اما من كديميس ولا السماري

[الصهد]

هذه القصيدة لأحد شعراء الحضر وتعبر عن نفسها

والله يعز الاسلام والمسلمين

يامحسن اخبر واحد مالقيناه= اللي يقول اترك علوم الحضاري
قله زلابه لا يكثر مطاطاه= يبلش بهرج مثل روس الشباري
ياللي تبون العلم الأول يابوياه =رحتو على البيدا حفاه عواري
ترا الفخر للي حكمها بيمناه =يوم انها بين السباع الضواري
عبدالعزيز اللي بسيفه وشلفاه=خلا سلاطين القبايل حباري
جته تحبي على ركبها ترضاه= معروف والمري يقص الاثاري
انشد عتيبه شيخهم وين وداه =وانشد عناقر ثرمداء عن مشاري
وابا الكلاب اللي طروقه مخلاه =حده من الايام غبن وحساري
وفيصل دويش امطير مافادت ارياه =ردوه لبن سعودحمرالعتاري
والجلد مدري وين ناخت مطاياه =معاد يذكر له على نجد طاري
والفرم تدري حرب وين الله اغداه=جرح على الشيخان مهوب باري
والشيخ ابن لامي بعد كنه اياه=ابذكره لو اكثر الناس داري
وكم واحد غيره ذبح ذبحه الشاه=وخلي على مثواه ماله مثاري
واللي تنحو عنه عدوان واعصاه=راحو عشاء السرحان ذيب الغداري
يوحا قريش غرورهم من سواياه=في روضه تذرا عليها الذواري
واعيالهم عقب السيوف المحناه=رضيو بخرجيه وختم وسفاري
وحسبو احساب رعيه من رعاياه=وقامت تخوفها العصي والعجاري
،
هذا الرد عليه من قبل احد شعراء عتيبه


خذها من قريب تراها مجاراه
خابرك شاعر فى المعاني مجاري

سر ياقلم واكتب بيوت منقاه

وان كان قاري فالكتب جاه قاري
لا والله الا تو مازان مرماه
اللي قنب بالصوت وسط الحواري
يجر صوته وازعج الناس بعواه
وعليه من سحم الضواري مواري
الوصف وصفه والحلايا حلاياه
والفعل ماهو فعل سحم الضواري
وياللي تبابي خل عنك المباباه
والله مدري وش يدور مكاري
حديتنا نفتح مكاتب محاماه
لو كان مانرجي وراها مصاري
فتحتها لجل الرجال المسماه
ومن دونهم سوات حد الشباري
والهرج مايبرد كبود مداواه
والله مالومك شفت منا العزاري
واليوم وان جالك لسان قطعناه
تتصير عبره بين شامت وزاري
يبشربنا حنا نضده ونقصاه
بيطار شعر وفي دواه استشاري
والله لاخسقه ثم احده على اقصاه
انا خصيم اللي طراله طواري
ولوفيك خير الميت وشلون تشناه
سرابك الجاثوم ولا الهذاري
ومن يعترض فى الدرب بارجل ناطاه
جنب ترا صيداتكم شخص غاري
اسود وفهود وذياب مضراه
ولا انت بوبح بالردى دوم ضاري
وادنا عتيبي لو يخمه تعشاه
الذيب ذيب والزهاري زهاري
وحنا هل الوقفات والمجد والجاه
وشلون تنكر ياسود الوجه خاري
واميرنا ابن حميد قد داس علباه
لو لاه ماهلت عيونك عباري
الشيخ ماتسوا مع الناس ماطاه
كم ليله هجدك وقت الغداري
والجلد فارس قوم يابعد مغزاه
من انت حتى تسب الاد النعاري
والفرم لو يلزمك يفرمك بيداه
هو شيخ حرب اللي بفعله تماري
وابا الكلاب اللي اشوفك تهقواه
ولو قابلك ضاقت وسيع الصحاري
والشيخ ابن لامي لعلك فداياه
وتسفى على قبرك هبوب الذواري
ولا دويش امطير منته بوياه
والله ماتسوا حذاوي مطاري
والعنقري ماسلم قام يتقفاه
ياللي نبشت القبر وين انت ساري
من مات منهم ياعسى الخلد مثواه
سبيت شيخان العرب منت داري
وعبد العزيز اللي حكمها بيمناه
جاهد وملك ابوه رده اجباري
والحكم لبن اسعود والدين لله
وحنا جنود الحرب وقت الطواري
من دونهم مثل الحصون المبناه
والعزوه العوجا الرفيق المباري
ولصدر ولي الأمر امر مشيناه
في الجو ولا في البحر والبراري
حنا حماه الدين والدار نحماه
نجزم ونقدم دونهن ما نداري
وفي رقابنا بيعه وعهد قطعناه
من اسلافنا معروف والعهد ضاري
ولا اعطا ولي الامر شي خذيناه
لا عيب لا منقود ياللي تثاري
ولا بيننا والحضر غير المساواه
وماجا بمسلم او صحيح البخاري
حنا على سلم العرب ماتركناه
وما لا يجوز من السلوم اختياري
وعلم القساوه بالبداوه عرفناه
وعشنا الحضاره في الزمان الحضاري
ومن الحضاره كل علم درسناه
ولا اغبطك لو تملك رصيد العقاري
ولا وا حليلك يالغليم حليلاه
توك وليد العافيه والاتاري
حدك على الريموت تابع مباراه
وطيب الى حصلت رز بخاري
وش نرتجي والضيف ماتعرف اقراه
تلبد له المرقوق وسط الصفاري
وشيمتك ماردتك تاخذ مباناه
هذا اللذي مابين الأجواد جاري
مهوب شوكه عين لا رحم مجناه
خبل تسدح في طريق اللواري
من طيشه خله يسره ردعناه
يبا يزوزي بالقرب كل عاري
وياللي تناطح ضلع وشلون تقواه
ابلع من النعمه تراك انتحاري
اقول اقطع واخس وكب الملاغاه
بطح يدينك في ظلال الكباري
اضهرت راسك للعجاري تمثناه
حرام مانطلق عليك السواري
ابنشدك بالله حظك وش ارداه
حطيت راسك تحت سمت السماري
المجد حنا هامته وانت رجلاه
ياللي تخوف من حساس البواري
منزالنا في جرهد الجدي مبناه
ماكر حرار ماتجيه القماري
هزوه تهزا نعرف البير وغطاه
يامال فرقا العين هزوا قماري
حرر لنا الاقصى ترا الناس تبغاه
عجل ياقايد حرب ذات الصواري
ولو سب من سبه فقد ماهجيناه
كبر نشاطك يالسجل التجاري
من اولن عزيز لا حل طرياه
واليوم صدرنا قرار اداري
عن مجتمع ربعي اعتيبه عزلناه
ابو هريره حس ذر الغفاري
ولو حقد ابو وجهين فا الصدر خفاه
الوجه الأصلي من وراه التجاري
ومن يبتلي للناس لابد تبلاه
ودون الحلوق ايدينا يالنياري
وان كان ماكفت فى العرب تتولاه
اما من كديميس ولا السماري
والله مادس الراس والعلم مكناه
لاعودت مابين بايع وشاري
انا عتيبي منزلي ديره مراه
والنفس ماضريتهاها بالمذاري
والبادي اظلم يحتمل كل ماجاه

هذا جوابي للرئيس النماري



صح لسانك يابو محمد

وبيض الله وجهك وفيت وكفيت