لغز ،رجلٍ تشوف الموت بوجوده(محلول)من ابن ثعلي صح لسانه وبيض الله وجهه

[{ أبوفيصل }]

جبت لكم لغز على طلبكم كذا :icon30: وهذا هو بين يديكم


ياويش رجلٍ تشوف الموت بوجوده =والموت لا من حضر ياناس وشلونه
حضّر وتاليه موتٍ لاَخر احدوده =لو ماش موتٍ على الواقع تشوفونه
تراه من ماضي الأزمان وعهوده =غلاه بقلوب عربانٍ يحبونه






أضفنا البيت الثالث واَمل اعادة قراءة اللغز

>> اماّ تحلونه ولاّ انتحر من كيفه كذا <<
:SnipeR (98):

[وجودك يكفي]

صح لسانك ياكابتن خليجي ولاهنت على اللغز الجميل

جاااري البحث

[إبن ثعلي]

رمعه ولاني واثق منها اظنه النوم

[مهـرة مـطير]

صح لسآنك يـ خليجي

جآري التفكير

[{ أبوفيصل }]

صح بدنك ياوجودك وياهلابك

جاري الأنتظار ولو اني متوقعك تذبحه لامحال

:)

[{ أبوفيصل }]

حياك الله يابن ثعلي ومرحبابك
مالك لوا طال عمرك

[{ أبوفيصل }]

صح بدنكـ يامهره

جاري الأنتظار

[فوفو الطنايا]

صح لسانك


مع اني تركت الرمعات خخخ

بس بجرب حظي هالمره


هل هو السيف.................................

[الأدميرال]

صح لسانك خليجي

وغـلاه بقلـوب عالـمٍ يحبـونـه
جاري فك اللغز

[الأدميرال]

الجهاد في سبيل الله

[وجودك يكفي]

وش رايك في الكفن والعالم اللي يحبونه ويغلونه هم اخوانا السودانيين يلفونه فوق روسهم ..
أو قطار الموت

[الأدميرال]

ههههههههه
لايطلع هو بس

[{ أبوفيصل }]

حياكـ الله يافوفو الطنايا
السيف مالكـ به لوا ، حاولي دون يأس وستجدينه :SnipeR (22):

[{ أبوفيصل }]

محاوله جيده يالأدميرال ولكن مالك لوا
للجهاد في سبيل الله انواع لايعني الموت في جل معانيه ولو نبي نعدد انواعه تطول القائمه
والمقصود باللغز هو موت تشاهده بعينك والكل يشوفه

[{ أبوفيصل }]

هلابك ياوجودك لا الكفن ولا هو قطار الموت ، مالك لوا
اذا على الكفن من يحبه !! واذا على العِمّه فالمطلوب اسم مذكر

تراه من ماضي الأزمان وعهـوده & وغـلاه بقلـوب عالـمٍ يحبـونـه

^^^
أعطه لكمات متواصله واحكم ضربتك ياريس أذنّك تطرح سنونه :20: :SnipeR (70):

[الأدميرال]

الانتحار

[{ أبوفيصل }]

مالك لوا

[الأدميرال]

القصاص

[{ أبوفيصل }]

مالك لوا

[الأدميرال]

الشهاده

[{ أبوفيصل }]

المطلوب اسم رجل

مالك لوا

[مطنوخه الهيلا]

المطر او البروق او الرعد



<<< وجاري الانتحار

[{ أبوفيصل }]

مالكـ لوا يالمطنوخـه

الله يطيّب فالكـ
:)

[مطنوخه الهيلا]

المطر او البروق او الرعد



<<< وجاري الانتحار

[{ أبوفيصل }]

مالكـ لوا يالمطنوخـه

الله يطيّب فالكـ
:)

[{ أبوفيصل }]

يااخوان انا والله مااحب أعقدكم بالألغاز وعلى شانكم جبت السهل ولاّ انتم تهدون الصعايب
لكن عندما ذكرت الموت باللغز فالمقصود موتٍ لايحتمل تأويل ،الله يبطي بسنينكم ويطوّل أعماركم

اللغز سهل وهذا في نظري هو السهل الممتنع

:SnipeR (61):

[الأدميرال]

الحلم

[{ أبوفيصل }]

الله يحقق أحلامك :)

مالكـ لوا

[فوفو الطنايا]

اوكي ياخليجي .

طيب شرايك بالجمااااااال...

