لغز رهيب لوجيه الغانمين أهديه ( محلول ) من جااابر صح لسانه

[{ أبوفيصل }]

اللغز بين تحضـيره وتأليفه يأخذ الوقت الكثير
لذا اَمل بعد هذا أن يحوز على الرضاء والاِعجـاب



ويش الفتاه اللي لها عصرً مضا = من يومها المشهود مع مر العصور

تجـي مـاتستأذنْك ياوجـه الـرضا = ولْيا من جات تلقى حاضرها حضور

لهـا خـواتٍ أربع ماعنهـن غضا = امْجــاهِرات وْمـاهـي مثلهـن جهـور

ثنتين يجـن قــدّامهـا بأمْــرٍ قضا = وثنتين يجن بعَدهــا مافيهن قصـور




كرماً : ارجو الأجابه اذا وُجِدت تكون محدده ومباشره
بمعنى أن تأتي بالحل كاملاً

:SnipeR (37):


ماعنهن غضا > أي ماينتغاضا عنهن

[وجودك يكفي]

لغز اليوم أخذ مني وقت بين تحضير وتأليف وصياغه
اَمل بعــــد هذا كلـه ان يحـــــــوز على الرضـــــــــــاء والاِعجــــــــــــــاب
:sniper (37):

صح لسانك مقدماً ياكابتن خليجي وبإنتظار اللغز

[جااابر]

يعني حركه علشان نتحمس للغز ونحمي عقولنا
لك كل الشكر مقدما

[{ أبوفيصل }]

صح بدنك ياوجودك

[{ أبوفيصل }]

ههههههههههههه

بغيتها حركتات وبلشت
فصل الأتصال عندي وما دخلت غير هالحين

[جااابر]

صح لسانك لغز طيب ومحبوك
وش تقول في صلاة العصر يوم الجمعه قبلها الفجر والظهر جهريه وبعدها المغرب والعشاء جهريه
وهذا اللي فهمته من الفتاه ان اخواتها اجهر منها

[وجودك يكفي]

^^
تحليل سليم ومنطقي

ماشاء الله عليك ياجااابر
رمعه خطيرة والعلم الاكيد عند الكابتن خليجي

[{ أبوفيصل }]

يؤسفني انقطاع الاتصال وبالتالي أأسف على التأخير

صح لساااانك ياجاابر
:SnipeR (37):


أهنئ جاابر في الدقائق الأولى على انهاء الجولة بفوزٍ ساحق

(( صلاة العصر يوم الجمعه ))



ويش الفتاه اللي لها عصرً مضا = من يومها المشهود مع مر العصور
صلاة العصر في يوم الجمعه


تجـي مـاتستأذنْك ياوجـه الـرضا = ولْيا من جات تلقى حاضرها حضور
دخول الوقت للصلاة لاتستأذن احداً اذا حضرت وتجد المصلين حاضرين لأدائها


لهـا خـواتٍ أربع ماعنهـن غضا = امْجــاهِرات وْمـاهـي مثلهـن جهـور
الاربع الصلوات المفروضه الباقيه معروفه لاينتغاضا عن ادائها كما ان يوم الجمعه تكون كلها جهريه ماعدا العصر


ثنتين يجن من قبلهـا بأمْـرٍ قضا = وثنتين يجن بعَدهــا مافيهن قصـور
يأتي قبل العصر صلاة الفجر والظهر لصلاة الجمعه ، وصلاة المغرب والعشاء

مافيهن قصور >> ذكرت بأن الصلوات المكتوبه هنا لايوجد بها قصراً
كلها تصلّى في أوقاتها فرض فرض

أشكر وجودك على تاييده وتأييده في محله

[جااابر]

يعطيك العافيه ياخليجي وبيض الله وجهك
واشكر اخوي ولدثابت على التأييد
وانا قررت احتفظ برمعتي لين يشارك الجميع
يعني اقلد وجودك
مدري حسيت انها طفاقه مني ارمع وما أعطي فرصه لغيري خاصه اذا تيقنت صحة الاجابه
اكرري اسفي واشكركم جميعا

[{ أبوفيصل }]

يعطيك الف عافيه ياجاابر ماقصرت

وانت ماتنلام فالحل اذا ايقنت انه هو اكيد صار سوات الهم اللي ودك تفضفضبه وترتاح

فأنت ووجودك وابن ثعلي لا تمتنعون من اي لغز الا عند ما اطلب الترّيث لأعطاء الأخوان فرصه كما تفضلت

عموماً صح لسااااانك وبيض الله وجهك

[وجودك يكفي]

:ongue::ongue:

صح لسانك ياجااابر وبيض الله وجهك يالذيب ،، ماشاء الله تبارك الله

ههههههههه بالنسبه لي ماعطيت احد فرصه ولو لقيت الرمعه قشعت اللغز وفقعت عينه :SnipeR (1)::11:

صح لسانك ياخليجي ولاهنت على اللغز الجميل والله يعطيك العافيه ياكابتن

[أنثى نادرة]

مبروووووووووووك جابر وتسلم على ذكائك

ماشاء الله

وكل اشكر لأخواني وجودك وخليجـي

[جااابر]

:03hbdsn13::03hbdsn13:
مشكورين جميعا