لغز ،، عن رجّال للناس معروف(محلول) من وجودك صح لسانه وبيض الله وجهه

[{ أبوفيصل }]

لغز سهل ومبتكر هذه اللحظات جيت أكتبه وعساه يجوز للجميع


أنشدك عن رجّال للناس معروف =رجلٍ وفِيْ مافيه قبْح وبجاحه
بأجمل وصوف الطيب لاجاك مشيوف =تلقى مردّه فيه عقل ورجاحه
كلٍّ يشوفه حتى لو فاقد الشوف =وانا أعتبر جحدان طيبه وقاحه

[وجودك يكفي]

صح لسانك ياخليجي وبيض الله وجهك على اللغز الجميل

جااااري البحث

[جااابر]

صح لساااانك ياخليجي
ومرحبا فيك ياولد ثابت
وش تقول في السنترال

[وجودك يكفي]

ومرحبا فيك ياولد ثابت

الله يبقيك ويرضى عليك ياجااابر ولاهنت يالوافي

[{ أبوفيصل }]

صح بدنك ياوجودك

جاااري الانتظار

[{ أبوفيصل }]

صح بدنك ياجااابر

السنترال غير صحيح مالك لوا

[مطنوخه الهيلا]

القمررر

[فوفو الطنايا]

الكتاب..
وصح لسانك يالامير..

[{ أبوفيصل }]

القمررر

ماااالكـ لوا ، القمر لاعلاقة له بالوفاء
عذراً أردت اقتباس رمعتكـ ودخلت على التعديل بالخطأ :)

[{ أبوفيصل }]

الكتاب..
وصح لسانك يالامير..

فوفو الطنايا صح بدنكـ
مااالكـ لوا ، الكتاب قد تجدين في طياته كلام فيه قبح وبجاحه

[فوفو الطنايا]

أنشدك عن رجّال للنـاس معـروفرجلٍ وفِـيْ مافيـه قبْـح وبجاحـه
بأجمل وصوف الطيب لاجاك مشيوفتلقى مردّه فيـه عقـل ورجاحـه






خليجي يالطيب هل الرجال حقيقي ام شيء محسوس مادي..

اذا حقيقي قد يكون الشيخ العالم.

[فوفو الطنايا]

اسفه
لخبطت ابو الشعر ....

[عهود]

الراديو

[{ أبوفيصل }]

مالكـ لوا يافوفو الطنايا
اللغز لا علاقة له بأشخاص اعتباريّين او عاديّين
لذلك هو محسوس كما أنه معروف

[{ أبوفيصل }]

الراديو

مالكـ لوا

[عهود]

القلم

[{ أبوفيصل }]

سيتم اضافة بيت ثالث لتفادي الألتباس حول معنى اللغز
ليكون غير مرتبط معناه بأشخاص اعتباريّه او أشخاص عاديّين


اشكر الجميع على مشاركته وعطونا الحل :biggrin:

[{ أبوفيصل }]

مالكـ لوا ياعهود بالقلم

[الماجــد]

في انتظار البيت التوضيحي يالخليجي

[وجودك يكفي]

قبل تضيف البيت ياخليجي وش تقول في المعروف بين الناس ورد المعروف

[{ أبوفيصل }]

هههههههههههه
يالماجد قلت اذا رجعت من صلاة العصر أضيف البيت الثالث
لقيته مذبوح ذبح بدون لا رحمه ولا رأفه ولا شفقه
ومع ذلك رايح اكتب البيت التوضيحي

[نسمة غلا]

طيب ننتظر البيت الثالث
يمكن يكون المصحف ياخليجي

[{ أبوفيصل }]

صح لسااانك ياولد ثابت على الحل القاضي
مير ماأمداني أضيف البيت ماشاء الله ،، صحيح :SnipeR (37):
(( المعروف ))

البيت الثالث والله ماترده في خاطري ياوجودك راح أكتبه
وابيات اللغز واضحه لكن البيت الثالث بمثابة التوضيح
بدل ما أسرد لكم شرح اللغز كله .

كلٍّ يشوفه حتى لوفاقد الشوف = وانا أعتبر جحدان طيبه وقاحه
شاكر لكم حسن المتابعه وطيب المشاركه

[نسمة غلا]

صح لسانك ياخليجي
وشاكرين لك الغازك الرائعه

[{ أبوفيصل }]

صح بدنكـ يانسمة غلا وشاكر لكـ حضوركـ

[فوفو الطنايا]

مبروك لوجودي ابن ثابت شاطر ماشاءالله عليه..

وحظ اوفر لنا ....

< تعتزل محاوله حل الألغاز...(*_*)

مالي معرفه به ابد..

وان شاءالله البنات يحلن بدالي انا وربي ماعرف...

[وجودك يكفي]

صح بدنك ياخليجي ووجهك ابيض ياكابتن ،، الله يبارك فيك يافوفو الطنايا ومانسمح لك بالأعتزال وانتي في بداية المشوار ،، واصلاً ماتقدرين تعتزلين اعتزال رسمي حتى تذبحين الف لغز ،، وبعدها يقام لك حفل اعتزال

[جااابر]

:ongue::ongue::ongue:
حله ذيبااان بيض الله جهه ماشاء الله تبارك الله
ابد ماطرى لي المعروف ولاني حوله
لك كل الشكر على اللغز خليجي وعلى البيت الثالث
دائما اللغازك اكثر من رائعه

[وجودك يكفي]

ماعليك زود ياجااابر ولاهنت يالغالي

[فوفو الطنايا]

8
وجودي والله ابي اعتزل لاني فضيحه ههههه فشله ولا لغز قدرت احله هههه

خلاص البركه بكم والله..

وماشاءالله عليك بطل هههههه

وتسلم على كلامك وطيبك..

[مهـرة مـطير]

صح لسآنك يـ خليجي

وصح لسآن من ح ـله وجودك يكفي (قنآص الالغ ـآز)

يعطيكم العآفيه

[{ أبوفيصل }]

صح بدنكـ يامهرة مطير

يعطيكـ العافيه على المرور والحضور الرائع