هـلوسـة فكرية .. للكبار فقط +18

[قلم/رصاص]

السلام عليكم ورحمة الله وبركاته

دعوه كريمه /

من اخ عزيز الجانب رفيع المقام واصبحى الوجه بهى الطلعه ينافس قيس بن الملوح بعشقه لـــليلى...

المهيب الركن / ماوده ابط الجربه واقول اسمه؟ ‏‏<‏‏<‏‏< أبوالشباب ضاربه فيوزاته يقول احسك مرات اتطب بالحكومه وانا رجال حدي حدي جنب الطوفه لحد يبلشنا ...

حللت ضيفا عليكم فى " منتدى عتيبه‎ "

مقدمه :

زاويتى كما اسميتها لديكم وهى" هلوسة فكرية.. للكبار فقط " لا لـشئ انما اردت ان يطلع عليها اكبر عدد من الزوار ...

هنا سيتكون متنفسى ومتنفسكم " فهمتو "

<==== شكلين مابحكى ...

ولـــ قياس مدى لقافه البعض ...

ولان كل ممنوع مرغوب / هاهى مصيدتى ستجتذب عصافيرها ...

اقبلونى كما انا قلم / رصاص ...

بعد انقطاع متعمد عن الكتابه فى عالم النت حيث انى اصبت بالتهاب فكرى حاد ادى الى نزيف عاطفى مؤلم افضى الى تشتت عقلى مقيت

جلست اعانى منه عده شهور حتى من الله على بشفاء منه ...


ان الشفاء من الله وحده ولكن الشي بالشيء يذكر

اولا/ انا شكيت بالحكومه انها حاطه لنا شئ فى عيش التموين

" منتو حاسين ان الناس صار ماعندها احساس "

انا تبلدت مشاعرى واصبحت " دلوبج" اللى ما يعرف معناها يقول واللى يعرف بعد يقول
وله منى جائزه ....

ولكنى فى الاخير طلعت ظالم الحكومه ...

وعرفت السبب ...

واذا عرف السبب بطل العجب ...

[SIZE=6] ابعدت نفسى "قسرا " عن الانترنت وعن قنوات التلفاز وخاصة الجزيره الوثائيقيه ...
كرهت الاعلام بشكل عام احسست انه مسرحيه منت عارف البطل فيها قمه بالمتناقضات ....

ورجعت ازيل الغبار عن" خير جليس " عن مكتبتى التى اكل الدهر عليها وشرب لى معها قصص لاتنسى اشبهها بورده من كل بستان

وعكفت على مطالعهتا وجدت من الذكريات الكثير فهذا الكتاب من مكتبه مدبولى بالقاهره والا خر اشتريته من بائع على احد ارصيفه السولدير

وهذا من سوق "الجمعه " طبعا اغلب كتبى من سوق الجمعه لاحد يضحك :d:d ايامها كان هناك سوق رائجه للكتب المستعمله /:/ كان هناك راعى بسطه شايب اضنه سورى الجنسيه كل ماجيه القاه يقرا بكتاب اسمه" اسرار الطيور " ايامها كنت صغير بالعمر تفكيرى محدود كنت اقول شكله باقيله صفحتين من الكتاب اللى يقراه ويتعلم " منطق الطير " ...
هو دايخ والكتاب دايخ والمؤلف اللى ماعنده شغل رايح ومجهد نفسه ومشقى العالم واخرتها اسرار الطيور
راحو العباقره ...

وانا اعفس بسطته من كتب السياسه وادوج الى كتب الطبخ وبكم هذا وهذا بكم واخر كم واخلص علي وسوالف المكاسر والمتقاعدين " كرهنى " لدرجه انه اخر ايامه ماقام يرد على السلام وعلى طول " مش للبيع "

وانا ارد عليه ليش حاطه " يرد للعرض للعرض " اقول يكون عارض مخطوطات توراتيه مثلااااااا هو ووجهه الاعوج ...

ماعلينا المهم انعشت ذاكرتى وغذيتها ووجدت راحه عظيمه عن البعد من المنغصات الحياتيه ...

عزله و تحت الاقامه الجبريه " بس بكيفى "

يعنى على ماقيل مامن سلامه ....


/ اعود مجبر لـ انشد لكم " تغروده" لازال صداها يختلج فى زوايا القفص الصدرى ...

وشكرا لكم لاتساع صدوركم لهرطقتى ويامالكم من الخير ...

واقول لكم " عــــــــــــــــــــــــادها بتزين :)



.. اتمنى من الاخوان تخصيص رابط لهذه الزاويه او تثبيت الموضوع لكي يسعني ان اطش خربشة هذا القلم وكلي أمل ان يتسع صدر هذا المنتدى لما في جعبتي لكم

وهى سلسله قصصيه مجزئه مابين الواقع والخيال دراما كويتيه ...؟



دمتم بخير


للهلوسه بقية

قلم/رصاص

[عزيزة الجناب]

اخوي قلم صاص

حياك ف شبكة عتيبه

هناك قسم خاص بالمدونه اسمه إبداع بلا حدود

وربي ياني سعدت انك هنا

احلى هلوسه وترنا كثر مهلوسين هنا

خذ راحتك بس فيه عندنا خطوط حمرا

الف شكر

[قلم/رصاص]

الاخت رمانه يعني ننقل عفشنا هناك ؟ << هاف لوري لو سمحتوا.؟

وانا اكثر تغمرني السعاده بوجودي في شبكه عتيبه وبين اخواني الاعضاء فـ هذا بلا شك شرف لي بوجودي بينكم



وبالنسبة للخطوط الحمرا فـ ثقي تماما بأن قلمي لا يتجاوزها بتاتا ومن الممكن ان يتحوفها ويفر هاربا من شدة الروعه ..

[عزيزة الجناب]

الاخت رمانه يعني ننقل عفشنا هناك ؟ << هاف لوري لو سمحتوا.؟


وبالنسبة للخطوط الحمرا فـ ثقي تماما بأن قلمي لا يتجاوزها بتاتا ومن الممكن ان يتحوفها ويفر هاربا من شدة الروعه ..


ههههههههههه

الله لايروعك ابدا

والنقل والحمله علينا لايصير ف بالك شئ

وربي عندي مناسبه بخرج ولما شفتك حليت قلت ارحب بحضرتك قبل اطلع

ياهلا ومرحبا فيك

بس ترى لك فتره غايب عن الكتابه وكتاباتك مره ساخنه وجاء ف بالي ــــــــــــــــــــــــــــــــــــــ:11:

نتتظر ابداعك

[قلم/رصاص]

الاخت البرنسية رمانه الظاهر انج متابعة جيده للهلوسه وانا من شفت هالنك دريت انج مهلوسه عفوأ مهلوسه قراءه لحد يطمر الرصيف وفعلأ انا قاطع عن الكتابه فتره لأسباب ارتفاع اسعار العيش وهالحكومه مرات تناشبنا طبعأ من زود حبها لنا ونحن كذلك من شدة عشقنا لها ندور الحرشه ... ولج البقا طال عمرج وانتبهي بالطريق ترا اغلب الشوارع امكسره شبيهة بشوارع الجيزه ايام الدلوبج وقعدات راس العاير كأن ماعندنا نفط عايشين على ....؟

[قلم/رصاص]

السلام عليكم ....







بادء ذى بدء ...







اخوانى واخواتى الاعضاء والزوار ..







تحيه طيبه وعطره بكلونيا ثلاث سبعات ...











توطئه ...







