،، استلموا مني هذا اللغز ،، محلول من الاخت الرائعه رمانة الطايف

[{ أبوفيصل }]

أحبتي الكـــرام

مني لكم مع التحية هذا اللغز اَمل أن يرتقي لذائقتكم وينال اعجابكم




اللغز ياأهْل العرف في خمسة أبيات =لغزٍ جديد وفيه بنتٍ مليحه
بنتٍ عشَقْها مغرم الذات بالذات =ثم جات تجنح بالقلوب المريحه
تخلف لها عادات لكن هيهات =ماجالها من هبّة الريح ريحه
لو كلاً يحط لْها قدر ومقامات =أنا أعتبرها ياجماعه فضيحه
فيها من أشراط القيامه علامات =ليا عطت في تالي الوقت صيحه

[البركات]

مافيه امل احله
هههههههههههههههههههه
شكر لك

[{ أبوفيصل }]

كلك بركات يالبركات

مافيه شي صعب فكر فاللغز وتجيبه

:)

[عزيزة الجناب]

يمكن الدنيا

خليجي تسلم

[{ أبوفيصل }]

رمانة الطايف

رمعه حلوه وسليمه لكن

>>>

>>>

>>>

>>>

>>>

>>>

>>>

>>>

>>>

>>>

>>>






















مكتوبٍ للغز السلامة

مااالك لوا

:)

[عزيزة الجناب]

افا حنا الرووووووووووووووووووووووووقه

خلاص حطيته براسي

باستعين بابوي الفجر اجيب الحل

اذا ما حد سبقني ف الحل

والله وصرت افكر ف الحل

[{ أبوفيصل }]

كفو يابنت روق

الله يطوّل بعمر شايبك

مير لاتدوخين راسه باللغز ،، اللغز من جيلنا ماهو من جيله

:) يعني اعتمدي على نفسك واللغز واضح ههههههه

[{ أبوفيصل }]

الجمبع مدعو للمشاركه وارمعو اللغز وش انتم خسرانين

ولكم مني وعد اذا انتهت الرمعات غيّرت فاللغز

كلمه واحده فقط لاغير وعلى ضوء هالكلمه تجيب الاجابه وانت مغمض .

[الضميّان]

امسي بالخير على الجميع

الله يعطيك العافية يالخليجي0

وانا ماحبيت اقراء اللغز واطلع بدون المشاركة حتى لو انها مجرد رمعة

الرمعة هي ((( الفتوى )))

[{ أبوفيصل }]

الله يمسيك بالنور ،، مرحبا يالضميان

شرفتنا اخوي والرمعه مالك لوا

[Mr.CERRUTI]

هاكم رمعتي تغير طبع الناس وجبلتها

[{ أبوفيصل }]

رمعه طيبه لكن مالك لوا

[{ أبوفيصل }]

الجميع مدعو للمشاركه وارمعو اللغز وش انتم خسرانين

ولكم مني وعد اذا انتهت الرمعات غيّرت فاللغز كلمه واحده فقط لاغير وعلى ضوء هالكلمه تجيب الاجابه وانت مغمض .

كما أسلفت قد غيّرت لكم كلمه باللغز وذلك دعوةً مني للتنشيط

وهالحين عطونا الحل معاد لكم عذر

:)

[إبن ثعلي]

اعتقد انها المشيخه الجديده اللي ما لها اصل
و علامات الساعه اسناد الأمر الى غير اهله

[{ أبوفيصل }]

ابن ثعلي حياك الله يامديرنا

أعد النظر مرةً اخرى والحل تراه ماهو بعيد حولك

:)

[{ أبوفيصل }]

ابن ثعلي حياك الله يامديرنا

أعد النظر مرةً اخرى والحل تراه ماهو بعيد حولك

:)

[شيخ الشيوخـ]

لاهنت يالعطاوي وبيض الله وجهك

أعتقد انها ( النفس )

[{ أبوفيصل }]

حياك الله ياشيخ الشيوخ

لاهان غاليك يالغالي

مالك لوا

[البارق]

يبغى لها مسرى ياخليجي راجع لك

[عذب السجايا]

السلام عليكم ورحمة الله وبركاته
امسي بالخير على الجميع

الله يعطيك العافية يالخليجي0

الرمعة هي ((( اسطوانة الأكسجين حقة الغوص)))
تصيح قبل النهاية
بعدين اخوي الخليجي اللغز بالشكل هذا تكثر رمعاته دون فائده نحن نبي لغز بحبكه مخصوصه ينفي جميع الأحتمالات إذا وجد حله اتضح جلياً وهاذي هي شروط اللغز المتعارف عليها
الأخ بحار صياد سمك

[{ أبوفيصل }]

اسفرت وانورت يالبارق

بأنتظارك لاتبطي والمسرى ماتحتاج له

:)

