المدعو : ســـاطي الساطي ،،، مطلــــوب ،،،

[{ أبوفيصل }]

ياساطي الوقت حط الناس فيباطه =واظنك أول ضحايا وقتك الساطي

ممشاك ما يستقيم الدرب سيراطه =وليا قطعـته تحـوبي جـيت مشتاطي





:14:

[فيصل بـن طعيس]

ههههههههههههههه خليجي الله لا يحطنا في ماقفً صعب



وصح الله السانك



. تقبل مروري .

[ســـــــــــاطـي]

الوقت قاسي وكلن يسحب اشناطه=لاتستفز البحر وانته على الشاطي
ممشاي لوتجتهد ماتقطع اشواطه=ياقوم بعض العرب بالهرج خراطي

[{ أبوفيصل }]

الله الله



لن مالقيت أحمدي ترتاح لبْساطه =قلت البساط أحمدي وانا على ابْساطي

مايجري فالمجتمع تدريبه أوساطه =جوالٍ يِقْطع علاه الخط ويطاطي

[ســـــــــــاطـي]

مس الشنب فوق وارسم سك ضراطه=ودور على الطيط وصادق شيخ ططاطي
وافرش بساط الرفاقه وانشر قطاطه=لوكان بعض الصداقه سلك مطاطي

[{ أبوفيصل }]

خلوووووها ،، العلم بحر ،، وبك خلووها

ههههههههههههه




لطّتْك يابوشنب والموس ممْراطه =ياعنْك ماينعذل عبدن يبا ارْهاطي

الورع يالربع لايزيد فـهْياطه =وأعطيه صرّت ذهب من غير قيراطي

[فيصل بـن طعيس]

الله الله خليجي + ساطي = لاهنتو جميع







<< عااصب الغتره ومتااااااااااابع :12: :11:







. تحيتي لشخصكم الكريم .

[ســـــــــــاطـي]

اكرب حزامك وعقلك جود ارباطه=وحنا كرمنا عن المجنون والواطي
ساطي ياخوخو تجنب ضربة اسياطه=تهديك فتقن يورط كل خياطي

[{ أبوفيصل }]

صح بدنك يافيصل

لاهنت ولاهان غاليك

بس متابع ،، تعال اقضب الصف وتابع :)

[عبدالله المرشدي]

الله الله عليكم يالثنين مبدعين بحق

صحة السنتكم

تحيتي لكما

[ســـــــــــاطـي]

الاعزاء(فيصل بن طعيس+عبدالله المرشدي)

نــــــــــــــــــــورتـــــــــــونــا

[ســـــــــــاطـي]

ابك ياخليجي ويييييييييييييييييييييييييينك

24 ساعه وحنا نتحاور خلنا نخلص

هههههههههههههههههههههههههههههههه

[{ أبوفيصل }]

صح بدنك عبدالله

سعدنا بحضورك يالغالي

[{ أبوفيصل }]

انشغلنا ياخوك وجينا راجعين

رجعنا وانقطع الأتصال لكن ماهو بيدي ولاّ كان دزيت لك فاكس هههه

استمتعت باللعب معك ياساطي والله لايهينك الختام عندك

واستر ماواجهت لعبنا واللعب فلة احجاج ووناسه

الى لقاءٍ قريب

تحيتي

[{ أبوفيصل }]

وش بك تهل الدموع وتزعج اعياطه =والليل تكره ظلامه وانت وطْواطـي
الجندي ياجب عليه يطيع ضباطـه=ولْيا تعدّا المراجع سبّـب احباطـي

[شيخ الشيوخـ]

عز الله امتعتونا

لاهنتو على الابداع

واصلو في هذي والا في غيرها

وعساكم على القوة وانا صفي مع ســـاطي ونبا نولع في راس خليجي لين يطلع منه ريحة ( شياطي )

[{ أبوفيصل }]

متعك الله بالصحة والعافية ،، لاهنت ولاهان غاليك


عوافي ياشيخ سرع ماقلبت ،، طيب طيب ،، البلا وليا راحو أصحابنا قوم :)

تدري عاد الوعد وان سيّل الله كل وادي

هههههههههههه

[ســـــــــــاطـي]

يابيه يابيه خل الدمع وافراطه=وانقز على الشوك وخلك بيه نطاطي
ياضابط النيل جندك كثرت اغلاطه=ونصه على النيل بالمايوه ينجاطي

[شيخ الشيوخـ]

يادافع البلا

[ســـــــــــاطـي]

الاخ العزيز (شيخ الشيوخـ)


يشرفني انك بصفي نورتنا

[صوت المشاعر]

الله يعطيكم العافيه والصحه

[{ أبوفيصل }]

اخوي ساطي

شاكر لك محاورتي ولاتنسى أن الطاروق والطاروقين ماتقنعنا منك

تحيتي

[البارع]

خليجي ..ساطي عزالله اكم ابدعتم وامتعتم صحت الالسن والقلوب ... ونتشوق لماهو قادم ..

