(تونس ) ومجاراة الشيخ / فيحان الشغار و الشاعر المبدع / محمد السميري

[شيخ الشيوخـ]

السلام عليكم

بويتات عن الوضع اللي صاير في تونس كتبتها قبل ايام
وتشرفت بمجاراة الشاعرين المبدعين
الشيخ / فيحان بن سلطان الشغار
والشاعر المبدع / محمد بن دغيم السميري


اقول


يوم العرب وقت الصحابة وفيين
اليوم صار الغدر طبع العروبه
..
تونس عقب ماهيب ورد وبساتين
شبّت شبايبها وصارت عجوبه
..
تناتفوها الحاقدين المغلين
لين ان زين العابدين أرثعو به
..
من عقب ماهو حاكمٍ صار مسكين
قامو على دستوره وولعوبه
..
سبحان من يفني جميع الثقلين
اثر الحياة احلام ليلٍ كذوبه
..
عقب الترف والعز والموقع الزين
ليته عقب ماصار يسلم بثوبه
..
بغا فرنسا مير اهلها معيين
وربعه لدولة مالطا ملطوبه
..
ونصا هل العوجا حماة الحرمين
زبن الدخيل اللي حياته عقوبه
..
العادلين الطاهرين العزيزين
ودخيلهم مافتشو في عيوبه




مجاراة الشيخ / فيحان الشغار

ياعمر ماقالو لك الوقت يومين
لك يوم والثاني عليك محسوبه
..
الله يكافينا المصايب قل آمين
فخامته هذي عواقب ذنوبه
..
زبن علي اللي مزبن الحق والدين
خادم بيوت الله وصقر العروبه
..
ومزبنٍ قبله شعوب وسلاطين
ظلعٍ ليا ضاقت عليهم لجوبه
..
مادامت الدنيا لناسٍ مسمين
عندك خبر صدام ويش فعلوبه
..
والغدر بين فالربوع الموالين
اللي نعده سيف كيف لعبوبه
..
نقول عن درب الخطا دربك يمين
وننهاه لاكن الهدف وجهوبه
..
وصارت عليهم مثل نكبة فلسطين
وسوات زين العابدين وهروبه
..
ولولا مقامه فوق كل المظامين
ارخيتها لاكن علينا معوبه
..
مقامه اكبر من جميع العناوين
وشرهات روس القوم تنقاد صوبه




مجاراة الشاعر / محمد بن دغيم السميري

يامرحبا بالشيخ نسل الميامين
تحيةٍ فيها احترام وعذوبه
..
الشيخ وابن الشوخ سقم المعادين
اللي على العدوان نارٍ شبوبه
..
وابن سبيل قالها بأول الحين
يوم اعجبوه شيوخنا واعجبوبه
..
( يالله لاتقطع شجرة الرباعين
اللي ليا جا ضيفهم رحبو به
..
وليا عطو يعطون خيل وبعارين
وان فات منهم شي ماحسفوبه)
..
ذكرتني ياعمر قول احمر العين
ياللي اسلوبك مايباعد اسلوبه
..
واما الوفا لاعاد تنشد عنه وين
الخلق تالي وقتهم ماشقوبه
..
ضاع وتلاشى والعرب عنه لاهين
واعطو لهم دربٍ يخالف دروبه
..
باع الفلسطيني بلاده فلسطين
على يهوديٍ تبارق ذروبه
..
واهل العراق اهل الغدر فالهم شين
اصابهم ذنب الغدر واكتووبه
..
والشام كله راح مثل ام ضرفين
بني يهود اقرب لهم هودوبه
..
واما هل السودان ماهم بصاحين
افنو فوايد شعبهم في حروبه
..
والا اليمن على التخلف له سنين
لاتحسبه يابن ربيعان دوبه
..
لاكن مازال الامل له عناوين
كان امة محمد صحو واقتدوبه
..
مثل الملوك اللي يحكمون بالدين
قول الله اللي فالكتاب حكموبه
..
السن فيه السن والعين بالعين
وليا استجار المستجير اعتنوبه
..
وحنا لهم على الشريعة مطيعين
طاعة شرف ولنا من الله مثوبه
..
وعلى عهود جدودنا لهم حريصين
نوفي بعهد اجدادنا اللي وفوبه
..
اترك بلد تونس واهلها الرديين
اللي ملكهم بالغدر ميسروبه
..
مخطين ثم مخطين ماهم بمقدين
اهلكهم الخلاق كيف اغدروبه
..
مير البلا يا امير غدر القريبين
اللي وفانا لهم سنين احذفوبه
..
الله يلعن ياعمر ابو وجهين
عن رفقته ياشيخ مليون توبه
..
طعنة رفيقي مالها غير حلين
والحل الاسهل غايةٍ فالصعوبه
..
اما اتركه واصبر واقاسي الامرين
والا اذبحه ياعمر واخذ ذنوبه



صحّت السنتهم جميعاً شعراء كبار وشرفوني والله بالمجاراة
واعتذر منهم عن التأخير في انزال القصائد هنا

[فهيد مقعد الرويس]

صح لسانك يابورحيم

ولسان الشغار ولسان ابوعمر

ابداع ماشالله

تحيتي وتقديري

[الأدميرال]

صحت اللسنتهم
ولاهنت ياشيخ الشيوخ

[عادل العصيمي]

عمر


صح لسانك ولسان الشغار وابن دغيم


قصائد ذهب


لا هنتو


,

[ضوء القمر]

صح لسانك يابن الشيوخ
وصح لسان جميع الشعراء
لاعدمنـــــــــــا هالابداع
دمت بود
ضوء القمر كانت هنـــــــــــــا

[رشيد الكسر]

شيخ الشيوخ
صح والله لسانك ياابن ربيعان .
وصح لسان الشغار والسميري ابدعو في مجاراتهم
تبقى قصائد الكبار لها عذوبتها وسلاستها ..
لاهنت على امتاعنا بهذه الجواهر .. والله يصلح حال اخواننا في تونس

ارق التحايا

رشيد الكسر

[النجم الأصيل]

صح لسانك يالامير

وصح لسان الشغار

وصح لسان ابن دغيم

ودي لكم

[عبدالعزيز الفرج]

شيخ الشيوخ

جئت لكي أجدد إعجابي بما تكتب

صح لسانك ولسان اخوياك مليون في مليون

[عبدالله المرشدي]

صح لسانك ولسانك

الشغار ولسان محمد السميري

قلتو فابدعتو

تحيتي

[؛؛ابو ريناد؛؛]

شيخنا الفاظل لله درك أبدعت وابدع الشغار والسميري
وبن علي يستاهل لامتى وهو يلعب بالفلوس والشعب يبيع خضار
لاكن أعجبني عندما حفض الدم التونسي بالرحيل المر

[ميااااح]

صحت السنتكم جميعا
تحياتي لكم