لغز,, يامدوّرْت الحلول (محلول) من روقي قرم صح لسانه وبيض الله وجهه

[{ أبوفيصل }]

لغز جديد وسهل وليد هذه اللحظه ومن باب التنشيط مثل ماجبته ع السريع هاتو حله سريع

:)

،

،

،


ربعي ياهَلَ العقــول ** يامـدوّرْت الحلـول ** استلمـوا لغز ٍ يقـول

وش رجّـالٍ له قـبول


تقبله في كل حال ** ماهو شي مْن الخيال ** في عدله ميل وعدال

وبْميلـه عـدل وميـول


هـَكَــــذا وَ دّوَالَـيْك ** مالـه فـالدنيا مليـك ** لك عليه ولـه عليك

جعـل حيّكـ مـايزول

[آلميَـم]

(*ملك الموت
إن أصبت في تأويل البيت !

[{ أبوفيصل }]

ماالكـ لوا

[وجودك يكفي]

صح لسانك ياخليجي وبيض الله وجهك على اللغز الرائع

وش تقول في الميزان او الظل

[{ أبوفيصل }]

صح بدنك ياوجودك ووجهك ياابيض الوجه والرائع وجودك

مالك لوا

[وجودك يكفي]

وش رايك في العمر او الزمن والوقت

[{ أبوفيصل }]

ماالك لوا

الوقت هو الزمن قد لايكون لهما قبول في بعض الاحوال
،، العمر بيد الله ماله علاقه بالعدل والميل ،، للتوضيح ليس الاّ
تبقىّ لك طلقة واحده هههههه

[وجودك يكفي]

هههههه مدام باقي رميه جاري التفكير

[{ أبوفيصل }]

الميزان قد يمتلكه أحدنا وتجد عدله عدل ولاتجد به ميل والعكس صحيح

نعم ياجودك بعد هالرمعات القويات تبقى لك وحده

وش رايك في هالفلسفه تراها من أثار لغزك ولغز ابتسام اللي ما أنحلت للحين

:)

[مهـرة مـطير]

صح لسانك يىآ خليجي

يمكن يكون الجو أو الطقس في اعتداله

[{ أبوفيصل }]

صح بدنك

مالكـ لواا يامهره

مااا

[آلميَـم]

آجل ) .. المطر.. (يافاضل

[إبتسام]

صح لسانك

وش تقول في الطريق

[إبتسام]

أو الدهر

[عاشق المساري]

صح لسانك اخوي خليجي

ان ما خاب ضني شهر رمضان

[{ أبوفيصل }]

الأخت الميّم والأخت ابتسام سلمتن ودمتن وصحت ابدانكن

مااالتتسن لوا

[وجودك يكفي]

باقي لي رمعه وحده :24:

وش تقول في قوس قزح او القمر :11:

[وجودك يكفي]

خليجي تراك ما رديت على رمعة عاشق المساري>> لتذكير فقط

[{ أبوفيصل }]

صح بدنك اخوي عاشق المساري
مااالك لوا

[{ أبوفيصل }]

نعم كااااااان باقي لك رمعه ومن يوم عانقت القمر والقوس
راحت الرمعه ياوجودك سمااا فوق :23:

[روقي قرم]

ممكن القمـر

[{ أبوفيصل }]

رمعه مكرره مااالكشي لوا ومش ممكن ياروقي قرم
اللغز سهل ولكن وين ذباحه

[ابو بخيت]

وش تقول ياخليجي في الحصان اوسياره

[إبن ثعلي]

ويش رايك في الشيب ياخليجي

[روقي قرم]

اذا ماهوب الشيب على قولة ابو عبدالرحمن

فهو الكبـــر (الكهل)

[{ أبوفيصل }]

مالك لوا في هالرمعتين يابوبخيت بعيد

[{ أبوفيصل }]

مالك لوا يابوعبدالرحمن

[{ أبوفيصل }]

مالك لوا ياروقي قرم
الكهل والكبر ،، لاقبول له ياصاحبي

[وجودك يكفي]

وش تقول في الإنتصار يوم لك ويوم عليك

[روقي قرم]

وش تقول في الحظ

[م ا ج د]

مسيتم بالخير جميعا
واسعد الله اوقاتكم وادام عليكم الصحه والعافيه


لغزن طيب من رجالن طيب

صراحه مالقيت شي امسكه في هاللغز مفتوح التوقعات على مصراعيه .. مالقيت شي محدد اقدر ابني عليه الحل واحاول اجيب رمعة تبيض الوجه :)

