المساعد الشخصي الرقمي

مشاهدة النسخة كاملة : تخيلوا لو الحريم بيسوقن !!

نايف بن عرويل
06-17-2005, 11:12 PM
بدون مقدمات

ارجوا تمريرها




تخيلوا لو الحريم بيسوقن = ونلقالهن في كل شارع طرايف

تلقا العجايز فالشوارع يدورن = وسيارة الاسعاف ترقب حتايف

وليا تأخرنا دقايق يصيحن = ثم اركبن فوق المواتر ولايف

وقامت تكبسلك بالانوار ياهن = بين اخوياك وصرت محرج وخايف

وتخيلوا لو ذات يوماً يمرن = عليك دوريات والجمس طايف

ويوم اطرحوه يصير موقفك محزن = تلقا العجوز مكلبشه ياحسايف

وتلقا البني في كل جلسه يتكن = طقة بلوت ومعهن الكيف كايف

هذي تبا تحكم وهذي تبا صن = والبيت ضايع دون طبخ وغرايف

ياللي ذنوبك فوق راسك يحنن = اللي فقلبك طلعته الشفايف

انظارنا من فوق فكرك يشوحن = ونشوف شيٍ ماتشوفه ياهايف

حق المره ياشيخ تلعب على من !! = خبلان حنا قلي ويش انت شايف ؟

وين انت عن صوت الارامل ينوحن = وين انت عن حق المره فالوظايف

وين انت عن جملة بناتٍ يضيعن = وين انت ياراع العلوم النصايف

لوهي بيديكم كان قلتوا يغنن = لكن صدمتوا فالجبال النوايف

من دونهن حنا وفقلوبنا هن = الطاهرات الساجدات العفاايف

والمسئله لاصار لحقة شرفهن = يروح فيها يا آل زلفه طوايف

هذا كلامي واسمعه زين واذعن = قلته ولاني من تواليه خايف

قلته واباقف وارفع الصوت واعلن = ارادة الامه على لسان نايف

ماهو تخلف لارفضنا يسوقن = راس التخلف لاتركنا العطايف



وسلااامتكم
فهد العايضي
06-18-2005, 05:52 AM
صح لسانك يانايف يابن عرويل

ياجعلك تسلم مثل ماعودتنا ماتجيب إلا الجزل


تقبل فائق إحترامي
** راس حربه **
06-18-2005, 07:47 AM
ياسلام يابن عرويل قصيده مافيها روح وتعال

وصح السانك طااال عمرك ولاهنت

والى الامااام

وننتظر جديدك


دمت بود
المحيــنــيــش
06-18-2005, 08:57 AM
صح لسانك يالسمي

ولاهنت

دمت بود سيدي الكريم

وانتظر قصيدتي القادمه باذن الله

وهي تحكي نفس موضوعك اللي اثار

عندنا ضجه اعلاميه

من عديمي الظمير

العلمانيه لعنت الله عليهم
إبن ثعلي
06-18-2005, 06:52 PM
صح السانك يابن عرويل ما فصرت
تحياتي
طالع
06-19-2005, 02:56 AM
بيض الله وجهك يانايف

صح لسانك على هذا الشموخ الذي لايضاهيه احد

سجل اعجابي


واسمحلي سوف ازور هذه القصيده واتعبها بالزيارات
نايف بن عرويل
06-26-2005, 09:10 PM
الغريب صح بدنك
وتستاهل انتتتت واهل هالمنتدى الرائع ان الواحد يقدم افضل مايستطيع

تحياتي
النـايــــــف
06-26-2005, 11:02 PM
صح لسانك اخوي نايف



وبيض الله وجهك يا الغالي



والله لا يحرمنا من قلمك المميز



تحياتي لك ،،،،


اخوك النـايــــــــــف
فهد العصيمي
06-27-2005, 07:03 PM
صح لسانك اخوي\نايف بن عرويل ولا هنت قصديه قليله عليها كلمة رائعه ما ادري كيف اوصفها لانها بصراحه جميله وتقبل فائق احترامي اخوك\فهد العصيمي.
ابن ثريان
06-27-2005, 09:30 PM
صح لسانك وبدنك

ويامال العافية يالغالي
التركي
06-28-2005, 06:02 AM
صح السانك اخوي نايف علي القصيد الجزله ودايم ماشالله عليك ماتجيب الا الشي الرائع تحياتي لك يالقرم اخوك تركي
نايف بن عرويل
06-30-2005, 07:52 AM
راس حربه




