جارنا وكلابنا تنبح كلابه

[المورقي]

الى الاخوة المشرفين والاخوة القراء والمشاركين نرجو افادتنا بقصيدة عبد المعين الثعلي الروقى والتى منها البيت التالي

جارنا وكلابنا تنبح كلابه
مانعاوز للمفازيع البعيده

[إبن ثعلي]

أخي المورقي اذا كانت شروط المنتداى لا تمانع في ذلك فأبشر لأنني أعتقد أنها ستثير بعض الحساسية بين القبائل

[ابـو سعـود]

ياهلا بك ياأخي المورقي وابشر ان شاالله باللي تبا

بن ثعلي ... كفو والله وياليت تعطينا القصيده والمنتدى لايعارض


ابدا هذا النوع من القصائد ....

لانها قديمه والتاريخ لن يغيره شي ولن يزعل أحد

وتحياتي لك ;)

ونحن بانتظارك وعساك على القوه :)

[المورقي]

اخى العزيز بن ثعلي عجل علينا بالقصيدة فهي جزء من تراثنا وكل عام وانت بخير.
اخى العزيز ابوسعود شكرا جزيلا لك واطال الله فى عمرك وحفظك من كل مكروه

[إبن ثعلي]

قصيدة شاعر النظم الاول في الجزيره العربيه الشاعر عبد المعين ابن ثعلي0



ارس ياغرس عليك النا مهابه=لاتزعزعك الحرايب والوعيده
الحرايب من على وقت الصحابه=مضحيه ويصيدنا والا نصيده
وان قنع بالحق يوم الحق اصابه=وان جزع واللي يريد الله يريده
لاصحيب ولانسيب ولاقرابه=من بديده وانت عنا من بديده
يجتهد فينا وحنا في هبابه=واذبح الضاوي ويذبحك القعيده
لايظن بزود منا ويهقابه= والله انا اقرب لروحه من وريده
وان بغى يقنع على مابي ومابه=وان بغى كتب الافاده مايفيده
وان بغاه يروح يوم وما غدابه=وان بغيت تولع النار الوقيده
علموهم يامطير ويا عتابه= يحسب الرجال يغدي به جحيده
ما ذبحناهم غلط والا غهابه=عمد واللي ماضي منهم نعيده
سلفة(ن)ردت عليه وسد بابه=في الفقيده ما يسد الا الفقيده
جارنا وكلابنا تنبح كلابه=مانحاوج بالمطاريش البعيده
وان ورد له مارد(ن) نشرب شرابه=وان صدرنصدر ونرده مع وريده
وان بغيت الصلح بين لي كتابه=واطف نار الحرب والهجره مهيده
وان بغيت الحرب بذتك الحرابه= الحرايب قدمنا بذت عبيده
شب نار الحرب والبس من ثيابه=واعذرالحكام واعلن في الجريده
الاسود مع الفهود مع الذيابه=والبحور اللي مغارقها سديده
واحتسب للحرب واصبرفي حسابه=والسلاح جداد والفتنه جديده
ساع ما ركب حديده في خشابه=والفشق مو جودوايامك وجيده
وانت من خنذف وحنا من شبابه=ثم كل عز راسه من عضيده
العتيبي من رهاط ليا اللهابه=والمطيري من طويق الى اللبيده
وانت في لابه وانا في جوف لابه=لابة(ن)تذري محاجيها جويده
من وفا يومه وزلت له وجابه=ما نقص منا الحساب ولا يزيده
وانت لك عامين تلعب بالربابه=كيف تلعب بالربابه والقصيده
تحسب إناماعليك إلنا اقلابه=لو صبرناعنك تحتر الحديده
مير حنا في محاكمة النبابه=في ورود الصك حده وتحديده
ثم والله ماتروح بزود جابه=لين ما يبقى لتاليكم شريده

[ابـو سعـود]

تسللللللللم يمييييينك يابن ثعلي وصح لسان شاعر عتيبه عبدالمعين بن عقل


ثـم والله ماتـروح بـزود جابـه *** لين مـا يبقـى لتاليكـم شريـده

كفو والله وسبعة أنعام بالاد ثعلي .....


وننتظر منك يابن ثعلي قصيده

المطيري يوم قض جمعه في وطنا *** يحسبنها سرقة شاتن يسري بها

لاهنت

[الدجيما]

مشكور اخوي ابن ثعلي وصح لسانك ولسان ابو فهد نرجو منك ان


لاتبخل علينا بالمزيد من هذه القصايد ....




وتقبل تحياتي..



