رجلٍ له من بدّ الثلاثه شان (محلول) من وجودك يكفي صح لسانه

[{ أبوفيصل }]

عدنا من جديد وبهذا الانتاج أتمناّ أن يرقى للمستوى المرضي كـ رقي أفكاركم النيّره




للّغز رمعه والهدف نيشان =وين أنتَ ياللي بالرّماه اتْصيب
رجلٍ له من بدّ الثلاثه شان =تلْقى له بين الناس خبْث وطيب
يكْفي عن رفقة أكثر الخلاّن =ويبقى معك مثل الصّحيب اصْحيب

[وجودك يكفي]

صح لسانك ياخليجي ولاهنت على اللغز الجميل

لوقلنا إن الثلاثة هم اللي يرافقون الميت فيرجع اثنين ويبقى الثالث .. عمله وأهله وماله .. يرجع الأهل والمال ويبقى العمل مع صاحبه

[إبن ثعلي]

الظاهر انك قضيت عليه ياولد ثابت وننتظرالخليجي ويش يقول

[جااابر]

صح لسانك ياخليجي
الظاهر
مابعد رمعة ولد ثابت رمعه

[{ أبوفيصل }]

صح بدنك يارييس ماشاء الله مايطوفك لغز بأيّة حال

العمل الذي يتبع صاحبه عند مماته ،، عن أنس ـ رضي الله عنه ، عن رسول الله صلى الله عليه وسلم قال : ( يتبع الميت ثلاثة : أهله وماله وعمله ؛ فيرجع اثنان ، ويبقى واحد : يرجع أهله وماله ، ويبقى عمله ) متفق عليه

العمل الصالح هو من يتبع المسلم مع من يتبعه من اهله وماله فـلا يتبقى سوى عمله يتبعه بعد مماته نسأل الله ان يجعل أعمالنا أنيسةٌ لنا في قبورنا ويكتب لنا ولكم حسن الخاتمة والعافية ، وأن يتولانا وإياكم بعنايته ورعايته إنه جواد كريم .

[{ أبوفيصل }]

مايحتاج انتظار يابوعبدالرحمن الله لايهينك ، نعم قضا عليه الرييس ومراقبنا العزيز وانتهى

:)

[{ أبوفيصل }]

صح بدنك ياجااابر ،، تأييدك في محله

[جااابر]

الله يجزاك خير ياخليجي اعجبني كثير معنى اللغز وصيغته
وماشاء الله عليك ياولد ثابت
الحين انتم ورى ماتحجبوون اللغز عن ولد ثابت وابن ثعلي لين حنا يالبسطاء نرمع برمعاتنا ونفكر شوي ههههه

[وجودك يكفي]

صح بدنك ياكابتن خليجي وبيض الله وجهك يارفيقي

[وجودك يكفي]

الحين انتم ورى ماتحجبوون اللغز عن ولد ثابت وابن ثعلي لين حنا يالبسطاء نرمع برمعاتنا ونفكر شوي ههههه

ههههههههههههههههههههه والله إذا كان فيه احد يمنع من الرمعات الظاهر إنك اول واحد .. ماشاء الله عليك ياجاااابر

[عنآد العقاب]

صحّت ألسنتكم جميعاً . .

[وجودك يكفي]

صح بدنك ياعنآد العقاب ولاهنتي