لغز ،، من العيار الثقيل ( محلول ) من وجودك صح لسانه

[{ أبوفيصل }]

لغز اليوم تم انتاجه هذه اللحظات وارجو كل ما نطرحه هنا يرضي الجميع



ياويش رجّالٍ على عد ومقيم =خواته ست وفيْدته من عميله
ترتع معه بعض الجهاهيل وتهيم =وسط الحمى واللي يودّه يجيله

[.*إنـْسَـآن عَـآدِي*.]

السلامُ عليكُم ورحمة الله وبركاته

ياهلا وغلا بـ القدير خليجي وحي ماجبت

اعتقد انه المُعلم

لو ان مالي خبره بالألغاز الشعرية ، لاكن محاولة لا اكثر ولا اقل :)

دمت بحفظ الرحمن

* * *

[{ أبوفيصل }]

عليكم السلام ورحمة الله وبركاته

حياك الله ياوليد وما دام اللغز وليد هذه اللحظه تراني غيّرت بالبيت الأخير

وانت ماشاء الله بادرتني مع نزول اللغز لكن أعد القراءه ياوليد ولا لك لوا

تحيتي وبانتظارك

[وجودك يكفي]

صح لسانك ياخليجي وبيض الله وجهك على اللغز الجميل

وش تقول في النرد

[{ أبوفيصل }]

صح بدنك ياوجودك
مالك لوا

[.*إنـْسَـآن عَـآدِي*.]

عليكم السلام ورحمة الله وبركاته

حياك الله ياوليد وما دام اللغز وليد هذه اللحظه تراني غيّرت بالبيت الأخير

وانت ماشاء الله بادرتني مع نزول اللغز لكن أعد القراءه ياوليد ولا لك لوا

تحيتي وبانتظارك

الله يبقيك اخوي العزيز خليجي

وابشر من يعيد النظر للغز

ولي عوده قريبة بإذن الله

[وجودك يكفي]

وش تقول في الشيش اللي وسط النرد ونلقا الشيش بعد في الضومنه وهو عباره عن ست نقاط

[العنود البريكي]

خليجي

مابين عندي اللغز وش هو ممكن تكتبه هنا ‏

[{ أبوفيصل }]

حياك الله ياوجودك

واقول النرد وشهو اثرك تقصد الشيش وصندوقه شيش بيش مدري كوتشينه
مالك لوا بالشيش ونقاطه الست واعتقد ان الشيش مجموعة حجار وزهر
لكني اسأل طال عمرك عن هالرجال وبالفعل له ست خوات لاحظ قلت خواته ماقلت بناته

[{ أبوفيصل }]

عنود البريكي الى هالحين ماقريتي اللغز ، طيب اليكـ اللغز

ياويش رجّالٍ على عد ومقيم = خواته ست وفيْدته من عميله
ترتع معه بعض الجهاهيل وتهيم = وسط الحمى واللي يودّه يجيله

[العنود البريكي]

أيام الأسبوع

[العنود البريكي]

عجائب الدنيا السبع

[{ أبوفيصل }]

مااالكـ لوا

يالعنود البريكي

[{ أبوفيصل }]

هات رمعتك ياشايبنا المتخفي

:)

[عهود]

قوس قزح (الوان الطيف)

[أنثى نادرة]

رمعه سريعه ممكن المدرسه او المعلم

او ممكن الكوره او النادي

[جااابر]

ياويش رجّالٍ على عد ومقيم = خواته ست وفيْدته من عميله
ترتع معه بعض الجهاهيل وتهيم = وسط الحمى واللي يودّه يجيله
صح لسانك وعلا شانك
عندى استفسار اذا ممكن تجاوبنا عليها بسألك عن خوات الرجال شبيهات له ام ملازمات له ؟؟
والجهاهيل المقصود صغير السن ام الغاوي
ولك الحريه اذا بتجاوب او تأخر الاجوبه

[{ أبوفيصل }]

