دوك اللغز ياراعيه .. اللغز تم حله من الأخ الكفو kf00 : صح لسانه

[هذاك انا]

.
..
بعد السلام والتحيه والتقدير .. نبي حل بدون تأخير

ودوك اللغز ياراعيه



"

شفت رجال صغير ساكن غرفة صغيره
ما يفارقها ورزقه ياصله ويطق بابـه
.
.

وإن دخل رزقه بجوفه راح منفوعه لغيره
ياجماعة كيف رزقه طب جوفه ما اهتنابه

[{ أبوفيصل }]

.
..
بعد السلام والتحيه والتقدير .. نبي حل بدون تأخير

ودوك اللغز ياراعيه



"

شفت رجال صغير ساكن غرفة صغيره
ما يفارقها ورزقه ياصله ويطق بابـه
.
.

وإن دخل رزقه بجوفه راح منفوعه لغيره
اجماعة كيف رزقه طب جوفه ما اهتنابه






هــــلا يامرحـــبا يامطــنش تراحـــيبً كــثـيــره

عــدد مالاحــت بروق وعــدد ماهلّـت سحـــابه

.

.

اسمحلي يالقرم وش لغزك هذا اللي مستعيره

كــان له حــلًّ موجـودً عندك جـبنا لك جـــوابه



صح لسان قايلها وناقلها وعساكم على القوه

[هذاك انا]

^

هلابك اكثرررر ياسنايدي .. صح لسانك ولاعدمتك اي والله

اللغز جاني مسج

تسرني متابعتك

[{ أبوفيصل }]

على القوة ويالله وين حلال اللغز

[هذاك انا]

من قال اني ما ا اعرف حله :18:

[{ أبوفيصل }]

تعرف حله يامطنش ؟ !!

اللغز موجود في محرك البحث ومن خلال البحث وجدته من سنة 2008
مثبت في أحد المنتديات المجاورة ولم يُحل على مايبدو
واذا كنت تعرف حله وانا اخوك نأمل
تزويدنا بالرد من صاحب اللغز عن صحة الحل وبالطريقة التي تراها لو على الخاص

وانا شاكر لك مشاركتك وطرحك الجميل

تحيتي

[هذاك انا]

^

العفو طال عمرك


ولك رسالة على الخاص

:34:

[كــــآتــم المـــــعنى]

مفتوح المجال للرمع يالربع؟

[هذاك انا]

^

اي .. ورنا وش تسوي ؟

ويا هلابك

[كــــآتــم المـــــعنى]

الله العالم أنه الميت<<مدري رمعناه ولا رمعنا هههههه

[هذاك انا]

^

هههههه

مالك لوا .. وانتظر رمعتك الثانية

[{ أبوفيصل }]

اللغز طلبنا بالأمس تأكيد صحة نقله وحله من الأخ مطنش
ولسرعة تجاوبه لتعليمات القسم أهدي له تحياتي مشكــــوراً

وبهذا اللغز الرائع قد تم الأطلاع على صحته وتبين انه 100% مكتمل للشروط
لذا المجال مفتوح للجميع



والله الله ماأوصيك على اللغز ياذباحه

:)

[خيال الصفراء]

.
..
بعد السلام والتحيه والتقدير .. نبي حل بدون تأخير

ودوك اللغز ياراعيه



"

شفت رجال صغير ساكن غرفة صغيره
ما يفارقها ورزقه ياصله ويطق بابـه
.
.

وإن دخل رزقه بجوفه راح منفوعه لغيره
اجماعة كيف رزقه طب جوفه ما اهتنابه





صـــــــــــح السانك
يامطنش
وش قلت ياصاحبي
بلممري الي هو الذاكره
تحياتي لك

[هذاك انا]

^

صح بدنك .. مالك لوا وحياك

[{ أبوفيصل }]

هو الى الحين هاللغز ما انذبح

!!! عجيب !!!


هل لي أن أشارك باللغز يامطنش ؟.

,,,, عندي رمعه وأظن ماهي حول سنع ,,,,



:18:

[هذاك انا]

^

اقول بس

والله لن علمت باللغز ياخليجي

اني لاحذفك بـهذي :36:


خلنا نترزق :28:

[{ أبوفيصل }]

هاذي اللي مالها ا دوا :36:

مير ما عندي لها يامطنش غير كاسحات النبابيط


:)

[وجودك يكفي]

صح لسان كاتب اللغز وتسلم يمينك يامطنش على النقل الجزل والرائع


عن أذنك وانا اخوك تراني سويت تعديل بسيط في آخر شطر



وش تقول في خرطوش دانكي البنزين في السياره ساكن ورا الباب الصغير الواضح فالبدي

[هذاك انا]

