لغـــز ،، العـرايا (محلول) من وجودك صح لسانه وبيض الله وجهه

[{ أبوفيصل }]

اليكم هذا الأنتاج الجديد واَمل أن يلقى استحسانكم

أنا بنشــدـك عن ناسٍ عليهــم ضــــافي الملــبوس = ونسمـع بالعرايا ياعـرب في هالعـرب تنقـال
وانا مدري صحيح القول لكن واضـح ومحســوس = وعن هالنّاس ساس اللغز هات الحل ياحلاّل
ترى العــلم الصحيح أكـــيد لاخــزرج ولامن أوْس = ولاهـم في بني وايل ولا جــوْ مع بني هــلال

[{ أبوفيصل }]

اليكم هذا الأنتاج الجديد واَمل أن يلقى استحسان الجميع



أنا بنشدك عن ناسٍ عليهم ضافي الملبوس =ونسمع بالعرايا ياعرب في هالعرب تنقال
وانا مدري صحيح القول لكن واضح ومحسوس =وعن هالنّاس ساس اللغز هات الحل ياحلاّل
ترى العلم الصحيح أكيد لا خزرج ولا من أوْس =ولاهم في بني وايل ولاجوْ مع بني هلال

[روقي قرم]

وش رايك

بـ فساد الاخلاق اللي ماعليهم لباس التقوى

((إذا المرء لم يلبس ثياباً من التقى تقلب عرياناً ولو كان كاسياً))

[{ أبوفيصل }]

حياك الله ياروقي قرم فقدناك

مالك لوا بفساد الأخلاق
الله يجعلنا جميعاً مّمن يخالق الناس بخُلُقٍ حسن

[أنثى نادرة]

المقابـر او الاموات

وصح لسانك 00

[وجودك يكفي]

صح لسانك ياخليجي والله يعطيك العافيه

وش تقول في المتظاهرين المعتصمين ملابسهم عليهم ضافيه وصدورهم امام السلاح عاريه

[{ أبوفيصل }]

مالكـ لوا يالنادره
وصح بدنكـ

[{ أبوفيصل }]

صح بدنك ياوجودك ويعافيك ربي

مالك لوا

[وجودك يكفي]

طيب ياخليجي وش رايك في الكاسيات العاريات

[جااابر]

صح لسانك
وش تقول في الحفاه العراه الذين ورد
ذكرهم اخر الزمان يتطاولون في البنيان

[العنود البريكي]

الغواصين

[العنود البريكي]

الرجل المحرم أو المتعمر

[{ أبوفيصل }]

مالك لوا ياوجودك

[{ أبوفيصل }]

صح بدنك ياجاابر
مالك لوا بالحفات العراة
رمعه طيبه جداّ لكن هالناس موجودين من زماااااااااااان

[{ أبوفيصل }]

مالك لوا يالعنود
لاهم بالغواصين ولا الرجل المعتمر ولحاج

[{ أبوفيصل }]

خبّروني متى مارغبتوا في زيادة بيت ثالث لا رابع له

[جااابر]

اي بالله ياخليجي زدنا بيت ثالث الله لايهينك

[{ أبوفيصل }]

تم زيادة البيت الثالث حسب الطلب

بالأضافة لتغيير كلمة مدروس واستبدالها بـ ( محسوس )

[جااابر]

صح لسانك مليون
وفيه رمعه تقرقع في خاطري اتمنى تكون صحيحه
وش تقول في جوج ماجوج

[{ أبوفيصل }]

صح بدنك وتسلم لكن مالك لوا

[أنثى نادرة]

طيب اليهود !!

[{ أبوفيصل }]

مالك لوا يالنادره

[فوفو الطنايا]

قوم عاد

وصح لسانك خليجي...



أنا بنشدك عن ناسٍ عليهم ضافـي الملبـوس
ونسمع بالعرايا ياعرب في هالعـرب تنقـال
وانا مدري صحيح القول لكن واضحٍ محسوس
وعن هالنّاس ساس اللغز هات الحل ياحـلاّل
والعلم الصحيح أكيد لا خزرج ولا من أوْس
ولاهم في بني وايل ولاجوْ مـع بنـي هـلال

[أنثى نادرة]

قوم لوط @@

[فوفو الطنايا]

8
انشاءالله اجابتك انثى صح:)

انا اقول ياقوم عاد او مدائن صالح

[جااابر]

اتمنى تكون احد اجابات البنات صحيحه
واذا لم تكن كذلك بسأل هل هم ناس حقيقيين ام مخلوقات اخرى

[{ أبوفيصل }]

فوفو الطنايا ،، الأخت النادره

مالكن لوا ،، لا اليهود ولا قوم عاد ولا ثمود ولا هم قوم لوط ولاقوم صالح

[{ أبوفيصل }]

اخي جاابر هم ناس حقيقيين

ترى العـلم الصحيح أكـيد لاخـزرج ولامن أوْس = ولاهـم في بني وايل ولا جـوْ مع بني هـلال

:)

[روقي قرم]

ماتفقد غآلي يابعدي

وش تقول في
النخلة التي يعري صاحبها ثمرتها لغيره

[{ أبوفيصل }]