[فوفو الطنايا]

الجمال اقصد به الجمال الشيء الجميل

والشعراء تغنوا بجمال المرأه

هل الجمال هو الحل ياخليجي

:)

[وجودك يكفي]

لكن عندما ذكرت الموت باللغز فالمقصود موتٍ لايحتمل تأويل ،الله يبطي بسنينكم ويطوّل أعماركم



يعني تقصد بالموت خروج الروح من الجسد ...

الظاهر ياخليجي مايحل هاللغز غير شخص توفاه الله ثم أحياه بعد موته ويعرف الشي اللي شافه ويذكر لنا الموت وش لونه

وش رايك في العزاء

أو لقاء الله >> من احب لقاء الله احب الله لقائه

[فوفو الطنايا]

شي نشوف الموت بوجوده
وقديم وبالماضي نعرفه
ونحبه ونغليه بكل الأزمان

!!!!!!!!!!!!!!!!!!!!!!!

والله مدري :(

[{ أبوفيصل }]

ياويش رجلٍ تشوف الموت بوجوده =والموت لا من حضر ياناس وشلونه
تراه من ماضي الأزمان وعهوده =وغلاه بقلوب عربانٍ يحبونه


لا والله ياوجودك أنت ماودّك تحله ، على كل حال هذا اللغز بين يديكم
والوعد ان الله أحياني وأحياكم بعد العيد ، أماّ حليتوه ولاّ جيتكم بـ حله

:)

[{ أبوفيصل }]

مالكـ لوا يافوفو الطنايا ، المسأله فيها موت انتبهي

:18:

[فوفو الطنايا]

الصيد اوالقنص..

وان شاءالله بينحل قبل العيد واللي بيحله وجودي او ابوسعد ان شاءالله

احسهم منتبهين للغز وحله ان شاءالله معهم..

وتسلم على هالالغاز الحلوه..

[وجودك يكفي]

لا والله ياوجودك أنت ماودّك تحله ، على كل حال هذا اللغز بين يديكم
والوعد ان الله أحياني وأحياكم بعد العيد ، أماّ حليتوه ولاّ جيتكم بـ حله



ههههههههه بالعكس ياكابتن ودي احله وافقع وجهه ..

خلاص مدام الوعد بعد العيد اجل لاتقرب ولا تبعد الجواب وخلنا نفكر فيه على رواقه...:SnipeR (26):

[{ أبوفيصل }]

الصيد اوالقنص..

وان شاءالله بينحل قبل العيد واللي بيحله وجودي او ابوسعد ان شاءالله

احسهم منتبهين للغز وحله ان شاءالله معهم..

وتسلم على هالالغاز الحلوه..

-----------------------------------------------------------


مالكـ لوا وتسلمين يافوفو الطنايا
الله يعينهم ويعينكـ ،، الى بعد العيد ولها ميّة حلاّل

:)

[الأدميرال]

السم او السمسم

[{ أبوفيصل }]

مالك لوا يالأدميرال

[الأدميرال]

السلاح

[{ أبوفيصل }]

مالك لوا

[{ أبوفيصل }]

اقترح يكون الرد على رمعاتكم خاصة على هاللغز عند كل خمس صفحات وهكذا

الى ان تتوصّلون لـ حله وش رايكم

[الأدميرال]

رايك هو الصواب طال عمرك بس لو تكون ثلاث

[{ أبوفيصل }]

وبراااااسك ثلاث يالأدميرال :)

بعد كل ثلاث صفحات يكون الرد على جميع الرمعات

[الأدميرال]

يسلم راسك يابطل
وش تقول بالنار

[{ أبوفيصل }]

ومن قال سالم
مالك لوا يالأدميرال

[جااابر]

وش تقول في الكبر اقصد طول العمر
اطال الله اعمارنا في طاعته

[العتيبي مطلق]

صح السانك ياخليجي....... وش رايك في عيد الضحيه

[{ أبوفيصل }]

مالك لوا ياجااابر ماهو بالكبر الله يجزاك خير

[{ أبوفيصل }]

صح بدنك يالعتيبي مطلق
مالك لوا ،، الله يطوّل بأعماركم

:)

[جااابر]

خليجي عندي اكثر من رمعه وش رايك بالخمر او المسكرات او الدخان
طيب التفحيط او مهنة الغوص عاد ماعاد خليت شي يقصر العمر الا وجبته
عندى سؤال هو شي كان موجود قديما ومازال !!

