لقطات من حفل زواج الشيخ عبدالعزيز بن عبدالله بن زيد

[الحصان]

السلام عليكم ورحمة الله وبركاته

اللهم بارك لهما وبارك عليهما واجمع بينهما في خير

كلمة الشيخ / عبدالله بن عمر ابن زيد


بسم الله الرحمن الرحيم


الْحَمْد لِلَّه الْهَادِي لِأَحْسَن الْأَقْوَال وَالْأَعْمَال وَالْأَخْلَاق، لَا يَهْدِي لِأَحْسَنِهَا إَلَا هُو، وَلَا يَصْرِف سَيِّئَهَا إِلَا هُو، أَحْمَدُه تَعَالَى وَأَشْكُرُه، وَأَتُوْب إِلَيْه وَأَسْتَغْفِرُه. وَأَشْهَد أَن لَا إِلَه إِلَا الَلّه وَحْدَه لَا شَرِيْك لَه، وَأَشْهَد أَن نَبِيِّنَا مُحَمْدَا عَبْدُه وَرَسُوْلُه، الْلَّهُم صَل وَسَلِّم وَبَارِك عَلَيْه وَعَلَى آَلِه وَصَحْبِه، وَمَن تَبِعَهُم بِإِحْسَان إِلَى يَوْم الْدِّيِن . امَّا بَعْد


بِأُسْم الْاخ الْشَّيْخ / نَاصِر بْن عُمَر بْن زَيْد شَيْخ شَمْل قَبِيْلَة الْسَّمْرَه مِن عُتيبَه ، ارَحَّب بِضُيُوَفْنا الْكِرَام وَأَشْكُرُكُم جَزِيْل الْشُكْر عَلَى تَلْبِيَة دَعْوَتَنَا بِمُنَاسَبَة زَوَاج الْأُبَن الْغَالِي (عَبْدُالْعَزِيْز)

اخْوَانِي قَبْل ايَّام سُئِلَت الْأُبَن عَبْدِالْعَزِيْز عَن شُعُوْرِه وَهُو مُقْبِل عَلَى مَرْحَلَة جَدِيدَة مِن حَيَاتِه ؟ أَتَعلمون مَاذَا قَال لِي لَقَد قَال هَذِه الْجُمْلَه بِدُوْن اي تَعْدِيْل (يُابَوّي انَا فَرْحَان يَوْم اشُوف الْنَّاس مَبْسُوْطِين مِثْل فَرَحِي بِزَوَاجِي) هَذِه امْنِيَّة شَاب لَه ضْرُوْفَه الْخَاصّه يَتَمَنَّى ان يَرَى الْفَرْحَة وَلإِبْتِسَامَة عَلَى وُجُوْه الْنَّاس ، وَنَحْن الْيَوْم بَإجْتِمَاعِنا هَذَا الْمُبَارَك حَقَّقْنَا سَوِيا هَدَفَا نَبِيّلا يُرَغِّبُه عَبْدُالْعَزِيْز ، فَأَسْأَل الْلَّه جِلَّة قُدْرَتِه أَن يُثِيْبَكُم وَيُبَارِك لَنَا وَلَكُم فِي شَعْبَان وَيُبَلِّغُنَا رَمَضَان وَيُعِينَنَا عَلَى صِيَامِه وَقِيَامِه وَيَتَقَبَّلُه مِنَّا انَّه سَمِيْع مُجِيْب . ضُيُوْفِنَا الْكِرَام نُرَحِّب بِحُضُوْرِكُم الْمُشْرِف ونُبَلِّغُكُم انَّنَا قَد كُلِّفْنَا الْأَخ الْرَّاوِي وَالْنَّاقِد وَالْشَّاعِر / سَعْدُوْن الْهَرْس بِإِدَارَة وَأَعْدَاد الْأُمْسِيَّة الْشِعْرِيَّه وَتَرْتِيْب الْقَصَائِد الْمِنْبريَّه وَنَتَمَنَى ان نَّكُوْن قَد وُفِّقْنَا فِي الْأَعْدَاد لِمَا يَلِيْق بِحُضُوْرِكُم الْكَرِيْم .


وَالْسَّلام عَلَيْكُم وَرَحْمَة الْلَّه وَبَرَكَاتُه .








