قصيدة الشاعر الكبير : رشيد الزلامي .. يستثير فيها كبار شعراء الساحة الخليجية .

[مسطول]

قصيده للشاعرالكبير رشيد الزلامي موجها للشاعر الممبدع عبدالرحمن بن بديع
واستثار فيها نخبه من كبار شعراء الساحه الخليجيه وهم
( سلطان الهاجري و مانع بن شلحاط و مدغم ابوشيبه و ضيدان بن قضعان و فلاح القرقاح و محمد ابن الذيب)
وقد توالت مسلسل ردود الشعراء المذكوره اسماهم على هذه القصيده


قصيدة رشيد الزلامي





يابـن بديَـع وقفـت بــي عـلـى الـشـاط الـمــوج عـالــي والـسـبـاحـه مـخـيـفـه



تعـبـت مـابـاقـي مـــن الـجـهـد قـيــراط دفيتـهـا لـيـن ابـركـت فـــي النصـيـفـه



فـــي رحـلــةِ مـابـيـن تـمــوز وشـبــاط عنوانـهـا واضــح بـصـدر الصحـيـفـه



راحـت سـدى باسبـاب تفـريـط وافــراط واسـتـنـزفـت دم الـقــلــوب الـنـظـيـفـه



لوكنـت مــن شـيـد حـضـارات الانـبـاط فــوق الـجـبـال الشـامـخـات المنـيـفـه



ولـو كنـت بالحكمـه منـافـس لسـقـراط بـــاح الـكــلام , وصـدرتـبـي امعـيـفـه



طــال الـزمـان وجــرح الايــام مـاخــاط يــنـــزف وعــيـــا لايــوقـــف نــزيــفــه



فـقـدت وقـفـات الـسـدارى هــل الـغـاط اهـــل الـمـواقـف والـنـوايـا الـشـريـفـه



الياطرى لي شخص ابوزيـد , تنسـاط كـبــدي ,,وقـلـبــي مـايـهــود رجـيـفــه



وقـدام يدخـل خـاطـري يــاس واحـبـاط او يقتـحـمـنـي ســيــل وادي حـنـيـفـه



افــزع ونــاد الهـاجـري وابــن شلـحـاط ومدغم وابن قضعان وايضا ابن ريفه



ولابـــد لـــك بمـحـمـد الـذيــب تـحـتـاط يكفـيـك عــن عنـتـر ورمـحـه وسيـفـه



انـا بذلـت الجـهـد فــي كــل الاوســاط لــكـــن دنــيـــا خـاتـمـتـهــا ضـعـيــفــه



ماتـصـفـي الا مـــع مـنـافــق وخــــراط ومــعـــوقِ بــاقـــي لـــجـــده خـلـيــفــه



رزقـــه حـــرام ولايـجــي غــيــر نــقــاط وغـيـر النـذالـه مـالـقـى لـــه وظـيـفـه



يـجـعـل يلقـطـهـم مـــن الـقــاع لـقــاط ومــن الغـضـب تـنـزل عليـهـم قذيـفـه



تضرب جماجم روسهم ضـرب مخبـاط لـيــن الـولـيـف يـقــوم يـلـعـن ولـيـفـه



هذا رد الشاعر / عبدالرحمن بن بديع




مـعــا بـدايــة شـعــري وشـاربــي خــــاط مـن قـالـي الشـعـر ، ويــش اتعريـفـه ؟



قـلــت الـزلامــي مــاخــذِ كــــل الانــــواط حــســان الأول ، والــزلامــي وصـيــفــه



صفـت لـه ابيـوت الشعـر صـف ضبـاط وتـاتــي قوافـيـيـه عـلــى كـيــف كـيـفـه



لـو كـان شطـر عشـرة احـروف وانـقـاط مـثــل المـخـيـل الـلــي غــزيــر قـنـيـفـه



ســنــدت لـلـغـطـغـط وحـــــدرت لــرهـــاط ويـانــعــم بـالـشـاعــر ونــعـــمِ بـقـيــفــه



الـلـي لـهـم فــي غـبـة الـحـرب مـقــلاط عـلــى الــرمــك ومـلاعـبــات السـفـيـفـه



والحيـن يالـلـي شعـركـم غـنـج واهـيـاط ويــــن الـحـريــر الـقـرمــزي والقـطـيـفـه



الـيـوم صــارت ريحـتـه ريـحــة اشـيــاط دام اجـتـمــع مـشـهــاب نــــارِ ولـيــفــه



قـصـيـدكــم مــلـــى مـلــفــات واشــنـــاط بــــس الــوكــاد انــــه قـصـيــدِ نـعـيـفـه



لو تدخلـون القـدس مـن بـاب الاسبـاط حـيـاتــكــم فــيــهــا حـــيــــاةِ كـســيــفــه



والـلــي نـكــب لـبـنــان ولــيــد جــبــلاط والمشـكـلـه حـــزب الـسـيـاسـة حـلـيـفـه