الموضوع او القصه او المسلسل المكسيكى او ...او ...سموه ماشئتم وصنفوه على مابدالكم احسست من اللحظه الاولى ان هذا مكانه فاليعذرنى الجميع...( عل وعسى ان تشاء الصدف وتقراء ماجادت به نفسى وعبر هذا القلم/ الرصاصى كما يقول احد الربع ولو بجزء بسيط عن اسباب تلف خلايا مخه)







/// مخرج///







(بطاقه تعريفيه)







المختلف.







مخ/ تلف / جدا







هناك فرق بين الكلمتين







الاولى : تعنى اى شئ متميز عن اقرانه







والثانى : انا .........؟















وقفه وتأمل ...!







قلم رصاص ..







بطاقه تعريفيه ايضا:







هو اى قلم صادق وجرئ لايوجد لديه الوان واقنعه يحتمي خلفها هو انا وانت وانتى ومن تمرد على اى شئ غير واقعى .... وصدق مع نفسه ليصدقه قلمه و تشبث بقناعته ودافع عنها بستماته.











و الحقيقه ان الاسم له وقع قوى على كل ذى نظره ثاقبه يقراء مابين السطور لكن ...







بدايه السالفه ...



عندما كان الزمن الجميل



تجري ايامه كدقائق علي استحياء وخجل تنسل من امامنا علي عجل مريب و غريب تحدثك نفسك الحائره ... علي اي شئ ذهب بطرفه عين ؟ لايبقي غير ذكراها (والزمن كفيل بها)







هل هي سنين عجاف



تنبئ عن قدومها ...؟ ! ؟ !



عزاءنا الوحيد هي ذكراها التي تزورنا مابين الحين والاخر.
 هالحين ونقضى اليوم هياته







مابين المسمكه والمقبره كان هناك سوق حمام وطيور ودجاج نستمتع فيه كاننا بالمدينه الترفيهيه ياعجبى على الطفول راحت على خالى بلاش ...







وياويلنا وياسواد ليلنا اذا جات الساعه 6 ونحن لم نتواجد عند محطه الباصات اللى جنب الصناعيه







راح تسبب خساره ماديه فادحه لنا ولا خساره امريكا من الرهن العقارى راح نرجع عبريه بوانيت







المهم(( ايام كانت غير والله كانت _ هل هو صحيح ايامنا دواره ))











وشلكم بالطويله ...











الجزء الاول







سرد حقيقى ×واقع خيالى







لقصه عشتها بين الواقع والخيال حصلت لى مابيت اليقظه والنهظه اسف والنوم ...اليقظه والنهظه مجلات .. شطحات الفكر كثيره ارجو العذر ,



فى البدايه كنت ككل الشباب الطموح (( تستغرب عزيزى القارئ لماذا لاابدا من القصه من الطفول كا الافلام الهنديه مثلا ))



طريقتى بالكتابه عكسيه !!!



كالزمان الذى نعيش به تتفقون معى بلا شك



نرجع لحديثى ..



(ولكن)"كان بودى الغاء هذه الكلمه من قاموس اللغه العربيه لانها حجر عثره فى طريقى وطريق كل شاب وشابه راغب او راغبه فى تحقيق طموحات واحلام ورديه بنفسجيه ... اى لون مو مهم احلام تتحقق وبس







نعم اكررها ولكن , مضى خريف العمر



" وعادها بتزين ترددها بنات افكارى العوانس"



و رجال افكارى العزابيه يقولون "نسمع صوت الفناجيل ولاشفنا قهوه "



متشائمين نفس المتعوس الشاعر المغمور جدا







(كاكاتبكم) الكلمه هذى فيها اسم لاعب برازيلى يشبه المتعوس مخ/ تلف /جدا







( النسخه الاصله لقلم رصاص )







نرجع لمحور حديثنا لكن ترجع مره اخرى على و معاها ربعها متى .. واين .. وكيف ( اصدقاء لكن)







عدوتى الاولى وانظمو تحت لواءها الباسل " على وعليها نعم عليها من هى المقصوده ...؟







جايكم بالكلام هى :







من اشرق الكون لها <=== مع انى اكره الجمله هذى لاسباب خلقيه واخلاقيه (اللبيب بالاشاره........)







هى: ورده من اجمل بستان رأيته او بالأحرى اجمل ورده فى اجمل بستان







هى ؛الورده ...البستان عمرها ؟







فى ريعان شبابها وعنفوانه تعلو محياها اشراقه تخجل منها الشمس فى ضحاها اذا ابتسمت







هى / تقف الكلمات احترام لشفتيها







هى.. هى.. هى الكل يشيد بها بعفتها .. ونقاءها ..وايضا سذاجتها " وبراءه الطفوله لازالت فى مخيلتها ,لن اقيس جمالها العذرى على مقاييس مسابقات ملكات الجمال الصناعى حتى لااجرح براءتها وطهارتها







((طلال ))







لازال ينزف ابداع شعرى وادبى على فراقها <====== كما يدعى.نعم ذهبت فى حالها







لاسباب كثيره منها (لاكن)الملعونه







واضيف ببنات عمتها ياليت او ياليتنى وهى كلمات دارجه هذه الايام وسبب شيوعها " التحسف والتحسر على ماذا :







على اى شئ كان .."فى سالف العصر والزمان ومضى وتركته الركبان "







ولكن عادت مره اخرى تقض مضجعى لابارك الله بها , نعم ولكن







سرقونى وانا حى ...؟ والادهى وانا انظر...؟ كيف لا وهى ابنه عمه حق شرعى موروث من من عادات الجاهليه اتذكر قصه قيس ابن الملوح واقول بقلبى ؟ (( ماعطاك عم قيس يوم درا انه يبيها قاله مقولته الشهيره كش كش ياديك الفرخه دى مش ليك ))







حس ساخر هو متنفسى فى هذه الايام المقفره ....







فاتوره قديمه ادفع ثمنا لحد الأن وهى فى ربيع العمر الان







وانا فى خريفه مع اننا مواليد عام واحد البعد عنها حرق كرتى ...



وكبرنى بالعمر ...







وفى فصل الخريف تتساقط الاوراق من على الشجر حتى تتعرا امام البشر , ومخى التالف تتساقط السنين من عمره سنه اثر سنه حتى لااح ذلك الضيف الغثيث (كلمه عاميه) المدعو بـ الشيب " قال وقار قال " واقام الحواجز اثر الحواجز بيننا وللامانه



هى/ اخلصت وصبرت " ولكن" التيار اقوى منى ومنها جرفها معه , لم ولن تقدر عليه فرضخت له وغرقت فيه وانا انظر عل وعسى ان يلوح فى الافق بارقه امل ...







عندما كنت ادرعم بيتهم من غير لا احم ولا دستور







ورعان(1) قلوبهم صافيه لم تشبها امراض القلوب كفاكم الله شرها ليتنى كنت اعلم ان سنين العمر











ستلعب لعبتها معى ومعها وتاتينا ((غدره)) كما يقولون ابناء المنطقه العاشر ...







1_ (( ورعان للناطقين باللغه الحضريه تعنى يهال )) اوكى ...







فى كل يوم كنت اذهب لمزرعه الاثل اكيد عرفتوها كنت اروح انبط ( نباطه اكيد تعرفونها )







الحين شالوها الله يسامحهم المهم اروح انبط عل وعسى اصيد زرازير وبذات نوع مهم جدا اسمه







( صفورى ) وابذل الغالى والنفيس عشان اصيده معن ايامها الغالى كان عندى عصير سانكست







والنفيس كان بفك السياره العجيبه ...







ليش النوع هذا بذات اصيده ((لانها )) كانت تحبه واذا صدته تزعل على اسبوع هبله صح !