هذه القصيدة مهداه إلى ذوي زيد شيوخ شمل قبيلة السمره بمناسبة زواج الشيخ / عبدالعزيز بن عبدالله ابن زيـد ؛


عد ماهل الهلال وعد همال المخايل=ياهلا يامرحبا باللي حضر من كل ديره
طاب ليل المحفل المعمور بعيال الحمايل=والمسير والمرحب تبهج الفرحه ضميره
في فرح عبدالعزيز ومن تفضل بالفضايل=نحمد الله زادت الافراح بوجيه سفيره
في محل أهل النقا والجود وافين الخصايل=طيبين الساس والسيره نظيفين السريره
ناصر بن عمر شيخ الشمل شيال الثقايل=شيخ شمل أولاد سامر فالكبيره والصغيره
ماتحيل بالمحابل مع مسوين الحبايل=فيه خير وفيه حلم وفيه عرف وفيه غيره
والوفا يزهاه ابو عباس وخيار الدلايل=وقفته يوم الطويله تعترض قدم القصيره
واثق ٍ في نفسه اللي ماتعود للهزايل=والحكيم يرجح الميزان ويقرر مصيره
والمراجل حازها فيصل وصارت له نفايل=والعقول النيره تمشي على عز وبصيره
والحشيم اللي سواته من بنود الطيب نايل=ماتجي منه المضره والعرب يلقون خيره
والفخر نبراس عبدالله لياجات الصمايل=تنصر المضيوم وقفاته وحسناته كثيره
راعي الفزعات والطولات كساب الجمايل=ناهجنٍ مع منهج الأخيار ومواصل مسيره
وارثين المجد والشيخه من الروس الأوايل=الشيوخ اللاولين اللي مواقفهم خطيره
هم خلف حماية الساقات مروين السلايل=فالقتال وكسرهم للمعتدين وفالكسيره
زيد ومحمد شبوب الحرب ماضين الفعايل=فالحراريب شرهم يضفي على القوم الشريره
والسطر والزوم في عباس وفعوله جلايل=راعي الصولات والردات لاجات الحشيره
والحفيف حويد يفد عبه ويسقيه الغلايل=والجويع اللي مواقيفه وقيفانه شهيره
والغفيلي في نهار الضيق يلطم كل عايل=قام في ثار الفقيده وانتصر والله نصيره
والشجاعه كار لدغيليب حماي الشوايل=يرذي العيرات والزلبات ويقود الجريره
والصعايب طاوعة لعمر يوم الحمل مايل=وصل الحمله وسلمها لحكام الجزيره
والمروه في سعد واليا صطفق يابس بلايل=والشكاله كلها بسعود ودروبه عسيره
والقبيله يوم درو اللي مزاهبهم قلايل=مذخرة سامر على عدوانها مثل السعيره
يوم دقلات العطف والجيش والخيل الاصايل=والضعاين والعوادي بالسلاح وبالذخيره
كم قطيع من ديار القوم خلوها سحايل=وضح وألا مجهم مثل الحرار المستديره
لابة وقفاتها تدريبها كل القبايل=يوم ابه قوم مناكيف وابه قوم مغيره
والحكومه ناصروها وابذلو كل الوسايل=وآكبو عصر التطور فالكفاح وفالمسيره



الشـــاعـــر :/ سعدون بن فهد الهــرس ؛

[الحصان]

قصيده مهداه للشيخ عبدالله بن عمر ابن زيد بمناسبة زواج ابنه عبدالعزيز



يالله يا محي البشر بعد التشتت والممات = يا غافر الزلات والهفوات راع المقدره
أرجوك توبه منك تمحو زلتي قبل الفوات = وأطلبك عفوك وأنت يالخلاق بأمرك تقدره
وأعوذ بك من زلةٍ تفتح لي أبواب الشمات =ما دام دايم غلطة الشاطر تسجل بعشره
أما بعد فأنا عليه للقبيلة وآجبات =أدري بها وأجيب منها ما أستطيعة وأقدره
وقفت في هذا المكان لقدر رجل المكرمات =في وآجب ما أشكر عليه وعذر مالي معذره
في حفل شيخ وآجبه منا العلوم الطيبات =شيخٍ فرض قدره علينا والجميع يقدره
أقول بإسم الشيخ عبدالله بيوت محكمات =عبدالله بن عمر بن زيد الأمير المفخره
يا مرحبا باللي لفوا للحفل من كل الجهات =ترحيب أعم به الحضور وللشيوخ نصدره
لن الشيوخ يقدمون أهل البشوت اللائقات =والناس ننزلها منازلها ولحدٍ نحقره
هذا المطلوب منا ما هناك مجاملات =ما عندنا غير الحقائق والعلوم المثمره
ونكرر الترحيب منا بالألوف وبالميات =والله ما نترك كلام زين عنكم نذخره
من يوم جيتوا يا الكرام ومعكم الأفراح جات =هذا الحضور اللي يشرف ياجب إنا نشكره
مال الضيوف إلا تراحيبٍ تقدم وآفيات =معها الكرامه والكلام الزين واللي نقدره
أفراحنا بحضوؤكم يالأوفياء متكاملات =يعجز لساني والقلم عن عدها والمحبره
والفضل لله ثم لكم وأنتم رجال الطائلات =يا من حضرتوا محفلٍ يفخر بمن كان حضره
لكم الثناء والشكر منا والتحايا الزاكيات =شكراً على بيض الصحايف يالأكارم ننشره
نيابة عن شيوخنا اللي يصلحون المعضلات =شيوخ شملٍ لسمره وشيوخٍ لغير سمره
أرفع بهم راسي فخر وأرقا بروس النايفات =وآصل براسي للسحاب الغر وأجيب خبره
أفخر بهم والكل يفخر والدلايل وآضحات =أضرب مثل على دليل من الدلايل وأذكره
سنوا لهم سنة حميده والعلوم مسجلات =فعلٍ يجملهم وحنا لازم إنا نشهره
تحملوا عن ربعهم وقت الحدث دفع الديات =في حينها على عجل والناس عاد مخيره
لهم علينا الشكر ينشر في علو اللافتات =شكراً عن أعيان القبيلة لآل زيد نسطره
والشكر الأعظم لله المعبود رب الكائنات =المنعم اللي نشكره ونعوذ به ما نكفره
ربٍ بتوفيقه لمن يشكر تدوم الصالحات =اللي جعل هديه وشرعه للخلايق مطهره
هيا لنا في هالبلاد الآمنه خير الولات =ملوك عدل وشجرةٍ في ظلها كل شجره
الله يديم ملوكنا ويدمر أصحاب الشتات =أهل التطرف والتذبذب والأمور المنكره
والله يديم إلنا الأمن ويزيد دولتنا ثبات =واللي يريد إلنا الضرر لعل ربه يقهره
عاشوا ملوك ينصرون أهل الوطن والجاليات =والعدل رسّاه الموحد في بلاده وبذره
وأخذ عياله عنه من نهجه صفات بارزات =نظراتهم صوب الحوادث كلها مثل نظره
وأعوذ بالله من شرور الخلق وشرور الشمات =ما دام غلطة الشاطر تسجل بعشره
وأقول صلى الله على خير البشر بأفضل صلاة =شفيعنا والفوز للي معه مولاه حشره


