مهندس الكلمة الأمير الشاعر بدر بن عبدالمحسن

[مهندسة مطير]

اولا ً نبذة عن الشاعر بدر بن عبدالمحسن

http://www.adab.com/photos/95758319.jpg

بدر بن عبد المحسن بن عبد العزيز من مواليد مدينة الرياض في _ 2 ابريل عام 1949م و هو الإبن الثاني لصاحب السمو الملكي الأمير عبد المحسن بن عبد العزيز _ رحمه الله _

نشاءالأمير بدر بن عبدالمحسن في بيت علم وأدب حيث كان والده الأمير عبدالمحسن بن عبدالعزيز محباً للعلم والأدب،كما و انه شاعر مبدع ولديه مكتبة ضخمة تضم العديد من الكتب..كماوأن مجلس والده ملئ بالعلماء والأدباء وكبار المفكرين في ذلك الوقت مما كان له الأثر البالغ في حب الأمير بدر للأدب والشعر _ بعد الله

درس مراحله الإبتدائية بين المملكة العربية السعودية و مصر، _ والمتوسطة في مدرسة الملكة فكتوريا في الاسكندرية، ودرس المرحلة الثانوية في المملكة العربية السعودية كما انه درس في بريطانيا و في الولايات المتحدة الأمريكيه.

و لقد استفاد من وجوده في بعض هذه البلدان بلقاءاته مع العديد من الرواد والأدباء و المفكرين و عمالقة الفن من أمثال الشاعرأحمد رامي و محمد عبد الوهاب محمد الموجي وكثيرين غيرهم ,,

و في نهاية الستينيات و مطلع السبعينات أصبح سموه رئيسا للجمعية السعودية للثقافة و الفنون حيث اضفى عليها العديد من الأفكار وكان لسموه الأثر الكبير في تطوير هذه الجمعية و الرقي بها.

تناولت قصائدة العديد من المواضيع المختلفة حيث كتب الكثير من القصائد الوطنية الخاصة بالمملكة العربية السعودية و بعض دول الخليج أثناء زياراته لها، كما انه يعد من أكثر الشعراء كتابة في أزمة الخليج تناول في قصائده مواضيع مثل الغزل و الوجدانيات و التأمليات و الرثائيات ...

و من أهم الأعمال التي قام بها سموه قيامه بعمل اوبيريتين لمهرجان الجنادرية عام 1412هـ 1992 م :- الأول هو اوبريت وقفة حق في مهرجان الجنادرية السابع فارس التوحيد في الجنادرية 14- و الثاني هو اوبريت و قد حصل هذا الأوبيريت على جائزة في مهرجان القاهرة للإذاعةوالتلفزيون حيث اختير هذا العمل من ضمن أفضل الأعمال، و تميز الأخير بالمزج بين الدراما و الشعر مما أضفى على العمل رونقا خاصا

و لسموه ثلاثة دواوين هي:
_ ما ينقش العصفور في تمرة العذق..
_ رسالة من بدوي ..
_ لوحة ربما قصيدة ..

[مهندسة مطير]

العمر أحبك



لليل احبك مابقى في السما نور
والى ضواني الليل .. للصبح أحبك
واللحظة اللي كلها عند وغرور
أشوف قبري بين عينك .. وقلبك
في صدري سراجٍٍ حزينٍٍ .. ومكسور
رغم المطر والريح .. شلته في دربك
والله مابه غير لوعاتي قصور
وخوفي عليك الله ربي وربك
ما بي جهد ابني على صمتك جسور
لا حيرتني أسباب سلمك وحربك
العمر أحبك .. مابقى فيني شعور
والى جفاني العمر .. وشلون أحبك

[مهندسة مطير]

قصي وجهي من الصُور وأترُكي الباقي


لو تعبتي من السفر همسي وأشواقي
أو شكيتي من الضجر ناوية فراقي
قصي وجهي من الصور وإتركي الباقي
قصي وجهي والشحوب وعتمة الماضي الحزين
وإتركي الشمس الطروب وعطر زهر الياسمين
إتركي ضي النجوم وطفي أحدقي
قصي وجهي من الصور وإتركي الباقي
أنا في كل السحاب والمدى الصافي البعيد
طفل يلعب في السراب تالي في الصورة وحيد
أنا من كل الشجر ذبلت أوراقي
قصي وجهي من الصور وإتركي الباقي

[مهندسة مطير]

صعب السؤال


صعب السؤال .. ليه نفترق !!

صعب السؤال .. وين نلتقي

إنتي الجنوب .. وأنا الشمال ..

وما بيننا .. بحر .. ورمال

لكن نحب .. والله نحب .. وفوق الخيال

.. صعب السؤال

يا اللي اجمل من كلامي عنك وأقرب من سكوتي

آه يا طول المسافة بين احساسي وصوتي

ما هو غريب .. إني أسألك

و إنتي أنا .. كيف أوصلك !!

