اقرب شاعر محاوره ...

[مسافر]

السلام عليكم جميعا ...

انا عضو جديد وابي اشارك في لعب المحاوره ...

وانا اتواجد في المنتدى من الساعه 5 الى 6 عصرا ومن الساعه 11 الى 12 بعد التراويح ...

اللي موجود في هذا الوقت يجي يلعب محاوره معي ...

[عادل العصيمي]

عليكم السلام ورحمة الله


اذا جيت ابدع واللي موجود بيلعب معك طال عمرك


حياك الله يامسافر


,

[الشاعري]

يالمسافر لاتواعدنا على هذي وذيه = المواعد خلها بين المواطن والعياده

اكرب حزامك وقرب قدمنا والنار حيه =حاظر ابحاظر وكلن مننا يقدح زناده

[ذيب بن عماس]

المسافر طال عمرك حدد الموعد بجيه=ومالقى رجل(ن)عنيد يقاشرونه في عناده
شافكم راع العياده مير راع الصيدليه=مبتلش بالختم يومنه يزور الشهاده

[الشاعري]

المسافر طال عمرك حدد الموعد بجيه=ومالقى رجل(ن)عنيد يقاشرونه في عناده
شافكم راع العياده مير راع الصيدليه=مبتلش بالختم يومنه يزور الشهاده


المسافر رجل وافي مانقول ابه الخطيه = مير راع اشعيل حزم مايماري في شداده
كم واحد ياجماعه ناقش اطراف القضيه = وانكب نكبه قويه يوم ماحصل مراده

[ذيب بن عماس]

كيف قلت انه على الموعد ماجاكم بالحويه=هقوتي ياصاحبي بانك مضيع في بلاده
يوم قلت الحق قامت الوجيه السرسريه=لعنبوها من وجيه(ن) ماتبا غير الاباده

[الشاعري]

كيف قلت انه على الموعد ماجاكم بالحويه=هقوتي ياصاحبي بانك مضيع في بلاده
يوم قلت الحق قامت الوجيه السرسريه=لعنبوها من وجيه(ن) ماتبا غير الاباده


واخساره بالعميل اللي تمسك بالحميه = ليت بعض اناس ريح وسط بيته ع الوساده
يظهر انك يالمطيري نفسك الليله رضيه = الركاده يالمطيري واحليلك يركاده

[ذيب بن عماس]

والله انها ياوجيه الخير ماهي عنصريه=مير كنت ابحث على موضوع والقيت الافاده
يظهر انك يالحريبي نفسك الليله شقيه=الرباده يالحريبي واحليلك يالرباده

[الشاعري]

صح السانك ياذيب .. ولنا لقاء اخر

خلنا نلحق النومه .. ونصحصح للمسافر.. بيجي فالليل وشكله بيهاوشنا ههههههههه

[ذيب بن عماس]

هههههههههههههههههههه

اي والله النوم والله انه بعيوني من زماااان



والله يستر من المسافر ماتسوا عليه دخلناه بقضيه كامله




تمسون على خير

[مسافر]

مرحبا بالرجال اللي تنومس رجال قوم يا الشاعري كانك بقاد لها


جاك ذالليل شاعر ما يعرف المحال شكلك انت تحدى لكن اقرب لها

[مسافر]

يا الشاعري ان كانك موجود رد علي ...

[صغير الشيابين]

طااااااااااااروق في قمة الرووووعه
بس يالمسافر ابشر بسعدك اذا جيت ازهمني وابشر باللي يسرك ولايضرك

[مسافر]

ارجو من الاعضاء حذف الصفحه ...

[ذيب بن عماس]

صح لسانك واسمحلنا على التدخل ولكن هذي ياخوك الملعبه ومانبا من وراها غير الوناسه

[الشاعري]

مرحبا بالرجال اللي تنومس رجال قوم يا الشاعري كانك بقاد لها


جاك ذالليل شاعر ما يعرف المحال شكلك انت تحدى لكن اقرب لها


البقا يالمرحب عد وبل الخيال = من هجوسن عليك اليوم تفطن لها
لا لفا قلت يقلط ع السمن والجزال = الرجال الوفيه دوم نقبل لها

[مسافر]

طيب طيب يا الشاعري...

[مسافر]

انا واقفتلك الليله على روس الجبال والصعيبه هاتها كانك انته حولها

اقرب اقرب نبا نحرق عليك من الليال والحطب زوده ولا ازود لها

[مسافر]

وينك يا الشاعري ...

[الشاعري]

انا واقفتلك الليله على روس الجبال والصعيبه هاتها كانك انته حولها

اقرب اقرب نبا نحرق عليك من الليال والحطب زوده ولا ازود لها


حولها مير دلوك يصفق ابكل جال = وان ظنك تسوي ادلال واتزلها
فيه علمن حرام وفيه علمن حلال = والنصيحه لمثلك خلها كلها

[الشاعري]

وينك يا الشاعري ...

موجود لاتستعجل على رزقك

[ذيب بن عماس]

ههههههههههههههههههههههه


الله يستر عليكم



يالمسافر الله يهداك سافرت وخليت خيمتك بدون اطناب وعمود

[مسافر]

انا دلوي جاك مليان من هاك الثقال والدلال اللي اسوي لا تقرب لها

انت عارف للعلوم اللي تجيب الخيال مير خل السالفه ولا تدور من لها

[مسافر]

يا الشاعري وينك سريت ولا موجود ...

[مسافر]

وش لون افصل بين الابيات حاولت لكن ما عرفت ...

[الشاعري]

يا الشاعري وينك سريت ولا موجود ...

لا بله سرينا .. وسعدت بالعب معك

[مسافر]

هلا بك اكثر يالشاعري...

[مسافر]

الله يعطيك العافيه وصح لسانك يا الشاعري ...

[مسافر]

يا الشاعري ان كنت موجود رد علي ...

[بني مطير]

صح لسان الشعراء

ولاهنتوا

[صوت المشاعر]

متابع يعطيكم العافيه