أبيات موؤدة

[عبدالعزيز الفرج]

السلام عليكم ورحمة الله وبركاته


حياكم الله في ركني الهادي الذي أسميته أبيات موؤدة

هنا سأجمع بعضاً من أبياتي التي لم تأخذ حقها

وبعضاً مما طاب لي من إبداعات غيري من الشعراء




عبدالعزيز الفرج

[عبدالعزيز الفرج]

أبيات للشاعر عوض فرج


ترحيب في ركنه الهادي بمنتدى المرقاب


وأنا أقتبسها هنا لكي أرحب بكم :13:




يامرحبا ياهلا في ركنـي الهـادي = لو تكثر زيارة اصحابي ماتزعجني
الدلة مبهـرة والجمـر وقـادي = ليه اختفي بالشعور اللي يخالجنـي
وعلومنا في فم التلفاز والـرادي = ماهي علوم الردا وتعيش في سجني
يالله تكثر ولوهم كثر حسـادي = وانك لغيرك من عبادك ماتحوجني


حياكم الله

[عبدالعزيز الفرج]

قالت أحبك .. قلت طيب وبعدين !! = استعجلي ماني بناقص دوادي !!

================


قالت أحبك .. قلت غيرش طوابير !! = منتي بالأولى مثل منتي لأخيرة

[عبدالعزيز الفرج]

الوقت عجة والجماعة قراطيس
من يجمع القرطاس وسط العجاجي



لشاعر مجهول

ياليت اللي يعرفه يعلمنا

[عبدالعزيز الفرج]

يا رافع (ن) خشمك تكبر على ويش = اعقل تركد كب عنك المهايط
ارجع لأصلك ياتبيع الدراويش = جرح (ن) على جبهتك ماهو بخايط

عبدالعزيز الفرج

[عبدالعزيز الفرج]

أنا سمي اللي حكم نجد بالسيف = أنا سمي ابن الأصول العريبة
مابيني وبينه سوى فرق وضعيف = ماينحسب لاصار طيبي بطيبه
ربعه هل العوجا هل السيف والكيف = وأنا من الهيلا وربعي عتيبة

عبدالعزيز الفرج

[عبدالعزيز الفرج]

هذي بيتين فكاهية لي



يا بس ياللي منسدح فوق جكسار = صف لي شعورك يوم عديت فوقه
حيث إن مثلي قد تمنى ولاصار = يركب على جكسار لو مايسوقه


عبدالعزيز الفرج

[عبدالعزيز الفرج]

جيت أنشد الشيخ مير الشيخ ما أفتاني = والشيخ وجهه بشوش ولا ضحك سنه
سمع سؤالي بعد رحب وحياني = ثم قال شف شيخ ثاني وانشده عنه
وأنا سؤالي عن اللي في الهوى جاني = وأبغى جوابه بحكم الفرض والسنة
الآدمي لا سرق قلب آدمي ثاني = هو من هل النار وإلا من هل الجنة


مما أعجبني للشاعر : سداح

[عبدالعزيز الفرج]

الصاحب اللي يحسبني بوجهين = ماهو بكفو لخوتي والحمية
ماني بخسرانه في دنيا ولا دين = لابوه لابو خوة رجال زيه
من شد في كيفه وربه له معين = خله على كيفه يعوّد لحيه
وإن حدني وقتي على اللي مقفين = حرام ما ألحقهم ولو هم في فية
ما أهنت نفسي ياجماعة ولا أهين = رجل (ن) من الناس العزيزة عليّه


عبدالعزيز الفرج

[عبدالعزيز الفرج]

ياهل الرايس ترى الرايس منوّر = بعد ما أظلم حينا دونه ليالي
يوم سافر صاحبي كان متهوّر = يقطع أنوار المدينة ما يبالي
نوّر الرايس بوجهه ومتطوّر = بعده الرايس وصارت في العلالي
نور وجه صويحبي نص التطوّر = ونصه الثاني ترى شوفه قبالي


عبدالعزيز الفرج

[عبدالعزيز الفرج]

يابن النفيس .. المعذرة .. قومي ولا واحد نفيس = أغرتهم الدنيا .. وراحو يتبعون أذنابها

:(



ترقبوها بعد أن تكتمل



عبدالعزيز الفرج

[عبدالعزيز الفرج]