الشاعر / محمد بن دغيم السماري

[الحصان]

قصيدة اعدت خصيصا للمشاركة في احتفال الشيخ / عبدالله بن عمر ابن زيد بمناسبة زواج ابنه عبدالعزيز






مشيت من الرياض أبغا الحجاز أسابق الماشين = لأجل شيخٍ دعاني جيّتي من شآن توجيبه


وأنا لي عادةٍ سارت مع الأقصين والأدنين = على عرفي وتجريبي وكلٍ له تجاريبه

ما ألبي دعوة الداعين لين أعرف من الداعين = ما دام إن العرب كلٍ حسب كاره وترتيبه
أجي للطيّب الوافي ولو ماله عليّه دين = وبعض الناس ما أجيله لو أرسلّي مناديبه
وأنا اللي نبني شيخٍ ولد شيخ وقباله زين = وألبي دعوته ما تنفع الأعذار والغيبه
لأجل عبدالله بن عمر حضرت مع أول اللافين = على عز ومعزه منحني للشك والريبه
وأنا في حلة أبن زيد بين أربوعي الوافين = أحيي في قدوم الضيف وأنا من معازيبه
يقول الشيخ عبدالله أحشام وكلكم غالين = ولا يا مرحبا بإسم أبن زيد الفين ترحيبه
نحييكم ونغليكم وجيّتكم لها تثمين = نحيي بالشيوخ وكل من جانا نحييبه
تحيات الوفا اللي ما تغيّر بالقسا واللين = يترجمها الغلا بأجمل تعابيره وأساليبه
وأنا وآحد من الروقه والي قاله والي تمكين = وعند ألآد سامر مال علم الطيب تجنيبه
حيث أن ألآد سامر مستقره كل وقت وحين = قواطيعٍ بواتيعٍ من الماضي لهم هيبه
حضرت بموقفي شاعر واسير مع أفضل النجدين = واباخذ لي مع الطاروق تشريقه وتغريبه
واعود لسالف التاريخ واجيالٍ خلت وسنين = يوم الناس تفرق بين مخط العلم ومصيبه
واعبّر عن تسلسل شيخةٍ ما جات بالتخمين = على الساس الوثيق مثبته ماهي بتركيبه
زعامة كابرٍ عن كابرٍ عنها العرب دارين = تفاعل من قديم الوقت كار وكلها طيبه
شيوخِ خلدوا بأمجادهم لأمجادهم تحصين = بنوا بيت الزعامه والقبيلة سادها طيبه
لهم تاريخ دوّن في سجلات الفخر تدوين = تشيد به الرجال وكل روقيٍ يماريبه
هل المجد التليد اللي على هام العلا راسين = على هام العلا رآياتهم تصبح وتمسيبه
من زيد إلى محمد للجواع إلى عمر تقنين = وعبدالله على نفس الطريق أوفى مواجيبه
ورث جوده من أجدوده زعيم ولا يبي تلقين = جديرٍ بالزعامة ما يغرّنه هناديبه
على كاره ومقداره يعيش معرب الجدين = عسى عمره يطول أبن الأصول منومس عتيبه
أغني بالحقيقة والحقيقة مالها وجهين = لو إن الوقت لد بعين حصنيّه على ذيبه
أنا أعرف درب وآحد لو يقولون الدروب أثنين = أقول الأيمن الأيمن والأيسر وآضحٍ عيبه
أحدد وجهتي ما أصير مثل معايد الصوبين = ومن يشرب زلال الماء تشيم عن مغاريبه




