لغز جديد جداً ،، محلول من ملك الحلول ،، وجودك صح لسانه

[{ أبوفيصل }]

أحبتي الكرام لدي لغز حديث الفكرة على وشك الأنتهاء من هندسته وتصميمه
ومن أجل استعدادكم الفكري والتهيأ له سأوافيكم به الساعة الثانية عشر من هذه الليله

تحيتي لكم :rose:


اللغز موجود تحت للأطلاع

[الصهد]

حياك ياخليجي ويسعدلي مساك

ماتلاحظ انك بتسهر الاعضاء
وبعضهم مهوب جايه النوم وبتفوتهم صلاة الجمعه حاول تقدمه

[{ أبوفيصل }]

ابشر يالصهد بـ تقديمه ولو اني مادريت عن رغبتك الا عند دخولي الاَن
مايمنع ليلة جمعه لكن على قولتك يجوز !!

[وجودك يكفي]

صح لسانك مقدما ياخليجي وبإنتظار اللغز الحديث فكرة وصياغية

[{ أبوفيصل }]

السلام عليكم ،، مساء الخير
الأتصال رايحٍ فيها مدري سببنا الموقع لكن استلموا هاللغيز والحل نبيه سريع سريع


انا بنشدك عن بنتٍ مسمّاها على رجّال =لها راسٍ مايقرب سنون المشط مفرقها
تعقّب للمهيل أهوال وحناّ بخير وأحسن حال =وخلق الله تسايرها مغربها ومشرقها

[{ أبوفيصل }]

هلا وغلا صح بدنك ياوجودك ،، والله أشوفك جالس للغز وتبندق له على قدم وساق
الله يستر لاتنتفه والربع ما جونا هههههه

[وجودك يكفي]

صح لسانك مره اخرى وبيض الله وجهك ياخليجي

وش تقول في السنة الجديدة وتسمى على التاريخ

لها راس مايقرب سنون المشط مفرقها<< راس السنة الجديدة

[{ أبوفيصل }]

اني والله داري ،، ماشاء الله على اللي في يدك ضابطٍ نيشانها
ماتوقع الأ في لغز قصدي في حلٍ قاضي ههههه

صح بدنك مليووون ياولد ثابت وبهذه المناسبة الغالية كل عام وانت والجميع بألف خير
نعم السنه والرجل المسماة عليه كما ذكرت العام او التاريخ
،، لكن لاتروح لين تجيب لغز

[وجودك يكفي]

صح بدنك ياخليجي وكل عام وأنت بخير وأنا اخوك


ابشر ابشر ياخليجي دقايق وأطرح لغز

[غزال الرافدين]

كيفك ياوجودك وحشتنا يارجال علي الطلاق أنك تعشى عندنا

سبحان الله وأنا أقول طالع ذكي تشبه من أثاريك طالع علي
يارجال أيش هالغيبه ؟

يلا بقعد أسولف بقروبنا عاد طمني عنك

[وجودك يكفي]

كيفك ياوجودك وحشتنا يارجال علي الطلاق أنك تعشى عندنا

سبحان الله وأنا أقول طالع ذكي تشبه من أثاريك طالع علي
يارجال أيش هالغيبه ؟

يلا بقعد أسولف بقروبنا عاد طمني عنك

أهليين ياغزال وينك ؟؟ فاقدين مشاركاتك ورمعاتك الخطيره

نور قسم الألغاز والمنتدى كله ويالله إنك تحييها

ابشرك أنا بخير والحمد لله

[غزال الرافدين]

أنا أذا شاركت يزعلون يقولون خلي لنا فرصه نرمع عاد أنا مو انانيه شهر لنا وشهر لهم

يارجال ذبحنا خروفك تعال أكله أبو العيال قومته يطبخه عليه طبخ مو صاحي تاكل أصابعك من وراه

هههههه حياك يارجال

[الصهد]

صح لسانك ياخليجي

وماشاء الله عليك وجودك صح لسانك ولاهنت

[{ أبوفيصل }]

صح بدنك يالصهد ،، ماوقع اللغز غير منتوف من رمّاي الألغاز صح لسانه
يمكن كنت على انتظار البارح وطولنا عليك عموماً خيرها بغيرها

[{ أبوفيصل }]

حياك وبياك ياغزال الرافدين عتبنا عليك ياغزال
وين الغيبات عسى ماباس

[وجودك يكفي]

صح بدنك يالصهد ولآهنت