يابو ريان رد العلم شب النار وإلا طف = أشوف الشق يكبر والسبب محدن درا عنّه
ليا جاك الخطا مني ترى آسف ومتأسف = وحقك يا ولد ..... يبا ياصل بلا منّة
ولا بيني وبينك غير علم (ن) كله مشرف = على وضح النقا كله وكله تابع السنّة
ترى الخافي مع الأيام لابده يبا يكشف = ونعرف صاحي العالم من اللي صايبه جنّة


عبدالعزيز الفرج

[عبدالعزيز الفرج]

أبيات أعجبتني لا أعرف شاعرها



الحكم ديمن والنزول الهاص = واللي يسرحها يضويها



========




اللعب صن ولا تفرنك ياغشيم = إكتك تال الليل لا يسرابها



========




الحكم غشاش واللاعب غشيم = اللي يمررها ورى ماشاتها

[عبدالعزيز الفرج]

هذي مرثية في جدي الله يرحمه الشيخ : سالم بن عواض العازمي العتيبي




حسبي على الجوال ياصانعينه = هاكم ترى الجوال ماعاد أنا أبغيه
فراقنا وسط السنة منتوينه = بعد الخبر جاني منه والخبر فيه
لاوالله ألا راح رب السفينة = شيخ (ن) ولد شيخ (ن) ينومسك طاريه
فاقدك محراب (ن) تزايد حنينه = في الثلث الآخر فاقد (ن) من يلاقيه
وفاقدك وقت (ن) فرض ربي يزينه = وقت الصلاة اللي فقد من يراعيه
مرحوم يامفقود حتى لدينه = وهذا حفيدك فاقد (ن) من يسليه
يالله عسى الفردوس الأعلى عرينه = ويكون جار المصطفى مع مخاويه
جعله نهار الحشر ينصع جبينه = ويحشر مع الحاشر وتغفر مساويه



اللهم ارحمه وعافه واعف عنه ووسع مدخله واغسله بالماء والثلج والبرد ونقه من الخطايا كما ينقى الثوب الأبيض من الدنس وأدخله الجنة ونجه من النار يارب العالمين

[عبدالعزيز الفرج]

هذي أبيات على الطاير في من ينادي بكتم صوت الإقامة والقرآن بحجة إزعاج القريبين من المسجد




ياللي تنادي بكتم الحق والسنة = يالله عسى ينكتم حسك قبل موتك
حنا بدار السعود ،، الفضل والمنة = لله رب الخلايق كافل (ن) قوتك
الدين الإسلام لا شك (ن) ولا ظنة = الله يعز السعود وتامر بشوتك
ما ينكتم صوت هدي الحق لو إنه = يزعج سخاف العقول وتُعجب بصوتك
ياللي تنادي بكتم الحق والسنة = يالله عسى ينكتم حسك قبل موتك



عبدالعزيز الفرج

[عبدالعزيز الفرج]

http://www.otaiby.com/vb/showthread.php?t=57245


هذا رابط قصيدة لي ايام الحرب على الحوثيين



طلب مني شخص عزيز على قلبي إني أنزلها هنا


وأنا سبق أن نزلتها في هذا المنتدى ولكن تلبية لرغبته

[عبدالعزيز الفرج]

هذي ابيات كتبتها يوم شفت بس فوق سطح أحد البيوت

وهي فكاهية طبعاً وخيالية


يا بس حظك حاسدينـه سواتـي = أهل القلوب العاشقـة والمهاييـم
تنظر لخلي فـي صبـاح وبياتـي = من فوق سطح البيت تنظر بتهييـم
وأنا ما عندي غير حلـو أمنياتـي = لو أعزمه ما أشوف حتى المعازيـم
اترك كلام (ن) راح واسمع للآتـي = تحذير مني لـك وتفهـم بتفهيـم
إمـا تكـف العيـن وإلا الوفاتـي = وتصبح عيالك ضمن وصف المياتيم

[عبدالعزيز الفرج]

البحّة اللي لها عشرين عام (ن) تزود.. مع زود عمري تزود = لوجيت أغنّي وأجر الصوت مقدر عليه.. والشعر أنا أقدر عليه
ياعايبي بحّتي خلقة رحيم (ن) ودود.. مقسومة (ن) من ودود = والعبد يرضى عن المقسوم من غير ليه.. يصبر ومن غير ليه

[عبدالعزيز الفرج]

تاريخ مولدي


في نص ديسمبر من العام تسعين = بعد التسعمية مع الألف ميلاد

[عبدالعزيز الفرج]

