لغز اليوم للجميع (محلول) من العطاوي صح لسانه وبيض الله وجهه

[{ أبوفيصل }]

اليوم متحمس بشده مدري وش جاني على الألغاز
لغز كيبوردي تمهيداً لِما بعده ارجو ان ينال الأعجاب




انشدك عن رجّال في كل ديره =بالعرف واضح كلكم تبخصونه
بيديْن من لايرحمونه مصيره =وماقدّر المولى يجي في حتونه





الله الله ياهواة الألغاز فيه أكثر من كذا سهوله

:11ight:

[الأدميرال]

صح لسانك يالعطاوي
وجاري التفكير

[الأدميرال]

ساهر

[{ أبوفيصل }]

صح بدنك يالأدميرال

وبأنتظارك يالغالي

[{ أبوفيصل }]

مالك لوا ياأدميرال
غير صحيح

[{ أبوفيصل }]

يالأدميرال ،، الزملاء وينهم الليله !!
وين حبيبنا وجودك وروقي قرم وين ابتسام ومهرة مطير
وين ابوبخيت والعطاوي وين جلاده والصحبه الباقيه

>> مايبيك تنفرد بذبحة اللغز لوحدك خابرك سفاح ههههه

[آلعطـ خ ــآوي]

هههههههه لبيك يبن العم وصلت ولي حضر ماغاب ، انت الي وين من طول الغبات جب الغنايم
وسلامات ماترا باس

صح السانك لغز مليان وجاري التفكير

[{ أبوفيصل }]

هلا وغلا يالعطاوي سعدت بوجودك يالغالي
الذيب على طاريه هههه الله يعطيك العافيه ويسلمك وياجعل ماتفقد غالي
،، صح بدنك وبأنتظارك

[وجودك يكفي]

حيّه وحيّ ماجاب
صح لسانك ياخليجي ولآهنت على اللغز الجميل

وش تقول في حرف الدال
موجود في كلمة ديره وموجد كلمة يديين وغير موجود في كلمة حتونه

أو حرف الراء

[آلعطـ خ ــآوي]

وش تقول في الديك يخليجي بالعرف واضح هههههه

:9::9:

[{ أبوفيصل }]

الله يبقيك يالذيب

،

صح بدنك ياولد ثابت مالك لوا بحرف الدال

[{ أبوفيصل }]

صح لسانك يالذيب واصابة موفقة من أول رمعه يالعطاوي
ههههه ماخليته يتنفس ماشاء الله عليك
صراحه من يوم شفت وجودك يكفي قلت خلاص ننتقل للغز الجديد

تحيتي لمن شارك والف مبروك للعطاوي

[آلعطـ خ ــآوي]

صح بدنك يبن العم

ادري مايرحمونه وبلعرف واضح هههه ووجدك يكفي سبقته فالغز الف شكر على الغز اطيب

[وجودك يكفي]

هههههههه لعبت علينا ياخليجي
والله صح لسانك على اللغز الذكي وصح لسانك يالعطاوي وكفووو يالذيب

الله يعطيكم العافيه وبيض الله وجيهكم جميع

[{ أبوفيصل }]

هههههههههه

لوكان لابد من التمويه ياوجودك مايخفاك الغبو والألغاز
وان كان على الأحرف صحيح بها حرفين الدال والراء موجودات وماهي في غيرها
لكن لايصح لو سلّمنا بأن هذا هو الحل >> يصير فيه ازدواجية غير مقبوله لحرفين في اَنٍ واحد

>> العطاوي صاد عرف الديك واللي يجيب عرفه يجيب الديك

:)

[الأدميرال]

يالأدميرال ،، الزملاء وينهم الليله !!
وين حبيبنا وجودك وروقي قرم وين ابتسام ومهرة مطير
وين ابوبخيت والعطاوي وين جلاده والصحبه الباقيه

>> مايبيك تنفرد بذبحة اللغز لوحدك خابرك سفاح ههههه

هلا خليجي انا دخلت بعد صلاة العشاء ومافيه احد ومن ضمنهم انت وجودك عارف وين مكانه عند راع التميس بخليها قلابه وكلاوي بالعافيه عليه
بس الرسايل موقفه عندي مدري وش سالفتها ولا كان تعطيني خبر بئي موضوع اشارك فيه