السلام عليكم

[أبحرت في عيونك]

السلام عليكم ورحمة الله وبركاته كيف حالكم عساكم بخير


يا أخوان البارح أنا وواحد من اخواياي جبنا طاري البعثات ومسكة معنا ناخذ بعثه وقلت نبا نشد ونشوف إن كانت لنا أخذنها وإن ماكانت لنا خلانها لهلها المهم عندي كم سؤال


البعثه كم تقعد مدتها وكم تكلف؟ ووش المؤهلات العلميله اللي يطلبونها؟؟؟وش أرخص دوله فيها بعثات وشهادتهم موثقه؟؟؟


والمعذره لاكان حطيت الموضوع فيه قسم ماهو بقسمه وعلى عدم ترتيب الموضوع لأني مستعجل وأباء الرد في اسرع وقت الله لايهينكم وإن ماعليكم أمر



أخووكم:

[اصايل]

الله يوفقكم..

ان شاء الله يردون عليك اصحاب الخبره .

[نايف تراحيب]

الله يوفقك ،

وان شآؤ الله يفيدونك الأخوان ،

احترامي ،


/


،

[كحيلاان]

الله يوفق الجميع

[روقي قرم]

البعثه كم تقعد مدتها وكم تكلف؟
البعثه فيه على حسآب الدوله وفيه على حسآبك
اللي على حسآب الدوله قدم لهآ اذا وافقوا زين كل شي عليهم ومرتب شهري
على حسآبك بحسب الدوله الي بتروح لهآ
كثيروا يروحون على حسآبهم يكلف 6 شهور 70 الف تقريبا مابين جآمعه وتفييز وسكن و و
المهم بعد مايخلص الست شهور يكون جاب معدل كويس ويحول تبع الدوله

ووش المؤهلات العلميله اللي يطلبونها؟؟؟وش أرخص دوله فيها بعثات وشهادتهم موثقه؟؟؟
على حسب مؤهلك انت ثانوي تروح تدرس بكآلريوس
انت بكآلريوس تروح تدرس مآجستير
انا اعرف 4 كلهم بآمريكآ
يقولون مافيه شي اسمه ارخص على حسب الديرة الي انت فيهآ
وزينتهآ ان الجامعه يمكن تدرس في مدينه كبر شقراء وتكون رخيصه لانها صغيره
اوما تدرس بمدن كبآر طبيعي تكون غاليه
شوف ماليزيا والهند مافيه ارخص منهن اعتقد
ادخل موقع البعثآت الخآرجيه ممكن تحصل تفاصيل عن الجامعات المعتمده

موفقيـــن

[أبحرت في عيونك]

الله يوفقكم..

ان شاء الله يردون عليك اصحاب الخبره .


الجميع إن شاء الله


والله يعطيك العافيه على المرور ولاهنتي شاكر ومقدر لكي ذالك

[أبحرت في عيونك]

الله يوفقك ،

وان شآؤ الله يفيدونك الأخوان ،

احترامي ،


/


،


الجميع إن شاء الله


والله يعطيك العافيه على المرور العطر ولاهنت شاكر ومقدر لك ذالك

[أبحرت في عيونك]

الله يوفق الجميع

اللهم امين


والله يعطيك العافيه على المرور ولاهنت

[أبحرت في عيونك]

البعثه كم تقعد مدتها وكم تكلف؟
البعثه فيه على حسآب الدوله وفيه على حسآبك
اللي على حسآب الدوله قدم لهآ اذا وافقوا زين كل شي عليهم ومرتب شهري
على حسآبك بحسب الدوله الي بتروح لهآ
كثيروا يروحون على حسآبهم يكلف 6 شهور 70 الف تقريبا مابين جآمعه وتفييز وسكن و و
المهم بعد مايخلص الست شهور يكون جاب معدل كويس ويحول تبع الدوله

ووش المؤهلات العلميله اللي يطلبونها؟؟؟وش أرخص دوله فيها بعثات وشهادتهم موثقه؟؟؟
على حسب مؤهلك انت ثانوي تروح تدرس بكآلريوس
انت بكآلريوس تروح تدرس مآجستير
انا اعرف 4 كلهم بآمريكآ
يقولون مافيه شي اسمه ارخص على حسب الديرة الي انت فيهآ
وزينتهآ ان الجامعه يمكن تدرس في مدينه كبر شقراء وتكون رخيصه لانها صغيره
اوما تدرس بمدن كبآر طبيعي تكون غاليه
شوف ماليزيا والهند مافيه ارخص منهن اعتقد
ادخل موقع البعثآت الخآرجيه ممكن تحصل تفاصيل عن الجامعات المعتمده

