لغز ،، عن عوْدٍ فاتحٍ فمّه (محلول) من وجودك يكفي صح لسانه

[{ أبوفيصل }]

ياويش عوْدٍ فاتحٍ فمّه =في بطنه مايقرّ له مطعوم
أشوف جوفه بنت ومْهمّه =لولاها ماله لازمٍ ملزوم
واللي يروح ويجي من يمه =يلقاه الصبح وكلّ ليل ويوم
يجوُد بالماجود ويتمّه =واللي يجوُد به عساه يدوم

[وجودك يكفي]

صح لسانك ياخليجي وبيض الله وجهك على اللغز الرائع

وش رايك في التنور فاتحً فمّه و النار وسطه ويجود بالخبز والرغيف

[عهود]

جاء في بالي الصراف الالي

[{ أبوفيصل }]

عزّي الـ لغزٍ تولّيته :)

صح لسااانك ياوجودك بعد طحنت اللغز وعجنته وخبزته
وأدخلته الفرن لين جاد استلمته ياوجودك تميس وقطّعته قطعه قطعه :SnipeR (63):

(( التنور ))

ياويش عـوْدٍ فـاتحٍ فمّـه = في بطنه مايقـرّ له مطعـوم

أشوف جوفه بنت ومْهمّـه = لولاهـا ماله لازمٍ ملـزوم

واللي يروح ويجي من يمـه = يلقاه الصبح وكلّ ليل ويوم

يجـوُد بالماجـود ويتمّـه = واللي يجوُد به عسـاه يدوم

الصورة تعبّر عن اللغز
^^
http://iraq4allnews.dk/photos/1%2820%29.jpg

[وجودك يكفي]

صح بدنك ياخليجي والله يعطيك العافيه على اللغز الرائع ولاهنت ياكابتن

:smoke1:

[جااابر]

ماشاء الله وبيض الله وجيهكم
لغز متكامل ليتك عطيتنا فرصه يالثبيتي نصوبه
يعطيكم العافيه

[{ أبوفيصل }]

ووجهك ياجااابر

خيرها في غيرها ، اللغز الجاي ان شاء الله نشوف من فيكم اسرع تصويب