عهــــود ،، ،، ،، ،، والاخت النادره
مالتسن لوا في كل ماذكرتنه

[{ أبوفيصل }]

صح بدنك وحياك ربي ياجاابر

بالنسبة لأستفسارك عن خواته الست ،، هو في واقع الأمر من ضمن مجموعتهن
وينتمي لهن في نفس المجموعه وانتماءه لهن ليس بالشبه اوالملازمه وأن حدث أوْجه الشبه
كما ان الشبه والملازمه ليس بقدر الأنتماء الذي لو اتّضح لك جليّاً لأيّدْت هذا المنطق بشده
وأمّأ الجهاهيل فالمقصود هنا الغاوين كما كنت تعتقده صحيح

تحيتي وهات حله

:)

[جااابر]

وش تقول في الفن السابع السينماء والفنون خواته العمارة والموسيقا والرسم والنحت والشعر والرقص.
واذا خطأ ليتك تزيدنا بيت ثالث

[{ أبوفيصل }]

مالك لوا
طيب ياجاابر بس بعد ماازيد بيت في لغز العرايا
وانا اشوف اللغز واضح ، مع العلم ماهي من عوايدنا نزيد ونضيف بيت الاّ بعد وقت

[وجودك يكفي]

عندي رمعه مدحدره ياكابتن خليجي
وش رايك في الرباء من ضمن السبع المهلكات وخواته المهلكات الست الباقيه ،، او السحر

[فوفو الطنايا]

يارب جوابك ياوجودي صح

يمكن صح احسها صحيحه..

[{ أبوفيصل }]

:ongue: صح لساااانك ياااوجودك بيض الله وجهك :ongue:

(( الرباء ))

= ياويش رجّالٍ على عد ومقيم =
الرباء تحتضنه البنوك الربوية وهو موجود في تعاملاتها اليومية

= خواته ست وفيْدته من عميله =
الرباء ضمن سبع الموبقات المهلكات لايفيد الاّ من يتعامل به

= ترتع معه بعض الجهاهيل وتهيم =
بعض من تجاهل به او جهله يرى ضنًّا منه انه مستفيد
واهل الربا كمن به مس يتخبطهم الشيطان من المس
قال الله تعالى(الذين يأكلون الربا لا يقومون إلا كما يقوم الذي يتخبطه الشيطان من المس )
وقال الرسول(كالراعي يرعى حول الحمى يوشك أن يرتع فيه ألا وإن لكل ملك حمى ألاوإن حمى الله محارمه)

= وسط الحمى واللي يودّه يجيله =
لله حمى وحدود من أتاها راغب فقد وقع في كبائر الذنوب

اشكر من شارك وحظاّ أوفر لمن حاول في حل اللغز

[جااابر]

:ongue:ماشاء الله تبارك الله انا كنت حاس اني بلقاااه مذبوح :03yvhmd13:
بيض الله وجهك يالذيب :SnipeR (37):
والف شكر لك ياخليجي وبالفعل اللغز كان متكامل ولا يحتاج
زياده في الابيات وتسلم على الشرح الوافي
وكل مايجي رائع

[وجودك يكفي]

يارب جوابك ياوجودي صح

يمكن صح احسها صحيحه..

شكراً يافوفو الطنايا واحساسك طلع في محله

[وجودك يكفي]

:ongue: صح لساااانك ياااوجودك بيض الله وجهك :ongue:


صح بدنك ياكابتن خليجي وبيض الله وجهك يالغالي

[وجودك يكفي]

:ongue:ماشاء الله تبارك الله انا كنت حاس اني بلقاااه مذبوح :03yvhmd13:
بيض الله وجهك يالذيب :sniper (37):
والف شكر لك ياخليجي وبالفعل اللغز كان متكامل ولا يحتاج
زياده في الابيات وتسلم على الشرح الوافي
وكل مايجي رائع

وجهك أبيض ياجااابر ولآهنت يالغالي