تقول انت ماتخاف الله حط نفسك مكانه ؟







هذا اللى يبى يكحلها عماها (( وعادتى ماجيبها سفره )) دائما معًيد ...







وعاد انا يقشعر بدنى خجلا من كلماتها ....







واتمنى ان تنشق الارض وتبتلعنى ....







كنا اطفال <==هذى باللغه العربيه عشان محد يزعل .







بس هى كانت غير كانت مختلفه عن بنات جيلها ...







ماعمرى شفتها قاطه البخنق ( تعرفونه يابنات اليوم ؟)







حسدونى عليها ...







على فكره حتى الاطفال يحسدون طبعا احيانا مو دايم ...







وعذالى كانو كثيرين جدا ...







حب عذرى اكيد سمعتو عنه هذا انقرض الان ولا احد يقول موجود مفهوم !







نتبادل النظرات فيه لايخرج عن نطاق احساسنا ببعض ...







دعونى اقراء لكم مابمخيلتى عنها هى وفيه لابعد الحدود طاهره لاقصى درجه كبرياء يعانق الغيوم







لم اقل لكم جميله وشعرها يتسلسل كذهب بلمعته وعيونها عسليه واشيل واحط بالمستوره ...







و و و صورتها لا تزال محفوره بعلقى الباطن واخيه الظاهر ...







لقد حرمونى منهم / هى ذهبت مع الريح وتلاشى عبق رائحتها الزكيه من انفى ...







لقد اخذوها منى عنوه وبسبق اصرار وترصد جريمه يعاقب عليها القانون !!!







اى قانون اتكلم عنه قانون قبلى جائر ....







مكرهه ...







مجبره ...







لكم هى لن انازعكم عليها ...







ولى ذكراها لاينازعنى عليها احد ...







والاخرى التى حرمونى مشاهده اطلالها الراسخه فى حنايا عقلى هى الغاليه ام الهيمان غلا







الثانيه من غلا الاولي والعكس صحيح ....







غدا نكمل لسلسله الذكريات بجرعه مكثفه انشاالله ...







اخوكم / عضو رابطه كتاب بلا حدود







قلم رصاص ....







لا للقص واللزق الحقوق محفوظه

[نظره خجوله]

قلم رصاص .. نافده رائعه لجذب اجمل الاقلام وبث ارق الحروف .. شاكره لك واسمح لي بنقلها الى قسم ابداع بلا حدود ..

[شويهينة الهيلا]

ياسلام رائع ماخط قلمك هنا يااخي الكريم
ونحنوا متعطشين للمزيد
تحياتي لك

[قلم/رصاص]

اهلا ياجدعان

خالص الشكر وعظيم الامتنان يليها حبة خشم الى كل من عطر هذه الصفحه مروره الجميل

انتظرونا/تريونا/تحرونا

للهلوسة بقية

[قلم/رصاص]

السلام عليكم يا "شعب عتيبه الابى"...





طرا على طارى ...



وياكثر الطوارى هالايام ...



وانتعشت ذاكرتى لفتره محدوده ....





المهم انى كعادتى افتر بالمنتديات واحوس تقول مضيع العجوز فالسوق وياكثر ما اضيعها والوعد رصيف مصفط الدورية ؟



لقيت موضوع " مشكله التلوث" بـ ام الهيمان الصراحه استغربت



من العنوان ...!



ليش ؟

لانى اخبر قبل التلوث كان بس يوم الجمعه ؟؟؟



مو على مدار السنه ...



نفس هالحين ....!



يعنى الكلام هذا من عشرين سنه ...





( انشهد انى شيبت ياعيال )





اشلون هالحين عندهم تلوث !!!

قريت الموضوع وعرفت سببه ...



الحقيقى مو اللى كنت (فاكره)...





عندما كان ابو مازن وام مازن ومازن واخوان مازن عازمين ابو نظال وعايلته



على الشواء ( يعنى مسوين حفله باربكيو )



كانو (مزيطينها ) ؟؟؟



وهى تعنى انهم مو رادين على احد ....



كنا نرى الدخان + رائحه شهيه ...



ومانصدق على الله انا وخويي سعود ابو حديده الله يذكره بالخير



ركض الى ............ مزارع الاثل ندور على الحريقه عشان نطفيها ( متأرين برضو "بالتنين الصغير" هههه).



معلومه :

سعود هذا كان عنده كلب ...! كرمكم الله اسمه بوبى طبعا مو بوليسى خكرى



على بطنه وظهره...



كنا رابطينه بمزارع الاثل معقلى الدائم وصديقه خلوتنا نذهب هناك و نمارس هوايتنا المفضله



انذاك وهى الصيد بكافه انواعه واشكاله ( محابيل و نبابيط ) .



(واحيانا ) اتى اليها عندما تكون شهادتى ممتلئه بالدواويح ...



نجى عاد الى الدخان او الحريقه ومنين مصدرها الا .....



ابو مازن وعايلته ماخذين راحتهم على الاخر وكل شجره تحتها عايله من نفس فصيلتهم !



يعنى مالك محط رجل ( وهذا اعتداء صارخ على ملكيتنا انا وسعود ابوحديده) لايجب السكون عليه



عاد بما انى اعرف مازن (بمدرستى) قربت من يمهم وقلت "اهلين مازن" يعنى اعرف لغتهم ...



عاد هو جحدنى كنه مايعرفنى مايبى يشوه صورته عند ابوه مع انى كنت" احسن "واحد بام



الهيمان سابقا ينقش الليتات اللى بالشبات وهذه ميزه تضاف الى ميزاتى العديده انذاك ...



رديت الصوت عليه وقلت ( حافظو على نظافه مدينتكم ) ...



سمعنى ابوه اقول هالجمله اللى كانت تكتب على بفك ابو ميه فلس ...



قال بصوت حقود !!!



امشى والااااااااااااااااا ....



روح لغااااااااااااااااااااد ....



قلت بقلبى :



ماشى يالبنشرجى اوريك انا تقولى ولاااااااااااااا وغااااااااااااااااد بعد ...



هين يالزلمه ....



سانتقم منك ...



اولا:

على تلويث جو ام الهيمان النظيف "سابقا" ...!



( دائما اشدد على كلمه سابقا لان ام الهيمان ليست كما كانت ولا اهلها ليسو هم من كانو بها)



وهذا لا يقلل من قدر اهلها الحاليين عندى ولكنه الحنين الى الماضى ....



وثانيا :

كلمته اللى على بالى انها سبه ...



مع مررور السنين

واللى اتضح لى انها كلمه دارجه عندهم مثل روووووح طيرررررر الخ ...



قلت لذراعى اليمين سعود باشا الدرملى هد بوبى عليهم ؟



خله ينهش فيهم وينسعرون ....



قال تبيهم يذبحونه افاااااااا خاف على الكلب منهم ....!



قلت اجل نستخدم اسلحتنا ...



قال افا عليك بس ( اعرفه قمه البيعان)



امتشقت نباطتى وحطيت (حديده قص ) .<===== اسئل اى واحد مفلوع راسه يعلمك معناها ..



وسعود ايضا تناول نباطته...



وحاوطناهم ......



وغرد يابلبل ....



مايدرون منين النبابيط تجيهم عفسنا غداهم ...



وبما ان سعود خويى شبه احول كان يبى ينبط جام الفلكس جات براس ام مازن "حظها بعد "....



يوم هدينا الرمى سمعنا صوت ...



ولى...... ولى...... ولى على ئامتى فتحو راسى ولك عم ينزل دم ...



حنا سمعنا (دم) انحش ياولد ..



فك عمرك ...