اخوك الدجيما

[المورقي]

شكرا جزيلا على هذه القصيده وعلى مجهودك ودمتم

[alwasal]

شكرا جزيلا على هذه القصيده وعلى مجهودك ودمتم

[فهد السميرى]

مشكور ابن ثعلى ماقصرت والله يسلمك

[إبن ثعلي]

مشكور اخوي فهد لكن كيف عثرت عليها ورفعتها وقد نسيناها حيث مضى عليها عدة سنوات
تحياتي

[فهد السميرى]

تسلم يمناك ولاعدمناك مشرفنا الغالى وصح لسان شيخ الشعراء ابن ثعلى

[لسان الحاكي]

الاخ بن ثعلي

شكرا على تزويدنا بقصيدة عبد المعين....

و لعل حصل اخطاء مطبعية احببت التبيه الها...
و أهمها :

1- لا تزعزك......و الصح: ما تزعزك ( في أول بيت....و المعنى يختل بشكل كبير حسب معرفتنا بلهجة عتيبه )

2- لين ما يبقى لتاليكم شريده
الصح :
لو ما يبقى لتالينا شريده...
( في البيت الآخير: المعنى يرتخي ...اذا كان صاحب التضحية حتى النهاية ليس صاحب الحق)


ليس السبب في التصحيح ان المعنى أجود ....بل لأنني هكذا سمعتها من تسجيل للشاعر.....



ارس ياغرس عــــلاك النا مهابه
-------------------------------- مـــــــا تزعزعك الحرايب والوعيده
الحرايب من على وقت الصحابه
--------------------------------مضحيه ويصيدنا والا نصيده
وان قنع بالحق يوم الحق اصابه
--------------------------------وان جزع واللي يريد الله يريده
لاصحيب ولانسيب ولاقرابه
--------------------------------من بديده وانت عنا من بديده
يجتهد فينا وحنا في هبابه
--------------------------------واذبح الضاوي ويذبحك القعيده
لايظن بزود منا ويهقابه
-------------------------------- والله انا اقرب لروحه من وريده
وان بغى يقنع على مابي ومابه
--------------------------------وان بغى كتب الافاده مايفيده
وان بغاه يروح يوم و ما غدابه
--------------------------------وان بغيت تولع النار الوقيده
علموهم يامطير ويا عتابه
-------------------------------- يحسب الرجال يغدي به جحيده
ما ذبحناهم غلط والا غهابه
--------------------------------عمد واللي ماضي ٍ منهم نعيده
سلفة ٍ ردت علاه... إنسد بابه
--------------------------------في الفقيده ما يسد الا الفقيده
جارنا وكلابنا تنبح كلابه
--------------------------------مانحاوج بالمطاريش البعيده
وان ورد له مارد ٍ نشرب شرابه
--------------------------------وان صدرنصدر ونرده مع وريده
وان بغيت الصلح بين لي كتابه
--------------------------------واطف نار الحرب والهجره مهيده
وان بغيت الحرب بذتك الحرابه
--------------------------------و الحرايب قــدمنا بذت عــــــبيده
شب نار الحرب والبس من ثيابه
--------------------------------واعذرالحكام واعلن في الجريده
الاسود مع الفهود مع الذيابه
--------------------------------والبحور اللي مغارقها سديده
واحتسب للحرب واصبرفي حسابه
--------------------------------والسلاح جداد والفتنه جديده
ساع ما ركب حديده في خشابه
--------------------------------والفشق موجود وايامك وجيده
وانت من خنذف وحنا من شبابه
--------------------------------ثم كل عز راسه من عضيده
العتيبي من رهاط ليا اللهابه
--------------------------------والمطيري من طويق الى اللبيده
وانت في لابه وانا في جوف لابه
--------------------------------لابة ٍتذري .....محاجيها جويده
من وفا يومه وزلت له وجابه
--------------------------------ما نقص منا الحساب ولا يزيده
وانت لك عامين تلعب بالربابه
---------------------------------كيف تلعب بالربابه والقصيده
تحسب إنا ماعليك إلنا انـــقلابه
--------------------------------لو صبرناعنك تحتر الحديده
مير حنا في محاكمة النبابه
--------------------------------في ورود الصك حده و تحديده
ثم والله ما يـــــــروح بزود جابه
--------------------------------لـــو ما يبقى لتاليـــــــــــنا شريده


شكرا لحسن تعاونكم....

[النـايــــــف]

بيض الله وجهك يا بن ثعلي


على هذه القصيده الجزله


تحياتي لك ،،،،