تسع ساعات

[شيخ الشيوخـ]

السلام عليكم ,,,




للهمّ في عين المعنى علامات !
في ارماشته واغضايته والتفاته
..
وانا مابين الضيق ومصارع الذات
أصبح لـساني ناشبٍ في لهاته
..
وعن زحمة الروتين والإلتزامات
حان السفر... والعمر هذي طراته
..
سافرت من فوق السما ( تسع ساعات )
وانحيت من ضيق الفضا لسعواته
..
للديرة اللي حبّها حيّ مامات
اعيش في جوّه وفي ذكرياته
..
ماجت بـ نايل سات والا عرب سات !
وعرضت مناظرها على قنواته
..
فيها الطبيعه دون تشويش واصوات
القلب .. فيها يستلذّ بحياته
..
مرتاح من وسايل الإتصالات
مقطوع من جوالي وذبذباته
..
جنّه واسيح بها على كل مجهاة
ياااحلو فرقا ( الدايري ) ويافطاته ..
..


وسلامتكم ..

[» عبدالعزيز «]

,

وعليكم السلام ورحمة الله وبركاته

أرحب بـ عودتك يالأمير=)
وصح لسانك على هالجزله
بس وشي الديره ماعلمتنا ارب انّا نسير عليها ؟ = )

/


ياااحلو فرقا ( الدايري ) ويافطاته ..


/

شفك رجعت له ههههههههه

[نايف تراحيب]

هنآ ردي مع التحيه لك : )


http://www.otaiby.com/vb/showthread.php?t=59201 (http://www.otaiby.com/vb/showthread.php?t=59201)


احترآمي وتقديري


/


،

[عادل العصيمي]

ياسلام على الابداع


الحمد لله على السلامة ياشيخ الشيوخ


لله درك على الوصف الجميل جداً وبمنتهى الشاعرية


صح لساااااااااااااانك


,

[إبن ثعلي]

صح السان شيخ الشيوخ ابداع ايما ابداع

[النجم الأصيل]

صح لسانك يالامير

وعودا حميدا

[رشيد الكسر]

صح والله لسانك ياشيخ الشيوخ ... والحمد لله على السلامه

واقبل هالبيتين ..

حي الامير اللي تنقى الجزيلات = وضف البيوت النادره في عباته
بيوت شعره كالجواهر وعذبات = يقطف من البستان لازهر نباته
وسافر عسى ترجع لنا بالسلامات = وتعود يم الدار يااكبر دهاته


ارق التحايا

[الصهد]

صح لسانك ياشيخ الشيوخ والحمدلله على السلامه

[عبدالعزيز الفرج]

صح لسانك ياشيخ الشيوخ


مبدع أينما كنت


ترجع لنا بالسلامة

[البارع]

الله ,, الله ,, الله

ياشيخ الشيوخ ,,, عزالله انكــــــــــــــ كتبت فابدعت ,,,
للديرة اللي حبّها حيّ مامات
اعيش في جوّه وفي ذكرياته
..
ماجت بـ نايل سات والا عرب سات !
وعرضت مناظرها على قنواته





بس ماعلمتنا وين النيه يالقرم ؟!

[شيخ الشيوخـ]

عبدالعزيز
مرحبا ومسهلا يالغالي
صح بدنك وياهلابك
واعلمك بيني وبينك


والدايري مامنه طلقه :)

[شيخ الشيوخـ]

نايف تراحيب

مرررحبا والله
وشرفتني بالمجاراه ( بعيدة المدى )

صح بدنك والله يعطينا خيرك و يكفينا شرك :)

[شيخ الشيوخـ]

يامرحبا ياعادل والله يسلمك من النار وعذابها


صح بدنك ولاخلا منك

[شيخ الشيوخـ]

قاضينا إبن ثعلي

الابداع تشريفك والله يحييك في محلك :)

[شيخ الشيوخـ]

الاعلامي
النجم الاصيل

مرحبا بك والله

الله يسلمك ولاهنت وصح بدنك يالغالي

[شيخ الشيوخـ]

الشاعر المبدع
رشيد الكسر

على الراس والعين والله
انت وهديتك

والله يجمل حالك وصح لسانك ملايين
شرفتني والله لايهينك

[{ أبوفيصل }]

صح لسانك ياشيخ الشيوخ
صح لسانك على هذه الرائعه والأبداع الجزل
أدخلتنا بجوٍ ينعش البال وأمتعتنا ياشيخ مير رحت وخليتني للدايري يتحمطر بي لين استدار راسي
ماناقصني غير اهازيج اخواننا هناك وتْحنطري ياحنطوره هههه
اي والله مالك لايم
:)

[وجودك يكفي]

صح لسانك يالأمير

ابداع وجزاله في منتهى الروعه

الله يحفظك في حلك وترحالك ياشيخنا الغالي

[شـوآق]

شيخ الشيوخ

صح لسانك مليون ولايسدون
والابداع ماهو بغريب عليك طال عمرك


كل التحايا لك

[شيخ الشيوخـ]

الصهد

صح بدنك ياغالي والله يسلمك من النار وعذابها


لاهنت

[شيخ الشيوخـ]

عبدالعزيز الفرج

الابداع وجودك


مرحبا والله يحييك

[شيخ الشيوخـ]

البارع
يامرحبا ومسهلا

والله يحييك ياغالي

والديره اعلمك ابها :)

[فهيد مقعد الرويس]

الله يلوم الي يلومك

يابورحيم

مبدع لاعدمتك

والحمدلله على السلامه

وصح لسانك

تحيتي وتقديري

[عبدالله المرشدي]

للهمّ في عين المعنى علامات !
في ارماشته واغضايته والتفاته
..
وانا مابين الضيق ومصارع الذات
أصبح لـساني ناشبٍ في لهاته
..
وعن زحمة الروتين والإلتزامات
حان السفر... والعمر هذي طراته


الله الله الله

صح لسانك مدد بلا عددد

تحيتي