وللقصه بقيه ان اسعفتنا الذكريات ....



دمتم بود...

[همس]

يالله حيّ هالولد ’ حياك يَ الفيلسوف :)
مرحبا السآآع والله نص كلامك ماقريته http://www.otaiby.com/vb/images/icons/icon10.gif
بس االاهم اني عررفت المضمون http://www.otaiby.com/vb/images/icons/icon10.gif

وارررحب تراحيب المطرر
اخوي / قلم رصاااص

بانتظار ابداعك :)

[قلم/رصاص]

هلا هلا يامدموزيل همس تغطي جعل عدوتس الوهم .. لتس البقا قهوتتس والمه؟ << يشطح معاها الرصيف

بأنتظار ابداعي وانتي لافه نص السالفه خوش ترحيب هذا انتي مثل العجيز اللي قالولها الشمس طلعت قالت دخلوها وسكروا الباب ههههههههه

ماعلينا الوكاد مرورك اضاف للموضوع جمالأ وترك في نفوسنا دافع قوي للكتابه لك خالص الشكر

[الأدميرال]

من الجميل أن يتفاعل القارئ مع الكاتب ويتعرف على الحدود الفلسفية

لا أستطيع إنكار أني بدأت “أهلوس” مؤخراً طمئنوني.. بدأت أخاف من نفسي

[قلم/رصاص]

الادميرال شرفت يابية...؟

ومن الاجمل ان يزور هذه الهلوسه من هم بمثابة شخصك الكريم فهذا بحد ذاته انجاز لي وادخل السعاده الى قلبي بأن قلمي شد من هم بمثابتك

مني لك كل الشكر

وللهلوسه بقايا

انتظرونا/تريونا/تحرونا؟

[عزيزة الجناب]

هلوستك تجذبنا

الله بالخير ويذكر بناء بالخير اجل نكي من اهل الهلوسه

تذكرت ردودنا مفروض ف نافذه لتسجيل الاعجاب

[قلم/رصاص]

السلام عليكم كلكم ...



تكمله ..



(1)

سالفه نحشتنا انا وسعود باشا من "المطمه" التى احدثناها كرد فعل طبيعى على ابو مازن وجماعته " الملوثين".



مرت على خير وعلى قولتهم ( زحلتطت) ...



بعد كم طراق وكم راشدى من الشايب عندما اعترفت انى المحرض على الهجوم على شله "الفلس" المهم بالموضوع سعود طلع من السالفه صاغ سليم



والشماته باديه عليه "العفن" وانا الى كنت حاسبه ذراعى اليمين ...



انتهى ...



نرجع معا ونسترجع حديث الذكريات بحلوه بمره ...



ولكن هالمره اتتقل بدايه الشباب وفتره المراهقه ...!



وتناقضاتها معى ...





نقله نوعيه ولنا عود لسن الطفوله ...





المختلف و انا .......!

البدايه كان هناك ولد فى بدايه سن المراهقه كما يدعون الكبار دائما هذا الولد انا " مفلص من البدايه"

كان يهوا سماع الشعر وقرائته ويحفظ الكثير من قصائد الشعراء يلقبونه بحارتهم "الشاعر" او

فريجهم لناطقين باللغه الحضريه وتعرفون عاد راح الشاعر وجاء الشاعر ومن هالكلام اللي مايودي ولايجيب

وسمعنا قصيده فلان والبيت اللى قاله علان يـ الشاعر وهم مايدرون انه مو بس شاعر بل ويجزمون انه

اشعر واحد فى حارتهم والحوارى المحيطه بهم .

المهم الشاب اللطيف يلبى طلباتهم على مضض ليش ؟

مو لانه مايبي يردهم وبس لا لانهم شاعرين فيه ...! وهو ولا شاعر فيهم ابد...؟؟؟



شاعر" فيها" فقط

كبر الشاعر وكبرت مسؤلياته تجاهم وهم جماهيره العريضه والغفيره واصدقاء طفولته المقفره

ويلبى طلباتهم .

عاد هذا يبى قصيده فى محبوبته عمشا يبى يبهرها فى قصايده الجزله كما يدعى امامها

واكتب "يابو الليل" على لسانه واكتب قصيده عصماء فى حضره جناب السحت عمشا واللى يقول

ابى قصيده غزل بحرف النون عشان يهديها لفلانه ( الغبى يكون محافظ على سريه المعلومات يعنى )واللى واللى بس كله بصوب وعيال شارع 11 بصوب ماسئلتونى ليش ؟

انا اقولكم ليش العجب العجاب والله انى اضحك حتى الثماله عندما اتذكر سوالفهم اسمعو يا محفوظين

السلامه نبى تكتب بيت عن الحب + بيت عن الفراق + بيت عن الشوق و عن وعن والشباب عشمانين وانا ماكنت

اخيبهم واكتب يابو الليل ( على فكره ابو الليل اسم الشهره لى في تلك الحقبهالتي تناساها الزمن) .

وتكفا ياولد واخر المحصله هذه ان لى معلقه من الابيات اليتيمه على محول كهرباء قطعه 2 بتواقيعهم

وتواريخها محفوره على جدار المحول (مادرى كنا نتحدى الفراعنه ايامها بالكتابه على الحجر).

لم تطمسها السنين ولم يغيرها زمن العولمه .

وها انا ذا مابين ابو الليل و مخ/ تلف /جدا و قلم رصاص لم يتغير بى شئ وهم تغيرو الا انا ؟

اغدو لذالك المحول البعيد بالزمن والقريب بالمسافه اقراء ما ابدعت لهم فى تلك الايام الجميله والبائسه

ايضا ! مرحله من مراحل العمر ماعساني اقول الا ألا ياليت شعري!

واسلم على كل واحد منهم باسمه غيابى لان الزمن فرقنا ولعب لعبته معى ومعهم هذا المكان اذهب اليه

بين الفينه والاخرى لاتذكر فقط " اتذكرها".

هى من كتبت فيها وهم يصفون لى محبوباتهم لاوصفهم فى اشعارى وانا اغمض عينى واتخيلها

واكتب من اشعار الغزل لهم وهى فيها , لا فى محبوباتهم .

طرا على طارى وتذكرت الشاعر اللى يقول :

اكتب بغيره والقصايد تجى فيه.... كن القصايد حالفه ماتخونه

هذا وضعى معاهم للمعلوميه لا احب ان اذكر اشعار غيرى فى هلوستى الفكريه ولكن هذا البيت جاء فى

وضعه الصحيح وفرض نفسه .

وحفاظا على حقوق الشعراء الادبيه واحترامً لشاعر قطعه 2 بلا منازع كما يدعون ...

للعلم قطعتنا تزخر بشعراء مشهورين جدا بس موعلى / حلوه الانا فى هذا المقطع كان لى تجارب معاهم ولاكنها

شبابيه لا اكثر .

نرجع لموضوعنا اللى مادرى وين وقفت فيه المهم كان فى من ضمن الشله شاعران غيري يجارونى فى المستوى

بس بما انى صاحب الخدمات الجليله على ابناء القطعه كانو يستشيروننى دائما ليس لانى اشعر منهم حبتين لا

ولكن جمهورى اكبر من جماهيرهم هذا نظير الخدمات المقدمه من قبلى ؟

اتذكر فى سنه 96 جائنى واحد منهم وقال بالحرف الواحد " انا قررت انشر بالجرايد والمجلات " صدمنى !

قلت له ببرائتى المعهوده ليش ياولد حد شكك فى شاعريتك وحبيت تبرهن له انك شاعر ومشهور بعد ؟

قال لا بس ابى صورتى تطلع فى الجرايد والمجلات قلت له يعنى بتشوف نفسك علينا !

