تكفون يالاد عاصي جعلكم تنصرون

[عذب السجايا]

يامنزل العفو وأمرك بين (كـ) و نـ)=يامن صفاتك لغيرك مايحلا بها
رحمتك بقلوب خلقك يأرحم الراحمون=عبدك لرحمتك روحه تطرق أبوابها
بعد صلاتي وتسليمي على المرسلون=انخا العوازم صباها تلو شيابها
تكفون يالاد عاصي جعلكم تنصرون=نخوة عتيبي وروقي وانتم أولا بها
تكفى ياقايد عساك من أول الفايزون=بالدعوة الى نهار الحشر تنجى بها
تكفى يا قايد نبيك أتحقق ألي يبون=ربعك: تراها عظيمه وأنت كسابها
يفخر بها كل من في عرقنا ينتمون=وياقع ورى شربة الفنجال مظرا بها
فيكم عهدنا لصعبات المواقف متـون=وفعالكم كل روقيه تباها بها
قد قالو إن الوها يا للدواهي تهون=والهينة واهية في نظرة أصحابها
تكفى جميع الحمايل فيك يستشعرون=الفرحة اللي ضما يرهم تغنى بها
حشو المراغه جبلتهم كذا يعملون=في دعم عيال والعقال تبلا بها
الحق واضح ولو كل بشر يزعلون=واللي يلومك عساه يواجه أصعابها
وتقصي الحق فالعزوة يوخر طعون=ويرث سلوم مع الأجيال تقبى بها
تصور الدمعة أللي تنتظرها الجفون=على الجهتين وأنت أتصير ندابها
إياهم اقرب لقلبك عند ما يسكبون=والطيبة ضني إنا منك نحضابها
تقدر عليها وكل الربع يستأهلون=هاذي وفي مثلها ما غيرك أبدابها
تخيل أصدورنا من بعدها وش تكون=صعبه على غير مقدام تسموا بها
تعوض الله خير ومربح المفلحون=قل عتق لله تلقاها وتجزابها
تكفى ياقايد عساك من أول الفايزون=بالدعوة الى نهار الحشر تنجى بها
يالقبع يابن تويلي وش بعد تذخرون=يالعزوة اللي سعدنا لاعتز ينا بها
يابن شويمي ويامن للنداء تسمعون=ياخير من يعطـي الجيـره لطلابهـا
ياهل المواقف وستر منقضات القرون=يازبن من عظته دنياه بانيابها
تكفون يالاد عاصي جعلكم تنصرون=نخوة عتيبي وروقي وانتم أولا بها
والله ما قط جتكم من طرفنا الغبون=واليوم صارت ولا والله رضينا بها
لا هيب في حد سلم ولا سبقها ديون=نفس وقف يومها واستوفت أسبابها
وخلت ورها رهينة ناب بين السنون=يما توقا بها ولا تعشا بها
إن اعتقوها العوازم مثلها يفعلون=وان أعدموها ربيطه عند قصابها
لوان فيها عوض لنقول وش تحترون=ولو إنها فاديه قلنا فدينا بها
تكفون اجدو بحق الجاه لاتبخلون=في حق من لفته بقعا بجلبابها
عوداٍ مغربلته الأيام شكلٍ ولون=كفاكم الله حبا يلها ومخلا بها
يصبر ومن عادته يصفح عن المذنبون=وقدا يمه مثبته في صفحة أكتابها
كم عيلة صافحت قلبه من المسرفون=ولاهوب ينشد عن الزله ومن جابها
ينظر لكم نظرة الظميان يم المزون=عل وعسى مزنةٍ تسدل له أهدابها
تكفون يالاد عاصي جعلكم تنصرون=نخوة عتيبي وروقي وانتم أولا بها
الرحمة ألرحمه الله يرحم الراحمون=للتذكرة ربنا انزلها ووصابها
وحنا ترانا لكم في كل ما تأمرون=والكم علينا سويتها وبحسابها
تكفون يا ربعنا فالسلم لا تقطعون=وانتم حصون المذاهب وانتم أربابها
لؤ إنها لجل راس الورع قلنا يهون=مير المصيبه مصيبه وانتم ادرا بها
قدره من الله وصارت مثل ما تعرفون=ولو حطها الله جهتنا ماحسبنابها
تكفون يالاد عاصي جعلكم تنصرون=نخوة عتيبي وروقي وانتم أولا بها
تكفى ياقايد عساك من أول الفايزون=بالدعوة الى نهار الحشر تنجى بها
الرجل في حق ربعه كل صعبه تهون=نفسه وهي نفسه أغلا شي ضحابها
وهاذي تراها كذي وانته علينا تمون=لوجيت في مثلها والله لنسخابها
لا هيب في حد سلم ولا سبقها ديون=نفس قضت نحبها واستوفت أسبابها

