كبوة احصان [الأرشيف] - منتديات عتيبه

مشاهدة النسخة كاملة : كبوة احصان

الصهد

11-29-2010, 05:24 PM

لاعاد تنشد مابقى عندي علوم
كل العلوم المبطيات تخبرها

ماجيتك اشكي ميلة الوقت مزحوم
نفسي لضاق المدى ما خسرها

ياصاحبي كنت امس كنت امس محشوم
واليوم هج بجيتك واختصرها

خلك بعيد ابعد من العام لليوم
وادنى من احلام النجوم وقمرها

بعض الكلام اللي تحليه مسموم
وماكل كف صافحتك تغدرها

كم طيب ساقتها الاقدار لرخوم
وياكثر ناس تنخدع في صورها

والحر مايشرها على خنعة البوم
الله رفع شانه ووطا قدرها

لوجيتني كنك على الوجه ملطوم
بعض الخطايا عذرها ماغفرها

عندي تساوت هرجة العذر واللوم
هذيك ماابغاها وذيك احتقرها

زله وعدت ماحدتني عن النوم
مرت سلام وبعد الله كدرها

انا اعتبرها كبوة حصان ويقوم
وانت اعتبرها زي ماتعتبرها

مساعد الرشيدي

الأدميرال

11-29-2010, 05:34 PM

الصهد
مادام انها منك اكيد راح تعجبنا
وصح نقلك وصح لسان مساعد الرشيدي

ولد الطنايا

11-29-2010, 10:00 PM

نقل مميز
لاهنت

وجودك يكفي

11-29-2010, 10:33 PM

قصيدة جزله ومافيها كلام

لآهنت يالصهد على الاختيار والطرح الجميل

الصهد

11-30-2010, 06:29 AM

لاهنتو على مروركم الله يحفظكم

تحياتي وتقديري ،،،

jnan.511

12-01-2010, 07:40 PM

ياصاحبي كنت امس كنت امس محشوم
واليوم هج بجيتك واختصرها

خلك بعيد ابعد من العام لليوم
وادنى من احلام النجوم وقمرها

,,,,,,,,,,,,,,,,,,,,,,,,
سلمت يمنااااك على الكلماااات الرااااائعه

الركــن

12-01-2010, 08:43 PM

الاخ / الصهد
هذه القصيدة من أجمل ما قريت لاهنت على هذا النقل
المميز

أخيك / الركن

الصهد

12-01-2010, 10:01 PM

لاهنتو على مروركم الله يحفظكم

تحياتي وتقديري ،،،

شموخ طفله

12-02-2010, 05:27 PM

صح لسانك اخوووي

وتقبل مرووري

الصهد

12-02-2010, 07:35 PM

صح الله ابدانكـ ِ اختي

تحياتي وتقديري

ألعمده

12-03-2010, 08:04 PM

صح لسانك
اخي العزيز

الصهد

12-06-2010, 04:08 AM

صح لسانك
اخي العزيز

صح بدنك اخوي
تحياتي وتقديري