قال لا افا.... عليك! بس فيه غيرنا قصايده مثل وجهه وينشر بالجرايد والمجلات ياخى مو احسن منا

قلت له بهذى" صدقت " قال يالله مشينا قلت له وين ؟

قال مايبيلها المختلف " صدمه اخرى " ومعود على الصدمات قلبى . المختلف مره وحده قال ايه اقوى مجله

شعريه وانتشارها اوسع " الولد هذا بديت اشك انه يتعاطا سياسه واجد " وقناه الجزيره تو الناس هابين فيها ذيك

الايام ماعرفو حقيقتها عدل(سياسه ولعها شعللها) مع اني علي علاقه غراميهبالجزيره الوثائقيه المهم اتصلنا على خوينا الثالث شاعر ايضا وعرضنا عليه الفكره ووافق على مضض

مثلى رحنا لمجله المختلف و أول مادخلنا من الباب الا هذاك المصرى مايمدينا مسكنا الباب خد يابنى رايح فين؟

بما انى القف واحد فيهم رديت عليه وقلت مانى ابنن لك .

قال عاوزين ايه قلت له بكل ثقه احنا شعراء ونبى ننزل قصايد عندكم قال فين العصايد ؟ " عصايد "

قلت له شكلك جويع قال بلاش لبط ادونى القصايد ( عدلها الحين) وانا اديهم للمسؤل عن النشر فى المجله عاد

قال خوييى الثالث اللى جا معانا ياولد هذا شكله بياخذهم ويروح يبيعهم قلت له من زين قصايده يبيعهم انت

شايف وجه اللى كاتبهم اول رد بكل ثقه راعى القصايد انزين متى بتنشرونهم رد المصرى مش لما نبص على

القصايد كويسه ولا مش كويسه قلت له بص على كيفك اول ما عطاه القصايد قال المصرى بتاعت مين دول

قال راعيها انا قال المصرى اسمك ايه رد عليه عبدالله ... اه عبدالله ايه ....! مصخها المصرى صح مجله ابوه الظاهر ...

رد خوينا وقال انت بتناسبى يومك تنشد قال المصرى ايوه انتا شكلك سارق القصايد دى يامحمد يا محمد

قعد ينادى المصرى وخوينا الثالث يقول ياولد انحش شكله بيسويها سالفه وجا الفيلسوف الشعرى محمد

وقاله المصرى بص على القصايد دى يامحمد وقول رايك وقعد يقرا ويطالعنا ويقرا ويطالعنا ورمقنا بنظرات

مريبه واخير قال منو الشاعر هذا تنفسنا الصعدا نقز خوينا وقال لى .

قال اكيد .؟؟؟ رد عليه اكيدين قال له ياولد توكل على الله انت شكلك سارقها صدمه لنا جميعا ً حطمت كبرياء

صاحبنا الشعرى وانا اخذت موقف من سالفه النشر (شلتها من راسي) تعرفون ماحب الشهره والاضواء وخرجنا من المختلف نجر اذيال الهزيمه وحلفت عليهم اللى يبى ينشر لاينشر بالمختلف

ومرت الايام والشهور والسنين وخوينا عبدالله اليوم من كبار الشعراء والعجيب اني شفت صورته علي غلافالمختلف ماصدقت والان لا تخلو مجله من صوره وقصائده

وتتزين اغلفتها بصوره .

اما انا وصاحبى الثالث للى حلفنى ما اكتب اسمه فى هلوستى الفكريه وخزعبلاتي القصصيه لاسباب خاصه به على حطه يديكم

ونما الى علمى ان مجله المختلف تتصل بخوينا الشاعر عبدالله ويقولون له هاه ماعندك جديد !

جمهورك اذانا" سبحان الله ".

ماكنه فى يوم من الايام خرج من عندهم مكسور الخاطر عجبى على الشهره تنتقص من صاحبها لكن

انا وخويي الثالث ما انهزمنا من اول جوله قاومنا وتوسعت جماهيريتنا حتى تعدت محيط المنطقه

ودخلنا عالم الانتر نت واصبحنا حديث المنتديات الشعريه والمواقع الادبيه قصائد تبكى الحجر وتضحك الصخر حتي لقبونا بالثنائي (ضيدان وسعد وهم من اجمل شعراء الرديات في الكويت )تناقض فى قصائدنا لا بمبادئنا خويى اعتزل عالم الشعر سحبته تيارات الحياه الجارفه الشغل والعيال

ومتطلبات الحياه ولكن انا ثابت ثبوت الراسيات لا اقدر ان ابتعد عن الشعر ولا عن الكتابه التى اصبحت

المتنفس الوحيد الباقى لى بعدها .

توقفت عن النشر نعم ولكن لم ولن اتوقف عن الكتابه هى اكسجين بنسبه لى لما لا وهي تذكرنى بها "اذيتكم"

بها وهى ( هذا من الغموض المفروض وليس الغموض المرفوض).

قولو نبى نعرف منو هى ؟

والله لو انها الشحروره صباح بزماناتها.

تبون تعرفون ابشرو .



هى نظرتها لى كنظره سميره توفيق عندما تغمز بعينها فى حفلها بحديقه الصباحيه وتتكفيل بسدح الف شايب ...!!!

هى نظره منها كفيله بتنزيل معاشات المتقاعدين قبل وقتها ...



لما لا ...



وهى..." هي "...



هى" بعماير بوش" تجدونها , وفى" الشرق الاوسط "تتربع على عرشه, وهى " شيخه الغيد " ,

و"بمقادير الايام " ذكراها العطره , وفى" بيوت طين "عبق رائحتها الزكيه .......الخ

اكيد قلتو الرجال انهبل وقام يهلوس احسنو الظن .

هذه اسامى بعض القصائد التى تحمل ذكراها معى اينما ما ذهب ابو اليل او مخ/ تلف / جدا او قلم رصاص

قصائدى اللتى سمعتموها او قرئتموها ولا تعرفون اسم كاتبها وشاعرها هو انا الشاعر المغمور جدا "طلال ".

لايهمنى من يعرف ان القصائد لى او لغيرى لن تضيف لى شيئا معرفتهم .

المهم هى تعرف انها فيها واننى لازلت متمسك فيها رغم البعد والسنين اللتى مضت بينى وبينها وتعرف ان

اشعارى وقصصى مستمده من حكاياتي معها فقط .

هى المقصوده فيها ولكن اينها واينى ( وينها وينى ).

حتى ولو قراءت قصيدتى فى ريما مكتبى اونوره او ساره او او لانها تتشكل بقدره قادر صورتها عليهم

(حشا اللى يسمع هالكلام يقول هي جنيه مو بشر) ارد عليهم واقول :

اقول درجها على كيف كيفك.... مادامها راحت مراويح دخان

لاجيت ابرقد جانى دعوم طيفك.... تقول جنيه على صوره انسان

نعم صورتها ماتغيرت كن سنين العمر واقفه عند اخر يوم شفتها فيه .

اذكر انها زعلت على عندما سمعت قصيدتى فى " تريزا " عرفتوها المزيونه اللى بالمسلسل المكسيكى

" المستبد" جمال ودلع بس الادب بعد شارعين عنها المهم

سمعتها من البنات بالمدرسه و لاتسئلونى شلون عرفت انى انا اللى قايل القصيده بينى وبينكم حمود الخبل

كاتب بيتين شعر من القصيده على جناح جيتيه ال77

ويلحق باصات المدارس وعرفو انى قايلها بما انى الممول الرئيسى لقصائد" مصبنه" قطعتنا مصبنه ترجمتها

تعنى اى شئ ارعن .

