وصفي كمل واللغز سهلٍ وكايف )محلول( من جااابر صح لسانه

[وجودك يكفي]

السلام عليكم

اليكم هذا الإنتاج الجديد وأرجوا أن يحوز على رضاكم





انشدك عن رجال بالزين موصوف = فيه النصر من دون حرب وكلايف
عند الضحى وقته محدد ومعروف = والمنتصر قبل النصر كان خايف
شخصين ضد الصف والعالم اتشوف = لحظة تحدي ماوراها حسايف
دوّر وتلقى الحل من تسعة احروف = وصفي كمل واللغز سهلٍ وكايف

[الأدميرال]

لاهنت ياولد ثابت
وجاري التفكير على التسع حروف

[الأدميرال]

زكاة الفطر

[م ا ج د]

مدري هو بس انا اللي اتعب اذا قريت لغز وجلست اعيده واحاول احله والا في ناس غيري عندهم نفس المشكله

لغزك بطل وممتاز ولاغبار عليه ولا هو انا اللي اقيم شخص من فطاحلة الالغاز الشعريه مثلك :)

ابو ثابت شهادتي فيك وفي شعرك والغازك مجروحه مو بس مجروحه الا مخرومه نصين

جاري التفكير مع اني غاسل يدي من الحين اني راح احل لو لغز واحد في حياتي :(


الله يعطيك العافيه

[م ا ج د]

جابها الادميرال ،، بس مو كان زكاة مؤنث واللي باللغز يقول انشدك عن ( رجال )

دامنا عيد وزكاة وخلنا حول الادميرال ماحنا مبعدين ،، بقول (المد النبوي ) ادري عشر حروف بس لو حذفت حرف واحد بيصير 9 حروف < على كيفك يبوووو

[م ا ج د]

تسع حروف

تسع حروف


بماا انناا معيدين كل شي يخص العيد بجيبه لكم

( هلال العيد ) اعتقد من تسع حروف

هاه نقول مبروووك .؟؟؟

[الأدميرال]

ماجد انت متأكد زكاة مؤنث؟ ترا مدري
هلال العيد ثمان حروف

[م ا ج د]

هلا ادميرال

اخرها هاء التأنيث مايبيلها لبى قلبك اكيد مؤنث

اما بالنسبه لهلال العيد تسع حروف < عديتها اكثر من مره وناديت اخوي اللي يجنبي يعد معي طلعت تسع حروف

طيب خل نغير وننوع بالاجابات شوي ونقول

( حلاو العيد ) < يوزعونه وقت الضحى ويصفون وقت التوزيع


هاه ابو ثابت ،، نقول صح ونبارك ونكتب اسمي بالعنوان ( تم حله بواسطة م ا ج د )

[الأدميرال]

ماجد هلال العيد الظاهر انك جبتها
ننتظر ولدثابت

[وجودك يكفي]

لاهنت ياولد ثابت
وجاري التفكير على التسع حروف

لاهنت يالأدميرال وبإنتظارك

[وجودك يكفي]

زكاة الفطر

مالك لوا يارفيقي

[وجودك يكفي]

مدري هو بس انا اللي اتعب اذا قريت لغز وجلست اعيده واحاول احله والا في ناس غيري عندهم نفس المشكله

لغزك بطل وممتاز ولاغبار عليه ولا هو انا اللي اقيم شخص من فطاحلة الالغاز الشعريه مثلك :)

ابو ثابت شهادتي فيك وفي شعرك والغازك مجروحه مو بس مجروحه الا مخرومه نصين

جاري التفكير مع اني غاسل يدي من الحين اني راح احل لو لغز واحد في حياتي :(


الله يعطيك العافيه

هلابك ياماجد وحياك الله وعاش من شافك متواجد ..

وشهادة اعتز فيها وإن شاء الله تحل اللغز وتفقع عينه

[وجودك يكفي]

جابها الادميرال ،، بس مو كان زكاة مؤنث واللي باللغز يقول انشدك عن ( رجال )

دامنا عيد وزكاة وخلنا حول الادميرال ماحنا مبعدين ،، بقول (المد النبوي ) ادري عشر حروف بس لو حذفت حرف واحد بيصير 9 حروف < على كيفك يبوووو

المد النبوي .. مالك لوا ياماجد

[م ا ج د]

هلابك ياماجد وحياك الله وعاش من شافك متواجد ..

