نداء عاجـــل ( من الموقع الفارع للشاعر البارع )

[{ أبوفيصل }]

ابا اَخذ معه صوله وجوله



ياهَلَ الكيف كيفي للمشاكيل كايف =أشعم النار وصوت النجر للضيف ينادي
علّم البارع اللي مايهاب الكلايف =ياخذ السيف وينطح به جموع المعادي

[{ أبوفيصل }]

الليل الليل يالبارع سرى الليل وين انت

والله ياظن بالي مشغلينك بأشغال المدارس

هههههه

[{ أبوفيصل }]

http://www.viafy.com/uploads/a0bdd9704b.gif
اشعم النار

[البارع]

الله يحييك ياخليجي والله اني توي شفت ناداك يالغالي ... واستلم واعذرنا على القصور وانا والله البحر هذا

ماقد لعبت عليه مير اعذرنا ان ماحبكناه .....



مرحبا ياخليجي عد مااطَاف طايف = يوم جانا نداكم عقب شهر العيادي
جيت للصوت فازع في نهار الحلايف= بالجديد السلاحي والسيوف الهنادي

[الضميّان]

خليجي والبارع طاروق من بدايته قوي

صحت ألسنكم مبدعين ونحن متابعين

[{ أبوفيصل }]

صح بدنك وتشرفنا يالضميان

تحيتي لك

[{ أبوفيصل }]

صح لسانك يالبارع

حبكتك حبكة معلم وشاعر ،، لكن اسمح وغيّر من عندك

وانا شاكر لك تجاوبك بهذا الرد الممتع

[البارع]

الله الله حبيت هالطرق وخلنا نكمل عليه يالذيب ....

والبدعه عندي واستلم :


يالعتيبي تولم مابها من حسايف=يوم جافي نهار اليوم للعيس حادي
لاوردنا نورد مانطر النكايف= ولويموت الخميني بعده احمد نجادي

[{ أبوفيصل }]

السلام عليكم ورحمة الله

تسجيل حضور ،،

خوش والله يالبارع انا من يبدع الطاروق وانت تبي البدعه من عندك :)
استلم استلم دامك حبيت هالطرق

:11ight:



الْعب الْعب وانا بملاعبات السفايف = في يدينا الأعنّه والسيوف الحدادي
أرهب القوم اَلاَها بحد الرهايف =كلّ ماأبطش بهم في صبح ولاّ هجادي

[{ أبوفيصل }]

أرهب القوم واَلاَها

[فيصل بـن طعيس]

خليجي قسم انك فله



لازم اجيبك في عرسي > ههههههههههههههههه



....



البارع ايضآ لا هان منطوقك ياحيي




ولاهنتو جميع





( متابع حتى النهايه )

[البارع]

ترى في صفقة اهل الجنوب قريت ردك يوم تقول اسمح واحسبنك تقول ابدع من عندك مير خل سيرها عدل

واستلم :


يازمان العجايب كيف شاخ المسايف = وسط لندن يبث ادعايته بالروادي
ليت رجله تزله بالخطا عند نايف= للوزير القيادي فالمقر السيادي

[البارع]

فيصل ابن طعيس حياااااك الله ولاهان شانك شاكرك مرورك العطر يالنشمي ...

[البارع]

الضميان حياااااك ربي ومدري وش اعماني عن ردك ما قريته مير حياااك حياك وامسك صفي ترى الليل مسرمد

تحياتي لك ...

[{ أبوفيصل }]

عزكم الله استلم يالبارع



مالنا في مزهْملْت الزنا واللفايف =مذهب الوصخ ماشفت لْه ساس ومبادي
رافضيّاً يشيل الذنب مثل الحتايف =لو نحده حد الجمل لملْحاً سنادي

[{ أبوفيصل }]

مرحبا بك يابن طعيس

ليلة العمر حددها وانا حاضر وممنون << قسم :)

هههههه

الله يتمم لك وانا اخوك على خير

[البارع]

الله الله .. استلم يااخ العرب :


يحسبون الدعاوي رحلةٍ للمصايف = وان كلٍ يقول اللي يبي شي عادي
ماهقو في عيال العود حمي العطايف=مير راحو طميه عقب هاك المبادي

[{ أبوفيصل }]

ياصبي روق جنّب عن دروب المهايف =مادرى أنّي معطيه العام مسك وزبادي

الله يعز من خلاّ القبايل ولايف =خيرهم للعباد وعزّهم للبلادي

[البارع]

من شيوخ القبيله والصبا للنصايف=كيف منكم تجينا ربعنا ماتعادي
مجدنا واخذينه فوق قب العسايف=لاتروح الك وادي والعرب يم وادي

[{ أبوفيصل }]

عندي مافالسوالف هرج ولاّ طرايف =اعرف المعنى في بيت القصيد امتقادي

وانت مافيك شك ولاَبتك فالنوايف =مير يالو توقع لايطيح الشدادي

[{ أبوفيصل }]

هذا الشطر يمكن لم أحسن توظيفه للمعنى على الوجه المطلوب وجات على استعجال

( ياولد روق أعَرْف اللي في دربه مهايف )

ارجو من المشرف تعديله بهذه الصيغه ،، شاكر ومقدر

[{ أبوفيصل }]

صح لسسسسسانك والله لايهينك يالبارع

تشرفت بحضورك واللعب معك والمحاورة أجد لها معك ذوق

الختام عندك ،، وان كان حولك طاروق والم يامرحبا

[البارع]

صحت ابدانكـ يالقرم ... وانا تشرفت باللعب معك اكثر ... طاب لي معك اللعب واستمتعت والى لقاء قريب باذن

الله ... تحياتي

[ســـــــــــاطـي]

خـــلــيــجــي=الــبـــارع

صحت الالسن والقلوب

لاهــــــــنـــــــتـــــو

[{ أبوفيصل }]

صح بدنك ياساطي

لاهنت ولاهان غاليك