الموت رامي والمخاليق شاره

[عبدالله المرشدي]

من كثر ما قلّبت فالبيض والسود= شربت من كاس الحلى والمراره
لقيت لي حبلٍ من الكذب ممدود= من فوق نور الصدق مرخٍ ستاره
دايم على بعض العلاقات مشدود= ينفض على صدق التعامل غباره
حب المصالح صار ما فيه منقود= صارت فنونه من عروض التجاره
صدق المشاعر راح ما عنه منشود= صار التلاعب بالمشاعر شطاره
واللي عرف فنّه على غيره يزود= حتى جنا الأرباح من حب جاره
باب التفاهم دون مصلوح مردود= والصدق بين الناس ضيع مساره
دنيا العنا مابين حاسد محسود= تلعب على الحبلين فن ومهاره
اللي نزل فيها بعد وقت مطرود= يرحل ويلقى قدم عينه قراره
مثل البشر والموت صايد ومصيود= الموت رامي والمخاليق شاره
ما يعرف التفريق سيّد ومسيود= ما يعرف إلا كيف يأخذ بثاره
يالآدمي فكر ترى العمر محدود= لاتترك الأيام تمضي خساره
الجسم وسط القبر مطعوم للدود= لامن قضى المقسوم عقب اختباره
حاول توّفي بالعمل كل مجهود= اخلص ترى المجهود تجني ثماره
مالك ومال الكذب ماهوب محمود= مالك وماله لاتقرّب لكاره
تراك عبدٍ في تصاريف معبود= الحكم حكمه والمنازل دياره
وصلاة ربي عد ماهفهف النود= على نبيٍ جاب دين الطهاره

[ابوسـعد]

وصلاة ربي عد ماهفهـف النـود=على نبيٍ جـاب ديـن الطهـاره
لاهنت على الابيات وتسلم للمنتدى

[العفار]

صح لسانك ولاهنت

[طالع]

صح لسانك ياعبدالله

[عبدالله المرشدي]

ابو ســـــــــــــــــــــــــــــــــــــــــعـــــــ ـــــــــــــــــــــــــــــــد
العــــــــــــــفــــــــــــــــــــــــــــــــ ـــــــــــــــــــــــــــــــــار
طـــــــــــــــــــــــــــــــــــــــــــــــــ ـــــــــــــــــــــــــــــــالــــــع
صحة ابدانكم
وشكرررررررررررررررا
على المرور
وتقبلوا وافر التحيه

[سلمان]

صح لسانك يا المرشدي ويعطيك الف عافيه

[عبدالله المرشدي]

اشكرك ياسلمان شكرٍ مكرر = انت المخضرم تستحق التقادير

[عبدالله المرشدي]

الغريب السلاح الجوي النايف وش رايكم ماجاني تعليقكم

من كثر ما قلّبت فالبيض والسـود شربت من كاس الحلى والمـراره
لقيت لي حبلٍ من الكـذب ممـدود من فوق نور الصدق مرخٍ ستاره
دايم على بعض العلاقات مشـدود ينفض على صدق التعامل غبـاره
حب المصالح صار ما فيه منقـود صارت فنونه من عروض التجاره

[فهد العايضي]

ابومرزرق

صح لسانك وعلا شانك

وسلمت ودمت ولاهنت


عندما قرأت قصيدتك اللتي نشرت في جريدة الجزيره

إستبشرت خيراً بإنضمام شاعر بجزالة عبدالله الى المنتدى

وهاأنت تعانقنا برائعه لايجيد حبكها إلا شاعر متمكن ...

بإنتظار جيدك يابومرزرق

[عبدالله المرشدي]

الغــــــــــــــــــــــــــــريـــــــــــــــب

شكرا على مرورك
وشهادتك شهاده اعتز فيها
واهديلك اليوم
(محدود الدخل )
قصيده جديده نازله لي اليوم الجمعه بجريدة الرياض ص 26
امل ان تنال اعجابك

[إبن ثعلي]

صح السانك ياعبد الله المرشدي ما قصرت
تحياتي

[عبدالله المرشدي]

بن ثعلي
هلابك ومرحبابك
ومشكور على مرورك

[نوف]

صح لسانك المرشدي قصيده جزله وسلمت يمناك


لك من نوف تقديرها

[عبدالله المرشدي]

نوف
شكرا على مرورك
وبنتظار مرورك على تشبه الفكسار
وياهلا

[فهد العايضي]

الله من قلبٍ تزايد هجوسه=له مدة ماهوب يم الوناسه
يسج وأدنا ماطراله يحوسه=مدري وش اللي بالتفاكير حاسه
غديت أنا ويا الهواجيس حوسه=كني على حد الزمن في حراسه
الوضع مزري والحلول معكوسه=والحلم يكبر مالقينا مقاسه

الله الله يابومرزوق

صح لسانك مليون ومايكفون

وسلمت روحك وسلم بوحك

والف لاهنت على هذه الجزله يالجزل

[عبدالله المرشدي]

الغريب
شكرا مليون ولايكفون
على متابعتك واهتمامك
ازيدك من الشعر بيت
حاذفين بيت مهم
احد خسيس وغارقن في نجوسه = تلقى حياته كلبوها خساسه

[النـايــــــف]

صح لسانك اخوي عبدالله المرشدي


وبيض الله وجهك يا الغالي


تحياتي لك ،،،،،

[عبدالله المرشدي]

النايف
مشكور
على
المرور
وتقبل
تحياتي

[طالع]

انا لن امل من قراتها وياليتك تزودنا باللي عندك ولاعلاك امر

[عبدالله المرشدي]

ابشر
ياطالع
وهذا شرف لي
الجديد طول الله عمرك
وصف الفكسار ومدح بالقبيله
في (الشعر الشعبي )
يشرفني مرورك على
عـــــــتـــــــــــــــــــــــــــــــــــــــــ ابه مقر الطيب مابه جـــــــــــــــــــــــــــدالـــــــــــــــــــ ــــــــــــــــه
تحياتي

[الهواوي]

الموت رامي والمخاليق شاره


صح لسانك

[فيصل المسعودي]

صح لسانك


على هالجزله


تحياتي

[ناصر المرشدي]

ترى ماكل سباحا" ليا من غاص جاب الدر...... ولكن فيه ناس مثل عبدالله يجيبونه



صح لسانك وتشكر على الكلام الجزل


ناصــــــــــر المرشـــــــدي

[عبدالله المرشدي]

الهواوي
فيصل المسعودي
ناصر المرشدي
اسف على التاخير
وشكرررررررررا على مرووركم
وصحة ابدانكم