تبادلت انا وهى النظرات كالعاده وعرفت من خلالها انها زعلانه " وقلت ياولد البنت طلعت تغار"

وقلت لازم اراضيها بس شلون وانا عمرى ماكلمتها؟! ( اكيد تعجبتو نعم هذا يقال له عند البدو حب عذرى )

للمعلوميه لايوجد هذه الايام حب على شاكلته انقرض مثل ما انقرضت الدينصورات .

رحت لخويى الثالث ذكرتوه ذراعى اليمين ايامها وكاتم اسرارى وقال امحطها بيتين شعر داخل صفها "مجرم "

اعرفه يذكرنى فأبو عنتر باطل قلت له انشهد انك جبتها على الجرح ماكنك دريت .

قررنا تنفيذ المهمه رقم 755 الساعه 9 العصر التوقيت خارج نطاق الزمن هذاك اليوم دخلنا المدرسه خلسه

انا وياه نحوس بصفوف رابعه متوسط انا المعلومات اللى عندى انها برابع متوسط فقط رابع كم رابع ايش مادرى

دبرنا يا فلان طلع الولد بعكس الصوره اللى انا كنت راسمها له فى مخيلتى قال بسيطه ندش كل صفوف

رابع متوسط وكل صف تكتب فيه رسالتك لها على الصبوره قلت له اوكيه( مهبول مايدري شهبب) المهم خلصنا جريمتنا ودلفنا لفرع

الخدمه الليليه نتسكع كالعاده وعند بزوغ الفجر الا انا وياه مرتزين عند زاويه المدرسه نرقب الوضع ونتحين

الفرص لشوفتها وابلاغها بالرساله طبعاً عن طريق الاشاره عشان تكون الطريقه مشفره وخاصه وباص

ورا باص واخر باص كانت فيه ومهى من عادتها تقعد اخر الباص لان اللى تقعد اخر الباص هذى هبله بنظر

الشباب وافهم يافهيم .

بس هذاك اليوم الظاهر انها تبى تحرنى على سالفه امس والمصابن مدهرين " كلمه تطلق على أي شى نشط علي غير العاده

"المهم ترددت بالاشاره لها خوفاً عليها وينكشف المستور والمخفى وقلت فى نفسى

ياولد الدعوه خربت اذا ما انتبهت ابسوى زحمه والشارع فاضى اللى معاى فهمنى وقال قدام . يعنى بنتهاوش

مع الشباب الارعن اللى يلحقون الباص بسياراتهم طبعاً احنا كعابى ايامها نعال تيربو لزوم الشغل وفجاءه ومن

حظى جا راعى وانيت وسكر الشارع فرصتك يابو الليل اشرت لها وقلت شوفى صبوره الصف هاه لاتنسين .....!

شوفيها قبل يمسحونها وصدت على استحياء كعادتها وانا متاكد انها سمعتنى و من محاسن الصدف ان الناظره كانت واقفه عند الباب

وهى ايضا سمعتنى لانى خربتها ذاك اليوم انا ماكنت خايف على شى كثرها .

ورحنا انا واللى معاى هو راح ينام لانى مسهره من البارح وانا مثله سهران وتواعدنا نقوم قبل الهده بنص ساعه

وقمت قبل الهده بساعه ورحت احذف على دريشه خويى طابوق لين قام وطل على من فوق هو وكشته متاثر جدا

بالفنان بشير حمد شنان الله يرحمه قام ورحنا عند طوفه المدرسه والا الناظره لنا بالمرصاد واقفه نفس المكان

اللى كانت قاعده عنده الصبح الله يقلعها واول ماشافتنا وخزتنا ذيك الخزه خلت اللي معاي يقول ياولد شوف هذى ناويه على

الشر شوف عيونها يتطاير منها الشرر قلت اصبر شوى !

وتذكرت رديه بينى وبين خويى اللى معاى عندما تذكرنا مواضيع الصبا والمراهقه اقول فيها:



ياليتنى يا......... ماجبت سيرتها =فتحت دفتر قديم وطاحت الصوره

ذكرت يوم انا نجيها بفرصتها =واصعد على السور وادور على .......

واذكرك يا ..... 1تبربجلى حزتها =وتقول عجل تر الاوضاع مخطوره

واقول انطر تب تجى مع رسالتها =يمكن معاها يا...... ترسل الصوره 1_



تعنى تراقب لى

وللعذر القصيده قديمه جدا ومشفره لا يسعنى اكمالها .

ودق الجرس وبدت الهده وطلعو البنات وحنا ننطر الباصات وطلع الباص اللى تروح فيه بس هى مو معاهم

والبنات اللى بالباص يخزونى وانا وخويى الف علامه اسفهام تدور على رؤوسنا واقو ابك البنت وينها يكون

صارلها شى يمكن الناظره سمعتنى وانا اقولها الصبح" شوفى اللى انا كاتبه "!!!

طلع حدسى فى محله والناظره سمعت الكلام وسحبت البنت واستدعت ولى امرها وقالت له السالفه من طقطق الى السلام عليكم (اشهد انها تدور الفضايح)



انشهد انى عميت عليها ( لازال ضميرى يؤنبنى عليها) وانا انطر اليوم الثانى والثالث لين قامت الناظره

واستدعت دوريه شرطه عند الزاويه اللى نتجمع عندها بالهده وانا اقول لا ولن يثنونى عن الوقفه عند هذاك

المكان عشان اشوفها .

ومن حسن حظى ان البيت اللى جنب المدرسه بالضبط بيت واحد من الربع الله يذكره بالخير و اول مايجون

الشرطه ويقولون شعندك هنيه الرد كان جاهز هذا بيتنا وبعد ايام من البحث والتحرى بطريقتى الخاصه

عرفت ان ولى امرها نقلها لمدرسه انجليزيه حتى يفتك منى مع انى ماسويت شى غلط صح ولا لا

واردفت قائلا :



هو يحسب ان البعد خلانى انساه =حرام مانساها وهيا تبينى

ادرى ضروفه قشر وحدته دنياه =وانا ظروفى قاسيه ماتلينى



مر العمر ومضت السنين وماتصدقون انى شفتها وصادفتها بعد هذا الفراق الطويل وين موظفه فى البنك



شفتها وشافتنى , عرفتها وعرفتنى , 

واردفت قائلا :





انتي انتي / هذا انتي ماكبرتي =هذا انتي/ من عرفتك من سنين



شوفي الصدفه / بدربي انتي عبرتي=يوم شفتك / هزني الشوق الدفين... الي اخر النص



وبدا صمت رهيب يلف المكان مع ان المكان يعج بالناس وضجتهم سحبت

رقم وجلست ارقبها من بعيد وانا انتظر ان تشاء الصدف واكلمها او يطلع رقمى عندها و من سوء الحظ

بعد الاتنظار هذه السنوات يطلع رقمى عند الموظف اللى جنبها( حظي اعرفه مايجيبها سفره) اعتذرت منه وقلت معاملتى عند الاخت قال

حياك انا اخلصك قلت بقلبى " ان اصريت على رايك ببقسك" ( وهى تعنى ان اضربك 60 بقس بالدقيقه)

ورد وقال عند الاخت؟ " تذكرت استاذى ناصر الفراعنه على طول " وقلت إيه.. ايه ..ايه .. انصدم من ردى ماينلام

و اول ما خرج العميل منها دخلت عندها و وقفت وطالعتنى ووقف دولاب الزمن لحظات ورجع ودار من

جديد ومر شريط الذكريات من امامى وهى لا اشك انه مر بها ايضا وحصلها ماحصلى قطع ماكنا فيه

رنين الهاتف وقالت بعد صمت تملاءه النظرات سلمت وقالت استريح وهى تبتسم ؟

ترجمت صدمه القاء لواقع شعرى وقلت :



انصدمت وقمت اضيع بالكلام =يوم ايدى عانقت راحت يدك

واختلفت وقمت اضيع بالسلام =.يوم سلمتى قمت اعـايدك



للقصه بقايا ....؟



ألم رصاص



دمتم بود

[؛؛ابو ريناد؛؛]

أخي قلم رصاص
لا أملك إلى أن أقول لك أنت ليسى بقلم رصاص أنت قلم ذهب
وسقى الله دولاب زمانك من غر المزون المراويح
كي يستمر ذالك الدولاب هلوسة00!!