[فهيد مقعد الرويس]

عذب السجايا

صح لسانك

ونعم بالادعاصي

تحيتي وتقديري

[ابن مسلم]

عذب السجايا

صح لسانك

ونعم بالادعاصي


والله يرحم اللي مات
ولايحرم اهله الاجر
ويلطف بالحي

تحيتي وتقديري

[عزيزة الجناب]

عذب السجايا

صح لسانك

ونعم بالاد عاصي

العفو شئ عظيم اجره عند الله

غفر الله للميت وفك اسر الحبيس

ومن الشرف والنخوه العفو

لاهنت

[مسطول]

عذب السجايا

صح لسانك


ونعم بالادعاصي


ودي قبل ردي

[عذب السجايا]

شاكر ومقدر لجميع من شارك
وأثرى موضوع الجميع كذلك
بالدعاء . بمحاسن العفو والرحمه والنخوه .
في كل من العقيده والقيم والشيم......

وأتمنا المزيد والنشر ممن لهم علاقات ويرغبون في أن تكتب لهم حسنه .
سأئلاً المولى أن لايحرمنا وأياكم الأجر.
وأن ينزل الرحمة في قلوب المعنيين بالآمر في اطلالة هذا الشهر المبارك شهر الرحمة والمغفره

[عذب السجايا]

تكفون ياروقه ورى ذكركم مات أو حيكم مات..,

وهذي قليل من كثير ظمن المفاخر اللي سجلت في سجل الاد عاصي


تكفون ياروقه ورى ذكركم مات** وانتم ثمان الحام غير العطاوي
قعدت في حوش البقر للمهونات** مـــكتوب ولا ما عليــــا دعاوي


السلام عليكم

اسرد لكم قصة هذه الابيات التي قيلت على وقت حكم الشريف

مناسبة القصيدة:-


بداية السالفة على وقت الشريف كان الشريف واضع مراكز حماية على حدود مكة لحمايتة من الغزو وكان من ضمن المراكز
مركز قريب من القنفذة وحاطن فية مجموعة من الاخويا على راسهم ثعيل بن رابح السماري وزايد الذيابي الملقب ببو ستة

وكان في نفس هذه الفترة حكم ابن سعود بدا في الانتشار حتى وصل الى ابن لوي في الخرمة ويوم من الأيام والخويا
يسولوفون في مركزهم بالقنفذة قال ثعيل إبن رابح والله ماني بقاعدتحت أمر الشريف ابي اروح مع ابن سعود وازبن ابن لوي

وايده في الامر ابو سته وبعض الخويا لكن الدواسيس بين الخويا وصلوا الخبر للشريف في مكة وقام الشريف وارسل مجموعة من
الخويا إلى مركز القنفذة ومسكوا ابن رابح وابو سته قبل تمكنهم من الهرب وقام الشريف بحبسهم في

سجن يقالله المحروق بمكة وجلسوا في السجن فترة

بعدها اطلق الشريف بعض المساجين من ضمنهم ابو ستة وابقى على ثعيل ابن رابح وخلال تواجده في السجن قصد ثعيل ابن رابح

قصيدة لروقة ينخاهم في فك أسرة والقصيدة طويلة ولا احفظ منها الا هذه الابيات:-

يالله يامعطي العطايا الجزيلات*** عطني على قد النحى والهقاوي

وفرج لعبدن يسهر الليل مابات*** مسجون مخذول غريب ن جلاوي

إلى ان قال

تكفون ياروقه ورى ذكركم(حيكم) مات** وانتم ثمان الحام غير العطاوي

قعدت في حوش البقر للمهونات** مـــكتوب ولا ما عليــــا دعاوي


وصلت القصيدة لأومرا الروقة وان الشريف حبس ابن رابح قام ركب عباس ابن زيد امير السمره وراح للشريف في مكه يطلبة
فك ابن رابح ورفض الشريف طلبه وبعد فترة ركب فاجر ابن شليويح العطاوي وطلب الشريف ورفض الشريف يطلق سراحه
استمر على الحال ومره الروقة لفك مسجونهم لا كن لازال الشريف مصر على عدم اطلاق سراحه ولما سمع خزام ابن صامل العازمي الروقي
(ممن شاركوا في يوم الرغامة مع ابن سعود)