صح بدنك ياتلغالي

ويشرفني مرور انسان خلوق مثلك



لك بالغ تحياتي

اخوك نايف بن عرويل
نايف بن عرويل
07-02-2005, 05:22 AM
المحينيش


اسعدني مرورك

وصح بدنك


وفي انتضار قصيدتك
نايف بن عرويل
07-05-2005, 03:20 AM
صح بدنك يابن ثعلي وشكرا لمرورك

لك بالغ تحياتي
نايف بن عرويل
07-15-2005, 03:34 AM
عيد الجماعه

صح بدنك يالغالي

ويشرفني مرورك الرائع

وياهلا ومرحبا بك في اي وقت
الحصان
07-15-2005, 06:56 AM
صح لسانك على هذه القصيدة الجميله مع انني من المؤيدين لسواقة المرأة
نوف
07-15-2005, 12:33 PM
الاخ نايف تسلم على القصيده ونقول هل من مزيد .
نايف بن عرويل
07-23-2005, 06:24 PM
النايف صح بدنك يالغالي

واسعدني كثيرا مرورك

تقبل فائق تقديري واحترامي

اخوك نايف بن عرويل
نايف بن عرويل
07-30-2005, 11:07 PM
فهد العصيمي

حياك الله يبن عاصم وصح بدنك

مرورك يكفي يالغالي

تقبل تحياتي

اخوك/نايف بن عرويل
نايف بن عرويل
08-09-2005, 02:53 AM
صح لسانك وبدنك

ويامال العافية يالغالي


والله يالغالي ماخليتلي شي مدري وش اقول لاكن الله لا يهينك على هالمرور الرائع
وانشالله اقدم الي يحوز على رضاك ورضى هالمنتدى الشامخ

اخوك/نايف بن عرويل
أبو رديعه
08-09-2005, 06:08 PM
ماهو تخلف لارفضنا يسوقن 000راس التخلف لاتركنا العطايف

الله الله صح لسانك وماقصرت


المشكله بعض العرب يكابر ولا يعاين في مصايب الدول المجاوره جراء هالقرار
نايف بن عرويل
08-16-2005, 04:54 AM
التركي


صح بدنك

ولاهنت على هالمرور الرائع

لك التحيه

اخوك/نايف بن عرويل
نوف
08-16-2005, 07:19 PM
رايك نتحرمه يالطيب لاكن كل انسان له وجهة نظر ولابد نحترمها مهما كانت وللكم من كل تقدير


نوووف
نايف بن عرويل
08-17-2005, 05:20 AM
وانا احترم رايك ولو ما ابديتيه لاكن اضن ان رأيي هو رأي كل مسلم سعودي اصيل وابشرك اني وجدت تأييد على هذا الرأي من اغلب الناس ولو لم تكن هذه هي رغبة الناس لما ايدوا القصيده

اشكرك على مرورك
السيحــاني
08-17-2005, 08:18 AM
تسلــــــــم يا ابن عرويــل

ولا هنــــــت

وتسلــم يمينك اللي كتبتها

القصيده حلوه و ويمناك اللي كتبتها احلــى


السيحــاني
نوف
08-17-2005, 08:51 PM
هههههههههههههههههه
طيب يابن عرويل
اذا جت من علوى 00000 سكتت بريه

نغير اللفظ
هداج تيما
08-17-2005, 11:20 PM
بيض الله وجهك يابن عرويل


عز الله أنها قضيده كايفه .............. ومعبره جدااااااا...


وأنا معك فيما قلت............. وتقبل تحياتي بعد عودتي لكم من جديد
نايف بن عرويل
09-14-2005, 02:33 AM
صح بدنك اخوي الحصان وانا أحترم رايك وكلن له مفهومه الخاص بالنسبه لهذه القضيه

صح بدنك واسعدني مرورك

لك التحيه والتقدير

اخوك/نايف بن عرويل
نايف بن عرويل
09-19-2005, 10:16 PM
صح بدنك يا نوف وحياك الله
نايف بن عرويل
09-27-2005, 04:11 PM
ماهو تخلف لارفضنا يسوقن 000راس التخلف لاتركنا العطايف

الله الله صح لسانك وماقصرت


المشكله بعض العرب يكابر ولا يعاين في مصايب الدول المجاوره جراء هالقرار



صادق وانا اخوك


صح بدنك يا ابو رديعه

ولا هنت على هالمرور الرائع

اخوك/نايف بن عرويل
نايف بن عرويل
10-07-2005, 11:33 PM
صح بدنك يالسيحاني


ولا هنت على هالمرور الرائع

لك التحيه

اخوك/نايف بن عرويل