لغز ،،عن ورعٍ ماشف الهوى بـ شفه (محلول) من ابن ثعلي صح لسانه

[{ أبوفيصل }]

شفت لي ورعٍ غدا مثل الربيطه =قيل ماشفْ الهوى دايم بـ .شفّه
أشوف أمثاله على وجه البسيطه =منهو اللي يالعوارف مايْعرْفه
البلا ولْيا امتلا يبلش وريطه =يختفي ولْيااختفى مافاد خفّه
وكان ماجت به مطمّاتٍ تحيطه =بلْكي يشرب شرْبةٍ تبعد مهفّه

[وجودك يكفي]

صح لسانك ياخليجي ولاهنت على اللغز الجميل

جاري البحث

[{ أبوفيصل }]

وينكم يااهل الألغاز ، أحدٍ له نظر أحدٍ له شف

صح بدنك ياوجودك

[جااابر]

صح لسااانك ياخليجي اول ماشفت لغزك انبسطت
وش تقول في نوع من الطرطعان يقاله الثوم
وان كان حلي خطأ احذف اجابتي وانا اخوك مالي وجه احد يشوفها
والا دخلت متلطم هههه

[{ أبوفيصل }]

صح بدنك ياجاابر وياهلا وغلا
ودوّر غير هالرمعه
ابد أنت ارمع مايحتاج لطمه برّد على قلبك :SnipeR (89):

[جااابر]

ياخليجي وش تقول في الشاهي او اكياس اللبتون
وانا الليله بكثف القصف عليه اما سلم والا ذبحنااه

[{ أبوفيصل }]

ياخليجي وش تقول في الشاهي او اكياس اللبتون
وانا الليله بكثف القصف عليه اما سلم والا ذبحنااه

مالك لوا ياجااابر ،، اقصف ولا عليك

[جااابر]

طيب وش تقول في الطعم للصيد

[{ أبوفيصل }]

طيب وش تقول في الطعم للصيد

مالك لوا

[ناصرالذيابي]

علبه الدخان

[مهـرة مـطير]

صح لسآنك يـ خليجي

شتقول في البآلون

[{ أبوفيصل }]

علبه الدخان

مالك لوا ياناصر وياهلا وغلا فيك

[{ أبوفيصل }]

مالك لوا يامهره مطير
رمعه حلوه ولكن ليس بالبالون

[{ أبوفيصل }]

لكم مني هاللغز الجديد عسى ينال اعجابكم


شفت لي ورعٍ غدا مثل الربيطه =قيل ماشفْ الهوى دايم بـ .شفّه
أشوف أمثاله على وجه البسيطه =منهو اللي يالعوارف مايْعرْفه
البلا ولْيا امتلا يبلش وريطه =يختفي ولْيااختفى مافاد خفّه


الله اكبر وين ايام الحماس والتفاعل والتنافس الله يعيد ايامها
ودي واحترامي :wardah:

[أنثى نادرة]

ايش تقول في العلك

او فقاعة الصابون

وصح لسانك خيوووو

[عنود]

صـــــــــــح لســــــــــــانكـــــ يالغــــــــــــــــالي,,,,,,وانااتــــــــــوقع الاجـــــــــــــابه,,,,,,,الأنثــــــىيــــــــــ ــــــارب تكــــــــــــــــــــون اجابتي صــــــــــــــح:sceer::sceer:

[جااابر]

وش تقول في العمر

[{ أبوفيصل }]

ايش تقول في العلك

او فقاعة الصابون

وصح لسانك خيوووو

مالكـ لوا

[{ أبوفيصل }]

صـــــــــــح لســــــــــــانكـــــ يالغــــــــــــــــالي,,,,,,وانااتــــــــــوقع الاجـــــــــــــابه,,,,,,,الأنثــــــىيــــــــــ ــــــارب تكــــــــــــــــــــون اجابتي صــــــــــــــح:sceer::sceer:

صح بدنكـ ياعنود مااالكـ لوا

[{ أبوفيصل }]

ماالكـ لوا ياجااابر

بما أن الجميع أبعد مراميعه عن الحل الصحيح
وش رايكم أضيف لي بيت رابع وبشرط تحلونه

[جااابر]