السلام عليكم ورحمة الله وبركاته

ابيات متواضعه تحاكي حالي وحال كثير من الناس عسى الله ان يغفرلنا ويرحمنا ويعيننا على انفسنا والشيطان


اشوف ذنبي في عيوني ليا اذنبت=ينشر ظلامه في مسالك دروبي
يضيق صدري لاتفكرت واسهبت=واندم على مافات واعزم واتوبي
انسى واعاود للخطا ماتادبت=يغويني بليس اللعين الكذوبي
اطيح فالزله وانا توي اصبت=كني على دوس الخطايا مغصوبي
استغفر الله للخطا ماتعصبت=يعلم بنياتي عليم الغيوبي
تكبر ذنوبي لاحسبت وتحسبت=واصغر بعيني يوم اناظر ذنوبي
يالله ياللي لك توجهت وانبت=طالبك تغفر لي وتستر عيوبي
ياواحدٍ لرضاه تقت وتطلبت=طالبك يامولاي تكشف كروبي


لله درك ياعبدالله

[عبدالعزيز الفرج]

تدري وش اللي يزعل الرجل الفهيم ابن الفهيم ؟!! = لاشاف ورث جدوده مع الناس ماله منزلة
والشعر ورث ابوي وأجدادي كريم (ن) عن كريم = ياكثر ناس (ن) تبتلش ورثي ولاهي من هله
حقه عليّ أحميه من ترديدة الفكر السقيم = وحقي عليه اني ليا احتجته يقول لي ازهله

[عبدالعزيز الفرج]

الهلال والنصر وما أدراك ما الهلال والنصر


قصيدة أرسلتها للشاعر المبدع / محمد بن ضيف الله

أقول فيها



يامحمد بارك لناد الهلال = فوزه الدايم على ناد النصر
فالمعارك مايبين إلا الرجال = فاز راع الحق والظلم اندحر
راح وقت النصر مع ماجد وزال = وقته اللي كان فيه بمن حضر
يوم راح العود ثم جونا العيال = ضاع عز النصر والفكر اندمر
مايفوز النصر لو الوقت طال = عمر ذيل القوم مافاز وظهر
شوف وضعك من جنوب ومن شمال = واحسب حساب الجماهير الصفر
انتظم معنا ولو لحقك جدال = عش بفرحة ما بقالك من عمر
وأبشر بعز(ن) يدوم مع الليال = بإذن رب الكون خلاق البشر
ياصحيبي والجزال الها الجزال = والمعاني كنز في غبة بحر
خسر جمهور النصر فاز الهلال = علم ثابت ،، لامحيص ولامفر

رد عليّ يقول



ول ياجند الجهالة والهبال = لو مدحت النار طبح منتحر
النصر مايكرهه غير الهزال = مرتضين الهون دايم والحقر
ولو تشوف بهم غنا فوق الدلال = عايشين بضعف نفس وفي قهر
مايميز في حرام وفي حلال = ذا ثبات وما خفي أدهى وأمر
ياعزيّز والحمول الها الجمال = ولا يشيل الحمل كود المقتدر
من لدغه الداب يجفل من حبال = ومن خذاه السيل روعه المطر
مابلش عزيز نفس بقصر حال = بل بلش صاحبك في مكر وغدر
انشد الدوخي يحل لك السؤال = وانشد الغالي حسام عن الخبر
ومر ابو زندة ولا تنسى جلال = واطلب من الكابلي واحد نفر
الفساد اللي غشاوته اعتدال = بان في غدرا سماكم كالبدر
اتحادات وجرايد وانخلال = فالمبادي والمبادي فالقبر
كلها سبة قحص شين الحوال = عقب جاب العيد من ثم استقر
جركم بالكذب لقرون الحلال = مابقى ياكود قرن ابن البقر
أمنيتكم كايدة صعبة منال = عالمية متعبتكم من دهر
انشد عن العين وانشد عن صلال = تذكر ام صلال من طريا قطر
وانشد عن الوحدة اللي ماتزال = صفقة إسماعيل ميسمها حمر
وانشد عن الشارقة والحال حال = خمسة(ن) منها ظهركم منكسر
ياكلام(ن) فالهوا وبلا فعال = ياخسارة وقت(ن) ومال(ن) هدر
ماذكرت إلا الخليج أهل العدال = مانويت أشرح لكم سطر سطر
من يحب النصر دايم عال عال = ومن يعاف النصر في حقر وقهر

[عبدالعزيز الفرج]

(( كافتيريا السعودية ))



