بعض الرجال

[الصهد]

بعض الرجال يجيك من صحبته خير
اما كفاك الشر واقفى بخيره

وبعض الرجال يصير في عقله صغير
يبلش رفيقه والليالي قصيره

[الصهد]

وبعض الرجال ارجال من دون تقصير
احد اخطاه ابعيد واحد قصيره

وبعض الرجال يمشي على دهنه السير
أن مادهنت السير ماسار سيره

[عزيزة الجناب]

الصهد

روووووووووعه

وخذ هذه

المرجلة ماهيـب كلمـة وتنقـال
وتروح ماراحت هبوب النسايم

ولا خشونة صوت اورفع الاثقـال
او رزة صدور وفعل الزلايـم

ولاهي بعد مفتاح موتـر وجـوال
والا ردى لسانن حديثة شتايـم

المرجلة شيمه عن القيـل والقـال
رفيع نفسن حـر بالجـو حايـم

المرجلة عقل وزن وزنـه جبـال
ودون العقل وش فرقنا والبهايم

يامسندي لومايل الوقت بـي مـال
ياولد أبويـه ياعظيـم العزايـم

يامعرب الجدين من العـم والخـال
يانخوة المفزوع وقت الهزايـم

المرجلة ياخوي هي طولـة البـال
هي العزم هي الصبر فالظلايـم

فيها الكـرم عـزة دلـه وفنجـال
فيهاالكرامه عن ردى الطبع شايم

والدين لامنه خـذا القلـب منـزال
مشى طريق الحق وابليس نايـم

ومن لاعرف ربه في طيب الحـال
لابد وقت الضيق بالهـم هايـم

حتى صلاتك مع جماعات ورجال
في خيرها ياخوي نعم الغنايـم

ولامن نصف ليلك قم صفي البـال
ياعظم اجرك بين ساجد وقايـم

ولامن رفع ربي له كل الاعمـال
حسن الذكر لاقالوا فلان صايـم

وخلك شريف القصد ياطيب الفـال
سوء المقاصد فالبيوت الهدايـم

واحذر تبيع النفس في دب الأنـذال
وتتبع خوي ابليس راع النمايـم

النفس خيل لـك اذا كنـت خيـال
ومن لاقوى نفسه قوته الهزايـم

ولاصرت ماتدري لوش انت رجال
والله خسارة فيك ذبـح التمايـم

[الصهد]

الروعه تواجد شمعـــه المنتدى
رمانـه
وقصيدتك رائعه كروعه حضورك
وانتي اسقطتي هذه الابيات وهي بدايه القصيده
هل هي لكي او من قائلها

إذا المراجـل لبسـة شمـاغ وعقـال *قل للـعذارى يلبـسـنّ العمـايـم
ما عاد يفـرق زول حرمـه ورجـال*دام الفعايـل تشبـه البـعض دايــم




يقول اللذي قلبة لحب المليح رقاق
محبة وليفة داخل القلب موثقها

ولا ينخدع في الحب بالمظهر البراق
مثل عالم تركض والأحداث تسبقها

احب الحلا والذوق والزين والأخـلاق
واحب الرزين اللي كثير ترفقها

هنوف على تاج الشرف حظها سبـاق
كساها الحيا واكمل لها الحسن خالقها

ماتمشي بلا محرم ولاطبت الأســواق
ولاهيب للمسيار يكثر تشوقها

تغض النظر ماترفع الشبح للعشـاق
كثير الحيا عن باقي الكــون فارقها

حماها الكريم اللي رفع سبعة الاطبـاق
من اللوم واعـز شأنها يوم وفقها

بعــض العذارا لويجي زينـها عمـلاق
تـرى الخـف من بين الغنادير يخـفـقها

لـو الزيـن واجد والقـرون الشقـر دلاق
وضـوح القمـر كنه نحــرهـا ومفرقهـا

جمال الفتـاة العقــل ياعـارف الأذواق
هو الميزة اللى عالي الذوق يعشقها

ولا ياشـباب للبنـي حبـكم تــــواق
هديت البيوت لكـم ومن شـاء يطبقــها

محمد محسن العتيبي

[وجودك يكفي]

ابيات رائعه

لاهنت يالصهد ولآهنتي يارمانة الطايف على المداخله الجميله

[الصهد]

ابيات رائعه

لاهنت يالصهد ولآهنتي يارمانة الطايف على المداخله الجميله

لاهان غاليك
الأروع تواجدك الله يحفظك

تحياتي وتقديري ،،،،

[الصهد]

مابيننا ياكـود حشمه وتقديـر

الله هو اللي عالم بالسريـره

والحر يشهر مع الجو ويطـير

ولا ترا الدنيـا رح (ن) مستديـره

[jnan.511]

الله كلماااات جداً رااااائعه................راقت لي
سلمت يمناك

[الركــن]

الاخ الصهد

انا أستمتع كل ما تصفحة قصائدك التي تقوم بطرحها ولكن ياليت توضح أسم قائل القصيدة

لحفظ حقه. وجميع الاخوان والاخوات أذا وجد ولا تعتبر هذه ملاحظة بل للفائدة فقط .

أشكرك واتمنى أن تتحفنا بمثل هذه الابيات

أخيك : الركن

[الصهد]

شرفتمونا بتواجدكم الله لايحرمنا منكم
ومن حضوركم المتميز

اخي الركن رد رقم 4 القصيدة موضح لمن
وغيرها لي

تحياتي وتقديري

[شموخ طفله]

ابيات في قمه الرووعه

تقبل مرووري

[الصهد]

الرائع تواجد اختي شموخ

تحياتي وتقديري ،،،

[{ أبوفيصل }]

صح لسانك يالصهد
ابيات جميله وانتقاء أجمل ،، ومداخله جميله من رمانه

سلمتم ودمتم

[ألعمده]

صح لسانك يالطيب

[عاشق المساري]

يعطيك الف عافيه على النقل