الشاعر متعب بن مضيان العطاوي

[الحصان]

قصيده مهداه للعريس الشيخ عبدالعزيز بن عبدالله ابن زيد



مبروك يا عبدالعزيز ألف مبروك = حفلة زواجك يا عريب المجاني
عبدالعزيز اليوم هذا وأنا أخوك = فرحه وعيد قبل عيد رمضاني
شف وش كثر ناس عنوا لك وهنوك = من القلوب يقدمون التهاني
أجابوا الدعوة وجوا لك ما خلوك = وشعورهم في هالفرح شيء ثاني
من أصلك الطيب وسمعتك حبوك = وتاريخ أهلك اللي ماهو مشبهاني
ياكثر حسادك ولو هم ما ضروك = ولا شفتهم قدمك عيان بياني
لأنهم يا شيخ من وين ما جوك = لقوك في منزل سهيل اليماني
شيخ ورثت المشيخة مثل ما أبوك = ورث من جدك يالله المستعاني
شيخه ومجد ما بتحقيقه شكوك = والشاهد التاريخ عبر الزماني
عنكم باب التاريخ ماهو بمصكوك = شيوخ وأبناء شيوخ قاصي وداني
وأفعالكم برهان وأسناد وصكوك = ليا دوروها مفسرين المعاني
لباسكم من قرمز المجد محبوك = تستاهلونه لو ما رضي الهداني




الشاعر الكبير / لافي الغيداني



http://store2.up-00.com/Aug10/STS59558.jpg (http://store2.up-00.com/Aug10/STS59558.jpg)

لحضة دخول الشيخ / عبدالعزيز وتهنيئة الضيوف له

[الحصان]

قصيدة مشاركة من الشاعر الكبير / علي الريض المطيري مهداه للشيخ عبدالعزيز بن عبدالله ابن زيد


الشعر غيث الروح وحكاية البيد=جرد الضلوع المخضره والمحيله
له في مداهيل الحنايا افانيد=اقدره واعنزه وانتميله
والليله اللي كنها ليلة العيد=لونها قدام شهر الفضيله
عند الكرام اهل الفعول الصناديد=عند ابن زيد اللي ينجي دخيله
التهنيه للكل من دون تحديد=في الليله اللي كنها الف ليله
مبروك مامالت غصون العناقيد=ومالاح براق الماء وماسال سيله
نزفها ياعبدالعزيز ابن زيد=لون كسر البيت اسمك يشيله
جدانك اهل الاوله والبواريد=وابوك كفه بالعطايا جزيله
اصدق هل الوقفات واهل المواعيد=روابعه للطيب ماهي قليله
من لابتن الها على المجدتوكيد=تاريخها مجده سنينه طويله
عتيبه الهيلا وش ازيد واعيد=نعم المواقف والفخر والقبيله
هاذي مشاعر شاعر جاء من بعيد=يسوقه الناموس لهل الفضيله



الشاعر على الريض






http://store2.up-00.com/Aug10/Mwm59802.jpg (http://store2.up-00.com/Aug10/Mwm59802.jpg)

أثناء دخول الشيخ / عبدالعزيز للقاعه ويظهر في الصوره عن يمينه عمه الشيخ فيصل بن عمر وأمامه الاخ ناصر بن زايد الذيابي

[الحصان]

قصيده مهداه للشيخ عبدالله ابن زيد بمناسبة زواج ابنه الشيخ عبدالعزيز




سلام في حفل الشيوخ الصناديد=اهل الكرم واهل القيم والشكاله
اللي دعونا من قريبين وبعيد=وجينا وكل تارد الماء حباله
جينا من العارض علشان ابن زيد= عبدالله بن عمر تكرم سباله
عن موعده نلغي جميع المواعيد=مثله نقدر دعوته ونعناله
في ليلة غرا مثل ليلة العيد=ليامن كل قام يرقب هلاله
عنوانها حفل يغيض الحواسيد= اللي جنوب الدار واللي شماله
احياه من طبعه مرار وتراديد=فعل العلوم الطيبه والجماله
تعب عليه ابن الشيوخ الاماجيد=جده وابوه وراس عمه وخاله
العزوه اللي يوم ضرب العباريد=قبيلهم في الحرب ماطاب فاله
بيمانهم حدب النمش والبواريد=وسيوف هند يفرضن العداله
الادسامر مطلقين المقاييد=افخر بواحدهم ليا جاء مجاله
موارد الامداح نعم المواريد=واصل المدايح ماتجي بالسهاله
الا بفعل شيد ثم شيد ثم شيد=فعل السلف قام الخلف ورتكاله
يجد مع دورات الايام ويجيد=ويعيش رجل قام له ورتكا له