قصيدة ثعيل ابن رابح ينخى الروقة لفك أسرة

عزم على فك أسره وكان وقتها يقطن مع بعض من ربعة ذوي صامل وذوي صويميل وذوي صغير في كشب

قام ابن صامل وشال على ذلوله ومعه نسيبه رجا ابن صهدان وترادفوا مطيتهم يبون مكة لفك ابن رابح من السجن

يوم وصلوا مكة نوخو مطيتهم وعقلوها ومشوا رجلية زابنين السجن مع طلوع الصبح ويوم وصلوا السجن

شافوا على باب السجن عبد محابسي متقلدن بندقيته وجالس قال خزام لرجا لاطرحت العبد اوطى على رقبته

المهم مشو متجهين يم السجن ويوم شافهم العبد وهو يقوم من مكانة
ويقول وش عندكم قال خزام ياولدي نبي ننشدك عن غليمن مدري هو في السجن ولا طلع

قال العبد منهو

قال ثعيل ابن رابح

قال العبد: ايه فية مالك الا يحطك معه

يوم قال الكلمة هذه لين خزام قد وصله ويضربة بالبندق ضرب على البطن لينه طايح على الارض

ويقوم رجا وياطى على رقبت العبد قال خزام هات المفاتيح وياخذ المفاتيح ويفك حديد السجن

ويربط بة العبد

وينادي ياثعيل ابن رابح ياثعيل ابن رابح

ويطلع من غرف السجن مجموعة كبيرة

من ضمنهم ابن رابح

ماقعد في السجن الا الي مربوط في الخشبة

وياخذون خويهم وبعد ثلاثة ليالي

وهم منوخين عند عباس ابن زيد يم هكران

قالوا له تعرف الرجال

قال عباس ابك انتم كيف جبتوه يالاد عاصي

قال جبناه يابن زيد

اغبقنا نبي نمشي

الذيب في القليب ( خايفين من الشريف يلحقبهم)

قال عباس ابن زيد

والله يالاد عاصي ان الشريف طلبته اكثر

من مرة واخرتها هددني انه يحطني معة

بيض الله وجهيكم

وبعد ماغتبقوا مشوا من عند ابن زيد

يم ربعهم

وقالوا لهم شدود شدود

الذيب في القليب

لو جانا الشريف ماخلا منا احد

ويشدون ربعة

ذوي صامل وذوي صويمل وذوي صغير

ومانزلوا الا في ساجر

ويصيرون تحت راية ابن محيا مع ابن سعود.

ويقصد واحد من ذوي صغير

يقال له

اوخاضر ابن صويبر قصيدها طويلة

منها هذه الابيات:-

بـشروا عبــاس وكبــار الجمـاعـة*** جابو المسجون جذعانالعوازم

ماقعد في السجن لو هو ربع ساعه*** اطلقــوا اثعيل قطمانالمحازم

قفـلة الـي فية كسـر بالسـراعـــه*** يارجـا هــذه مـن اكبــراللوازم

والحــديـد مجودينه في كــراعة*** والـشريف من الزعل ياخزام كازم


انتهى....

تنسيق القصه منقول عن :
مجالس الشعر

[النجم الأصيل]

عذب السجايا

صح لسانك


ونعم بالادعاصي

ودي

[عزيزة الجناب]

عذب السجايا

ونعم بالاد عاصيhttp://www.cu-g.com/vb/images/smilies/cu-g%20%283%29.gifhttp://www.cu-g.com/vb/images/smilies/cu-g%20%283%29.gifhttp://www.cu-g.com/vb/images/smilies/cu-g%20%283%29.gif