وشهادة اعتز فيها وإنشاء الله تحل اللغز وتفقع عينه


المهلي مايولي يالغالي ،، عاش غاليك

اتمنى ذلك والله اني احل اللغز ومازال البحث عن الحل قيد التشغيل

[وجودك يكفي]

تسع حروف

تسع حروف


بماا انناا معيدين كل شي يخص العيد بجيبه لكم

( هلال العيد ) اعتقد من تسع حروف

هاه نقول مبروووك .؟؟؟

ومالك لوا ياماجد

[الأدميرال]

ليلة القدر

الشخصين الامام المؤذن

[وجودك يكفي]

هلا ادميرال

اخرها هاء التأنيث مايبيلها لبى قلبك اكيد مؤنث

اما بالنسبه لهلال العيد تسع حروف < عديتها اكثر من مره وناديت اخوي اللي يجنبي يعد معي طلعت تسع حروف

طيب خل نغير وننوع بالاجابات شوي ونقول

( حلاو العيد ) < يوزعونه وقت الضحى ويصفون وقت التوزيع


هاه ابو ثابت ،، نقول صح ونبارك ونكتب اسمي بالعنوان ( تم حله بواسطة م ا ج د )


ههههههههه والله ودي اقول مبروك واحط في العنوان محلول من ماجد وبإذن الله تحله

مالك لوا في حلاو العيد وبالتوفيق يارمعة ماجد القادمه

[وجودك يكفي]

ماجد هلال العيد الظاهر انك جبتها
ننتظر ولدثابت

هلال العيد إجابه غير صحيحه

[وجودك يكفي]

ليلة القدر

الشخصين الامام المؤذن

مالك لوا يالأدميرال

[الأدميرال]

شخصين ضد الصف والعالم اتشوف
لحظة تحـدي ماوراهـا حسايـف

العقده فالبيت هذا
جاري التفكير

[عنآد العقاب]

وعليكم السلام ورحمة الله وبركاته ,’
صحّ لسانكم , و جاري التفكير :)

و رمعة عالطاير .. مدفع العيد

[وجودك يكفي]

شخصين ضد الصف والعالم اتشوف
لحظة تحـدي ماوراهـا حسايـف

العقده فالبيت هذا
جاري التفكير

بالتوفيق يارمعة الأدميرال القادمه

[وجودك يكفي]

وعليكم السلام ورحمة الله وبركاته ,’
صحّ لسانكم , و جاري التفكير :)

و رمعة عالطاير .. مدفع العيد

هلابك ياعنآد العقاب وحياك الله
صح بدنك
مدفع العيد إجابه غير صحيحه

[جااابر]

السلام عليكم ورحمة الله
وكل عام وانتم بخير
وش تقول ياولد ثابت في يوم الزينه وقصة سيدنا موسى عليه السلام عندما جمع الناس وقت الضحى
اتمنى تكون اجابتي صحيحه

[{ أبوفيصل }]

صح لسانك ياوجودك على اللغز الرائع

جااابر جاابها في الصميم والعلم عندك ياولد ثابت

يوم الزينة

قال تعالى " قال موعدكم يوم الزينة وأن يحشر الناس ضحي " طه 59

اجااابة البطل جااابر ،، كذا :SnipeR (37):

[وجودك يكفي]

السلام عليكم ورحمة الله
وكل عام وانتم بخير
وش تقول ياولد ثابت في يوم الزينه وقصة سيدنا موسى عليه السلام عندما جمع الناس وقت الضحى
اتمنى تكون اجابتي صحيحه