[قلم/رصاص]

اخي العزير ابوريناد

اعجز انا وقلمي عن شكر مثل هذه المرور المرصع بالألماس .. كل مايسعني قوله هو مرورك شرف لي ووسام على صدري ويحق لي الفخر به

اشكرك اخي ابوريناد

وللخربشه بقايا

[قلم/رصاص]

مفيش حد؟ ماشي يابني ادميين

[قلم/رصاص]

بسم الله الرحمن الرحيم ...



اخوانى واخواتى ...



اعضاء وزوار منتدانا الأغر ...





ايها الربوع ...



نظرا لرغبه الربوع ‏" " ..



اللي فوق


ان اكمل بقايا القصه ...



تكرم عيونهم ...



قررت ان اسهر و "اعفس نومى وابيعها " عشان اكتب لكم بمدام الحزن ما ألت اليه قصتى ...



معها ومع حظى "المروح" <====لاتسئلون عن معناها ...ّ!!



وان تعنونى بهذه الحزه المتأخره من الليل الى الجمعيه لأاشترى كرز مالبور احمر ...



سوى شئ بسيط اخفته بمساحيق التجميل التى لاتعلم انها هى من تجمل المساحيق لا المساحيق تجملها ...



نطقت ...!



وقالت ...



اى خدمه ؟



شقولها ....؟



حط نفسك بمكانى ...!





بعد سنوات الغياب ماذا تكون الكلمه الاولى ..!



واترك مساحه الاجابه ؟ فى ردودكم ....



قلت ابى اخذ قرض $$$



ردت ممكن البطاقه ...



عطيتها "المطاقه"



ماتدرى انها ماخذه قلبى من" مبطى " من يوم انى ..."هتلى "....!



وادخن ال ام احمر يوم كان سعره ميه وثمانين فلس ايام الرخص !!!



قالت لى انا شايفتك ؟



قلت بقلبى بدا الاستهبال ...!



( ماتدرى انك بنار الحب كاوينى ... وماتدرى انى عليك الليل مامسيته )



( ارجوك جفت دموعى لاتبكينى ... يكفينى اللى من الهجران قاسيته)



/ مقطع لفنانى المفضل سابقا سلامه العبدالله



رديت عليها حتى انا ...؟



بس وين مادرى ( هذا وانا اضحك)



قالت يمكن مراجعنا بالفرع الرئيسى , قلت الى يم قطعه 2 ...!!!



هنيه فهمت ...



وابتسمت على استحياء قالت انا على بالى ناسى حبيت اختبرك ...؟



ايـــــــــــــــــــــــــه ...



تبى تمتحنى ماتدرى ان الزمن امتحنى عدل عقبها ...



دخلت بالموضوع كم راتبك؟



قلت ؟؟؟,%< ====="عن الحسد "



قالت كم تبى قلت اكثر شئ ...



وانا اطالع طاولتها اللى كلها ورد لقيت صوره" ورع"....!!!!



قلت ابقلبى "اهب " ياجنس النسا ملعون من حبكم ...(مقوله للفنان سعد الحلى)



كل اللى غبته عنها عشر سنوات , بس معها حق ياخى ....



وهى ماعطتك وعد ...!



وحتى...... ليش تزوج وتخلينى ناطرها طول هالسنين ..!!!



المهم دار حديث وجدال بينى وبين نفسى واخيرا قررت ان ابرر فعلتها ...



ولكن لا ابريها من دنس الخيانه ...



وقلت هذا الافدع اللى بالصوره ولدك ؟



قالت ايه اسمه "عبودى " غطست مره اخرى فى قاع الذكريات وتخيلت نهايه سعيده لقصتنا بس



مارهمت .... يعني حد جدها ماركبت



وين ترهم وانا حظى اعور واعرج بعد....!!



قلت الله يخليه لكم (!)



ردت مشكور الله يخلى لك عيالك .!.!.!



عيالى؟؟؟ منو قالك عندى عيال ...



ردت ليش ماتزوجت ؟



قلت لها انا كنت ناطرها بس ماجابها الحظ ولاظن راح تجى !



ردت الله يعوضك خير ...



المهم "تكهرب الجو " وقلبت دراما, وانا ماحب الدراما احب افلام الرعب قلت وش صار على القرض قالت راح نعطيك $$$$$$% د.ك...



قلت بس ؟



قالت نقدر نزيده بس لازم كفيل ويكون راتبه علينا ...



قلتها من وين اجيب لكم كفيل ....



صدمتنى ؟



""انا اكفلك ""انتى قالت ايه !!



انتعشت عروقى وسرا فيها دم البدوى وقلت" بقلبى معصى تكفلنى مره "



وشكرت كرم اخلاقها ونبلها , وقلت لها ولكن انتى ماتعرفينى ؟



شلون تكفلينى!!!" قالت انا اعرفك عدل وانت تعرفنى عدل " <=== اختصرت المسافه بس شعقبه!



قلت لها بس انا ما ارضى ...



سؤال فلت من لسانى غصب " زحلطت" على ما قالو وقلت لها ...



وهل زوجك يوافق لو درا ...



ردت وبردها كأنها صبت على ماى بارد بعز الزمهرير ( ماحصل نصيب وانفصلنا)



قلت بقلبى لو انى اعرفه رحت "وفجرت" وجهه وخليته يزوع العافيه اللى مثلها وين تحصلها



اصلا ....



عشان" الكمخه "ينفصل عنها ( حظوظ لارحم جده )



قطعت حديث النفس و قالت خلاص عطنى رقم تلفونك وانا ارفعها للاداره وارد عليك ...



قلت لها وانا انتظر اتصالك ..!!



طلعت من البنك وانا روحى لازالت تتربع على الكرسى بجانب مكتبها ...



خرجت وانا اجر الخطى ...



اقدامى مثقله ...



شارد الفكر ...



متعومس ...



انا شلى قردنى ورحت البنك ...



عله ماعاد هاليوم ...



ورجعت النفس الاماره توسوس لى وتقذف بى بين امواجها العاتيه "يولد" اخطبها فرصتك تصدم حظك وتسبب له انهيار نفسى ويستسلم بدون قيد او شرط ...



والموجه الثانيه تقول :



انت اهبل شتبى الناس يقولون عليك ماخذ مطلقه وعندها ولد بعد ...



احتار العقل والقلب مابين الموجه والاخرى ...



وجرى سيل جارف من الافكار العشوائيه اللى سببت لى حكه بالمخ , وتناقض غريب عجيب



سالب وموجب وانا ضعت بينهم ...



يالله سترك مابقى لى الا هالعقل لا تظرب فيوزاته ...



وصحصح ماردى الشعرى بعد سباته وحشد مشاعرى كلها



وقلت :





يابنيه وينى عنك فى شبابى ...قبل يدنيلى خريف العمر كله



وقبل يطغا بالشعر لون الضبابى ... وقبل لانشر لى قصيد(ن)بالمجله

الحين بعد هذا العمر ...