ول ياهندي عفيف اللي مقابل سوقه = وسط بوفية لها اسم (ن) كنه اسم بلادي
جيت مرّار متعدي بين جمع الروقة = مير حظي ردني والجوع يمّه حادي
قلت : وش عندك ، وقال : إيدام (مافي ذوقه) = غير عندي ، قلت : هاته ، ثم راح وعادي
يوم ذقنا إيدامه ، ليا عبرتي مخنوقة = قمت أجاهدها لاتنزل عقب فاض الوادي
ول ياهندي عفيف اللي بوسط الروقة = عيّف الروقة ديار الربع والأجدادي


:) لعب فينا بالفلفل

[عبدالعزيز الفرج]

ياليتني زر (ن) خضر في جهازك = وإلا على الأقل رقم من الأرقام
عشان لاكلمت زان انتهازك = أجي على خدك وأفارق هالآلام


:)

[عبدالعزيز الفرج]

http://http://www.sarkosa.com/vb/imgcache/fe2f435124879212d4264df3ebb96ff2.jpg



يالربع مادام الرسايل صارت اليوم ببلاش = تكفون لحدن يبخل بشي (ن) من اللي يملكه
نبى نعذّب شركة stc قدّام المعاش = كلّه فدا لعيون أبو متعب وشعب المملكة


تحت شعار لاتوقف الرسايل لعيون أبو متعب !!!

[عبدالعزيز الفرج]

http://cache.daylife.com/imageserve/07eSeIT6hD9PS/610x.jpg



يامرحبا ياسيّدي نسل الأحرار = ياخادم البيتين صقر العروبة

[عبدالعزيز الفرج]

يابن النفيس المعذرة قومي ولا واحد نفيس = أغرتهم الدنيا وراحو يتبعون أذنابها
كثروا عباد المال يوم المال مايرفع خسيس = بيّاعة الذمة تكاثر وأتعبت حسّابها
والعالم اللي في ثياب العز ينخسها بليس = فيها البلا مدري البلا ياناس طول ثيابها
قلوبها فيها الحسد والكبر والحقد الحبيس = في صدورها لأعدائها والطيّب من أقرابها
ناس(ن) تصدق هرجة السربوت واللي له جليس = لو إني أصدق هروجه صرت ضمن أحبابها
ويابن النفيس المعذرة قومي ولا واحد نفيس = أغرتهم الدنيا وراحو يتبعون أذنابها

[عبدالعزيز الفرج]

http://s.alriyadh.com/2008/09/23/img/2102100.jpg



كلّي فخر ، لأني على اسمه مسمّى = وإن العرب قامت على اسمي تسمّي


:)

[عبدالعزيز الفرج]

ألا يانفس إن الموت داني = وليس الموت يبعد بالأماني
فتوبي واتركي كل الذنوبا = لعل الله يرحم ما أعاني
فقد عشنا مع الآثام دهراً = ووقتاً ليس يحصى بالثواني

[عبدالعزيز الفرج]

رسالة جوال

من :: محمد ضيف الله



لي رفيق(ن) غاب عام ولانساني = لابطى يرسل وش أخبارك عزيزي
ماعرفت أقراه لو إنه قراني = مثل طالب في اختبار الإنقليزي

<< طراه وجيه طلابي في الإختبار



رديت عليه برسالة أقول ::



مع صباح الخير يامحمد تعاني = ترسل القيفان والمعنى بليزي
صل رفيقك يامحمد لو عشاني = والدعاوي كلها إيزي بإيزي

<< لاتشره في اختبار تشريح

[عبدالعزيز الفرج]

مبروك ياناد الزعامة ملايين = أقولها في كل صولة وجولة
بأقدامكم جبتو ثنينه وخمسين = كاس(ن) ورا كاس وبطولة بطولة
تثبت زعامتكم بكل الميادين = ماهيب قصة صوتوا واشحنوله
وجمهوركم فيكم تراهم مجانين = معكم بوسط الدار وإلا أي دولة
ويرددون الشطر هذا (سناوين) = محدن تنافسنا سوى (إنا) فعوله

[عبدالعزيز الفرج]

الموت سنة وأكثر الخلق لاهين = ماتصحي الا الموت بين العيوني

[عبدالعزيز الفرج]