وكفو الاد رووووووووووووق مرجحين الموازين فديتهمhttp://www.cu-g.com/vb/images/smilies/cu-g%20%283%29.gifhttp://www.cu-g.com/vb/images/smilies/cu-g%20%283%29.gifhttp://www.cu-g.com/vb/images/smilies/cu-g%20%283%29.gifhttp://www.cu-g.com/vb/images/smilies/cu-g%20%283%29.gifhttp://www.cu-g.com/vb/images/smilies/cu-g%20%283%29.gifhttp://www.cu-g.com/vb/images/smilies/cu-g%20%283%29.gif

وندعوا ف ها الشهر الكريم ان ينزل الرحمه والحنان والعفو ف قلوب اهل القتيل

وان يفك اسر السجين وان يقر اعين اهله به

ف هالشهر الكريم ينزل العفو التسامح ف قلوبهم امييييييييييييييييييييييييييييين

[عذب السجايا]

شهادتي فيك مجروحه يارمانه
لإن أي انسان طيب لايجي منه الا طيب...

ولكن لا أقول الا اسأ الله العظيم رب العرش العظيم أن يتقبل منكِ
ولايحرمكِ الآجر في هذا اليوم المبارك في هذا الشهر المبارك وجميع من شاركنا في هذه المحنه

[ناصر بن سعدي]

صح لسانك على القصيدة يا عذب السجايا ..

والله يفرج عنكم ما أنتم فيه من كربة ويسهل لكم كل صعب ,,

وقصة ثعيل كثرت الروايات فيها .. وماندري الأصوب أيات .. والأرجح إن الراوية هذه خالية من الصحة والله أعلم ,,

[إبن ثعلي]

صح السانك ياعذب السجايا
والعوازم هم اهل الطيبه والله يكتب اللي فيه الخيره
وقصة ثعيل كثرت الروايات فيها .. وماندري الأصوب أيات ..
وقصة ثعيل يااخ ناصر مافيها كلام شهودها على عضودها
ابيات القصيد التي قيلت بالمناسبه

[عذب السجايا]

اشكرك يأبن سعدي
مليح ماسويت

[شيخ الشيوخـ]

نسئل الله ان يهون الكربه ويعجل الفرج ياشاعرنا العلم

صح لسانك على ماقلت ولايستغرب فأنا اراك قامه شعريه كبيره
بدون مجامله

[عذب السجايا]

نسئل الله ان يهون الكربه ويعجل الفرج ياشاعرنا العلم

صح لسانك على ماقلت ولايستغرب فأنا اراك قامه شعريه كبيره
بدون مجامله

مرحبابك يالأمير أبن الأمير

اسأل الله أن يقبل دعوتك
ويجزاك عليها خير الجزاء

وأبشرك حنا متفائلين خير
القضيه عند رجال اهل نخوه ويقدرون حقوقنا عليهم
ويعرفون قيمتهم عندنا
ويدركون قضاء الله
ومدركين للطائلات على مر التاريخ...

وفي مايخصبي انا عذب السجايا من طرف شيخي أبن الشيوخ
والله لو ماحصل لي من منتدى عتيبه سوئ هذا الوسام اللذي نلته من شيخي
انه اكثر من الكفايه
وعساني اصير قد لماذكرت عني
وتراني ماوصلت مستوى إيشادتك
ولكن انت كريم جنان وبنان
هاذي خصالك وخصال اللي ذخروك وذخرولك

كل إحترامي إلى مالا نهايه

[شيخ الشيوخـ]

الله يبقيك ويعلي قدرك ويجعلك ذخر

هذا ماهو وسام يعلم الله ولاهي مجامله
واشكرك على حسن الرد وهو غير مستغرب من امثالك


وكفو ثم كفو ثم كفو بمن ذكرتهم وان شاء الله ان اللي عندهم مدروك وميسر

ونكرر الدعاء لكم في هذه الايام المباركه

[اصايل]

لاحول ولاقوة الا بالله


اسأل الله في هذه العشر ان يهدي النفوس ويعجل بالعفو من اهل القتيل


( وان تعفوا وتصفحوا فهو اقرب للتقوى )


قصيده رائعه عذب السجايا وايراد رائع للقصه

صح لسانك ..