ياليت تضيف بيت رابع بس قبل تضيفه بسألك عن يقيد في ربيطه
انا فهمتها انه مربوط بربطه وتصغيرها ربيطه كما ذكرت انت
بعدين قلت يمكن تقصد ان الورع مربوط باللي رابطه ؟؟

[{ أبوفيصل }]

مرحبا جااابر اللغز يمكن اذا اضفت الرابع راح يتضح لك وش هو ربيطه

والربيطه ماهو تصغير لاحظ اني ما سكّنت الياء بالكلمه ( ربيطَه ) والمقصود كل شي يُربط > فهو ربيطه
زي مايقولون البدو ( الرِّبْق )

[{ أبوفيصل }]

تم اضافة البيت الرابع + تعديل بسيط في الشطر الأول




شفت لي ورعٍ غدا مثل الربيطه =قيل ماشفْ الهوى دايم بـ .شفّه
أشوف أمثاله على وجه البسيطه =منهو اللي يالعوارف مايْعرْفه
البلا ولْيا امتلا يبلش وريطه =يختفي ولْيااختفى مافاد خفّه
وكان ماجت به مطمّاتٍ تحيطه =بلْكي يشرب شرْبةٍ تبعد مهفّه

[جااابر]

يااافكايري في هالورع
احس الزياده في الابيات ضيعتني اكثر لكن يعطيك العافيه

وش تقول في القطن او السكر
واذا خطأ محد قرب للحل ؟؟

[{ أبوفيصل }]

رمعتك ماهي حوله ياجااابر ابعد عن السكريات والأكلات حتى المشروبات

:)

الزياده لعلمك زادته توضيح ، شغّل التيربو وهات حله

[جااابر]

والله ماعاد احيط مدري من السهر والا قاطيني عين
ميري اقروا علي اذني احله ههههه
حاس اني بلقاااه الظهر مذبوح

[{ أبوفيصل }]

ههههههههههههههههههه

الزياده وزدته ما باقي غير الحل
لكن ذبحته والله العالم معاد هي ببعيده مير لاتبعد

:)

[جااابر]

خليجي انا عقب ردك طرى علي النوم
وش تقول في النوم او النعاس

[{ أبوفيصل }]

مااالك لوا

والنوم صحة الأبدان يارفيقي

:)

[جااابر]

المحسود

[{ أبوفيصل }]

ماااالك لوا ،، رمعه سماااوية

[إبن ثعلي]

بعض الفاظ اللغز مافهمتها لكن ويش رايك ياخليجي في الزورق في البحر اذا ماجت به الجاديف يمكن يمتلي من ماء البحر ويغرق ويهف ماعاد يعود

[مشروع فيلسوفه]

صح لسانك ياخليجي على هاللغز
من حطيت اللغز وانا احاول افهمه <<افهمه مو احله

بس اجابه على الطاير ..المحقان

ولاني عارفه انه غلط هل هو شي مربوط بمعنى مربوط

[{ أبوفيصل }]

صح لساانك يابوعبد الرحمن والألفاظ ماتستعصي عليك ياقاضينا
بيض الله وجهك على الحل القاضي
:SnipeR (37):

شفت لي ورعٍ غدا مثل الربيطه = قيل ماشفْ الهوى دايم بـ.شفّه
الزورق او القارب يربطونه مثل الربيطة من البهايم ، وللقارب مرسى ويُربط في مرفأ السفن حتى لاينجرف في البحر
والزورق او القارب او اليخت هو نوع من انواع السفن البحريّه
ومثل ماقيل عنه ((تجري الرياح بما لاتشتهي السفن)) لذلك عادةً يعاكس الرياح مجراه

أشوف أمثاله على وجه البسيطه = منهو اللي يالعوارف مايْعرْفـه
تجد أمثاله وشكله فوق الارض وجميع ماتم بناءه على (شكل يخت او قارب) وافضل مثال مالقّب به الجمل سفينة الصحراء

البلا ولْيا امتلا يبلش وريطـه = يختفي ولْيااختفى مافاد خفّـه
الزورق او القارب قد تعصف به الرياح والأمواج ويمتليء بالماء ويتسبب لركّابه بالغرق
والزورق ليس كالباخره في حجمه ولخفة وزنه قد يموج به البحر فلا تراه