[{ أبوفيصل }]

مالك لوا ياجااابر بكل ماذكرت

ولا تشغل روحك بالعمر كله طوله وقصره

[{ أبوفيصل }]

رداًّ على سؤالك اخوي جااابر

بالنسبه للرجل هذا من قديم الأزل ولازال قائم وموجود وعهده قديم وانت اذا شفته تشوف الموت

:)

[جااابر]

لا اله الا الله
طرى علي حفار القبور واللي يحبونه شخصية اندر تيكر المصارع !!
ادري روعتك برمعتي لكن هي مدخل للسؤال هل اسم الرجل اللي بوجوده نشوف الموت فقط مشابه لاسم اللي يحبونه بعض العرب دون المطابقه له في المضمون
اذا بتأجل الاجابه للعشر الاواخر ماعندك مشكله !

[{ أبوفيصل }]

هههههههههههه كفانا الله شره - لاتروّع بعض ربوعنا والله ماتشوف لك رامع

لاتوضيح بعد ذلك

[فوفو الطنايا]

ياويـش رجـلٍ تشـوف المـوت بوجـودهوالموت لا من حضر ياناس وشلونه
تـــراه مـــن مـاضــي الأزمـــان وعـهــودهوغـــــــلاه بــقــلـــوب عـــربــــانٍ يـحــبــونــه






الحب... فكرت بالحب والعشق هههههههه

[فوفو الطنايا]

او الفراق .. اللي يذبح>>> طرت لي طواري هههههههههههههه

[فوفو الطنايا]

او القلب...

يالعشق والحب

او الفراق او القلب ههههههههه

وش تقول ياخليجي ؟؟؟؟

[فوفو الطنايا]

جت رمعاتي ورا بعض
سوري ... اسفه شسوي ههههه


يالحب والعشق
او
الفراق
او
القلب
او
الشعــــــــــــــــر اللي يقولونه الشعراء :)

[الـمـلـكـي]

برمع لي رمعه وأظنها صآئبه

مآهو ملك آلموت يآخليجي

وصح لسآنك يآعزيزي

[{ أبوفيصل }]

فوفو الطنايا ،، مالكـ لوا

[مهـرة مـطير]

يمكن العين (الحسد)

[{ أبوفيصل }]

الملكي صح بدنك اخوي

مالك لوا

[{ أبوفيصل }]

مهرة مطير

مالكـ لوا المقصود رجلٍ اذا شفتيه تشوفين فيه الموت

[الأدميرال]

الظلام او الليل

[{ أبوفيصل }]

مالك لوا يال|ادميرال

[الأدميرال]

الزير او طبول الحرب

[وجودك يكفي]

مهرة مطير

مالكـ لوا المقصود رجلٍ اذا شفتيه تشوفين فيه الموت


وش تقول ياخليجي في الإنسان والشخص الميت إذا شفناه نشوف فيه الموت ،، والعربان اللي يحبونه هم أهله وذويه

[{ أبوفيصل }]

مالك لوا يالأادميرال

[{ أبوفيصل }]

مالك لوا ياوجودك اللي تشوفه تشوف فيه الموت ليس انسان ميت

ياعزيزي اللغز تقدر تسميه بالسهل الممتنع ،، كيف ماادري :) وانت سيد العارفين

[وجودك يكفي]

ياعزيزي اللغز تقدر تسميه بالسهل الممتنع ،،

وهو كذلك سميناه السهل الممتنع وعسى الله يجيب الجواب الغايب عن الذهن والبال:03erwhl13::confused:

[جااابر]

وش تقول في مرض السرطان عافانا الله واياكم منه
واللي يحبونه سرطان البحر اكله بحريه
وتبا الصراحه لغزك مفارقه السهل الممتنع الا صعب ولا به شي اذا شفناه نشوف الموت ياكود القبر
بس من يحب المقابر غير الحانوتي

[جـــلادة]

مساكم الله بالخير
صح لسانك أخوي خليجي والله يعطيك ألف عافية
عندي رمعه وعساها تصيب
وش قولك "بالمرض " والعربان إلي يحبونه الصحابه رضوان الله عليهم
كانوا يحبونه ويتمنونه لانه يمحي الذنوب والله أعلم
وهذا علمي وسلاااااامتك

[{ أبوفيصل }]

وش تقول في مرض السرطان عافانا الله واياكم منه
واللي يحبونه سرطان البحر اكله بحريه
وتبا الصراحه لغزك مفارقه السهل الممتنع الا صعب ولا به شي اذا شفناه نشوف الموت ياكود القبر
بس من يحب المقابر غير الحانوتي


اقتباس مشاركة جااابر _________________________________

مالك لوا ،، كفانا الله وياك والمسلمين شر هالمرض ياجااابر

ههههههههههه تبا الصرحه انا اقول ماعطيت اللغز تركيزك ولاّ يمديك شتّه شوت :)