[عذب السجايا]

يامنزل العفو وأمرك بين (كـ) و نـ)=يامن صفاتك لغيرك مايحلا بها
رحمتك بقلوب خلقك يأرحم الراحمون=عبدك لرحمتك روحه تطرق أبوابها
بعد صلاتي وتسليمي على المرسلون=انخا العوازم صباها تلو شيابها
تكفون يالاد عاصي جعلكم تنصرون=نخوة عتيبي وروقي وانتم أولا بها
تكفى ياقايد عساك من أول الفايزون=بالدعوة الى نهار الحشر تنجى بها
تكفى يا قايد نبيك أتحقق ألي يبون=ربعك: تراها عظيمه وأنت كسابها
يفخر بها كل من في عرقنا ينتمون=وياقع ورى شربة الفنجال مظرا بها
فيكم عهدنا لصعبات المواقف متـون=وفعالكم كل روقيه تباها بها
قد قالو إن الوها يا للدواهي تهون=والهينة واهية في نظرة أصحابها
تكفى جميع الحمايل فيك يستشعرون=الفرحة اللي ضما يرهم تغنى بها
حشو المراغه جبلتهم كذا يعملون=في دعم عيال والعقال تبلا بها
الحق واضح ولو كل بشر يزعلون=واللي يلومك عساه يواجه أصعابها
وتقصي الحق فالعزوة يوخر طعون=ويرث سلوم مع الأجيال تقبى بها
تصور الدمعة أللي تنتظرها الجفون=على الجهتين وأنت أتصير ندابها
إياهم اقرب لقلبك عند ما يسكبون=والطيبة ضني إنا منك نحضابها
تقدر عليها وكل الربع يستأهلون=هاذي وفي مثلها ما غيرك أبدابها
تخيل أصدورنا من بعدها وش تكون=صعبه على غير مقدام تسموا بها
تعوض الله خير ومربح المفلحون=قل عتق لله تلقاها وتجزابها
تكفى ياقايد عساك من أول الفايزون=بالدعوة الى نهار الحشر تنجى بها
يالقبع يابن تويلي وش بعد تذخرون=يالعزوة اللي سعدنا لاعتز ينا بها
يابن شويمي ويامن للنداء تسمعون=ياخير من يعطـي الجيـره لطلابهـا
ياهل المواقف وستر منقضات القرون=يازبن من عظته دنياه بانيابها
تكفون يالاد عاصي جعلكم تنصرون=نخوة عتيبي وروقي وانتم أولا بها
والله ما قط جتكم من طرفنا الغبون=واليوم صارت ولا والله رضينا بها
لا هيب في حد سلم ولا سبقها ديون=نفس وقف يومها واستوفت أسبابها
وخلت ورها رهينة ناب بين السنون=يما توقا بها ولا تعشا بها
إن اعتقوها العوازم مثلها يفعلون=وان أعدموها ربيطه عند قصابها
لوان فيها عوض لنقول وش تحترون=ولو إنها فاديه قلنا فدينا بها
تكفون اجدو بحق الجاه لاتبخلون=في حق من لفته بقعا بجلبابها
عوداٍ مغربلته الأيام شكلٍ ولون=كفاكم الله حبا يلها ومخلا بها
يصبر ومن عادته يصفح عن المذنبون=وقدا يمه مثبته في صفحة أكتابها
كم عيلة صافحت قلبه من المسرفون=ولاهوب ينشد عن الزله ومن جابها
ينظر لكم نظرة الظميان يم المزون=عل وعسى مزنةٍ تسدل له أهدابها
تكفون يالاد عاصي جعلكم تنصرون=نخوة عتيبي وروقي وانتم أولا بها
الرحمة ألرحمه الله يرحم الراحمون=للتذكرة ربنا انزلها ووصابها
وحنا ترانا لكم في كل ما تأمرون=والكم علينا سويتها وبحسابها
تكفون يا ربعنا فالسلم لا تقطعون=وانتم حصون المذاهب وانتم أربابها
لؤ إنها لجل راس الورع قلنا يهون=مير المصيبه مصيبه وانتم ادرا بها
قدره من الله وصارت مثل ما تعرفون=ولو حطها الله جهتنا ماحسبنابها
تكفون يالاد عاصي جعلكم تنصرون=نخوة عتيبي وروقي وانتم أولا بها
تكفى ياقايد عساك من أول الفايزون=بالدعوة الى نهار الحشر تنجى بها
الرجل في حق ربعه كل صعبه تهون=نفسه وهي نفسه أغلا شي ضحابها
وهاذي تراها كذي وانته علينا تمون=لوجيت في مثلها والله لنسخابها
لا هيب في حد سلم ولا سبقها ديون=نفس قضت نحبها واستوفت أسبابها


