ياسلامي سلامن لرجال ابتديبه

[بدرالثبيتي]

ياسلامي سلامن لرجال ابتديبه=لرفيق البعيد ولرفيق الوالي
جيت ماني غريب وعزوتي من عتيبه=من حديث العصور ومن قديم الليالي

[عبدالعزيز الفرج]

بالنيابة عن شعراء المنتدى ياهلا والله واستلم استلم



مرحبا من هجوس (ن) ماتعرف الغليبة = في محلك هلابك عن جميع الرجالي
ماتضيق الدير وصدور أهلها رحيبة = أنت جيب الجزال وتا تحصّل جزالي

[بدرالثبيتي]

البقا يالمرحب دون شكه وريبه=والحموله تحمل في ضهورالجمالي
من معه مال في سوق الغلى يشتريبه=علم اللي نزل فالسوق والسوق غالي

[فيصل بـن طعيس]

البقا يالمرحب دون شكه وريبه=والحموله تحمل في ضهورالجمالي
من معه مال في سوق الغلى يشتريبه=علم اللي نزل فالسوق والسوق غالي


انا اشهد بدر حياك مليون يامبدع .



عبدالعزيز لاهنت ولاهانك الله ياطيب الراس تنوب وتوفي الوقفه.



متااابعكم حتى النهااايه

[عبدالعزيز الفرج]

يالثبيتي ترى للصعب ناس (ن) صعيبة = ومن برك للحمول يكون قد الثقالي
التجارة شطارة وأنت فعلاً مصيبة = ما ترد للعدود إلا حبالك طوالي

:)

[بدرالثبيتي]

الجمل ماعلاه اوسوم هذي غريبه=وانت عينك تشوف البرق وسط الخيالي
وش معك ياعميلي هات ما تدعيبه=نشتري بالجنيه ونشتري بالريالي

[بدرالثبيتي]

انا اشهد بدر حياك مليون يامبدع .



عبدالعزيز لاهنت ولاهانك الله ياطيب الراس تنوب وتوفي الوقفه.



متااابعكم حتى النهااايه

الله يبقيك ولاهنت

[عبدالعزيز الفرج]

الجمل ما وسم ياكود وسم لصحيبه = لابن عاصي عليه الوسم ماهو بخالي
أنت سواق طارة في مساره ياطيبه = بس ماينتبه للدرب ياهملالي

[شيخ الشيوخـ]

مافيكم حيلة كلكم
تابعو وحنا متابعين
وانا في صف بدر الثبيتي
ولايهون عبدالعزيز

[نايف تراحيب]

كلكم وافين

وانا في صف عبد العزيز لن رآحت حميا ياشيخ الشيوخ :)

الليل الليل


< - - - يقول يباهآ تشب بينهم عشان يضحك هو وشيخ الشيوخ :)

[عبدالعزيز الفرج]

فيصل بن طعيس ،، الله لايهينك
شيخ الشيوخ ،، طيب طيب الوعد قدام
نايف تراحيب ،، هلا والله ولاني موصيك بالصف

[عبدالعزيز الفرج]

بدر الثبيتي ،، الله يعطيك العافية


واستمتعت باللعب معك صراحة ولاهنت ،، والجايات أكثر إن شاء الله

[حميد]

ياسلام عليكم شعار ممتعين
صحة السنتكم
تحياتي لكم

[عايش الكريزي]

محوره قويه وصح السان الشعار

[طووويق]

كلكم وااااافين

[طووويق]

طااااروق رائع

[ولد مسلط]

محاورة رائعة

[عتيبي بريطانيا]

يعطيكم الف عافيه