وكان ماجت به مطمّاتٍ تحيطه = بلْكي يشرب شرْبةٍ تبعد مهفّـه
امواج البحر المتلاطمه اذا ماجت بالزورق طمّته وأغرقته
ويمكن لمياه البحار المتلاطمه تأتي عليه ويغرق ثم تهوي به في قاع البحر

[{ أبوفيصل }]

صح بدنكـ يافيلسوفه
مالكـ لوا . اللغز قضا عليه ابن ثعلي وهذه صورة لقارب مربوط مع التحيه

http://www.alamuae.com/gallery/data/thumbnails/73/1567062-5021a0185f086c58.jpg (http://www.alamuae.com/gallery/img19544.htm)

http://img410.imageshack.us/img410/3169/16ga6.jpg

[وجودك يكفي]

صح لسانك يابو عبدالرحمن وماشاء الله تبارك الله ، ولاهنت ياخليجي والله يعطيك العافيه

[إبن ثعلي]

صح لساانك يابوعبد الرحمن والألفاظ ماتستعصي عليك ياقاضينا
بيض الله وجهك على الحل القاضي
:sniper (37):

شفت لي ورعٍ غدا مثل الربيطه = قيل ماشفْ الهوى دايم بـ.شفّه
الزورق او القارب يربطونه مثل الربيطة من البهايم ، وللقارب مرسى اويُربط في مرافأ السفن حتى لاينجرف في البحر
والزورق او القارب او اليخت هو نوع من انواع السفن البحريّه
ومثل ماقيل عنه ((تجري الرياح بما لاتشتهي السفن)) لذلك عادةً تعاكس الرياح مجراه

أشوف أمثاله على وجه البسيطه = منهو اللي يالعوارف مايْعرْفـه
تجد أمثاله وشكله فوق الارض وجميع ماتم بناءه على (شكل يخت او قارب) وافضل مثال مالقّب به الجمل سفينة الصحراء

البلا ولْيا امتلا يبلش وريطـه = يختفي ولْيااختفى مافاد خفّـه
الزورق او القارب قد تعصف به الرياح والأمواج ويمتليء بالماء ويتسبب لركّابه بالغرق
والزورق ليس كالباخره في حجمه لذا لخفة وزنه قد يموج به البحر فلا تراه

وكان ماجت به مطمّاتٍ تحيطه = بلْكي يشرب شرْبةٍ تبعد مهفّـه
امواج البحر المتلاطمه اذا ماجت بالزورق تغطيه وتطمّه
ويمكن لمياه البحار المتلاطمه تأتي عليه ويغرق ثم تهوي به في قاع البحر

انا ياخليجي بلشت بكلمة ماجت به ,هل هي ماجت من الموج او ماجت به اي ما أحضرته ورجحت انك تعني الأخيره وعلى هذا الاساس قلت انك تقصد المجاديف , ولكن على العموم لغز غميق وهون علينا في الألغاز القادمه
وتحياتي لك

[{ أبوفيصل }]

انا ياخليجي بلشت بكلمة ماجت به ,هل هي ماجت من الموج او ماجت به اي ما أحضرته ورجحت انك تعني الأخيره وعلى هذا الاساس قلت انك تقصد المجاديف , ولكن على العموم لغز غميق وهون علينا في الألغاز القادمه
وتحياتي لك

مرحبا يابن ثعلي

المقصود من ماجت به > الموج اليا ماج بالزورق
وانت ماقصرت جبت اللغز برقبته واطلقت رباطه وذكيته :)

[جااابر]

ماشاء الله لاقوة الا بالله
بيض الله وجهك ياابن ثعلي
وبيض الله وجهك ياخليجي ولك كل الشكر صراحه لغز مميز وبجد عميق
وصراحه اكتشفت اني غبي وفي وادي واللغز بوادي يعني تقدر تقول في قارب لحالي بوسط الوادي وزين ماشرب شربة تبعد مهفه

[مهـرة مـطير]

صح لسآنك يـ ابن ثعلي ومبروك حل اللغز

ويعطيه العآفيه مشرفنآ خليجي على ألغآزه الرآئعه

[{ أبوفيصل }]

مرحبا ياجااابر ،، تسلم على الأطراء الجميل
وبالعكس حاشاك انت كلّك ذكاء وادراك الله يوفقك

[{ أبوفيصل }]

حياكـ يامهرة مطير والرائع دائماً مرورك