حياك الله ياجااابر وكل عام وانت بخير يالغالي وعاش من شافك متواجد

صح لسانك وبيض الله وجهك على الجواب الصحيح وعوايدك يا بطل

الجواب والرجل المطلوب هو يوم الزينه
وهو يوم التحدي بين موسى عليه السلام وبين فرعون .. قال تعالى ))قَالَ أَجِئْتَنَا لِتُخْرِجَنَا مِنْ أَرْضِنَا بِسِحْرِكَ يَمُوسَىَ * فَلَنَأْتِيَنّكَ بِسِحْرٍ مّثْلِهِ فَاجْعَلْ بَيْنَنَا وَبَيْنَكَ مَوْعِداً لاّ نُخْلِفُهُ نَحْنُ وَلاَ أَنتَ مَكَاناً سُوًى * قَالَ مَوْعِدُكُمْ يَوْمُ الزّينَةِ وَأَن يُحْشَرَ النّاسُ ضُحًى (( طه 75 ،58 ،59
انشدك عن رجال بالزين موصوف>>واضح من اسم الجواب ..
فيه النصر من دون حرب وكلايف>> في يو الزينه نصر الله سيدنا موسى عليه السلام على فرعون وقومه بدون حرب وبدون جهد وتعب
عند الضحى وقته محدد ومعروف>>واضح من الآيه السابقه
والمنتصر قبل النصر كان خايف>> المنتصر في يوم الزينه هو موسى عليه السلام وكان خائفاً عندما القى السحرةُ حبالهم وعصيّهم .. قال تعالى )) فَأَوجَسَ في نَفسِهِ خِيفَةً مُّوسَى * قُلنَا لَا تَخَف إِنَّكَ أَنتَ الأَعلَى (( طه 67 ؛ 68
شخصين ضد الصف والعالم اتشوف>> موسى وهارون عليهما السلام ضد صف السحره والناس تنظر اليهم .. قال تعالى )) فَتَنَازَعُوَاْ أَمْرَهُمْ بَيْنَهُمْ وَأَسَرّواْ النّجْوَىَ * قَالُوَاْ إِنْ هَـَذَانِ لَسَاحِرَانِ يُرِيدَانِ أَن يُخْرِجَاكُمْ مّنْ أَرْضِكُمْ بِسِحْرِهِمَا وَيَذْهَبَا بِطَرِيقَتِكُمُ الْمُثْلَىَ * فَأَجْمِعُواْ كَيْدَكُمْ ثُمّ ائْتُواْ صَفّاً وَقَدْ أَفْلَحَ الْيَوْمَ مَنِ اسْتَعْلَى (( طه 62؛63؛64
لحظة تحدي ماوراها حسايف>> يوم نصر وعزه لدين الله عز وجل
دور وتلقى الحل من تسعة حروف>>يوم الزينه
وصفي كمل واللغز سهلٍ وكايف>>اتمنى ذلك


اشكر جميع من شارك والله يعطيكم العافيه

[عنآد العقاب]

صحّت ألسنتكم جميعاً عالإجابة والشرح الوافي .

[وجودك يكفي]

صح لسانك ياوجودك على اللغز الرائع

جااابر جاابها في الصميم والعلم عندك ياولد ثابت

يوم الزينة

قال تعالى " قال موعدكم يوم الزينة وأن يحشر الناس ضحي " طه 59

اجااابة البطل جااابر ،، كذا :sniper (37):

حياك الله ياخليجي وصح بدنك يالغالي

عزالله البطل جااابر جاب الجواب صح لسانه ولسانك

[وجودك يكفي]

صحّت ألسنتكم جميعاً عالإجابة والشرح الوافي .

صح بدنك ياعنآد العقاب ولاهنتي

[جااابر]

يعطيك العافيه اخوي ولد ثابت وانا والله اتحمس لشرحك للغز كثير,,, لاني حتى لو حليت اللغز فيه ابيات ماكون فاهم قصدك فيها مثل شخصين ضد الصف وشرحك كان وافي اشكرك جزيل الشكر واثريتنا بما تقدم
واشكر اخوي خليجي والجميع

[م ا ج د]

<--- اجل حلاو العيد انت ووجهك هههههههههههههههههههههههه

انا خلاص بطلت ماعاد اشارك في الغاز ،، لااا والادميرال يقول زكاة الفطر هههه

فعلا من شاف رمعة غيره هانت عليه رمعته هههههههههههه


جاابر صح لسانك وعز الله فقعت عينه على ماقالوا

وصح لسانك وعلا شانك يبو ثااابت على اللغز الطيب واشهد بالله انه كايف لكن بالنسبه لي صعب مو سهل :)