[{ أبوفيصل }]

الله يمسيك بالنور ،، حياك يالشاعر المخضرم

صراحه اللغز واضح ولا له غير حل واحد لايحتمل اكثر من احتمال

وانت شاعر غصت البحور ومحيطاته والحل فوق الأرض تشوفه بين حين وحين
لاتقول . . لو عرفت الحل قلت هذا هو اللغز المزنجل

تحيتي لك

[عزيزة الجناب]

طيب خليجي

التقنيه

ما سالت ابوي يوم شفت ردك

ويسلم لك غالينك

[جان دارك]

دام الدعوه فيها مجال للمحاولات وش يمنع ما نحاول
ممكن تكون الاجابه
\
أرتفاع الأمــانه

[{ أبوفيصل }]

رمانة الطايف

مالك لوا

ترى لك اهتمام كبير في هالحاجه

[{ أبوفيصل }]

جان دارك يامرحبا

مالك لوا وكما ذكرت لأخت رمانه انتِ وجميعكن اكثر

المستفيدات من ذلك

[بنت الهيــــلا]

صح لسانك خليجي



أعتقد انه المال او السلاح

[{ أبوفيصل }]

صح بدنك بنت الهيلا
مالك لوا ،، الحل مؤنث والمال اسم مذكر والسلاح كذلك

[{ أبوفيصل }]

توقعت الهجوم الكاسح بالأمس يكتسح الهدف ويضرب اللغز في مكامن الضعف

ولكن أرى التراجع اليوم في صفوفكم ولا أعلم ماتخططون عليه

هل هو انسحاب أو هجوم مراوغ للأطاحة باللغز ؟ :11ight:

لنرى من يصيب الهدف دون طلب تعزيز أو أستعانة بقوة خارجية


http://www.albdwan.com/vb/islam_2/0/5.gif

[آلعطـ خ ــآوي]

يعطيك آلعآفيه يآخليجي
آنآ عتقد آنه آلقمر

[{ أبوفيصل }]

ويعافيك ياخالد العطاوي ،،

القمر >> والله طلّتك علينا يابن العم :20:

الرمعه مالك لوا

[بنت الهيــــلا]

هل ممكن يكون اللبس الغير محتشم اي النساء العاريات

[جان دارك]

^
^

يا خطيره .. احتمال قوي

يا أ. خليجي من الصبح وأنا أفكر في علامات الساعة وأقرى في التذكره للقرطبي عساي القى شي حول الدعوه

\

دام بنت الهيلا تكافح .. نبي نكافح للوصول للحل

شيء يهم النساء .. عادة ما يكون حب الزينه والذهب

والمال استبعدته .. فانقول كثرة الأسواق ..

[Mr.CERRUTI]

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^
الله عليك من رمعة ههههههههههههههههههههههههههه الاسواق مرة وحدة ليتك مارمعتي

[جان دارك]

^
^

ورني رمعاتك يا أبو رمعات .. عاد من زين جوابك " تغير جبلة الناس "

فاتحين حصة تعبير كع كع كع


أصبر خن نشوف وش يقول راعي اللغز

وأنا متأكده أن الاجابه عندي أو عند العريف أول ركن

[واقع من الخيال]

مساء الخير

صح لسانك ياخليجي ولاهنت وانا اخوك


وش تقول في الظلم او الحسد



/

الرمعة الثانية .. :(

الفتنة

[واقع من الخيال]

/

الرمعة الثانية .. :(

الفتنة

اقصد الفتنة بمفهومها العام يعني

[Mr.CERRUTI]

^
^^
^^^
رمعت العريف اول ركن تحس ان فيها تفكير عميق اما انتي الله يخلف اسواق اسواق عاد هههههههه
شوفي رمعتي احس اني ابقوم الارنبة من بين القنوص

يمكن تكون المجاهره با المعصية

[{ أبوفيصل }]

بنت الهيلا والله ماعاد اني موضح اكثر من كذا

ورمعتك حول الحمى لكن مالك لوا

[{ أبوفيصل }]

جان دارك مرحبا

رمعتك حلوه ولكن ليست بالخطيره

[{ أبوفيصل }]

اخي كورتينا والله ماعرفت وشسمك

اشوف رمعتك بصراحه لها علاقه من بعيد

يعني رمعتك تقرب لها من توالي خالتها

http://www.albdwan.com/vb/islam_2/0/4.gifhttp://albdwan.com/vb/islam_2/1/6.gif

[Mr.CERRUTI]

جكي شان هههههههههههههههههههههههههه هههههههههههههههههههههههههه
ماني بقايلك

[جان دارك]

جاكي شان أحسن من أسمك يا أسوء ماركه عرفها التاريخ

ما أقدر أعلق صراحه على حلك المركب .. يا مستر

بس من رايي خل اللغز لأهله .. ( ونبي نجيبها إن شاء الله )



