الشجرهـ اللي ماورى سقيها فود...أبقطع الماء ياهل العرف عنها

[الـ غ ـنـد]

:

:




الشـجـره الـلـي مــاورى سقـيـهـا فـــود
أبقـطـع الـمــاء يـاهــل الـعــرف عـنـهـا

لاصـار جـذع وغصـن والطـلـع مفـقـود
ولابــه رجـــاء جـنــي العنـاقـيـد مـنـهـا

مـانـي عليـهـا دون الاشـجــار مـحــدود
تـقـعـد وتـابــس لــــو يــطــوّل زمـنـهــا

مــادام تنـقـص نـقـص مــازادت بـــزود
أبجـتـنـبـهـا قـــبـــل يــطــلــع عـفـنــهــا

جــدت ابعـطـاي الـهـا ولابـيّــن الـجــود
ولا بــاقـــي الاّ بـالـيـديــن أحـتـضـنـهــا

والتـالـيـه تـسـتـبـدل الــجــود بـجـحــود
وتـمـيّـل الـفـيّـه عــلــى الــلــي دفـنـهــا

أثـر الشجـر ماهـوب مضمـون ياسعـود
مثـل البشـر هالوقـت محـد(ن) ضمنـهـا

وقـت(ن) يبيـح سـدود وينقّـض عـهـود
وغــث الـنـفـوس الـزاكـيـات وشحـنـهـا

بـالأمــن والـخـيـرات مـاعـنـه مـنـشــود
نعـمـه ويـعــرف قـدرهــا مـــن وزنـهــا

وبالسـلـم والـعـادات مـاهـوب مـحـمـود
غـيّـر طـبـاع الـنـاس وأخـلـف أمهـنـهـا

شـيّـن نـفـوس وبــدّل البـيـض بالـسـود
وضـيّــق صـــدور الطـيـبـيـن وغـبـنـهـا

شـفـت الـولـد مايحـتـرم حشـمـة الـعـود
والأقــربــاء تـشـتّـتــت فـــــي وطـنــهــا

صـار القريـب بعـيـد لــو كــان مـوجـود
والـلــي بـعـيـد قـريــب يــامــر ويـنـهــا

وأستسيـد اللـي كـان مـن قـبـل مسـيـود
يــقــدم وســاداتـــه يــوخّـــر ضـعـنـهــا

ولا عـاد يلـحـق راعــي العـيـب منـقـود
يـعـلــن خـوافـيـهــا ويـخــفــي عـلـنـهــا

والعاصـيـه مــا عـــاد تستـنـكـر الـقــود
تـنـقـاد لـــو مـــا قـدتـهـا فـــي رسـنـهـا

أشيـاء(ن) كثيـره لكـن سـدودي سـدود
نـصـبــر عـلـيـهـا ونـتـحـمّـل أشـطـنـهـا

والشرهـه اللـي تاصـل القـصـد وتـعـود
مطعـونـة(ن) مــن صــدّة الـلـي طعنـهـا

محشومة(ن) بالصـدر عـن كـل مـردود
وتـقـصـر عـــن الـلــي مـايـقـدّر ثمـنـهـا

أشــره عـلـى الوافـيـن نطّـاحـت الـكـود
ليـا صـار بـه شرهـه وأحـس أبشجنهـا

واللى مـن أهـل الطيـب ماهـوب معـدود
يـعـيــش فــــي ذل الـحــيــاة ووهـنــهــا

نقصه عليـه ولـه علـى الصـدّه أصـدود
ولو في يدي ماأسكـن بـدار(ن) سكنهـا

شـوفــي وراه ولاعـلــى رجـلــي قـيــود
ومـشـاعـري بالـشـعـر أغـنــي لـحـنـهـا

ويبقى الصحيح اللى على الحق مسنود
والزيـف لـو غــش الـعـرب مــا مكنـهـا

والصـلـب ماتـقـدر عـلـى شيـلـه الـنــود
وروس الجـبـال اتـزبّــن الـلــى زبـنـهـا

وان حـتــت الأوراق يامـشـيـن الــعــود
تبـيـن ابـــه عـــوج الـغـصـون وبـدنـهـا

ولـيـا تـعـرّت شـجـرة(ن) مـابـهـا فـــود
أبقـطـع الـمــاء يـاهــل الـعــرف عـنـهـا


:
:



الشاعر/ حسيــن المقــاطــي

[عايش الكريزي]

صح السانك يا حسن قصيد ه طيبه وتستحق القرايه
صـار القريـب بعـيـد لــو كــان مـوجـود
والـلــي بـعـيـد قـريــب يــامــر ويـنـهــا

[عاشق المساري]

يعطيك الف عافيه على النقل