لاعاد تغيب كثير ياروقي قرم
والنخله مالك لوا

[وجودك يكفي]

وش تقول ياخليجي في افراد قبيلة بنو العريان في تهامه

[{ أبوفيصل }]

أنا بنشـــــدك عــن ناسٍ عليهــــــــم ضــــــــافي الملــــــــبوس = ونسمـــع بالعــــرايا ياعــــرب في هالعــــرب تنقــــــال
وانا مدري صحيح القول لكن واضـح ومحســوس = وعن هالنّاس ساس اللغز هات الحل ياحلاّل
ترى العــلــــم الصحيح أكــــــيد لاخـــــزرج ولامن أوْس = ولاهـــــم في بني وايل ولا جــــــوْ مع بني هـــلال



صح لساااااانك ياوجودك وبيض الله وجهك


:ongue::ongue::ongue:

>> (( بنو العريان )) <<

دخلت بنو حريب في بني شهر منهم بنو العريان وهاجر العريان واسمه الحقيقي حارث
شهد بعض أيام النبي صلى الله عليه وآله وسلم فقاتل في إزار ومعه قوس وقرن
فقال النبي صلى الله عليه وسلم من هذا العريان فسمّي العريان ‏.

>> وهذه القبيلة من سلالته <<

ومثل ماذكرت باللغز لاأعلم صحة هذا الحديث ولكن هذه القبيله موجوده في تهامه


كما صرفت نظركم عن بني وائل التي تنحدر منها قبيلة عنزه والتي فيها (المصاليخ)

شكراً لمن شارك وحظ اوفر لمن حاول حل اللغز

[{ أبوفيصل }]

يقول أحد الأخوة شاعر ومن المهتمين بالألغاز الشعبية

وقاعد يسألني يقول كيف قسم الألغاز عندكم ؟

قلت تمام وفيه شعار ويحبون الألغاز

قال طيب لغزك هذا الأخير حلو وقريت شرحك عليه لكن كان بأمكانك تدفنه !!

قلت وشلون ؟

قال يااخي دامك ذكرت (( ولاهُم في بني وائل ..... )) كان دفنته في هالعباره !!
وبالفعل قبيلة المصاليخ ولاءها لقبيلة وائل وبالتالي يصبح ولاهُم لعنزه اللي هي منها والمعنى وارد وبكذا دفنته

!!!!!!!!!!!!!!!!

قلت زين ماانت بصاحب اللغز ، يااخي انا مداني التعقيد !!! وكلامك والله ماطرى ههههههههههههههه

وانتهى النقاش

[وجودك يكفي]

ههههههههههه انا كان في بالي رمعة فخذ المصاليخ من عنزة قبل تضيف البيت الاخير ،، وبعد زيادة البيت الثالث استبعدت الرمعه ،، وسلم لي على رفيقك وقله فيه فرق بين كلمة ولا هم ،، وبين كلمة ولائهم ،، فرق كبير في المعنى وماراح يستقيم وزن البيت

صح بدنك ياكابتن خليجي والله يعطيك العافيه

[آلعطـ خ ــآوي]

سلام ياسلام وش الغاز يالخليجي
صح السانك وصح السان ووجودك

:smoke1: جيبو لنا لغز ثاني خلوني اذبحه من اول نظره

[وجودك يكفي]

صح بدنك يالعطاوي ولاهنت يالغالي

[جااابر]

بيض الله وجهك ياولد ثابت
ويعطيك العافيه ياخليجي على اللغز اللي اعتبره
من نوع اخر ولي وجهة نظر فيه صحيح مالي خبره
في اللاغاز الشعريه بس اشوف انه افتقد عنصر مهم
هو الغموض يعني كأنك تسأل عن عرب يطلق عليهم اسم العريان
كان واضح مافيه لبس انا في البدايه توقعت انهم مخلوقات غير البشر
المهم اني ماكنت حول الحل
لك كل الشكر وتحمل نقدي وصححني اذا انا مخطي

[وجودك يكفي]

وجهك ابيض ياجااابر ولاهنت يالغالي

[{ أبوفيصل }]

نقدك يوضع في عين الاعتبار ياجاابر ومن يقدر يحل الألغاز لاشك لديه القدره على النقد
ونقدك في محله وانا اخوك لاكنّي ملّيت وسئمت << (حلوه سئمت هاذي كثر منها ياخليجي ) << :)
سئمنا التكرار في سلوك ونمط بعض الالغاز قلت خلّوني أعرّيها واجرّدها لو مره وبالمرّه :)
يكون فيه شويّة سهوله ،، تحيتي وتقديري

[مهـرة مـطير]

صح لسآنك يـ خليجي

وصح لسآن وجودك يكفي

يعطيكم العآفيه

بس بصرآحه يـ خليجي كآن اللغز صعب

بس جآبهآ ولد ثآبت

[وجودك يكفي]

صح بدنك يامهرة مطير ولاهنتي

[{ أبوفيصل }]

صح بدنك يالعطاوي

وصح بدنكـ يامهرة مطير

والمعذرة عن التأخير بالرد شاكر لكم مروركم
وحياكم الله بالألغاز الموجوده فيها الصعب والسهل وهاتو لنا حلولها