\

أ. خليجي سهل شوي .. ممكن تعطينا الحرف الأول


بنت الهيلا بعدي والله حول الحمى .. معناتها ستقعين فيه

[عزيزة الجناب]

طيب

الموضه

تسلم خليجي

[{ أبوفيصل }]

اخي كفو صح بدنك مالك لوا

اعرفك ذيب ينتظر غلاق الرمعات وتهاجم اللغز

نحاول بالهجمه المرتده

:)

[Mr.CERRUTI]

احسن الي مالة ماركة با المرة يا جكي شان هههههههههههههههههههههههه
يا خليجي لصارت رمعتي خطاء قل الجابة قريبة جداً لا تخلي لجكي شان علي درب هههههههههههههههههههه

[{ أبوفيصل }]

رمانة الطايف

الموضه << واَخر صيحه


صح السانك في الصميم الله يعطيكِ العافيه
اللغز ولسان حاله يقول وماالحب الاّ الحبيب الأولي
كذلك رمانه أول مشاركه باللغز واَخر من قضا عليه

http://www.m-harb.net/vb/images/smilies/076.gifhttp://www.m-harb.net/vb/images/smilies/076.gifhttp://www.m-harb.net/vb/images/smilies/076.gifhttp://www.m-harb.net/vb/images/smilies/076.gifhttp://www.m-harb.net/vb/images/smilies/076.gifhttp://www.m-harb.net/vb/images/smilies/076.gif

[جان دارك]

بالله صحيح الموضــه .. ؟!!

[{ أبوفيصل }]

رمانة الطايف

الموضه << واَخر صيحه


صح السانك في الصميم الله يعطيكِ العافيه
اللغز ولسان حاله يقول وماالحب الاّ الحبيب الأولي
كذلك رمانه أول مشاركه باللغز واَخر من قضا عليه

http://www.m-harb.net/vb/images/smilies/076.gifhttp://www.m-harb.net/vb/images/smilies/076.gifhttp://www.m-harb.net/vb/images/smilies/076.gifhttp://www.m-harb.net/vb/images/smilies/076.gifhttp://www.m-harb.net/vb/images/smilies/076.gifhttp://www.m-harb.net/vb/images/smilies/076.gif

عفارم عليك يارمانه وصح لسااانك

وبيض الله وجيهكم جميعاً على مشاركتكم الرائعه

تحيتي لكم

[Mr.CERRUTI]

^
^
^
متى صار الكلام هذى وبعدين امن اليوم انا وجكي شان نتكلم في الماركة ليش ما قلت صح عليكم والماركة من الموضة ترى حنا دارين انا وجكي شان بس بس انقربها للعضاء من اليوم ههههههههههههههههههههههههههه

[{ أبوفيصل }]

^
^
^
متى صار الكلام هذى وبعدين امن اليوم انا وجكي شان نتكلم في الماركة ليش ما قلت صح عليكم والماركة من الموضة ترى حنا دارين انا وجكي شان بس بس انقربها للعضاء من اليوم ههههههههههههههههههههههههههه

ههههههههه

والله ماقصرت

لكن الموضه غير الماركه

وش نقول ماحالفك الحظ وهاردلك

:)

[بنت الهيــــلا]

سلام من الله عليكم جميعا

سؤال ان اذنت لي أخوي خليجي وش دخل الموضه بعلامات الساعه

ممكن تشرح اللغز :)

[جان دارك]

^

^

أتفق معه .. الماركه موضه .. :)

الله المستعان وأقرى في كتاب التذكره في أحوال الموتى وأمور الآخرة ... وطلعت الموضه

يالله خيرها بغيرها ..

[Mr.CERRUTI]

^^^^^^^^^^^^^^^^^^^^^^^
^^^^^^^^^^^^^^^^^
بنت الهيلا تعوذي من الشيطان ماصار الا الخير نيههههههههههههههههه

[عزيزة الجناب]

عفارم عليك يارمانه وصح لسااانك

وبيض الله وجيهكم جميعاً على مشاركتكم الرائعه

تحيتي لكم

شكرا اخوي خليجي

قلت لك الروقه اذا حطوا رؤؤسهم ف شئ جابوه لو ف القمر

ماقصر الجميع

يعطيك العافيه

[بنت الهيــــلا]

ابشرك يامستر دخلين المنتدى ومروووقين اخر روقاااان

[جان دارك]

يا حياتي يا بنت الهيلا .. أنا قلت الأسواق ما قالي حول الحمى خلاني أخذ رترن ..


