اقبل يا ابو متعب لك الشوق ترحاب

[مناحي الفرزه]

الدار مشتاقـه واهلهـا والاقـراب=يبغون شوفـك يازعيـم السلاطيـن
الله يجيبك وسـط دارك والاحبـاب=وتفرح على شوفك قلوب الملاييـن
الله يجيرك من صواديف الاسبـاب=يامن جعـل قلبـه لشعبـه دواوبـن
في جيتك تتشرع قلـوب وابـواب=ولك مجلسن بالود في داخل العيـن
لك صورتن بالموق من بين الاهداب=مافارقـت عينـك عيـون المحبيـن
يانور لاجل الشعب شمعه لنـا ذاب=ياكل بعمره لاجلنا كـم لـه سنيـن
والحمد لله يوم راس الفخـر طـاب=صقر العروبه في وجيـه المعاديـن
عبدالله الضرغـام فكـاك الانشـاب=من جاء شكى عنده يقول ابشر الحين
لاماجعل مابينـه وشعبـه حجـاب=ولانسى حالـة ظـروف المساكيـن
اقبل يابومتعب لك الشوق ترحـاب=هذا الغلا مجراه وسـط الشراييـن

[وجدان عتيبيه]

صح السانك وعتلا شانك قصيده جزله
والله يرد ابو متعب ان شالله بسلامه
لاهنت ويعطيك العافيه

[حنين الروح]

اقبـل يـ ابو متعـب لــك الـشـوق تـرحـاب
هــذا الـغـلا مـجـراه وســط الشرايـيـن

مناحي
صح لسانك مليون
والله يرد ابو متعب بـ السلامه

لا هنت

[شموخ طفله]

اعذرني سيدي قلمك أجبرني على مجاراته ..! وتلك الآلام التي استوطنت داخلي .. وجدت مساحة هنا للبوح .. أيها الرائع دام قلمك نقياً بنقاء روحك .. سماء صفاء وسعادة تكسو أيامك ... ودمت مبدعاً ,, وأبعد الله عنك الهم والحزن .احترامي لك

[مناحي الفرزه]

وجدان عتيبيه

صح بدنك اختي الغاليه

[فيصل الطويلعي]

الله يجيرك من صواديف الاسبـاب
يامن جعـل قلبـه لشعبـه دواويـن
,
في جيتك تتشرع قلـوب وابـواب
ولك مجلسن بالود في داخل العيـن
,

يستاهل ابو متعب
الله يرده بالسلامة
ويشده بالعافيه

صح الله لسانكـ أخوي مناحي

,
تقبل المرور وخالص التقدير