قصيده موجهه للامير نواف بن فيصل

[مناحي الفرزه]

هذه القصيده موجه للامير نواف بن فيصل بن عبدالعزيز ال سعود الريئس العام لرعاية الشباب رثاء في والدته الاميره منيره بنت سلطان ال سعود
هذي الدينا كذا هذا يجي ويروح ذاك=نفرح ونبكي وهذي سنة الله في الحياه
يالله انك يااله الكون ماحين سواك=ترحم الي سبحة بسمك مخافه بالصلاه
وارحم ادموع العيون اللي بكت ترجي رضاك=ياسميعن يسمع النمل ودبيبه بالصفاه
وان بكت عينك يابوفيصل مشاعرنا فداك=كلنا نبكي معك ونشيل عن صدرك عناه
كل دمعه فالاميره لو صفا بالعين ماك=فالصبر يمسح دموع اللي بكى راسن غذاه
والعيون اللي بكت في كل غالي من غلاك=مابكت ياكود غرسن منهمر للناس ماه
شجرتن من غرسها بالجود تثمر في نباك=من ضنا سلطان مع راس الفهد عرقه جناه
واثمرت في طلعتك يانادر وربي حباك=بالتواضع والتسامح وانت للاخلاق جاه
عظم الله اجرك ابماصابك ويجبر عزاك=ويرحم الله من بكت عينك على طوبت ثراه
ويالاهي ترحم حجاج الجبين اللي دعاك=الجبين اللي سجد لك خاشعن لك من تقاه
ياعسى الجنه لها منزال يارب بعطاك= يالاله الواحد اللي كل خلقه في ذاره
ارحم منيره ونور قبرها وعل بحياك= بالسحاب اللي ربابه كنه جبال السراه
اسقها صبح ومساء ديمه عطايا من سماك=لين يصبح قبرها من ريحة الجنه هواه
وعظم الله اجرك انت وخالد ويجبر عزاك=ومن دعا لام المكارم الله يلبي دعاه

[.*إنـْسَـآن عَـآدِي*.]

السلامُ عليكُم ورحمة الله وبركاته

صح لسانك شاعرنا القدير مناحي الفرزه على مرثية والدة الامير نواف

واعانه الله في مصيبته ورزقه الصبر والسلوان

لاهنت وانا اخوك

دمت بحفظ الرحمن

* * *

[صمت السنين]

السلام عليكم
صح لسانك اخي
اللهم اغفر لها وارحمها وامواتنا واموات المسلمين امييييين

[محمد العريــدي]

صح لسانك يا مناحي .. والله يرحم سمو الأميرة