المفترض أني مستسلمه من البدايه

ما حلوها الشعار بنحلها إنا


الجايات أحلا إن شاء الله

[{ أبوفيصل }]

ابشري بالشرح الوافي يابنت الهيلا

قلت في البيت الأخير ( فيها من أشراط القيامه علامات )

مثال : الكاسيات العاريات من أين أتن بأزيائهن الخالعه << بالتماشي مع اَخر صيحه للموضه حتى وقعت في المحظور ،،

والأمثله كثيره والله لو مالدوام لأسرد عليكم الى الصبح مير الساعه شارفت على الصبح

[بنت الهيــــلا]

يا حياتي يا بنت الهيلا .. أنا قلت الأسواق ما قالي حول الحمى خلاني أخذ رترن ..


المفترض أني مستسلمه من البدايه

ما حلوها الشعار بنحلها إنا


الجايات أحلا إن شاء الله




ههههههههههههههههههههههههه

اضحك الله سنك

[بنت الهيــــلا]

ابشري بالشرح الوافي يابنت الهيلا

قلت في البيت الأخير ( فيها من أشراط القيامه علامات )

مثال : الكاسيات العاريات من أين أتن بأزيائهن الخالعه << بالتماشي مع الموضى حتى وقعت في المحظور

والأمثله كثيره والله لو مالدوام لأسرد عليكم الى الصبح مير الساعه شارف على الصبح

شكرا لتوضيحك

[Mr.CERRUTI]

^^^^^^^^^^^^^^^^^^
اللغز وضح اصلا يوم قالو الجابة وبنت الهيلا يعنني اقتنعت هههههههههههههههههههههههههههه
يالله تصبحون على خير

[بنت الهيــــلا]

^
اذا ما طاعك الزمان ولا طعه

وبعدين جان الموضه في الاسواق اجل في البسطات خخخخـ

ثانكس على اللغز اللي استمتعنا فيه

[جان دارك]

ما هي مشكله أنا ورمانه واحد
ليا فازت كني فايزه:)

وأسروا وخلوا اللي وراهم دوامات يسرون

بالتوفيق للجميع .. وفي أمان الله ...

[{ أبوفيصل }]

بنت الهيلا الاّ قولي لها

ان ماطاعك السوق ولاّ طعه

شكراً لحضوركم واسهامكم الرائع وخيرها بغيرها

ههههههه

[بنت الهيــــلا]

في أمان الكريم ،،

[{ أبوفيصل }]

مشكله اذا جينا لـ طاري الموضه عند بعض الأاخوات والأخوان ولعوا ولاأعلم لماذا

قليل من يفهم الموضه بمفهومها وشمولية معناها الصحيح

كان الأعتراض على علاقة الموضة وتبعاتها في علامات الساعه من الأخت بنت الهيلا

والبارحه شارفنا على الصباح ولم استطيع التوضيح اكثر ولكن

بمشيئة الله سوف اشرح شرح موجز ومفهوم لأبيات اللغز كاملاً في المساء

وذلك لمن لم يقتنع ان هذا هو الحل الوارد فقط

لكم اعذب التحايا

[عذب السجايا]

مشكله اذا جينا لـ طاري الموضه عند بعض الأاخوات والأخوان ولعوا ولاأعلم لماذا

قليل من يفهم الموضه بمفهومها وشمولية معناها الصحيح

كان الأعتراض على علاقة الموضة وتبعاتها في علامات الساعه من الأخت بنت الهيلا

والبارحه شارفنا على الصباح ولم استطيع التوضيح اكثر ولكن

بمشيئة الله سوف اشرح شرح موجز ومفهوم لأبيات اللغز كاملاً في المساء

وذلك لمن لم يقتنع ان هذا هو الحل الوارد فقط

لكم اعذب التحايا

بالفعل اللغز مليان وفي محله ومايحتاج شرح
بس لاتلمني نحن جيل القداما هههههه
نعتمد في إعداد اللغز على أن يكون منافياً لإي أحتمال آخر وهذا يعتبر لدينا شرط اساسي في الأعداد .
لما اطلعت على اللغز أول ماتبادر لذهني فأولت (الصيحة) للإنذار فتذكرت إنذار كمامة الأكسجين عند قرب نضب الغاز أو الطاقة..
لايستبعد إحتماله حتى الأن ولازلت اشوفه أقرب للحل حتى اللحظه.

مع أنني لم املك الوقت الكافي للمتابهة في الموضوع لضروف إعداد مواضيع هامه وضروف آخرى خاصه.
شاكر ومقدر لشخصك المبدع في شتى المجالات.
إحترامي,,,,

[乂صـواعب乂]

<< مشتاقه للألغاز ^_^

صباح الخير

صح لسانك ياخليجي على هاللغز الغاوي

وكفوو يارمانه الطايف ماشاءالله عليها

شكرا خليجي الله يعطيك العافيه

ونتريا لغزك اليديد

[{ أبوفيصل }]

صح بدنك يااخت أصايل

تريونا للغز الجديد ونبي هالمرّه اكثر حماس