الله يعطيكم العافيه كلبوكم

[إبن ثعلي]

اول شئ من العايدين جمعيعاً
وثاني شئ لغز محكم جدا لكن بمجرد قراءته ومعرفتي بتركيزك ياولد ثابت على مصدر الغازك جيت مسرع لحله لكن لقيت جابر قد ذكاه قبلي
وتحياتي للجميع

[الأدميرال]

لاهنت ياولد ثابت بصراحه لغزك قوى

بس اعجبني ماجد يوم يقول حلاو العيد يوزعونه على والاطفال ويرحون صفين جابها على مزاجه ههههه كم انت رهيب ياماجد

[م ا ج د]

لاهنت ياولد ثابت بصراحه لغزك قوى

بس اعجبني ماجد يوم يقول حلاو العيد يوزعونه على والاطفال ويرحون صفين جابها على مزاجه ههههه كم انت رهيب ياماجد

يعني تنصحني اني اكمل مسيرتي في حل الالغاز ،، مع اني متحطم من داخل ،، تصدق يالادميرال اني حتى الغاز القناة المخيسه ذيك اللي اسمها سترايك اللي لغزهم صار له 5 سنوات ماغيروه محد حله للحين ،،
( شي اذا ذبحته تبكي عليه ) تصدق اني ماعرفت حله الا العام ، يعني مررره متأزم وضعي انا والالغاز.

بس برضو انت رمعتك ممتازه ،، وان شاء الله اللغز الجاي محد يفقع مخه الا انا أو انت ،

معلبيش يبو ثابت ع المداخله بس تخبر يدي تحكني ولازم اهذر هههه

الله يعطيك العافيه

[وجودك يكفي]

<--- اجل حلاو العيد انت ووجهك هههههههههههههههههههههههه

انا خلاص بطلت ماعاد اشارك في الغاز ،، لااا والادميرال يقول زكاة الفطر هههه

فعلا من شاف رمعة غيره هانت عليه رمعته هههههههههههه


جاابر صح لسانك وعز الله فقعت عينه على ماقالوا

وصح لسانك وعلا شانك يبو ثااابت على اللغز الطيب واشهد بالله انه كايف لكن بالنسبه لي صعب مو سهل :)

الله يعطيكم العافيه كلبوكم


صح بدنك ياماجد ولاهنت يالغالي

[وجودك يكفي]

اول شئ من العايدين جمعيعاً
وثاني شئ لغز محكم جدا لكن بمجرد قراءته ومعرفتي بتركيزك ياولد ثابت على مصدر الغازك جيت مسرع لحله لكن لقيت جابر قد ذكاه قبلي
وتحياتي للجميع

من الفايزين وكل عام وانت بخير يابوعبدالرحمن

ولاهنت ياشايبنا على تواجدك ومرورك

[وجودك يكفي]

لاهنت ياولد ثابت بصراحه لغزك قوى

بس اعجبني ماجد يوم يقول حلاو العيد يوزعونه على والاطفال ويرحون صفين جابها على مزاجه ههههه كم انت رهيب ياماجد

لاهنت يالادميرال والله يعطيك العافيه

[وجودك يكفي]

يعني تنصحني اني اكمل مسيرتي في حل الالغاز ،، مع اني متحطم من داخل ،، تصدق يالادميرال اني حتى الغاز القناة المخيسه ذيك اللي اسمها سترايك اللي لغزهم صار له 5 سنوات ماغيروه محد حله للحين ،،
( شي اذا ذبحته تبكي عليه ) تصدق اني ماعرفت حله الا العام ، يعني مررره متأزم وضعي انا والالغاز.

بس برضو انت رمعتك ممتازه ،، وان شاء الله اللغز الجاي محد يفقع مخه الا انا أو انت ،

معلبيش يبو ثابت ع المداخله بس تخبر يدي تحكني ولازم اهذر هههه

الله يعطيك العافيه


الله يعافيك ياماجد ولازم تكمل مسيرتك ومحاولاتك في حلول الألغاز