،، لكن مادام حنا مقبلين على شهرً كريم وبالمناسبه وش رايكم اضيف بيت ونشوف من يحله

[{ أبوفيصل }]

مسّاكـ الله بالنور ،، صح بدنكـ وحياكـ الله ياجلاده
رمعتكـ مالكـ بها لوا ،، الله يسلمكـ

[جااابر]

يعطيك العافيه ياخليجي لو تزيدنا بيت او بيتين يمكن نقدر نحله
قديديم العيد

[الأدميرال]

السيل

[{ أبوفيصل }]

الأدميرال
مالك لوا بالسيل

[جـــلادة]

طيب وش قولك في البحر

[{ أبوفيصل }]

ويعافيك ياجااابر
وهذا هو البيت لكن حطيته ثاني ،، والسموحه اذا بغيتوه فالأخير مايفرق


ياويش رجلٍ تشوف الموت بوجوده = والموت لا من حضر ياناس وشلونه
حضّر وتاليه موتٍ لاَخر احدوده = لو ماش موتٍ على الواقع تشوفونه
تراه من ماضي الأزمان وعهـوده = غـلاه بقلـوب عربـانٍ يحبونـه

:SnipeR (90):

[جااابر]

ماقصرت وصح لسانك
وش تقول في التطور والتقدم
بس الشطر الثاني من البيت الجديد ينفي انه موت حقيقي واقعي
بعدين تقصد بالحضر اهل المدن والمعذره

[{ أبوفيصل }]

مالك لوا ياجلاده ماهو بالبحر

وعذراً ،، سأضطر للخروج و لي عوده بأذن الله

[جااابر]

الله يحفظك وبنرمع لين تعود

[فوفو الطنايا]

هل هو الجراد خخخ

[فوفو الطنايا]

ياويش رجلٍ تشوف الموت بوجوده = والموت لا من حضر ياناس وشلونه
حضر وتاليه موتٍ لاَخر احدوده = لو ماش موتٍ على الواقع تشوفونه
تراه من ماضي الأزمان وعهـوده = غـلاه بقلـوب عربـانٍ يحبونـه


http://www.otaiby.com/vb/images/smilies/SnipeR%20(90).gif

والله يحير هاللغز

:)

[{ أبوفيصل }]

صح بدنك هلا بك جااابر اقراأ اللغز مرةٍ ثانيه تم اضافة البيت وفيه تعديل فالبيت المُضاف
لعلك تهتدي لشيء متوزّي هنا ولاّ هنا ههههه خلّصونا من هاللغز ماعاد باقي غير انا مارمعته

:)

[{ أبوفيصل }]

فوفو الطنايا
مالكـ لوا

[{ أبوفيصل }]

باقي صفحه ويصير 10 من 10

:SnipeR (90):

[فوفو الطنايا]

التلفاز :)

[مهـرة مـطير]

شتقول في النوم

[الأدميرال]

بخصوص اني توي صاحي من النوم والجوع موت
وش رايك بالجوع

[مهـرة مـطير]

يمكن يكون ميدآن الحرب

[فوفو الطنايا]

التلفزيون

او

النفط

او

الجمل

والله كل شيء قلناه برمعاتنا هههههههههههه

[جااابر]

وأد البنات

[العنود البريكي]

الغزو يمكن

[آلعطـ خ ــآوي]

صح السانك - لغز مجنون او فيه جنيه ههههه

رمعة وجودك الاوله مضبوطه 100% وشارع الموت تمام بس ماظني احد يحبه -برمع وش رايك غاز الخردل الي يذبح والغاز الهوى يحبونه الناس وش رايك يخليجي

[إبن ثعلي]

اتعبتني ياخليجي لكن الحل (حضرموت) ويحبونه اهله

[وجودك يكفي]

ماشاء الله عليك يابو عبدالرحمن جبت فيه العيد قبل العيد صح لسانك وبيض الله وجهك

[إبن ثعلي]

الله لا يهينك ياولد ثابت لكن خلنا نشوف خليجي لايكون عنده علم ثاني

[وجودك يكفي]

والله يابو عبد الرحمن رمعة حضرموت خطيرة وراكبه على البيت الثاني ،، ولو قلت وادي حضرموت عشان يصبح الجواب مذكر ،، على العموم ننتظر الكابتن خليجي والعلم الأكيد عنده

[جااابر]