يـا بـو جميـل ، العـلـم مــن دون فـقـاط مــا تـعـرف اهــل الـعـزم حـاجـه كلـيـفـه



ابـشـربـنــا حــنـــا قــويــيــن وانـــشـــاط حــتــى ولـــــو ان الـمــزاهــب خـفـيـفــه



ولا نـقــول ابـنـسـبـق الــريــح بـبـســاط ولا بـنـطـلـق شـــــوف عــيـــنِ كـفـيـفــه



والآدمـــي وان عـــاش حـيـاتـه انـمــاط فـيــهــا الـلــيــال الـهـيـنــه والـعـنـيـفــه



اللـي مـا دامــت لـهـل بـابـل والاسـبـاط قــــد قـالـهــا الـنـعـمـان ابــــو حـنـيـفــه



ومن دون ذي الخلصه ومن ذاتا انواط الله جــعــل لـلــنــاس كـعــبــه شـريــفــه



ذكـــــر نــبـــي الله لـلـسـاعــه اشــــــراط وفـي هالـزمـن قــد بــان منـهـا نصيـفـه



والـكــل يـخـشـى يـالـزلامـي ، ويـحـتــاط والله يغـفـر .. عـنــد نـشــر الصحـيـفـة



وهذا رد الشاعر / محمد ابن الذيب





الجـمـر حـامـي غـيـر مـافـيـه مـلـقـاط لــكــن نـنـوشــه بـالـيـديـن ونـحـيـفــه



ولكـل شــوط سابـقـه يـاهـل الاشــواط وانــــا مــعــا رشــيــد مــانــي رديــفــه



لاتـجـذبـك شـــرد الـقـوافـي وتـشـتـاط وانـتـه رشـيـد الـلـي علـومـك طريـفـه



كانك على اهل الشعـر بتعـد الاغـلاط مانـتـه بنـاعـم فــي الحـيـاه المـريـفـه



مـــن الـوطـوايـط ابيبـلـشـك وطــــواط جـنـاحــه اطــــول وجـنـوبــه رهـيــفــه



ويـولـع البرمـيـل مــن عــود مشـخـاط لـوكــان عـيــدان المـشـاخـط نـحـيـفـه



انعرف ابو واطين وانعـرف ابـو وااط وانـــــارة الـثــانــي تــراهـــا ضـعـيـفــه



مانته مثل موسى لكن حن لك اسباط وانـفـوسـنــا لـمـنـاوشـاتـك عـجـيــفــه



وبـغــداد لازالـــت اذا جـــاز الاسـقــاط تـقــول هــــارون الـرشـيــد الخـلـيـفـه



والثانـيـه يالـغـاط والـلـي ورى الـغــاط رشـــيـــد نــيــاتــه تـــراهـــا نـظــيــفــه



لـيـتــك تــشــرط يالـعـتـيـبـي تــشـــراط وانــــا لـعـســرات الامـــــور الـكـلـيـفـه



امـن الذهـب لـو مامتلـك غيـر قـيـراط بـيـنـي وبـيـنـك قـسـمـتـه بالنـصـيـفـه



فـرقـتــي قــــدر ومـحــبــه ومـســفــاط فــرق السـهـل عــن الجـبـال المنيـفـه



وشعر اللحى ماهو مثـل شعـرة البـاط الثـانـيـه وسـخــه والاولــــى نـظـيـفـه



ولانـــي بـحــب امـغــط الـعـلـم مـغــاط رديـتـهــا جــزلـــه ولاهـــــي كـسـيـفــه



وطرشـت لـك فكسـار ماهـو بالاقسـاط ومـــن الـطــلاق ان الـنـوايـا شـريـفـه



مـانـي بتـاجـر ادبــل الـغــاط بـالـغـاط ولا اجــمــع الـديـنــار وانــــا حـلـيـفــه



لكـن فـي امثـال العـرب قـبـل الاقـبـاط قــد مـــات ابـورغـيـف مـاكــل رغـيـفـه



وانا نمـط شعـري ماهـو مثـل الانمـاط خـذتــه مــراجــل مـاخـذيـتـه وظـيـفــه




هذا رد الشاعر / سلطان الهاجري





شـوط الزلامـي جـر لــه عــدة اشــواط وعرض سماري الجيش حـزم وحتيفـه



سـنـدبـهـا مــنــا الــيــا وادي ارهــــاط وحـدربـهـا تـومــي علـيـهـا السفـيـفـه



واهدت له الدولـه مـن خيـار الانـواط وبـطـلـه اثـلـيــم الـمـسـمـى مـضـيـفـه



وصفـت لـه الدنـيـا عسـاكـر وضـبـاط وعين الرضـى عـن كـل عيـب كفيفـه



يــوم الـعـرب كـانـوا قـوويـن وانـشـاط وديـارهــم فــــي كــــل عــــام مـريـفــه