الشاعر / هتاش الهروال

[الحصان]

قصيده مهداه للشيخ عبدالله ابن زيد ولذوي زيد كافه بمناسبة زواج ابنهم الشيخ عبدالعزيز




حاولت و أزريت أترجم مايكن الصدر=مشاعرٍ لو يطول الوقت ما أوفيتها
ماجابني غير قيمة ثابتين القدر=لولا غلاهم ماكان خطاي حثيتها
وإخترت ماقل من جزل القصيد وندر=للعزوة اللي يشوش الرأس من صيتها
نخبة شيوخٍ تبوأوا فالمكان الصدر=طيب و غصيبة وكلٍ حسب توقيتها
سموى ذوي زيد مقدم مؤسسين الجدر=والمشيخة في كنفهم عامرٍ بيتها
ماجاتهم بالتمني والحيّل والغدر=إلا فعولٍ يشيب الرأس ما أحصيتها
ياللي ماتدري تعال أعطيك علمي وإدر=نبذه وكل الديّر تُعرف مواقيتها
سقم العداء باين محمد وغاب الكدر=والقوم من سطوته ياكثر تشتيتها
تاريخه من الجمايل مثل نور البدر=ومن السطر يشبه الشعله وكبريتها
وسلالته غيثٍ ليا من سيله حدر=يقطع ضمأ الوردّ صاحيها وعفريتها
واليوم ناصر وعبدالله كرمهم صدر=دفع الديات إنتبه ياللي تناسيتها
والله يرحم عمر اللي خذاه القدر=راعي وقار ومشورة ماتزليتها
والشيخ محسن سلايل فارسٍ ماصدر=إلا هل الخيل مقهورة على ميتها
عباس ياكم زعيمٍ راح دمه هدر=عنده وكل العداء جلى طواغيتها
لعل يفداكم الهابي ووجه الودر=يا أولاد زيد الشيوخ اللي على صيتها
والخاتمة ما إختصرت من البيوت وندر=يستاهلون البيوت اللي تنقيتها


الشاعر / ناصر بن سعدي

[الحصان]

قصيده بمناسبة زواج الشيخ عبدالعزيز مهداه من الشاعر الكبير عبدالله حديجان




الشعر ملفاه في صدور الدواوين=والمرحبا بالصدور الها ابتهاله
يامرحبا عد مالبا الملبين=وعداد من حج بيت الله وجاله
نحضر لعبدالعزيز ومستعدين =من باب يالله عسى التوفيق فاله
يالله مساء خير ممسين متعافين=مانطلب الا الستر والبال داله
البارحه روحن وفالهن زين =ركايب البال والفكر وخياله
ياراكب اللي على جنبه شريطين=وارد حفيزه ولا طب الوكاله
ماسوموه الشريطيه هل الضين=ولاحده اللي على غاره بصاله
تنادوا الغرب وش هذا يبرلين=والشرق الاوسط تزايد في جداله
قالوا هذا ماكتبنا له براهين=مصممه رجل من فكره وباله
جانا السماري يبا تصميمه ايبين=قلنا هذا قيمته ورخا رياله
على حسب ماطلب حنا ملبين=وبعد خلص موتره شغل حلاله
تذاكرته الزعامه والسلاطين=حتى القنوات تحكي عن خصاله
تداحم الروس في مبنى الكرملين=يبون سره وفصله ورتجاله
تنادو الانقليز المستهيضين=يبون مثله لصاحبة الجلاله
ناداه شيراك واعطاه الملايين=يبى الكروكي وعيا ماعباله
تناشدت عنه بلجيكا وبكين=وستفسرت طوكيو كيف اشغاله
اسرندله لاتخطرش في الطريدين=كنه يغني يلاله يالاله
ولا هديره ليا ضلا هديه لياضلا صلنصين=هدير هرش دبل كبده عقاله
حسه ليا ديسله بين العشاوين=تقول شيخ يفرع في شكاله
لياشفت لذع الشراره في البليتين=كبير قوم ينادي في عياله
بساتمه ماتسخن بالقزوزين=تكبس على الزيت وتوزع زلاله
بلوفه مشرعه ماتنقفل بين=شرارة البوجي وخشم الصقاله
طربمبته في الاديتر تقضي الدين=للحار دربه وللبارد مجاله
جوزاته مصممه حسب الذراعين=ومصقطاتن بترتيب وعداله
بوديه من المحاره وله لونين=لونن توراه لازاد اشتعاله
وانواره تخلي الليله نهارين=اكبوس غاز وموخرته هلاله
ولا الغماره يهم الال يالين=جلد جليبوت والعاج يحداله
ماكنها غير دار الظبي والعين=ولا مراقص غناء الصيف بصلاله
لمعة مراياه قيثاره وكاسين=فضه وزرة دركسونه ادحاله
كبوته هناك فرحه منك لاوين=وتمثاله دريول قيف بداله
صناعه افطس خشيم قصير شين=يرطن لياجاك ماتعرف مقاله
يدلك ليالمحته شوف بالعين=الجاكور عمته والبنز خاله
علاه قرم بعد يم المصلين=ركب وشيك علاه وطاب فاله
وشغل وطالع يسار ودقه يمين=مع خت بالقار سجه ورتكاله
ورخى المكيف على البارد وبعدين=اتكا يمينه بعد نكس عقاله
ومعى الضحى طب في دار المسمين=دغيبجه دار راعين الجماله
ملفاك في دار ملحقت المخلين=ربعي لياعد كل الا لاله
الاد سامر منزحت المعادين=سقم العداء لنتخى عم بخاله
رح يم عد المراجل للمعدين=اللي لهم في الفخر عده وطاله
تلفي رجال على العز متواصين=كعوم شجعان في وقت الشكاله
واليوم عرف وكرم ملفى وجزلين=واحدهم يرحب ويصلخ خياله
رجال اشجع من الشجعان ويمين=ان المراجل تنخ الهم عداله
كبيرهم لو يشيل الحمل حملين=وصغيرهم لرتكا للحمل شاله
رجالهم جامع الدنيا مع الدين=ينفق بيمناه ماتدري شماله
تلقاههم بمجلس مثل الشياهين=غيابهم يكفي الحاضر بداله
ترحيبهم مرحبابك ياهلوين=والعود الازرق على الخرج يعداله
ثم قل لهم معيه رساله وبيتين=من شاعر جامع فعل وجزاله
يقول حنا بخير ولاش قسمين=ولوم الجهاله على راع الجهاله
ماعندنا فرق هذا خشم ذا عين=عينين في راس كل له جلاله
من يعدل الدم في وسط الشرايين=ياخذ على العدل في عرفان حاله
ثم سلم اليه عليهم وخذ يومين=وجني وجب معك مردود الرساله



