لغز ،، عن بنتٍ شريفه (محلول ) من جااابر صح لسانه

[{ أبوفيصل }]

أنا بنشدك عن بنتٍ شريفه =لها تسعة عشر قولٍ وكادي
تبدي فالمشاريف المنيفه =ومبداها يْعَرْفه كل بادي

[{ أبوفيصل }]

سيييييب اللغز ياوجودك يتحرر من هجماتك ياهووو هههههه
خلّنا نشوف الربع كيف يقولون به

:)

[الأدميرال]

صح لسانك يالعطاوي

وجاري التفكير

[{ أبوفيصل }]

حياك الله يافيصل

بانتظـارك وياليت تعطب مضاريبه عقب هالغيبه

:)

[الأدميرال]

هو احتمال كبير انه نجم او ايام من ايام السنه
بس جاري التفكير

[{ أبوفيصل }]

مالك لوا

[الأدميرال]

يعني اجنب وابعد التفكير عن النجوم والايام

تسعة عشر قول هي العقده

وش رايك باالاشاره الضوئيه

[{ أبوفيصل }]

تسعة عشر << قولٍ وكادي

الاشارة مالك بها لوا رمعه بعيييده

حاول و لي عوده

[الأدميرال]

خليجي ممكن استعين بصديق
ويييينك ياوجودك

[وجودك يكفي]

صح لسانك ياخليجي والله يعطيك العافيه ياكابتن ولاهنت على اللغز الرائع

ابشر بسيبه في حاله ولكن الظاهر إنهم عشرين وترى فيه قولٍ ماهو واضح مثل الباقين وتلقاه بين 12 و 13

[جااابر]

وش تقول في البسمله عدد حروفها تسع عشر اذا ماني مخطي

[الأدميرال]

صح لسانك ياخليجي والله يعطيك العافيه ياكابتن ولاهنت على اللغز الرائع

ابشر بسيبه في حاله ولكن الظاهر إنهم عشرين وترى فيه قولٍ ماهو واضح مثل الباقين وتلقاه بين 12 و 13


ارحب ياولد ثابت

اشوف الارقام زادت اولا تسعت عشر والحين عشرين

بس عندي رمعه الدله

[وجودك يكفي]

يالادميرال وش رايك نأيد رمعة الذيب جاااابر ،، لأن رمعته فالصميم والراي الأكيد عند الكابتن خليجي

[الأدميرال]

رمعت جابر خطيره
بس خليجي يقول في روس المشاريف وش يودي البسمله في روس المشاريف
واذا على البسمله تنقال فالمشاريف وغير المشاريف والعلم عند الله ثم صاحب اللغز

[{ أبوفيصل }]

صح بدنك ياريس حرفياّ 19 وكلامك مااقول فيه شي
مع العلم ان اللي تقصده لفظيّاً 21 وليس 20
وجاي بالشرح عند الرد على رمعة جابر

[{ أبوفيصل }]

بيض الله وجيهكم ياوجودك انت والأدميرال على تأييدكم لرمعة جااابر بالفعل جات بالصميم

[{ أبوفيصل }]

>> ارجو قراءة الشرح لمن اراد التوضيح <<

وش تقول في البسمله عدد حروفها تسع عشر اذا ماني مخطي


:ongue: صح لسااانك :ongue:
بسم الله عليك ياجااابر نعم الجواب (( البسمله )) عدد حروفها 19 حرف
تقولون ليش ؟! أقول عدوّ المكتوبه حرفياً علماً بأن ماكان يقصده اخي وجودك بالعدد
هو عددها لفظيّاً 21 لو كنّا قد حسبنا الألف في لفظ الجلاله ( الله = الرحمن )
نجي على شرح أبيات اللغز ..

بسم الله الرحمن الرحيم

أنا بنشدك عن بنتٍ شريفه = البسمله مشرّفةً بلفظ الجلاله وبها من أسماء الله الرحمن الرحيم
لها تسعة عشر ، قولٍ وكادي = عدد حروفها كما هي مكتوبه 19 حرف كتابةً لا.. لفظاً
تبدي فالمشاريف المنيفه = واضحه في مشارف السور الكريمه فوق وبالكتب والخطابات وغيرها
ومبداها يْعَرْفه كل بادي = البداية بالبسملة عندكل بادىء ذي بدء معروفه


شكراً كل الشكر لمن شارك

[وجودك يكفي]

صح لسانك ياجاااابر وكفو يالذيب
وصح لسانك ياخليجي ولاهنت على اللغز الجميل

[الأدميرال]

ياسلام عليك ياجابر جبتها من اول رمعه

بس انا مازلت مصمل اعرف كيف افك اللغز
روس المشاريف المنيفه قاعد افكر في ضلع و المملكه والفيصليه وطلعت البسمله ما شالله عليك ياجابر

خليجي و جودك جابر لاهنتو

[جااابر]

بيض الله وجهك خليجي ويعطيك الف الف عافيه

وانا من تاييد ولد ثابت والادميرال ارتحت وتأكدت من صحة اجابتي
لكم كل الشكر