جبت لكم قصيده العــــــوني التي اشعلت شــــــــــــــــــمر+ الروايه

[فوفو الطنايا]

بعد مقتل الامير عبد العزيز بن متعب ال رشيد تنازع ال رشيد على امارة حائل وشمر فاستولى محمد بن طلال ال رشيد على حكم حائل بعد ما فر ابن عمه عبد الله بن متعب ال رشيد الى ابن سعود خوفا من ابن عمه محمد بن طلال ان يقتله وفي ظل تنزاع ابناء العمومه على الحكم زعلت قبيلة شمر على محمد بن طلال ال رشيد فرحلت قبيلة شمر الى بادية العراق تاركة منطقة حائل في ظل تلك الاحداث قام الملك عبدالعزيز ال سعود بارسال فيصل بن سلطان الدويش على راس جيشه الكبير لمحاربة ابن رشيد فحاصر مدينة حائل فارسل ابن رشيد قصيدة كتبها محمد العوني يستفزع قبيلة شمر وعند سماع قبيلة شمر هذه القصيدة وهم في بادية العراق جاءوا يبكون كبيرهم وصغيرهم لفك الحصار عن مدينة حائل فقطعوا المسافة التي بين بادية العراق ومدينة حائل من ثلاثة شهور الى عشرة ايام وفعلت هذه القصيدة ما لاتفعله السيوف حيث أثرت في قبيلة شمر فانتصروا وانهزم الدويش وجيشه امام ابن رشيد ، قال العوني مخاطبا قبيلة شمر على لسان ابن رشيد قصيدة أبكتني عند قراءتها :



عزي لقلبٍ كل ما طرف الليـل
=عليه صـارن الدقايـق جلايـل
واعتاظ عن طيب الكرى بالتعاليل
=بافكار واذكـار وقـول وقايـل
والعين كن ابموقها يـدرج الميـل
=عيت تطيق النوم من فور جايـل
على بني عمي اسنادي عن الميـل
=نطاحة الكايـد اكبـار الحمايـل
اقفوا كما مزنٍ ثقيـل المخاييـل
=من زاعج الغربي حدر له شعايـل
شمر مقابيس المنايـا هـل الخيـل
=عصمان الاريا مقحمين الدبايـل
يا دار وين أهل المهار المشاويـل
=اهل النزول اللـي تعـز النزايـل
بكيتهم يوم ارتكى فوقي الشيـل
=وذكرتهم يو اقبل الضـد صايـل
وصاح الصياح وطوحن الهلاهيل
=وهلت ادموع معكرشات الجدايل
وقلت ابشرن ما دام بالعمر تمهيل
=ما دام ما رزت علينا النضايـل
لا تبكين الوحدة قِل الرجاجيـل
=ما دام عيـن الله علينـا تخايـل
وظهرت أنا باسم العصاة المشاكيل
=لو هم قليل يدركـون الجمايـل
هم حاصلي لا كملنّا المحاصيـل
=غوش الجبل خزني غلامين حايـل
باعوا عزيز العمر دون المضاليـل
=وحموا حماهـا مقدميـن الفعايـل
قالوا عليهم قلت يزجوا اهل الخيل
=وقهرتهم غصب ووردوا غلايـل
واذنيت هجنٍ يقربـن المحاويـل
=هوج هجاهيج اهجـاف نحايـل
عليكم يطرب قلـوب المراسيـل
=خفقات رفقات صلاب جلايـل
قلايص عوص صعاصع شماليـل
=من سلسلة نسل السباق السلايل
الصبح مدن كنهن جولـة الريـل
=رفيحٍ علت من فوقها ارجال حايل
وصبح اربعٍ تلفي نزول كما الليل
=شمّر إليا عدت فـروع القبايـل
أدنى بالادنى خبروهـم بتفصيـل
=لا تسفهون اصفارهم والجمايـل
ولازم إليا شافوا اركاب مقابيـل
=تلزمهم النشدات عن سكن حايل
قولوا لهم يا مقبلين علـى خيـل
=نجد واهلهـا يطلبـون الاوايـل
جونا هل العارض جموع كما الليل
=يبغون دار هابهـا كـل عايـل
وجرى لمنا يومٍ يا طب به الشيـل
=يطيح ما تشنى عليهـا الرحايـل
واضفا على عكاش مثل الهمال
=يـليا طول ما حنـا لهـم بالاوايـل
وين الطنايا ؟ وين شرابـة الهيـل
=وين الرجال اللي تشيل الثقايـل؟
وين السيوف اللي نعدل بها الميـل
=وين الرماح اللي ترد كل عايل ؟
وين النشاما والعصاة المفاليـل ؟
=وجميع من ضربه تضيع الدلايـل
نشرب بهم صافي القراح الشهال
=يلوننزل بهم غصب على كل طايل
تذكرتهم يوم ارتدم فوقي الشيـل
=ونخيتهم يوم اقبل الضـد صايـل
غلبا ترى بلدانكم لبست النيـل
=تنخى الرجال المكرمين الاصايـل
تنخى اهل العادة كرام الاسابيـل
=يوم التعازي والدخن له صلايـل
قلته وانا معكم على العدل والميل
=لعل ما نعتـاظ عنكـم بدايـل
تمت وصلوا عد وبـل المخاييـل
=على نبي الحـق مـا زال زايـل

--------------------------------------------------------------------------------
اتمنى ان تحوز على اعجابكم.. وفاء:a2:

[إبن ثعلي]

ونعم بقبيلة شمر القبيله العزيزه صاحبت الرفعه والسؤدد
ولاهنتي يامانسيت غالي على نقل هذه القصيده المؤثره بالفعل

[علي عليوه]

شكرا يافوفو الطنايا

على هذه القصيدة الرائعه للشاعر العوني رحمه الله

وهناك قصايد اخرى جميله له كهذه

منها قصيدة غزليه جميله قالها يطلب من صديق له مساعدة بالزواج من فتاه اعجب بها

وقصيدته لاهل القصيم وغيرها الكثير

اكرري شكري لك على اثراء المنتدي بمثل هذه المشاركه

والنعم باخوانا شمر

[فوفو الطنايا]

شكرا يافوفو الطنايا

على هذه القصيدة الرائعه للشاعر العوني رحمه الله

وهناك قصايد اخرى جميله له كهذه

منها قصيدة غزليه جميله قالها يطلب من صديق له مساعدة بالزواج من فتاه اعجب بها

وقصيدته لاهل القصيم وغيرها الكثير

اكرري شكري لك على اثراء المنتدي بمثل هذه المشاركه

والنعم باخوانا شمر

نورت علي الحربي...............

[الفارعي]

شمر اهل الشجاعة والكرم