لغز: توحّد بالشتات اخوان(محلول )من وجودك صح لسانه وبيض الله وجهه

[{ أبوفيصل }]

استلموا هاللغز وهاتوا حله




أنا بنشدك عن بنتٍ توحّد بالشتات اخوان =ولكن ماتدوم الّلمّه اللي بسم وِحْدَتْها
ليا ذكّيْتها تذْكاه بلا سكين ياكحيلان =يبقى عقب راس البنت ستّه لو تشتتها

[{ أبوفيصل }]

ويييييييينكم
مالوم الربع مختفين من الفرحه يالله عساها اليوم ودوم
والله يعز ابومتعب ويجعله طول عمره في أتم الصحه والعافيه

[وجودك يكفي]

صح لسانك ياخليجي والله يعطيك العافيه

وش تقول في الجزيزة العربيه ودولها السته

[{ أبوفيصل }]

صح بدنك ياوجودك


مالك لوا ياوجودك

[وجودك يكفي]

وش رايك في السسته وإذا شلنا حرف الاول تصير سته

[{ أبوفيصل }]

ههه

مالك لوا ياعامل روحك ماانت عارف

[وجودك يكفي]

طيب وش رايك في ال/ لسته وإذا شلنا حرف اللام تصير سته

[{ أبوفيصل }]

مالك لوا
ماتترك هاللغز ماهو قصورٍ فيك خابرك زين
بس يبي يتعبك

ههه

[وجودك يكفي]

هههه صدقني ماني عارف وهذاني أشرب كافي وأفكر بعمق
أنا فهمت من آخر بيت إنا إذا حذفنا الحرف الأول من أسم البنت يبقى لنا كلمة سته>>نبي نغير الخطه

وش تقول في الساعة سته تجمع العقارب وإذا شلنا كلمة ساعه تبقى لنا كلمة سته

[{ أبوفيصل }]

حرام تغير خطتك السداسية
مالك لوا
ههه

ذكرتني اغنية قايّه الساعة سته

[وجودك يكفي]

لازم نستعين بناصر الجوهر ههه

الله يلحس مخ عدوك يلخيجي>>حطيت قدام كلمة ((سته)) كل الحروف وماطلع معي كلمه لها معنى غير كلمة ((سسته)) وكلمة ((لسته))

جاري التفكير

[{ أبوفيصل }]

مالك ومال الكافي وانت وجودك يكفي
عليك بـ السّبرِسّو ،، جرّب راح تدعيلي

ههه

[وجودك يكفي]

طيب طيب وش رايك في اليسته

[{ أبوفيصل }]

وش اليسته

مالك لوا

[وجودك يكفي]

88
والله مدري ياخليجي وش اليسته>> قلت برمعها يمكن لها معنى وأنا ما أعرفه

[{ أبوفيصل }]

مالي شفل يبي يجي من يرمعه رمعه
تقضي على ابوه واللي خلفوه


:)

[وجودك يكفي]

وش تقول في الدسته ياخليجي
دسته وإذا شلنا حرف الدال صارت سته

[ابو بخيت]

انا قول مايقول وجودك دسته

[{ أبوفيصل }]

صح لسانك ياجودك
صحيح

(( دسته ))

كما هو معروف لايقل عن سته ولايتجاوز اثنى عشر

شكراً يابوبخيت على تأييدك

[ابو بخيت]

صح السانك ياخلبجي وصح السانك يا وجودك

[وجودك يكفي]

خليجي ،، ابو بخيت
صحت ابدانكم ولآهنتوا والله يعطيك العافية ياخليجي على اللغز الجميل