هاللغز ياريّس
رمعه أوليّه وش رايك في ( خدمة موجود ) وهاذي من خدمات الجوال
مردودها لمن يتصل برفيق احيان ويكون من باب التصريف بأنه مغلق ولايمكن الأتصال به الأن ،، وهذا سبب طفش رفيقه المتصل

[وجودك يكفي]

حياك الله ياكابتن خليجي وصح لسانك وبيض الله وجهك على الرمعه الأولى والأخيره
الجواب والبنت المطلوبه هي خدمة موجود

ياويش بنتٍ ماتقول الحقيقه>>خدمة موجود تقول بأن الجوال مغلق وقولها عكس الحقيقه إذا كان الجوال مفتوح
تكذب ولاتكذب وتصدق مع فلان>>تكذب على المتصل وتصدق مع اللي جاه اتصال
هذا تفيده بالعلوم الدقيقه>> إللي جاه اتصال تفيده الخدمه ويأخذ منها معلومات كامله ودقيقه عن اسم المتصل ورقمه ووقت الاتصال وكم عدد الاتصالات
وهذا بعد مردودها خاطره شان>>المتصل يشين خاطره ويطفش إذا ردت عليه الخدمه وقالت لايمكنك الاتصال به الآن
لقيتها بين الرفيق ورفيقه>> بين المُتَّصِل والمُتَّصَل عليه
مضمونها تصريف في بعض الاحيان>>واضح

[{ أبوفيصل }]

هيّ يس :03hbdsn13: صح بدنك ياوجودك تسلم ويسلم فكرك

مبدع ياولدثابت وابداعك منقطع النظير وبهذه المناسبة بسمّيك الأسطوره

[{ أبوفيصل }]

هيّ يس :03hbdsn13: صح بدنك ياوجودك تسلم ويسلم فكرك لغز رائع

مبدع ياولدثابت وابداعك منقطع النظير وبهذه المناسبة بسمّيك الأسطوره

[وجودك يكفي]

هيّ يس :03hbdsn13: صح بدنك ياوجودك تسلم ويسلم فكرك لغز رائع

مبدع ياولدثابت وابداعك منقطع النظير وبهذه المناسبة بسمّيك الأسطوره

ماعليك زود ياخليجي والشهاده منك تعني لي الشي الكثير ووسام شرف طال عمرك .. ولكن ارجو منك ان تعفيني من هذا اللقب .. ولقب الأسطوره معروف صاحبه وهو الشاعر ابوهليل كاتب الألغاز المشهور وانت تعرفه زين ياخليجي .. خلها بدون القاب يارفيقي لقب وجودك او ولد ثابت هي الالقاب اللي افضلها

[{ أبوفيصل }]

الله يرفع قدرك ويعلي شانك ،، ماعليش ياأسطورة الألغاز

وهل تكون الألقاب محصوره على اشخاص معينين مثلاً من هو ملقب بالمخضرم او الأمبراطور
كم وكم سمعنا هنا وهناك عدد كثير بلقب واحد وبمجال واحد

وبالنسبة لأبو هليل هو اول من يؤيدني لو شاطرته انت هذا اللقب ياولد ثابت

[وجودك يكفي]

الله يعزك بطاعته وانا اخوك ويرفع درجاتك في الدنيا والآخره .. ولكن مثل ماقلت لك ياكابتن.. ورب العزه والجلال إن افضل الألقاب إللي تسميني بها نفس إللي قلتها لك ولد ثابت او وجودك يكفي .. وما عداها فلا يحق لي ورحم الله أمرئٍ عرف قدر نفسه ..

[جااابر]

ماشاء الله ماعاد يمدينا نقول يافتاح ياعليم !!
لغز طيب ومحبوك ورمعه ناسفه يعطيكم العافيه

[وجودك يكفي]

الله يعطيك العافيه ياجاااابر ولاهنت يالغالي