الشاعر / عبدالله حديجان السماري

[الحصان]

http://store2.up-00.com/Aug10/wHW00928.jpg (http://store2.up-00.com/Aug10/wHW00928.jpg)

الشيخ / عبدالله ابن زيد يواصل القاء كلمته المؤثره في الحفل
http://store2.up-00.com/Aug10/iLY00932.jpg (http://store2.up-00.com/Aug10/iLY00932.jpg)


العريس الشيخ / عبدالعزيز بن عبدالله
http://store2.up-00.com/Aug10/cbB00932.jpg (http://store2.up-00.com/Aug10/cbB00932.jpg)


عبدالكريم السميري يقراء ايات من القرأن الكريم


http://store2.up-00.com/Aug10/oHm01189.jpg (http://store2.up-00.com/Aug10/oHm01189.jpg)


الشيخ عبدالله بن عمر بن ربيعان والشيخ بدر بن بندر بن ربيعان والشيخ بدر بن سلطان بن ربيعان والشيخ بندر بن سلطان بن ربيعان


http://store2.up-00.com/Aug10/Cr001304.jpg (http://store2.up-00.com/Aug10/Cr001304.jpg)


الشيخ / عبدالله بن عمر بن ربيعان والشيخ بدر بن بندر بن ربيعان والشيخ بندر بن سلطان بن ربيعان


http://store2.up-00.com/Aug10/KoN01073.jpg (http://store2.up-00.com/Aug10/KoN01073.jpg)

من يسار المشاهد الشيخ عقاب بن بندر بن ربيعان والشيخ ناصر بن بندر بن ربيعان والشيخ تركي بن هداج بن ربيعان والشيخ نايف بن هداج بن ربيعان والشيخ مسلط بن ماجد بن ربيعان والشيخ عمر بن بدر بن ربيعان

http://store2.up-00.com/Aug10/Ol001073.jpg (http://store2.up-00.com/Aug10/Ol001073.jpg)

من يسار المشاهد الشيخ مسلط بن سلطان بن ربيعان والشيخ صنيتان الظيط والشيخ سلطان بن بدر بن ربيعان والشيخ فواز بن ناشي بن عديس والشيخ طلال بن ناشي بن عديس
http://store2.up-00.com/Aug10/jkU00481.jpg (http://store2.up-00.com/Aug10/jkU00481.jpg)


الشيخ مسلط بن سلطان بن ربيعان
http://store2.up-00.com/Aug10/xfJ00710.jpg (http://store2.up-00.com/Aug10/xfJ00710.jpg)