والـيـوم راحـــت كـنـهـا خـيــط مـطــاط وراعي العسيف ازرى يروض عسيفه



تـخـبـطــوا فـــــي الـمـهـبــل تـخــبــاط وصـاروا سـوا راعـي الشـداد ورديفـه



يابوجـمـيـل ارسـالـتـك راس مـشـخـاط ومظـرفـه فـــي عـــود سـمــره ولـيـفـه



ومضمونها بس اربع احروف وانقاط يـاثـقـل معـنـاهـا لـــو انـهــا خـفـيـفـه



تنجح لحم وتشعـوط الـروس شعـواط يـعـنـي حـريـقـه والـحـرايـق امخـيـفـه



مخطـوطـة ِ ماخـطـهـا كـــل خـطــاط الا انـــت يـالـلـي مـفـرداتــك عـنـيـفـه



لــو ربـطــت كـــل الشيـاطـيـن بـربــاط مـاشـالـت الانـفــس اذنـــوب كـلـيـفـه



اقلـط ولـك فـي مجلـس الـعـز مـقـلاط والـلـي مايـعـرف كـيـف خـلـه بكـيـفـه



واسلـم عـدد رحــلات تـمـوز واشـبـاط مـــــالاح بــــــراق يـــشـــوق رفــيــفــه



ومايسكن الطائف مـن جعيـد وسـواط والــي هـنـا مـاعـاد عـنـدي ماضيـفـه




هذا رد الشاعر / مانع بن شلحاط





كـلـن لقـرصـه حــاش جـمــره بمـلـقـاط مـا ظـل لـي مــا يشـعـل اعــواد ليـفـه



شـاعـر ولــي مـنـهـج ومبـدءومـقـلاط ونـفـسـي لجـمـهـري خـضــوعِ ولـيـفــه



عايـش بخيـر ولا علـيّ نقـص واقنـاط بـسـم السـعـودي وابــن زايـــد خلـيـفـه



بيـن التميـمـي مجلـسـي وابــن مــواط والـشـيـخ جـاســم لا لحـقـنـي كـلـيـفـه



وارتــب الـسـاعـه بلـسـعـات الاســـواط بـعــداذن مـنـهـم يحـتـمـون السقـيـفـه



الـلــي تسـاعـدنـي بتـعـديـل الأغـــلاط جـزاه مـن يحسـب علـى الشعـر غيفـه



صوت الزلامـي يوقـض الفاهـي الغـاط شـعـفِ يــرج اهــل الـقـوافـي وحـيـفـه



عـلـى نـمـط وتــرد لــه كـــل الأنـمــاط حـيـث الـبـروز مـنـيـن وجـــه حلـيـفـه



يشـري بكـاش ومــا يعـامـل بالاقـسـاط ســاع الفقـيـر يـقـوم يـمـضـغ رغـيـفـه



ابـو جميـل اعتـاظ مـن عقـب الاقبـاط قــوم العـوالـي فــي الـديــار المـريـفـه



ربـعِ خـذوا فـي نجـد صـولات واشـواط وجــاوا الحـجـاز وخـــر بـــره وسـيـفـه



داواء جــروحِ صكـهـا ريـحــة مـشــاط بـبـيــوت شــعـــرِ مـبــهــرات طـريــفــه



أستـدغـم الشـعـار مــن تـحـت الابــاط والخنـجـر المسـنـون بسـفـل شفـيـفـه



رشــيــد مـتـحـرفـن بـتـزويــر الابــنــاط وعــن كــم بشـتـه كــل عـيــن كفـيـفـه



لــو تـحـدر الشـعـبـان مـايـحـدر اوراط ايـسـنــد الـحـالــه ربـيــعــه وصـيــفــه



اختار له خمسـه وجـاء عنـده اسقـاط فــي الأحتيـاطـي يــوم بــرك عسـيـفـه



وجاء الاحتياطي خير من ينزل ارهاط لــوِ ان رشـيـد أهــوى علـيـه برهـيـفـه



يـوم انـه قـال بسـادس الربـع تحـتـاط مــا قــال عــن عنـتـر بشـعـره وسيـفـه



لكـنـه قــال بـســادس الـربــع تـحـتـاط يكفيـك عــن عنتـيـر ورمـحـه وسيـفـه



جرده من شعـره علـى شـاش شمشـاط هــروج عــود(ن) مــا يـمــد الكسـيـفـه



والسادس اصبح خير من رز قسطـاط وانـا مـع الخمسـه وانــا اخــو لطيـفـه

[بنت الهيــــلا]

صح السنتهم جميعا ولاهنت على النقل الرائع

فائق التقدير ..

[هنادي الهيلاء]

صح الله السنتهم جميعا

وعوااافي خيو

[مسطول]

الله يعافيتم ..

[عبدالله الحيص]

يعطيك العافية

[مسطول]

الله يعافيك

[عزيزة الجناب]

صح الله السنتهم

ولاهنت ع النقل

[إبن ثعلي]

شكرا لك يامسطول على تزويدنا بهذه الدرر

[الصهد]

مسطول سلمت يمينك تحياتي وتقديري ‘‘‘‘

[عاشق المساري]

يعطيك الف عافيه على النقل