اقدر اسمي هاللغز السهل الممتنع لسهولة المفردات وصعوبة تفسيرها


عموما ان ماكان ( الحظ ) مثل ماقال الاجودي اللي قبلي فأتوقع ان له حل ثاني << قل والله :)

..وحاول تقرب لنا اللغز الله لايهينك .. تلميحات بسيطه .. او اول حرف من الحل .. والا اول كلمه .. او تعطينا الحل وتفتك من شري ههههههه

خليجي صح لسانك والله يعطيك العافيه

واتمنى التوفيق لك وللكل .. وشدوا حيلكم احس حل هاللغز مررره بسيييط بس يبي لها صفاء ذهن

ومحد راح يحله الا بعد العشاء .. لانه يجي مع مقبلات الليال .. وقتها بتشوفه بعينك لانه مو من الخيال

والوقت هذا يكون المخ صافي ومافي تشويش وتقدرون تحلونه باذن الله



وآسف على الاطاله .. واعذرني اخوي خليجي

تحياتي للكل

[{ أبوفيصل }]

مالك لوا ياوجودك بالأنتصار جعل الأنتصار حليفك

[{ أبوفيصل }]

صح لسانك ياروقي قرم
نعم الحظ أوالنصيب

كلًٍّ من عندالله والحظ والنصيب في كل حالاته له قبول يأتي تارتً لصالحك عدلاً وتفرح به
وتارتً يأتي وتراه مائل وترضى به مكْرهاً وانا وانت كلٌّ له حظ ونصيب لابد تقبله
وعليك كذلك ان تقبُّله كما لايملك احداً منا التصرف به

حظاًّ أوْفر ونصيباً أكبر لمن شارك خاصةً اخر مداخله من ماجد شاكر له تأييده وكلامه المعقول

[روقي قرم]

صح بدنك يابع ـدي

ونبي لغز جديد الليله منك انت ووجودك : ) نبي ننمي الذاكرهـ

موفقين خير

[{ أبوفيصل }]

الله يمسيّك بالنور والسرور
تسلم يالماجد والحل هو كما توقعته وأيّدته أنت والذي اصابه اخي روقي قرم
وتعقيب بسيط على موضوعك الحلو صحيح ماذكرته ولكن لو أدركت أني
جعلته مفتوح من ثلاث جهات وأغلقته من جهه واحده فلا تجد مايعيبه

شاكرلك ومقدر مشاركتك الثمينه

[م ا ج د]

كفو والله ياروقي قرم ومبروك حل اللغز

والف شكر لاخ خليجي على مجهوده الطيب

عطونا الغاز .. مشتهي افكر اليوم هههههه

[{ أبوفيصل }]

^^
اَمل من اخي ماجد الأطلاع على التعقيب بعاليه
شاكر له ومقدر وللجميع تحيتي

_________________________

صحت السنتكم وابدانكم جميعاً
ابشرو بالألغاز لكن باقي لغز مثبت لازال يتندّح بينكم
ويناديكم يريد الخلاص كذا ولاّ كذا
:11ight:

هههههههههههه

[وجودك يكفي]

كفوو كفوو يالروقي القرم :9: :9:

صح لسانك على الرمعه القاضيه وبيض الله وجهك يالذيب وصح لسانك ياخليجي ولاهنت

[م ا ج د]

تسلم يالماجد والحل هو كما توقعته وأيّدته أنت والذي اصابه اخي روقي قرم
وتعقيب بسيط على موضوعك الحلو صحيح ماذكرته ولكن لو أدركت أني
جعلته مفتوح من ثلاث جهات وأغلقته من جهه واحده فلا تجد مايعيبه

شاكرلك ومقدر مشاركتك الثمينه

عز الله ماقصرت ولغز انا اشهد انه طالع من راس كايف ومن رجل كفو

يالغالي انا مااعيب على اللغز بالعكس اللغز يشهدون لك فيه ناس ابخص واعرف مني

انا انسان ماعرف احل الا اللغز السهل هههههه

حبيب قلبي والله .. وانتظر لغزك الجديد وبحاول معاكم ان شاء الله

وعذرا على المداخله :)

[{ أبوفيصل }]

بالعكس مداخلتك جميله وراقت لي
وأعطنا أرائك بما تراه فمنكم نستفيد كذلك
وبالنسبة للغز موجود لغز لم يحل بعد

[روقي قرم]

كفوكم الطيب

مشانا لـ اللغز الثاني نقضي عليــه