من يسار المشاهد الشيخ بدر بن ماجد بن ربيعان والشيخ عقاب بن ماجد بن ربيعان

http://store2.up-00.com/Aug10/6t500481.jpg (http://store2.up-00.com/Aug10/6t500481.jpg)


الشيخ ناصر بن عمر بن زيد والشيخ متعب بن عمر بن زيد وأحتفاء بالشيوخ ضيوف الحفل


http://store2.up-00.com/Aug10/Tca59725.jpg (http://store2.up-00.com/Aug10/Tca59725.jpg)

الشيخ ناصر بن عمر ابن زيد والشيخ عبدالله بن ضيف الله العبود

[الحصان]

http://store2.up-00.com/Aug10/G7m00719.jpg (http://store2.up-00.com/Aug10/G7m00719.jpg)

الشيخ بدر بن بندر بن ربيعان والشيخ عقاب بن بندر بن ربيعان

http://store2.up-00.com/Aug10/09900719.jpg (http://store2.up-00.com/Aug10/09900719.jpg)

الشيخ مسلط بن سلطان بن ربيعان والشيخ صنيتان الظيط
http://store2.up-00.com/Aug10/ibz00719.jpg (http://store2.up-00.com/Aug10/ibz00719.jpg)


الشيخ بدر بن سلطان بن ربيعان والشيخ بندر بن سلطان بن ربيعان


http://store2.up-00.com/Aug10/Wkf59558.jpg (http://store2.up-00.com/Aug10/Wkf59558.jpg)


يسارالمشاهد الشيخ محسن بن سعود بن زيد ثم سعد بن عبدالله السماري


http://store2.up-00.com/Aug10/vcW01189.jpg (http://store2.up-00.com/Aug10/vcW01189.jpg)

من يمين المشاهد الشيخ شالح بن شعيفان بن عماره وسعد بن عبدالله السميري


http://store2.up-00.com/Aug10/7XA01296.jpg (http://store2.up-00.com/Aug10/7XA01296.jpg)

الشيخ ناصر بن عمر ابن زيد يستقبل الشيخ محمد المري


http://store2.up-00.com/Aug10/Pcg00928.jpg (http://store2.up-00.com/Aug10/Pcg00928.jpg)

من يسار المشاهد الشيخ سعد بن سعود بن زيد وفيصل بن مطر بن نهار وعبدالكريم بن خصيوي

http://store2.up-00.com/Aug10/PKQ01189.jpg (http://store2.up-00.com/Aug10/PKQ01189.jpg)

من يمين المشاهد الشيخ عبدالله بن ضيف الله العبود ثم الشيخ ناصر بن عمر ابن زيد والشيخ فيصل بن عمر ابن زيد
http://store2.up-00.com/Aug10/PL300481.jpg (http://store2.up-00.com/Aug10/PL300481.jpg)

من يمين المشاهد متروك بن حنيبل السميري جد الشيخ عبدالعزيز ثم دويبي بن درويش ونوار بن ضيف الله

http://store2.up-00.com/Aug10/IpJ01304.jpg (http://store2.up-00.com/Aug10/IpJ01304.jpg)

الشاعر سعدون الهرس يلقي قصيدته


http://store2.up-00.com/Aug10/Qu801296.jpg (http://store2.up-00.com/Aug10/Qu801296.jpg)

الشاعر لافي الغيداني يلقي قصيدته
http://store2.up-00.com/Aug10/7rh01189.jpg (http://store2.up-00.com/Aug10/7rh01189.jpg)
الشاعر محمد بن دغيم السميري يلقي قصيدته
http://store2.up-00.com/Aug10/vBn01189.jpg (http://store2.up-00.com/Aug10/vBn01189.jpg)
الشاعر ناصر بن سعدي يلقي قصيدته
http://store2.up-00.com/Aug10/mL101189.jpg (http://store2.up-00.com/Aug10/mL101189.jpg)
الشاعر عبدالله حديجان يلقي قصيته

http://store2.up-00.com/Aug10/bjO01296.jpg (http://store2.up-00.com/Aug10/bjO01296.jpg)

شعراء الأمسية
من يمين المشاهد الشاعر متعب العطاوي ثم الشاعر علي الريض ثم الشاعر لافي الغيداني ثم الشاعر والراوي سعدون الهرس ثم الشاعر هتاش الهروال ثم الشاعر ناصر بن سعدي ثم الشاعر عبدالله حديجان

[النجم الأصيل]

ونعم بالشيخ ابن زيد وبيض الله وجهه

وبيض الله وجهك يالحصان على التغطية

ودي

[نايف تراحيب]

حيآك الله يالحصان

والله يبارك لهم ولايهينك على نقل التغطيه

بس كان ودي لو شفنا صور للشعراء الامسيه

احترامي يالقرم


/


،

[ناصر بن سعدي]

من الأعماق نبارك للشيخ / عبدالعزيز بن عبدالله بن زيد زواجه ونتمنى له حياة زوجية سعيدة ..