موفقيـــن



عان عان يالقرم خويي نسبته خمس وسبعين أوخمس وستين (شرعي) وعشان كه ما أضن يسفرونه الدوله لبد على حسابه على ما أضن عشان مايقدر يروح إلا حسااابه وفيه واحد من العيال يعلمنا يقول (بخمس وعشرين ألف)تروح مالزيا ومدري عنه والله لأن سبعين أحسها قويه شوي خصبه على خوييّ واما أنا فهذي أخر سنه لي فالثنويه( ليلي)وشرعي ونسبتي الترم الأول في سنة ثالث(خمس وثمانين)ومدري يقبلوني ولالا؟ وإن ماقبلوني كم تكلف البعثه(لإطاليا أو كندا)<<شحاد ويتشرط هههه عشان إن كان لنا طوقه فيها نبا نخش دورات إنقلش هنيه لين أخذ الشهاده.يضلي ما نروح إلا ونحنا نعرف شي ولو بسيط


والله يبيض وجهك يالقرم ولايهينك يا حبيّبي والمعذره لا طولنها عليك

[عهود]

أنا أقول تشوف لك جامعه اهليه هنا أنت دور وابحث احسن لك من الشحططه برا :SnipeR (37):

[أبحرت في عيونك]

أنا أقول تشوف لك جامعه اهليه هنا أنت دور وابحث احسن لك من الشحططه برا :sniper (37):



والله إن واحد من العيال هبقني عليها وتحمست وقلت نبا نشوف إن كان ماهي بغاليه بالحيل نروح وأذننا نجيب شهاده زوينه ولا لو أبا أخش جامعه هنيه خشيت حكوميه .


والله يعطيك العافيه على المرور العطر ولاهنت


والمعذره على التئخير فالرد

[أبحرت في عيونك]

أتمنى من الأخ روقي قرم ان يتكرم ويعقب على ردي لاهان

[العنود البريكي]

ودي أنفعك بس ماعندي فيهااااااااا

شف غيري وأبشر بعزك

[العنود البريكي]

تعال جامعة الكويت والحساب علي

[العنود البريكي]

أنا خاطري أكمل الدراسه بس مالي خلق

[العنود البريكي]

وين الناااااااس

[العنود البريكي]

لو سمحت يالروقي عقب على الكلام لازم نستفيد منك والا

[العنود البريكي]

ودي أنفعك بس ماعندي فيهااااااااا

شف غيري وأبشر بعزك

[أبحرت في عيونك]

تعال جامعة الكويت والحساب علي

الله يسلمك وهذه من طيب أصلك وانا اخوك وانا لو أبها فالخليج كان أخذتها فالسعوديه هنيه لاكن نبا أوربا هههههههههههه <متشرطين العيال والدراهم إن شاء ما فيها خلاف بس نشدنا عشان نعرف اللي إلا واللي علانا


والله يعطيك العاافيه على المرور العطر وبيض الله وجهك ولاهنتي

[أبحرت في عيونك]

أنا خاطري أكمل الدراسه بس مالي خلق

إن تبين العلم مالك ومالها ريحي نفسك لين يجيك ولد الحلال اللي سعدك إن شاء الله وتدرسين عيالك أحسن من يوم تعبين نفسك وبعدين تقعدين فالبيت

[العنود البريكي]

لا والله ويضيع عمري بين أربع أطوف

أبحر ياخوي ودي بس أناااا عوباااااا

[العنود البريكي]

من بيرضى فيني ‏

[العنود البريكي]

أقوووووول لك حاجه

بلا جامعه وبلا مصاريف

تعال عندي وبدرسك بس بشرط مقابل كل شرح أبي وجبة شكن فيليه

وش رايك؟

عجل علي

[أبحرت في عيونك]

لا حشى يا أختي محشومه :تقرين وتكتبين وتفهمين وتاكلين هذه اللي تقولينه.شكن فيليه يعني مافيك إلا العافيه إن شاء الله بس لاتكونين متشائمه وخلك واااثقه من نفسك وحسني علاقتك مع الله وتبين تعينين خير إن شاء الله ويجيك نصيبك لين حدك.الله ما ينسى أحد من عباده ولكل مهره خيال والله يكتب اللي فيه الخير لك ولجميع المسلمين.