^

حيآآآك ربي

محاولة طيبة .. انتظر غيرها

[{ أبوفيصل }]

مرحبا بوجودك يكفي مرحبا ياولد ثابت

من طوّل الغيبات جاب الغنايم


بالنسبة للغز يامطنش اعتبره ماكان
دام أقدم عليه بليهان راح في خبر كان


:)

[وجودك يكفي]

وش تقول في فيوز السياره ساكن داخل العلبه الصغير ورزقه الكهرب ياصله من البطاريه

[وجودك يكفي]

مرحبا بوجودك يكفي مرحبا ياولد ثابت

من طوّل الغيبات جاب الغنايم

ابك البقا يالعطاوي

[هذاك انا]

وش تقول في فيوز السياره ساكن داخل العلبه الصغير ورزقه الكهرب ياصله من البطاريه

مرحباااااا

شف ياطويل العمر

انا اعرف جواب واحد .. وانت ما ذكرته


:19:

[وجودك يكفي]

ههههههه طيب طيب

وش رايك في سلف السياره

[وجودك يكفي]

لولا كلمة طب جوفه كان قلت عيار الزيت ولولا هالغرفه الصغيره كان قلت بلف الكفر والتفكير جاري

[هذاك انا]

انت من مرسلك علانا بس ؟؟ :151:

ههههه مالك لوا بكل هالقذايف اللي بغت تصرم جنوب اللغز


حياك

[وجودك يكفي]

ههههه ماضنتي إني بجيب حله

ولكن وش رايك في اللستك وسط الكفر ورزقه الهوى

[وجودك يكفي]

الجواب في السيارة ومدام مدهال موجود فالصفحه ترى الرمعات الجايه عنده لأنه خبير في السيارات وعنده ورشه

[هذاك انا]

ههههه

انت تباني اقول ماهوب بالسيارة


وانا سألتزم الصمت :23:


وجميع الاجابات خاطئة

[وجودك يكفي]

وش تقول في محقان الزيت يطب الزيت في جوفه ومايهتني به<<بس وين غرفته

[هذاك انا]

ارحب يابو ؟؟ >> ثابت

ارحب يابو ثابت

جعلك سالم .. عشان اسهل لك

علاقة اللغز بالسيارة مثل علاقتك بالبيت الأبيض

:28:

[وجودك يكفي]

وش رايك في مزاز العصير

[هذاك انا]

^

^

مالك لوا .. يالغالي

[وجودك يكفي]

وش رايك في الضرس ساكن وسط الفم ورزقه الطعام إللي يطحنه ويروح منفوعه للمعده

[هذاك انا]

مالك لوا


ترا الجواب يمكن بعض الناس شبه استغنى عنه

[{ أبوفيصل }]

يامطنش من البارح وانت تلمّح مايصير
ولاّ علشان الزعيم مجهد من سفرته :) هههه

[واقع من الخيال]

سسسسسسسسسسسسسسسسسلام

وش تقولون في الجوال وبطاريتة ؟

[{ أبوفيصل }]

عليك السلام

مالك لوا ياكفو

يقول ناقل اللغز الوقت الحالي شبه مستغنين عنه ان لم يكن منتهى

وانت بنفس الاتجاه :)

[واقع من الخيال]

ثوانــي ..

[واقع من الخيال]

عندي واحد يقول الكبينة ؟؟

:18:

[{ أبوفيصل }]

الكبينه

وضح كيف الكبينه ياكفو

[بنت الهيــــلا]

فتيلة السراج

:)

[{ أبوفيصل }]

مالك لوا

برضه مري على تعليقي على رمعة الأخ كفو

يمكن تحصلين حله

[واقع من الخيال]

الكبينه

وضح كيف الكبينه ياكفو
واضحة ياخليجي

رجال = الهلل
الغرفة = الكبينة

وش رايك ؟
ولو ان الهلله مؤنث بس مدري اشوفها ممكن تركب :18:

[{ أبوفيصل }]

كفو كفو ياكفو

صح لسانك

نعم تلفون الهلل ابوصندوق ومعلق في وسط كبينه

الرجال = التلفون

والغرفه = الكبينه

والصندوق اللي تحت التلفون للهلل

[واقع من الخيال]

كفوك الطيب ياخليجي ..

وصح لسان مـن حبك الابيات .. ولاهنـت

ودي

[{ أبوفيصل }]

بيض الله وجهك ووجه من تواصل معنا

في مشاركته ,, تحيتي للجميع

[شيخ الشيوخـ]

كفو ياكفو

وبيض الله وجهك ووجه من جاب اللغز الرائع