الا يالخافي المجهول كل الناس كل الناس = تبي تعرف خفاك ولو تعرفه يمكن تعافك

[عبدالعزيز الفرج]

http://im6.gulfup.com/2011-07-11/1310337168411.jpg




ألا ياكتفي المثقل بما تحمل من الأوزار = تحمل من تشيله جعله يخفف من أوزاري
إلك عشرين عامٍ تحمل الأوزار ياللعار = ولا مليت من حملك لها وأصبحت به ضاري
وفي هاليوم حملك غير حملٍ يبعد عن النار = شل اللي تحت رجليها الجنان وربك الباري
ولو حججتها عدة مرارٍ مابلغ معشار = من أفضال التي عصيانها يدنيك للناري

[عبدالعزيز الفرج]

آخر الجديد



بويتات أرسلتها لِــ / سداح العتيبي ، وشرفني بالرد عليها



أقول ::



لا والله ألا رحل سداح = يم التويتر ووترنا
من عقب سداح شد وراح = ليت المهكر يهكرنا
ماعاد في الفيس نرج أرباح = والربح حازه تويترنا
شديت يمه وسدي باح = معرف له وفيه بنشرنا
سداح مثل الحيا لاطاح = نفرح ولو كان ما امطرنا
سداح للدار كالمفتاح = شد ومعه خليَت ديرنا
عود لنا خلنا نرتاح = ياكثر ماعنك دورنا
وإن كان عييت ياسداح = والله لعلم مهكرنا



ورد عليّ يقول ::



يابو سعود القلوب صحاح = وسبحان ربٍ مسيرنا
في شاشةٍ نورها وضاح = سرنا في وضح النقا سرنا
رح بشر السارق المزاح = عقب البداوة تطورنا
شكرا جزيلا على الامداح = جتك المعاذير واعذرنا

[عبدالعزيز الفرج]

أحسن الله عزا الشعب السعودي جميع = في ولي العهد سلطان وجه السعد
راعي الجود والانفاق قدره رفيع = عند من جاه واللي ما وصل له بعد


رحم الله الفقيد وأسكنه فسيح جناته :(

[عبدالعزيز الفرج]

اقبال يا اقبال شيخ الهنودي = اخلص علينا البال ماهو بويّاك
الناس منذ أسبوع وأيام زودي = في اجازة وحنا نداوم لعيناك


اقبال : دكتور في الكلية عندنا :)

[عبدالعزيز الفرج]

http://im14.gulfup.com/2011-11-19/1321712823621.jpg

[عبدالعزيز الفرج]

يامنتدى الهيلا من العام لليوم = شامخ وتبقى من تقدم لزودي
من يوم ما أسست ما طبّك البوم = ماكر حرار وبالمكارم تجودي
كل عام وأنت العز وبخير وتدوم = منبع ثقافة فيك ورث الجدودي

[عبدالعزيز الفرج]

http://im12.gulfup.com/2011-12-01/1322769816581.jpg

[عبدالعزيز الفرج]

حاولت أنام ولا تهيّالي النوم

قعدت أقلب كل علمٍ طرالي


:SnipeR (53)::SnipeR (53):

[عبدالعزيز الفرج]

قد يقل الحضور وقد يزيد الغياب = يا أصحابنا المعذرة حالة ويرثالها
مانبغي الا الدعاء من قلب كل الصحاب = الله يوفق جميع الناس فـ أعمالها


دعواتكم في الاختبارات بالتوفيق

[عبدالعزيز الفرج]

أحب أنا داري وأحب القيادة
وأحب كل الشعب من حبي الها


فيها الأمن فيها تقام العبادة
والعز فيها والشهامة فـ أهلها




:a2::a2:

[عبدالعزيز الفرج]

مطير حمران النواظر والنعم قول وفعل = قالوا وطالوا وطردوا راع الجهل من مجلسه
الله يبيّض وجههم شيّاب وعيال وطفل = ردوا على المقرود والجاهل وراع الدنفسة

[عبدالعزيز الفرج]

كلنا يعلم ما قام به المدعو / حمزة كاشغري ،، تجاه الرب عز وجل والمصطفى عليه الصلاة والسلام ، وكانت هذه البيتين ردة فعل فقط وقد تزداد يوما ما :SnipeR (88):




ياحمزة لو فررت من المحاكم وأيضا التحقيق
وفي الدنيا لقيت الملتجا برا السعودية

يجيبك حظك العاثر وفعلك أيها الزنديق
ويوم الحشر تفضح نيّتك والفعل بالنية

[عبدالعزيز الفرج]

موتي دنا والله العالم على كل حال
لكن ليته يكون ختام عمري سجود


<< قد تكتمل يوما ما إذا أمد الله في عمري

[عبدالعزيز الفرج]

