لغز ياللي تحبون الألغاز ،، (محلول) من ابن ثعلي صح لسانه

[{ أبوفيصل }]

يامن تطالبونا بالألغاز السهله جيتكم باللغز الجديد
وعسى مانكتبه محاولةً منّا في الأبداع أن ينال اعجاب الجميع



ياويش ورعٍ كم نزل به وصدّر =جوفه يحالي للدّرر والمحاري
سبحان ربٍّ كوّن الكون وقدّر =ذراه يذرّي عن هبوب الذواري
محدن جهل به في حديثٍ لـ بو ذر =اللي رواه الترمذي والبخاري

[مهـرة مـطير]

صح لسآنك يـ خليجي

جآري التفكير

[وجودك يكفي]

لغز في منتهى الروعه
ابدعت ياخليجي صح لسانك وبيض الله وجهك وانا اخوك


لي عودة بإذن الله

[{ أبوفيصل }]

مهرة مطير

صح بدنك وبأنتظاركـ

[{ أبوفيصل }]

صح بدنك ياوجودك ووجهك ياابيض الوجه

الروعه والأبداع في وجودك

بأنتظارك لو كنت أتوق لأنتظارك انت وجاابر وابن ثعلي بالصفحة الثالثه

من غير قصور في ربعنا

:)

[مهـرة مـطير]

شتقول في الحوت يـ خليجي

[{ أبوفيصل }]

مالكـ لوا بالحوت

[العنود البريكي]

وش هو اللغز مافي شي ‏

[{ أبوفيصل }]

وش هو اللغز مافي شي ‏

سبحان الله

كل هذا يالعنود البريكي ومافيه شي


:151:

[العنود البريكي]

خليجي وربي أني صادقه وش هو اللغز ماقريته وين مامن الا في أنتظاركم ووضح الله يجزاك خير تونااااااا بأول العمر فينا جهاااااااله

والله وش هو اللغز بحله

[أنثى نادرة]

الغـز كأنه يتكلم عن

صحابي جليل

وهو انس بن مالك الانصاري رضي الله عنه

او

جندب بن جناده الغفاري ومن الذين روو عنه انس بن مالك الانصاري

والله اعلم 0

[{ أبوفيصل }]

العنود البريكي

اذا تقصدين انه مافيه لغز امامك فـ هو من متصفحكـ
واذا انكـ مافهمتي شي من اللغز هذا يرجع لمفهوم المتلقي وحسب عرفه وسلامتكـ

[{ أبوفيصل }]

انثى نادره

الحديث ليس الاّ استشهاد عن ذلك المقصود
والصحابي حدّث بحديثه عن ماقاله الرسول الكريم له

واضح

[وجودك يكفي]

وش هو اللغز مافي شي ‏

يالعنود ابيات اللغز مكتوبه بطريقة التنسيق ومتصفحك شكله مايدعم التنسيق ،، اذا كنتي تتصفحين المنتدى عن طريق الجوال فعندك طريقتين تقدرين تشوفين فيها ابيات اللغز ،،، عطّلي تمكين الجافا وادخلي الصفحه الاولى وراح تظهر لك الابيات ،، او اقتبسي مشاركة خليجي الاولى في موضوع اللغز وراح تشوفين الابيات في صندوق الرد

[{ أبوفيصل }]

يالبريكي ترى ملاحظة اخي وجودك على متصفحك وارده
وانا صادق ملاحظته وارده وارده مثل حل اللغز هذا :11:

[عهود]

القلم ..

[{ أبوفيصل }]

القلم جعل يُكتب به صالح اعمالك

مالكـ لوا

[أنثى نادرة]

المخلوقـات والنعم

رمعه سرييييعه

[{ أبوفيصل }]

مالكـ لوا يالنادرة

فكروا زيييييييييييييين

[أنثى نادرة]

الملوك والامراء

ممكن تشرح لنا الابيات

خااااصة البيت الثاني

[العنود البريكي]

هلا خليجي

وش ملاحظه الوارد مافهمت وربي تكفا وضح يعني بصندوق الوارد والا أيش

فهموني الله لا يهينكم

والله راسي يعورني

[إبتسام]

لغز جميل ورائع

صح لسانك

وش رايك بـ البحر

.

[إبتسام]

أو اعتقد الحوض

.

[ابو بخيت]

صح السانك يخليجي

وش تقول في بير زمزم . . روي عن أبي ذر حديث: ماء زمزم طعام طعم وشفاء سقم

[إبن ثعلي]

....................

[{ أبوفيصل }]

ابتسام صح بدنك

مالكـ لا البحر ولا الحوض

[{ أبوفيصل }]

حياكـ الله يابو بخيت

للأسف مالك لوا

[{ أبوفيصل }]

.... .........................

[وجودك يكفي]

صح لسانك يابو عبد الرحمن وبيض الله وجهك على الجواب الحاسم وصح لسانك ياخليجي وبيض الله وجهك على اللغز الجميل

احترامي

[إبتسام]

ما شاء الله

صح لسانك يابن ثعلي وبيض الله وجهك

وصح لسان خليجي

ويعطيكم العافية

وياليت توضح لنا يا خليجي أبيات اللغز مثل توضيح وجودك في ألغازه

وجزاك الله خير

.

[{ أبوفيصل }]

ابيات اللغز واضحه ياابتسام ، حرام عليكـ دائم اوضح بعد كل لغز ، وهاذي سنةٍ سنّها وجودك الله حسبي على عدوّينه
المهم والله لواني ماكنت مشغول في لغز اَخر كان وضحت مع العلم ان الابيات واضحه

^^^
(يارجّال فيما انت تكتب هذا كله يمديك وضحت وانتهيت) <<< ماهو مشتهي :18:

[جااابر]

يعطيك العافيه ياخليجي وصراحه لغز قمة الابداع والتميز
لك جزيل الشكر وبيض الله وجه من حله
واشكر لك الاشاده بإسمي مع عمالقة الالغاز

[{ أبوفيصل }]

العفو ياجاابر صراحه أنت من مشاركتين أثبتْ وجودك :)
وشهاده أعتز بها منك ومن أمثالك ونحن بكل فخر واعتزاز نتشرف ونفخر بمشاركاتك


تحيتي وتقديري