[{ أبوفيصل }]

خليجي ..ساطي عزالله انكم ابدعتم وامتعتم صحت الالسن والقلوب ... ونتشوق لماهو قادم ..

صح بدنك يالبارع كذلك انا اتشوّق لمحاورتك

تحيتي

[حميد]

الله الله عليكم
ابداع شعار متمكنين ماشاء الله
محاورة نارية قويه

[{ أبوفيصل }]

الله الله عليكم
ابداع شعار متمكنين ماشاء الله
محاورة نارية قويه

الأبداع مرورك اخي الكريم
ما هذه المحاورة الاّ من روح الدعابه الشريفه
وهي من باب التنشيط ليس الاّ
يعطيك العافيه

[صومالي من هنا]

مايجري فالمجتمـع تدريبـه أوساطـه
جوالٍ يِقْطع علاه الخـط ويطاطـي



هاهاهاهاهاهااااااااااااااااااااااااااااااااااااااا اااااااااااااي
الله يسعدكم والله اني انسدحت من قووة الضحك ..تحمست وعصبت راسي



بس البيت اللي فوووق ذا فيه حكمه ..وفيه عمق تدرووون ليه
من الكلمه (ويطاطي)) هاهاهاهاااي


الله يسعدكم بالحراام انكم مطانيخ ... بيض الله وجيهكم ولاهنتووا

[{ أبوفيصل }]

مايجري فالمجتمـع تدريبـه أوساطـه





جوالٍ يِقْطع علاه الخـط ويطاطـي



هاهاهاهاهاهااااااااااااااااااااااااااااااااااااااا اااااااااااااي
الله يسعدكم والله اني انسدحت من قووة الضحك ..تحمست وعصبت راسي



بس البيت اللي فوووق ذا فيه حكمه ..وفيه عمق تدرووون ليه
من الكلمه (ويطاطي)) هاهاهاهاااي



الله يسعدكم بالحراام انكم مطانيخ ... بيض الله وجيهكم ولاهنتووا



ويسعدك يالصومالي عساها ضحكةٍ ماتفرق محيّاك
مير ليتك سلمـــت من كلمتين قلتها في ردّك بالسطــر الأخير
طيب سو فاصل هههههههههه

:)

[ابو بخيت]

مايجري فالمجتمـع تدريبـه أوساطـه = جوالٍ يِقْطع علاه الخـط ويطاطـي

صح السانكم - قويه اشهد شعار محاورة عمالقه - خليجي اشتقنا له وينك يخليجي فقدنك

[شاعر شهران]

بيض الله وجيهكم

محاورة جميلة

[{ أبوفيصل }]

ووجهك ياشاعر شهران
الله يغفر لنا ويغفر لك أخي الكريم
مروركـ كان أجمل

[طووويق]

الله لايهينكم

[طووويق]

طاروق رائع

[طووويق]

ابداااااااع

[همس النسيم]

الله الله
ابداع في ابداع
أستمتعت بالمحاورة الجميلة
صح لسانكم وبيض الله وجيهكم
وشكرا لكم

[الشاعر البيطار]

الشاعر الساطي والشاعر العطاوي اتمنى فيه واحد يتحاور معي منكم


تحياتي الشاعر البيطار

اتمنى الرد سريع

انتظركم

[ابو صقر الشمري]

ياسلام عليكم ياسلام

ابدعتوا صح لسانك يالعطاوي وصح لسانك يالساطي

امتعتونا وكروها مستقبلاً . صراحه بطاطاكم وطماطكم من افضل الطماطا والبطاطا بالاسواق

وننتظر لقائكم مجدداً

[نهير بن رخيص]

ابدعتم صح السنتكم جميع ٍ0

[{ أبوفيصل }]

طويق

همس النسيم

الشمري

نهير

صح ابدانكم والله لايهينكم مشكور على مروركم

[{ أبوفيصل }]

الشاعر الساطي والشاعر العطاوي اتمنى فيه واحد يتحاور معي منكم


تحياتي الشاعر البيطار

اتمنى الرد سريع

انتظركم

هلا وحياك الله عزيزي

يشرفني يالشاعر البيطار وعلى أتم الاستعداد اطرح بيتك تجدني بأنتظارك

تحياتي