ماشاء الله عليك ياابن ثعلي جبتها والعلم عند راع اللغز
وصح زي ماقال ولد ثابت الارجح وادي حضرموت لانه مذكر
وحنا تهنى عنه اعتقدناها موت لايحتمل التأويل مثل ماقال خليجي لكن اكيد له مغزى اخر

[إبن ثعلي]

ماشاء الله عليك ياابن ثعلي جبتها والعلم عند راع اللغز
وصح زي ماقال ولد ثابت الارجح وادي حضرموت لانه مذكر
وحنا تهنى عنه اعتقدناها موت لايحتمل التأويل مثل ماقال خليجي لكن اكيد له مغزى اخر


حضرموت وبس بلد والا وادي والا جبل اللي يكون
ومشكور ياجابر

[الأدميرال]

ياويش رجلٍ تشوف الموت بوجودهوالموت لا من حضر ياناس وشلونه
حضّر وتاليه موتٍ لاَخـر احـدودهلو ماش موتٍ على الواقع تشوفونه
تراه من ماضي الأزمان وعهـودهغـلاه بقلـوب عربـانٍ يحبونـه


حضّر وتاليه موتٍ
؟؟؟؟؟؟؟؟؟؟؟؟؟؟؟
وش تقول ياخليجي في رمعت ابن ثعلي

[{ أبوفيصل }]

(( حضرموت ))

:ongue::ongue::ongue::ongue::ongue::ongue:

صح لسااانك يابن ثعلي أهنئك على معرفتك لـ دهاليز اللغز وخباياه ..

نبذه مختصره عن حضرموت قبل شرح ابيات اللغز ،، قد اختلفوا أهله قديماً على معنى اسمه
والغالبيّة قالو بأنه لقب لحاكم البلد قديماً كان يقتل ويسفك الدماء في سلم او في حرب وأطلقوا عليه حضرموت
وذهب اَخرون بأنه مسمّى لواديه الذي تكثر فيه الأفاعي وما أن يحضر أحداً اليه الاّ قتلته الأفاعي
فحضرموت منذ القدم على عصر عاد وثمود معروفه .


ياويش رجلٍ تشوف الموت بوجوده = والموت لا من حضر ياناس وشلونه
حضرموت : كلمة موت موجوده في اسمه ،، والموت اذا حضر فهو حضر موت ....

حضّــر وتاليه مــوتٍ لاَخــــر احـدوده = لوماش موتٍ على الواقع تشوفونه
حضر وتالي اسمه موت واضح ،، والواقع لا يوجد موت حقيقي عدا كلمةً في اسمه ....

تراه من مــاضي الأزمــان وعهـوده = غــــلاه بقلــــوب عــربـانٍ يحـبونـه
حضرموت كـ بلدٍ توالت عليه العصور ،، فأهله وشعبه يحبونه منذ الزمان الغابر والحاضر


أحيّي كل من شارك فرداً فرد واقول هاردلك وخيرها بغيرها
واشكركم كل الشكر على تفاعلكم الحي ومحاولاتكم القويّه
وحيّوا معي أبو عبدالرحمن اللي حل اللغز وقولو معي صح لساااانك

[فوفو الطنايا]

هههههههه
الف مبروك عالحل يابن ثعلي

لللللللووووووش

الحمدلله انحل قبل العيد ههههههههه

وفعلاً ياجابر لو ركزنا بالبيت الثاني والله يمكن حليناه

انا مشكلتي مااركز بالبيوت الشعريه كثر مااركز بالفكره

ماشاءالله على بن ثعلي :)

وبأنتظار لغز أخر من خليجي او وابن ثابت او الشعراء الموجودين..

وبأمان الله..

[.*إنـْسَـآن عَـآدِي*.]

صح لسان إبن ثعلي وعلى شانه ،

ولاهنت يا خليجي على اللغز

والالغاز الجاية موعدنا ~> تحديّ : )

[ابوسـعد]

محاولة متميزة من قاضينا وصح لسان الاثنين خليجي وابن ثعلي وياهلاوغلا

[وجودك يكفي]

صح لسانك للمرّة الثانيه يابو عبدالرحمن وبيّض الله وجهك يالقاضي على الجواب القاضي
لاهنت ياخليجي والله يعطيك العافيه ياكابتن

[العتيبي مطلق]

صح السانك يابن ثعلي وبيض الله وجهك

[ابو بخيت]

صح السانك يالخليجي وصح السان من حله

[{ أبوفيصل }]

صح بدنك يا بوبخيت ،، حياك الله

[آلعطـ خ ــآوي]

صح السانك يالثعلي والله ان ناسي الغز ماشفت حله والله صح السانك والسان راعيه= حضرموت