ماهو جديد ولا عجيب ولاغريب
إن الاصيلة تنتظر خيالها




<< ترقبوها قريبا في نادي الهلال



:17::17:

[عبدالعزيز الفرج]

مشعان يابن محارب الروس والصين = تحكم على مية وخمسين دولة !!
تحكم على الحضار واللي بعيدين = وحنا نطيع لحكمها اللي تقوله
وين انت يالفيصل زعيم السلاطين = تاخذ على احوال العرب كم جولة
وتشوف كيف الذل والغبن والبين = عشعش بدار العرب عرضه وطوله
روس العرب تحتاج هالحين هالحين = وقفة رجولية بمعنى الرجولة
قدام دار الشام تلحق فلسطين = لازم نعيش اليوم دور البطولة
ونخلي العالم يشوفون بالعين = افعالنا واللي نقوله نطوله
والا عساهم بالفنا قولو آمين = ويجيك من يبني للاسلام دولة

[عبدالعزيز الفرج]

http://t1.gstatic.com/images?q=tbn:ANd9GcQ84l98xgxHSnw9b2hVmHVUjHqEnHnhT lQTKxRo0ulUReagNOj1









ياسامي الجابر بعدك الامل ضاع // في رفع راية منتخبنا السعودي
ماعاد نملك فن واخلاص وابداع // بعد اعتزالك ياعريب الجدودي

[عبدالعزيز الفرج]

http://im27.gulfup.com/2012-03-02/1330707649651.png

بالتوفيق للموج الأزرق أينما حلّ

[عبدالعزيز الفرج]

لأجلش عشقت اللي على اسمش مسمى = لو كان مابه منتس نسخة بديلة
اسمش ثلاث حروف والطاء لمّا = يضاف للثاني تعوّد ثقيلة
أول حروف اسمش من حروف ( عمّا ) = وآخر حروفش فالحروف العليلة

[عبدالعزيز الفرج]

عسى غر المزون اللي مطرها وابلٍ هتان = يخيّل فوق دارٍ للوفا والجود عنواني
على دار الطنايا شمر وشمر طوال أيمان = أحب الجود وأهل الجود من قاصي ومن داني
وتمطر فوقها أسبوعين من واسم ليا ودان = وترتاح البشر والارض بالاعشاب تزداني



يستاهلون شمر والله أكثر ، ياحبني لهم :34::34:

[عبدالعزيز الفرج]

حسبي على حافز وأنا أخوتس يا اختي = اللي علينا غيّر المسلمينا
من يوم جاتس 2000 منهم وأنتي = متغيّرة ولا تردي علينا

[عبدالعزيز الفرج]

أُحِبُّ الطيبين ولستُ منهم


احب قبايل : شمر ، سبيع ، مطير ، الهواجر ، الاشراف ، العجمان

<< مع احترامي لجميع القبايل

[عبدالعزيز الفرج]

من زود حبي لش نظمت القوافي = وأتقنتها مبنى ومعنى وشلّة

[عبدالعزيز الفرج]

سويت لي قافٍ على شان تقراه = والقاف شاب ولا حصل له قراية

[عبدالعزيز الفرج]

الله يعين اللي يبي بيضة الديك = ماهو محصّل من ورا الديييك بيضة !!

[عبدالعزيز الفرج]

لا تشرحين الدرس تكفين ياهيام = البال ماهو معتس لو تشرحينه
بالي سرت به فارسة كل الاحلام = لا واهنيتس صوتها تسمعينه


هيام : دكتورة في الجامعة عندنا

[عبدالعزيز الفرج]

لو ينشري قلبك ترى الكاش مدفوع
نشري القلوب اللي ذبحتا غلاها

<< لا أعلم من صاحب هالبيت



لو تنشرى القلوب ، يا كثر القلوب اللي بشتريها ( لا حرمني الله منهم )

[عبدالعزيز الفرج]

إن تقفاها الهوا يا لطيف ويا ودود = وإن تنطحها الهوا يالله بسترك علي
جادلٍ بالزين تطغى على كل الوجود = زينها يكفيك منه العيون الكُحّلي

[عبدالعزيز الفرج]

الله يجيب الخير وتطيح الامطار = وتربّع الديرة وتشبع غنمها

[عبدالعزيز الفرج]

اللي كسر بيت القصيدة لسانه = الله يقص لسانه ويكسر يده