سلام الله

[ســـــــــــاطـي]

سلام الله سلامن نبتديبه فاول المشوار=سلامن من عتيبين على النوماس مشواره
نبا شعرن ليا منه شهر تفرحبه الانظار=تغنيبه رجالن تحكم الهوجاس واشعاره

[{ أبوفيصل }]

هلا يامرحبا ترحيبتن تقدح شرار ونار =تفوحبْها دلال الكيف والبن زدت فـ بهاره
ولا ياساطي الساطي توارد للهجوس أشعار =بحور الشعر جاتك ياوسيع العرف شعّاره

[ســـــــــــاطـي]

يدوم الك البقاء ياللي ترحب والصدور اسرار= تشوف الدرب عانه يالخليجي جود الطاره

ترى ماكل رشه للمطر تحييلك المخضار=لاكنٌ انته تحرص في يمين الدرب وايساره

[{ أبوفيصل }]

تهرّج يالعتيبي والملا بعيونها حضار =تعيّن دربها المنقاد مدخاله ومظهاره
ترى من طب في سوق الغلا ماحطّم الأسعار =يبيع ويشتري ويساير الأسواق واسعاره

[البارع]

الله الله على الابداع ........ واصلو واصلو وحنا متابعين ...

بدع كايف منك يالساطي ورد وافي منك ياخليجي ... متاااابع

[{ أبوفيصل }]

تعيّن دربك المنقاد مدخاله ومظهاره


سعدنا بحضورك يالبارع
وين انت عنا ايام العيد ،، من العايدين بعد الزخمه :)

[فهيد مقعد الرويس]

صحت اللسنتكم

وكل عام وانتم بخير

تحيتي وتقديري

[ســـــــــــاطـي]

=الشاعرين القديرين =

(البارع) (فهيد مقعدالرويس)

شرفنا مروركم

[{ أبوفيصل }]

صح بدنك ابومقعد

سعدنا بمرورك الكريم

[ســـــــــــاطـي]

والاياصاحبي عقب البطا لاتخلف المسفار=والاياشينه اللي فالمواقف يركب احماره
يضيعن الهقاوي يالخليجي والزمن جزار=تشوف عيال حوى في بلدها راحت اتجاره

[{ أبوفيصل }]

طيب طيب


ترى اللي يخطي أهدافه يخالف وجهت الأنظار =لكنّ أباازن الحبه على النيشان والشّاره

طرالي سدّ مأرب في قديم الوقت يوم اِنهار =على قوه تهاوا من علوّه والسبب فاره

[ســـــــــــاطـي]

تبا صيد الحرار الحايمه ياراعي الانبار=وانا ماشفتلي ضلعن يهزه صوت صفاره
تثورالبندقيه في خباها والرجال احرار=تغني يا ام سالم دوك ضل البيت وازهاره

[{ أبوفيصل }]

زمانن فات للضرس المسوّس قالع ونجار =وانا اليوم أعتقد ينقص قصير الشوف نظّاره

على روس العدا حجّام ونوب ابْسيفي البتار =ليا كبْرت علابيها يجيك اليوم بتّاره

[{ أبوفيصل }]

طرف الليل وسرى

الليل الليل ياساطي الهمام

أنت وين رحت يااخوي لولا تأخيرك يمدينا قضينا :)

[ســـــــــــاطـي]

اشكرك اخوي خليجي على محاورتي واعذرني انا البارح كنت والله في الدوام وصارعندي شغل ضروري

الحاجه الثانيه كل ماطال الوقت صار الحماس اقل وضاع المعنى

لكن اوعدك واوعد اخواني الشعراء ان المحاورات القادمه انشاء الله ننهيها من ليلتها

تحياتي للجميع

[{ أبوفيصل }]

الحقيقه ماهي مجامله أنت شاعر قوي وانا استفدت واستمتعت باللعب معك

والصراحه تمنيتك ماوقفت اللعب يوم احتمى الطاروق وزان

لكن ترى لنا محاورة ثانية في أقرب فرصة تشوفها

دمتم بخير

[صوت المشاعر]

مشكورين ابداع في قمة الروعه

[ســـــــــــاطـي]

الاخ العزيز/صـوت المشاعر

العفو ياغالي الابداع مرورك

[صوت المشاعر]

يعطيك العافيه ساطي انت المبدع دائماْ وستبقي مبدع
تقبل تحياتي

[صوت المشاعر]

مبدعين وشعار يعطيك العافيه علي المحاوره الممتازه

[{ أبوفيصل }]

صوت المشاعر

حياك الله وشاكر لك اطرائك الجميل