ونبارك لذوي زيد كافة .. وكل الشكر لك إستاذي الحصان علىنقل هذه التغطية ..

[النجم الأصيل]

هلا بك يابن سعدي عساها اخر الغيبات مشغول بالامسيات ماشاء الله عليك بالتوفيق لك وللاخ الحصان

[ناصر بن سعدي]

تسلم يأخ زاحم .. <<<وش نسوي :) نبا الستر

ومشكور مرة ثانية ..

[ذبــاح]

عليكم السلام ورحمه الله وبركاته

ألف مبروك للعريس بارك الله لهما وبارك عليهما وجمع بينهما بخير

يعطيك العافيه يا الحصان ولاهنت

ودي وتقديري~

[شيخ الشيوخـ]

نبارك من الاعماق للشيخ / عبدالعزيز بن عبدالله بن زيد
ونسئل الله له التوفيق في حياته الزوجية

ولاهنت يالحصان على التغطية ومنور الموضوع بطلتك البهيه

[صقـر عتيبـة]

الف الف الف مبرووووووووووووووووك

والله يوفقهم ويرزقهم الذريه الصالحة

وتسلم يمينك يا ( الحصان ) وماقصرت الحقيقة

تقبلو خالص تحياااااااتي وتقديري

أخوكم المحب لكم ( صقر عتيبة )

[رشيد الكسر]

الف الف مبروك للشيخ عبد العزيز ونتمنى له حياه زوجيه سعيده

ولاااااااااااااهنت يالحصان على النقل الرائع والتقديم الاروع

وابن اسعدي مانشوفه بالمنتدى اثره فالامسيات منشغل ماشاء الله تبارك الله

تقديري واحترامي

رشيد الكسر

[إبن ثعلي]

الله يوفق العريس في حياته الجديده
وتحياتي لكافة ذوي زيد السمره

[.*إنـْسَـآن عَـآدِي*.]

وعَلَيْكُمْ اَلسْلَامُ وَرّحْمَةُ اَلَلَه وَبَرَكَاتُهُ...
أَلْفّ مَبْروُكْ لِـ الْشَيْخّ عَبْدُ اَلْعَزيْزّ بِنْ عَبْدُ اَلْلَه وَنَتْمَنَى لَهُ حَيْاةً زَوْجِيّةً سَعِيْدَة وَبِالْرَفَاه وَالْبَنِيْن ...
يِعْطِيَكَ اَلْعَافْيَهْ أخُوْي اَلْحِصّانْ عَلَى اَلْتَغطِيَةُ وحَيْاك اَلَلَهْ بَعدْ الغِيْبَة.
دُمْتَ بِحِفْظِ اَلْرّحْمَنْ
أُخُوكْ وَلِيْدّ اَلْزّيَادِي(إْنْسّانْ عَادِيّ).

[مالك البرقاوي]

أَلْفّ مَبْروُكْ لِـأخي الغالي والفاضل الْشَيْخّ عَبْدُ اَلْعَزيْزّ بِنْ عَبْدُ اَلْلَه وَنَتْمَنَى لَهُ حَيْاةً زَوْجِيّةً سَعِيْدَة وَبِالْرَفَاه وَالْبَنِيْن ...
يِعْطِيَكَ اَلْعَافْيَهْ أخُوْي اَلْحِصّانْ عَلَى اَلْتَغطِيَةُ وحَيْاك اَلَلَهْ بَعدْ الغِيْبَة.
وتهانئي لأمراء السمــرة
دُمْتَ بِحِفْظِ اَلْرّحْمَنْ
أُخُوكْ مالكـ الزايدي ( إْنْسّانْ بسيــط ).

[.*إنـْسَـآن عَـآدِي*.]

^
تُمْوّنْ يَاوْلّدَ اَلْعَمْ !!

[واقع من الخيال]

" بارك الله لهما وبارك عليهما وجمع بينهما بخير "

الف الف الف مبروك يا عبد العزيز .. وعسى الله يوفقك وانا اخوك
وابارك لـ ابو عبد العزيز وابو عمر واخوانهم بهذه المناسبة

وحياة زوجية سعيدة بإذن الله .

[اصايل]

الله يبارك لهم


لاهنت

[سلطان الفكر]

ابارك للشيخ عبدالله بن عمر ابن زيد زواج ابنه الشيخ عبدالعزيز

والله يبارك لهم ويجمع بينهم بخير


ومشكور اخوي الحصان وبيض الله وجهك على القصيده الجزله والنقل وإدارة الحفل

وشكرا

[عادل العصيمي]

تغطية ولا أحلى


عساه مبروك ولا هنت يالحصان


لا هنت


,

[حبر]

حفل مميز في حفاوة معازبية وفي إدارته وفي فرسان الأمسية

ونبارك للعريس ونتمنى له التوفيق