نبذات بسيطة من الحكم

[خلف عبدالهادي الروقي]

اليكم هذه النبذات البسيطه التي ربما تتصف بشيء من الحكمه.واطلب المعذره على عدم اطالتها.بحيث اني بنيتها على المثل القائل: خير الكلام ماقل ودل.



ترى المزح له اصول واسلوب يالمزّاح ** احسن مزحك ولاهو بتمزح على اي انسان
لاتمزح على اللي مايبا المزح مهما ارتاح ** ولا تمازح الاحمق لا تمازح الزعلان
ترى الخير له مفتاح والشر له مفتاح ** ومن الحكمه الصمت ومن الحكمه الاحسان



_________




نعدّ الليالي والليالي تعدّنا ** كما قاله ابو زيد في ماض الاذكار
لابد لك ياابن ادم من لانتهى لابد ** سنين الدهر ياطولها والعمار قصار
احفظ دينك ودنياك يالادمي واجهد ** ولا تجالس اهل المهزله جالس الاخيار
ترى المرء لو يثر به جليسه ولو اشتد ** مثل مدامن الجرباء جرب حين حوله دار
وترى من يتيه بليل برجو نهار الغد ** لكن البلا من تاه في واضح النهار
وترى من يعرف الصقر يقنص به يصيد ** واللي مايعرف الصقر يشويه وسط النار



____________
وفي ذات ليله لاحظت احد الباعه جالساً بطرف السوق يبيع له حلوى وينادي عليها قائلاً : ( حلوه وناعمه مابه احلى منه الثنتين بريال) واستمر يكرر مابه احلى منه.وبهذا التكرار لفت انتباهي فتمثلت بخمسة الابيات التاليه :


يامبيع الحلوه الثنيتن بريال ** ياللي تردد طعمها حلو ورقاقه
وتقول مامثلها في عالم الحالي ** لان النواعم عليها جات مشتاقه
مار انا اخالفك فيما قلت يالغالي ** حلوتك به غيرها احلى واكثر اعشاقه
شئين مامثلهن في كل الاحوالي ** مهما يكون الحلو وتنوع اذواقه
الاول العافيه ياطيّب الفالي ** والثاني المطلب ليا جاء على فاقه