توه يستعدل حظى ...



بس يمكن ماتوافق ؟



و اكون خذيت طراق عدل من حظى...



وتقضى على كل الذكريات الجميله اللتى كنت متشبث بها ...



لاوا حسافه ...



وللنهايه بقايا


دمتم بود
تحرونا

[قلم/رصاص]

لنا عوده

[قلم/رصاص]

السلام عليكم ...



(الحلقه الاخيره)



" بقيه النهايه "



قعدت اقلبها براسى بعد ان ارتشفت دله ونص قهوه ...



واستعدل الكيف و وزنت الامور ...



طلعت الحسبه غير...! طلعت انا الخسران ..؟



وعلى ماقال " وحيد الجزيره فهد بن سعيد رحمه الله "



خسارتى بالحب من راس مالى ......................



قلت خلها تروح فى حالها والله يوفقها بس اهم شئ اخذ القرض $$$ واشترى "نياق "



واعتزل الديره ...!



ابـــــــــــــــــــــــــر كــــــــــــــــــــ لى ...

لانى بعد فتره طويله من مصارعت الحياه ومكابده المعضلات ومابين شد و جذب والذكريات تزن على راسى...!





" والراس من عنف التفاكير منحاس =يدق به وسواس دق النواقيس"

" لا لااق لى مجلس ولا رمس رماس =نقض الجروح الماضيات العساعيس"قررت ان ابتعد او ابعد نفسى عن العالم ...



واعتزل الحياه ...



واتفرغ لــ " حرش العراقيب" ...



امنيات مرتبطه بالقرض !



والحمد لله ماحصلت .!!!

ولا كان اندبست صح.




ولا حصلت على القرض$$$ الذى هو سبب رئيسى بنقض الجروح وفرك ذكرياتى على رصيف



شارع 11....



الختام ...





من منتداكم بعلن الحب وابوح = وبكتب نهايات الغرام العتيده



يابنت حبك بالحشا زارع جروح = تشهد عليه القافيه والقصيده



غلاك فى قلبى ترا شيد صروح = وادرى غلاى بخافقك سيد سيده !!



لاشك مغصوبه وترا العذر مفضوح = والله يعاقب من نوا بالمكيده



" وطيفك يبارينى على وين ماروح = واقول وينك يالحياه السعيده"عذرا لعدم اكمالها...



( يوم تذكرت" هليتها" لكم )



انتهى المشوار ...

يابنت خلينى بطريقى وابا روح ،،،

،،، والحب الاقشر لاتعيدين عيده

خلاص حبك بدفنه داخل الروح ،،،

،،، وبنثر عليه اشواق روح (ن)فقيده

من منتدى العتبان بكتبه وابوح ،،،

،،، وبعلن نهايات الغرام العتيده

غلاك فى قلبى ترا شيد صروح ،،،

،،، وادرى غلاى بخافقك سيد سيده!!!

لاشك مغصوبه وترا العذر مسموح،،،

،،، والله يعاقب من نوى بالمكيده

يابنت حبك بالحشا زارع جروح ،،،

،،، وتشهد عليه القافيه والقصيده

طيفك يبارينى على وين ماروح ،،،

،،، واقول وينك يالحياه السعيده





ودمتم بود


والرأي الاول والاخير ليس ملكي بل هو لكم يا قراء هذه الهلوسه

[قلم/رصاص]

بسم الله الرحمن الرحيم ...



بدون مقدمات ...



وبدون زعل ...!



يامن اجدت اللعب بحرفنه ...



على ايقاع التاريخ ...



وزيفته ...



وتحايلت على الحكم كى تقتص مني ...



يالك من ارعن ...!



لم تستوى الطبخه كما تريد ...



حيث انى لم ولن ارفع الرايه لك او لغيرك ...



من البشر ...



فهمت ..؟



يجوز تفوقت على ببعض خدعك الفاشله...



ويمكن عرفت من اين تؤكل الكتف ...



وربما ساعدوك من هم يدعون قربهم منى ...



هنيئا لك ...



ولا بارك لله بهم ...



يا اهبل ...!



"فظلم ذوى القربى اشد مضاضتاً "...

اشبع فيها ...



فى خاويه من الداخل ...



عروشها اصبحت خرائب ...



تنعق على جدرانها الغربان ...



لقد سبرت اغوارها ...



وسلكت شوارعها ...



وعرفتها وعرفتى ....!



وانت تعلم ...



وهم كذالك ...



"ترجمه "



اكيد زانت لك الدنيا عادتها ماتزين الأ لرخوم وانت اشجع رخمه ...!



لانك خذيتها حيله ...



وعرفت قصدك ...



وفهم ابعاد رسالتك ...



بس لا انت ولاغيرك ...



يحاول ان يركعنى ...



عادتك من يومك صغير وانت دوبك دوبى واى شئ فى يدى تبيه ..!



مايعجبك اللى فى يديك تبى اللى عند الناس ...





ويوم كبرت " ماكبر عقلك"



"ايمال المرض "...

والحين يوم كبرت سرقتها ...



وانت ما تبيها ...؟



وانا على يقين انك سترميها كألعابك فى السابق عندمها كنت صغير



تبكى حتى تأخذها وفى الاخر ترميها ...



اسمع واقرا ...





(( زانت له الدنيا / وانا لى / مازانت = تضحك له الدنيا /وانا لى /ماتضحك))



(( مع انى اطلق/ منه بالفعل /لابانت = مع انى احلى/ منه بالشكل .....))

نعم تواطئو معك ...



الزمن وغدر بى ...



مع انى اقدر عليكم ...



بس الزمن "لا "...



والعمر اللى قفى ....!



حسبتوه من تابعينكم بعد ....



ووقف بصفكم ...



ضـــــــــــــــــــــدي ....







العمـر عاندنـى وسرقنـى اروع سنينـه=وانتو تشوفون الدهر وشلـون سوابـى...



مالـت موازينـى وهـو عدلـه موازينـه= هو حسبته صح عرف وشلون يصطابى...



اللى بغاهـا القلـب راحـت مـن يدينـه= راحت وخلت حبيب العمر منصابـى ...



( راحت واخذها اخس انسـان فـى عينـه=اللى خذاهـا عديـم اخـلاق منعابـى)...



والله ان شفتـه لاحـط كلاشـى بعيـنـه=وخلهم يقولون يمـه وليـدك ارهابـى...



بسبـاب منهـو غلاهـا معادلـن زيـنـه= اسوق روحى ولانـى راجـى اتعابـى....................... انتهت الرساله .......................



خارجـ النصــ

اتمشى انا ورفيق العمر فى شوارع منطقنتا المقفره كاعادتها وبين شارع 8 وشارع 9 مرينا



وشد انتباهى بيت ماتغير وجاشت الذاكره وجت من اقصاها ...





(( ياشافى شوف البيت ياشافى شوفه = هذاك بيت اللى ذبحنى هواها ))رد وقال :



عادتك فى كل شارع لك قصه "هب" هههههه



الله يقطع سوالفك يابو راشد ....!!!





تذكر / والا ...



اذكـــركـــــ ...







بالقرين تسكن وترا بيتهم مردوف =وقدام باب البيت ياشافـى بقالـه



قلبى عليها من اول العام ملهـوف =واليوم شوفتهـا تـرا استحالـه !



للعلم العنوان قديم ...!!!





لاحد يحاول يروح ؟





انتهينا ...



دمتم بهلوسه خيريه ...