لا مستحيل .. هذا الرحيل

من يقطع الصمت الطويل

ويــدلنـــي ..

قصيدتي .. وين الحروف .. جف القلم

يا ضايعه .. ببرد الكفوف .. رعشة ألم

قصيدتي .. إلا الندم .. إلا الندم

بتسافرين .. وانتي معي

وبترجعين .. وانتي معي

قصيدتي .. لا تسمعي .. غيري قصيد

يا ساكنة افـ ورق الحشا .. وحبر الوريد

[مهندسة مطير]

هذي اول قصيده مغناة لـ صاحب السمو الملكي..
الامير بدر بن عبد المحسن..
عطني المحبة ..
.............................




عطني المحبة ..

كل المحبة .. عطني الحياه..

عطني وجودي ..

ابغى وجودي .. أعرف مداه

املا شعوري .. بالحب مره

ابغى هواكم.. حلوه ومره

وأغلى الأماني .. عاشت في غربه

ياعمر ثاني .. عطني المحبه

عطني في ليل الياس شمعه ..

وبسمة نهار..

عطني في ضياع العمر دمعه..

وسكة ودار ..

واعطيك أمل في الحب غالي ..

يصعب على غدر الليالي ..

وأغلى الأماني .. عاشت في غربه

ياعمر ثاني .. عطني المحبه

[مهندسة مطير]

أبي النسيان ..
...................

تذكرتك .. وأبي النسيان ألايا خل ساعدني
أنا مالي ورى الذكرى .. إلى مات الأمل خيره
أنا ودي على الفرقا حبيبي لو تعاهدني
وإلى شفتك .. تصد ولاتجيب لما مضى سيره
تخيّر غير هذي الأرض .. مكانٍ به تواعدني
تخيّر لك مكانٍ صعب .. أعرف فيوم تقديره
عسى الجرح الذي يدينك أشوفه عنك يبعدني
أنا اللي أكرهك .. وأحبك .. شعورٍ صعب تفسيره
حسيبك .. يالهوى الظالم .. حسيبك لاتعاندني
بيلقى صاحبي غيري وأباالقى في العرب غيره

[مهندسة مطير]

ياهلا بك

يا هلا بك ولا تطري الوداع

عش معي لحظة الفرحة حبيبي

عمرنا اليوم والباقي ضياع


تصبح الأرض في قربك وساع

دام فرحة عيونك من نصيبي


ونبتت ضاقت الأرض الوساع


آه لولاك يا دافي الشعاع

كان مرتاح بالي وش تبي بي


تشغل البال يا دافي الشعاع

أحسب إني على الفرقا شجاع

بطوي الجرح
أو بخفي نحيبي

وأثر ما في الهوى مغرم شجاع

يا هلا بك
عدد عمري اللي ضاع

او عدد ماتمنيت حبيبي

ليت الأيام ما فيها وداع

[مهندسة مطير]

من رجعك..؟!!
..................

من رجعك ؟
كنت السفر , من رجعك !
ضاع الطريق او ضيعك؟؟
لا تقول احبك , لا تقول
عالي السكوت , ما اسمعك ..



تذكر في يوم الفراق
لما وقفت اودعك
ناديت يا عمري ابيك
و بكيتها عيوني عليك
و تركتني الله معك
لا تقول احبك لا تقول


عالي السكوت , ما اسمعك ..



يا صوتك الناحل
في ضجت ظنوني انت الزهر ذابل
في قلبي و عيوني ..
صدقني ما يفيد العتاب
و صدقني ما يكفي الندم .
تبغاني احبك للعذاب
والا احبك للالم ..
انا حتى مدري وش تقول ؟
عالي السكوت , ما اسمعـك ..
عالي السكوت , ما اسمعـك ..
عالي السكوت , ما اسمعـك ..

[مهندسة مطير]

شمس الجمال




هيه يا غصن تمايل بالدلال
ما تخاف الكسر لا هب الهبوب
وما تخاف الله وتسعى بالعدال
انصف من لحاظ عينيك القلوب
لا متى ذبح العرب عندك حلال
تابت العالم متى عينك تتوب
مير قلبي يا لغضي بيعه محال
ما أقدر أعطي لو تبي مني ذنوب
أشهد إنك بالحلى فقت الخيال
وعيب حسنك كان في حسنك عيوب
شارقة في طلعتك شمس الجمال
وجامع في ضحكتك كل محبوب
الخمل فيني انا ما بك خمال
مشملٍ نوّك .. وانا نوّي جنوب

[مهندسة مطير]

رعشة هدب


ماقلت له ... يا حلوتي ماقلت له ...
المشكله ... إني أختلف ...
لا طروا اسمك من الوله ...
وجهك تغيّر ... نظرتي ...
وتضحك في عيني يا عبرتي ...
وبعض الحكي ما اتحمله ...