سيف القحطاني في طلب العفو من سبيع عن قاتل قحطاني
ياسبيــع ياهـل الثلاث اللي بهــا تعرفــون=واهل البخوت الكبار اللي تسمى بــها
واهل البشوت الوســـاع اللي لها تلبسون=اللي تجمل وتذري مــن تــذرى بـــها
ياسبيــع ياللي على سـم الرمـك تحتمــون=ألبل بشلــفٍ يفض الراس مضرابــها
ياسبيـع ياللي على وقت العسـر تكرمون=ياللي على المصرعين تفتّح أبوابـــها
ياسبيــع ياللــي لتــاريخ العــرب تذكرون=تحكــي التورايخ عنكــم وانتحاكابــها
ياسبيــع لاكثــرت الراحــات ماتهزمــون=لاصاحت المحصنات وشقت اجيابــها
ياسبيــع ياهل الرماح اللي تفض المتــون=هــل عزوةٍ ماتفــجّرمــن تعزوا بــــها
ياسبيــع ياللي على سلّم شرف تصعـدون=العــود يرقى بهــاوالغمـر يرقى بــــها
ياسبيــع ياهــل الفخـر من حقكم تفخرون=ولولا صدوق العبــارة ما نطقنا بـــها
والله لولااكتســـاب المــدح ما تمــدحــون=الاقوال بعد الفعول أموت واحيا بـــها
عليكــم البــيض ننشــرهـا وتستـاهــلـون=والبيض لسبيــع حاضــرها وغيّابـها
ياللي بنيتــوا خيـــام العفــوتسـتقــبلــون=جتكم قبايل بنواقحطـان واصحابــــها
قبــايـــلٍ يطــلــبــون الله ثــم يــطـلبـــون=ذبيـحة ربّطـت في حــوش قصّــابــها
بجاه ربــي وجــاه الرسـل والمــسلـمــون=تطـلب رجــالٍ تقــدّرجـــاه طـلابــــها
اعفــوا عسـاكم نهــار البــعث تستبعثـون=في زمرة الأنبيــاوالرسل واصحابــها
ياسبيـع جيــنا لكــم نمشي على ماتبـــون=بعــدٍ بلـتنــا البــــلاوي وابتلينــابــها
حــنّا الـلـحم وانتـم السكيــن والكون كون=كانــت وبانــت وحـــــنّا ما درينابــها
مـــن غـــدر الايـــام لانسـلم ولاتسـلمـون=بقــعا تلف وتــدور وتفتل اشـنابــــها
وحنــّّا عــن الغـيـــب لانـعلـم لا تعـلمــون=والدهــر فسّر حـــــلامٍ ماحلمنا بــــها
اليــوم جيــنا وبكــرة جعــلكـم ماتـجـــون=تشكون من نزغةالشيطان واسبابــها
النفـس حانــت وادانــتها جمــيع الديــون=وابــليس للشـــرودّاهــا ولاجــابــــها
تخضع تحت سيف شرع الله حديدالسنون=أمّــــاتغـدّى بهـا والا تعشّـــى بــــــها
تسامحـــــوا واعتــقوها جعلـكم تعتـــقون=في ساعـــةٍ كل نفسٍ تعرف حسابــها
وصــلوا علــى اللي بنور هدايته تهتدون=نبيــنا اللــي فتــح مكـة وصلـى بـــها
اللــي رفع رايــــةالإســلام والمســلمــون=واعدم وهدّم بيوت الشرك واحزابــها

السؤال
هل يوجد تشابه بي القصيدتين خلاف البحر والقافية والمضمون؟؟
عن نفسي لآرى اي تشابه بالرغم من ماتم ذكره
ويعلم الله اني لم اشاهد قصيدة القحطاني ولم اطلع عليها الا في هذا اليوم الأربعاء 9 محرم 1432هـ

[Ŝρéĉ!ăĻ }●°]

آلله يهديـهم ، إن شششـآإء ، آلله ،
وصِح لسسسسـآإنك ، ع آلقصيده ،