وشاكر لك مرورك:

[العنود البريكي]

لبااااا قلبك ‏
والله يسعدني ردك أبحرت عن جد أنت قمة الذوووق

[العنود البريكي]

بس ماتسلفني نحمه وحده بس من عندك

[أبحرت في عيونك]

أبد ما تغلى عليك مير ماهي بمن عندي. وهي تجي من كثر المشركات تطلع لك دبل اللي عندك وبعدين تراء ماورهاء فايد ولا لها داعي والأفضل يكون تفكيرك كيف تستفيدين من ما تجهلين وكيف تفيدين من ما تعرفين هذه هو ثمرت المنتدى الفايده تنمين ثقافتك

[العنود البريكي]

صباااااح الخيررررر

أبحرت في عيونك وربي ماغيرررر أمزح معك السموحه منك

[أبحرت في عيونك]

صباح النور

وأبد وانا خيك ماصار شي

وحياك الله

[أبحرت في عيونك]

يا اخوان الحكومه تفسر الطلاب الليلي شرعي لى حسابها ولا لا؟ وإن كان على حسابي بكم تكلف برطانيا؟

[العنود البريكي]

يعني منت زعلان مني

[العنود البريكي]

بالله

[سعود بن سلمان]

لا والله اللى العنود قلبت المنتدى لسوالف

لا والمشكله مدرى وش تقول

اشك انها مب صاحيه

يالربع الحقوا على المنتدى لا يروح مراح جدى

[العنود البريكي]

ماقصرت سعود الحين طلعت ماني بصاحيه


احمدوا ربكم محد يونسكم بالقروووب الا أنا
طيب ماعاد أنا بداشه بالقسم هذا أبد


وبطلع احترامآ لكم جمييييع

وآسفه والله ماكان قصدي

أنا جديد وتجهلني بعض الأمور

لكن قبل أطلع بهديك يااااااسعود شيلة لا تعنيني لمرزوق الثبيتي وأداء مهنا العتيبي أسمعهاااااا


وماتشوفون شر

[العنود البريكي]

وقبل أطلع بعد بهدي حبي لكم جمييييع والسمووووحه منكم ‏


بشوف لي منتدى ثاني يضمني ويقبل فيني

والله انزلت دمعتي غصب ‏


ماظنيتكم تخلون عني



العنووووووود البريكي

[أبحرت في عيونك]

أختي العنود الله يعطيك العاافيه.هذه منتدى قبيلي ويختلف عن ماذكرتيه بالقروب. لأن المنتدى القبيلي يمثل القبيله نوعً ما لذا لابد أن نكون فيه بالشكل المطلوب.أما القروب وضع لسوالف وهو يختلف تماماً عن المنتديات القبليه .وهناك مواضيع في إستراحة الأعضاء للسوالف بئمكانك الذهاب إليها .

[أبحرت في عيونك]

سعود بن سلمان الله يعطيك العاافيه على المرور ولاهنت شرفت ونورت

[أبحرت في عيونك]

كما أتمنى من الجميع العوده لصلب الموضوع .وإفادتنا بما نريد

[بوح المحياني]

هذي أخر سنه لي فالثنويه( ليلي)وشرعي ونسبتي الترم الأول في سنة ثالث(خمس وثمانين)ومدري يقبلوني ولالا؟ وإن ماقبلوني كم تكلف البعثه(لإطاليا أو كندا)

- الله يوفقك أخوي وتصل بتوفيقه لمرادك .
وبالنسبة للإبتعاث لأيطاليا ماأنصحك به صراحة أولًا لأن فيه شرط تعسفي من شروط الإلتحاق بجامعاتها وهو تعلم اللغة الإيطالية هالشرط أخبره من 2006 الأن مدري والله عن تحديثات شروطهم , أنصحك تدخل المسافرون العرب بوابة " التعليم والدراسة في أوروبا " بإذن الله راح تحصل فيها كل إجابات تساؤلاتك ,
وكذلك بالنسبة للإبتعاث لكندا فيه بوابة خاصة به .

وإذا تبي لغة قبل وعلى حسابك عليك ببريطانيا لكن المشكلة غالية جٍدًا , تجي في المرتية الثانية " نيوزلندا " أرخص .


وبالتوفيق

[الصويتي]

تعال عندنا في امريكا وجب معك قبول جامعه ومعهد واذا جبت امر اركاب من الوزاره راح بس تجلس شهرين على حسابك الخاص بعدين يضمونك على الحكومه
زي ماقال كاظم الساهر لا لاتتنهد وانا قول لا لا تتردد

انصحكم انكم تشجعون اخوانكم واخواتكم ان يطلعون ويدرسون في الخارج لأنها فرصه والفرصه لها وقت وتنتهي

مثل ماقال الشاعر

العمر ينقص والليالي تزودي *** وشيٍ يفوت من اليدين يغبنها