هذاك نجر العويد كاسب الطاله

[أبوبتال]

هذه القصيده مهداه للإستاذ /نجربن ناصربن عويد ابن شده المرشدي العتيبي
الرجل المتواضع الذي بذل نفسه في خدمة قبيلته والمجتمع على وجه العموم يعجز
التعبير عن شكر ذالك الرجل بعد شكر الله سبحانه


المدح للي زهى شعري وقيفانه=قرم شمخ بالوفا من عصر جدانه
يحرم علي اصخر القيفان في غيره=حيثه مقر الوفا والطيب عنوانه
وان قيل منه تراه امعرب ساسه=من روس قوم بفعل الجود طربانه
هذاك نجر العويد كاسب الطاله=جزام عزام فعله فايق أقرانه
غيث لربعه وفزعة من تناخابه=سلايل اللي تعلى واعتلا شانه
ناصر عويد عسى الايام تمهله=بالطيب والعرف وافي كيل ميزانه
حفيد عبدالله المشهوروالشايخ=إمتيه الوضح ماهموه عدوانه
وسعود عضد الرفيق ودرعه الواقي=عضده لياوصل راس العلم حدانه
وغيره وغيره شيوخ تحتم الهيه=فرسان وقت تعدو كل فرسانه
جدانه امعوض وعايض ذوي شده=وعويض اللي يعز بفعله إخوانه
إعويضات أستمت بسمه وسموها=وبجاد وحمود والي بان برهانه
وعايد ولد عايض الابح تعرفونه=اللي حما ذوده من القوم بسنانه
أفعالهم كل طيب يفتخرفيها=أبطال قوم تزور الخصم بوطانه
لافرق في طيبهم حماية الطرقا=كم شيخ قوم حمو فالحرب ذيدانه
يحدون عنها الخصيم ويرتدي حضه=يقوله الي شهد للقول برهانه
أمجادهم صطر التاريخ مبداها=فريس فرسان وقت الهوش نشطانه
ياكم وكم فارس خلوه منصابي=وياكم وكم فارس عود بخذلانه
من الاد مرشد قبيله تدخل الزابن=ادخيلهم لازبن ماتدمع أعيانه
أملاكهم في مثاني نجد معروفه=عنها العدو مبتعد من نزغ شيطانه
هم روس مزحم صدارة روق وعتيبه=منهو نصاهم حمو ذوده وحيرانه
وختامها ياصلاة الله على محمد=إعداد مزنن نشا وانهل ودانه

[صنداح الزلامي]

الله

الله
يستاهل الممدوح نجر بن ناصر المرشدي

انت ابيض وجه

ياابوبتال صح الله لسااااانك واعتلا شااانك

قصيدة بما الذهب كتبت وصيغة بالحكمة

والحنكة الشاعرية الفذة تقبل سجل الاعجاب والاحترام

ودمت بخير

[عمر الشمري]

سالم وغانم صح لسانك
ونعم والله عز الله انك ماقصرت يالذيب
ويستاهل الممدوح

تحياتي

[أبوبتال]

صحت أبدان الجميع وشاكر لكم التواجد المشرق

[عبدالله المرشدي]

الله الله الله

ياسلام عليك يابن شويمي

مبدع مبدع مبدع

ويستاهل نجر الخير كله

تحيتي وتقديري

[سيف القلوب]

صح االسااانك ,, قصيدة جزلة

[أبوبتال]

صحت ابدانكم وشاكر لكم