ما اكذب عليك ... البارحه شافوك ...
رعشة هدب لفته ...
البارحه شافوك ... في النوم الذي عفته ...
وماحد ٍ يقول ... شافك معي مره ...
طيفك متى ... يكفيني من شره ...
باكر إلى مروا علي ربعي بقول :
إن السما ما هي سما ....
واغيّر اوقات الفصول ...
ان صدقوني .. ما دروا إنك هواي ...
وإن عاتبوني ... صارت عيونك سماي ...

[مهندسة مطير]

تخيل

تاقف على اطراف الهدب .. وماشافتك عيني
صافحتني ومدري يدك هي لمست ايديني ...
سلم .. ابارد السلام ..
وهذا ترى كل الكلام ..
اللي بقى بينك وبيني ...
تخيـّــل ...
من وين ... ومنين ومتى ...
بالله ذكرني ...
بالله ذكرني ... متى
جيتك انا فـ ليلة شتا ..
تهزني ريح الشمال ...
محتاج انا لبسمه وشال ...
تركتني لبرد الطريق وانا على بابك ..
اتذكر انك قلت لي بالله وش جابك ..
ودعتني قبل السلام .. وهذا ترى كل الكلام
اللي حصل بينك وبيني ...
تخيّــــل ...
اليوم لعيوني السما والارض البعيد ...
اليوم ولغيرك انا يطري على بالي القصيد ...
اشتقت للقلب الخلي ..
وش هم .. لو تعتب علىّ ..
جيتك انا فـ ليلة ألم .. قلبي على كفي ...
همست لي روح ياغريب الشوق مايكفي ...
سلم ابارد السلام ...
وهذا ترى كل الكلام ...
اللي بقى بينك وبيني ...
تخيّــــل ...

[مهندسة مطير]

سلامة رماحك


سلامة رماحك اللي جرحها غالي
طعنتني غاضب لين أنكسر رمحك

لو قلت لي كان أجرح حالي بحالي
لا عاش قلبٍ جزع وارتاع من جرحك

لاجلك جروحي غدن اليوم عذالي
ذميت ظلمك وأنا من عادتي مدحك

ياليت لي ذنب وألقى علقمك حالي
وياليت بك عدل .. وأرضى فـ الهوى ذبحك

ياسيدي وإن نويت تزيد غربالي
قلي وأنا أبعد ظلامي عن سنا صبحك

لو ما يسرك أطو ل الشمس بجبالي
مايكفي إن عشقت جبالك وسفحك

كل الهوى بالهوى يزهى ويختالي
وأنا الذي في خسارة عزتي ربحك

ياعل ماتزهرالأشجار في رمالي
لو أعتذر عن شموخي في رجا صفحك

سلامة رماحك الي جرحها غالي
طعنتني غاضب لين أنكسر رمحك

[مهندسة مطير]

لحظة مقتلي

ليه أحس إني وأنا اشوفك حزين

وقلبي الليله بهمي ممتلي


كانها الفرقى طلبتك حاجتين

لا تعلمني ولا تكذب عليّ


خلني ما بين شكي واليقين

السكوت رضاي عنك وزعلي


باكر اللي خافيٍ لازم يبين

والوعد بلقى مكانك به خلي


وانتظر لي ليلة او ليلتين

لين ما يقفي السحاب وينجلي


ولا طويت الياس بذرف دمعتين

للهوى الغالي وبا وادع هلي


صاحبي بموت من كثر الحنين

خلني بختار لحظة مقتلي

[مهندسة مطير]

الماضي الحاضر ..



صوتٍ شبيه الريح .. مشققٍ بأعواد شيح
مرتّق بالدم .. معتّق بالهم زافر
صوتٍ مثل خضر العروق اللي على ظهر الكفوف المبطيه نافر
صوتٍ ذبيح .. يصرخ يصيح .. إبلك خذوه القوم
بين الفزع والنوم ..
أسرجت مهري ألف ..
وسلّيت سيفي ألف ..
وظهرت تحت الشلف ..
ماكان في الشارع غير الرصيف والفجر ..
وبواب جيراني من هالمدى راجع ..
يحمل رغيفٍ حار .. زاد لثلاث صغار..
للمدرسه صحيوا ولبسوا مرايلهم ..
سنين سنين .. هالصوت الجارح الزاجر..
يصيح بي وينك.. قطفت بساتينك ..
وابلك خذته القوم.. خذته القوم هالابل..
أفـّز وفي أنفي ..عـجاجة الغـاره ..
وأصحى وفي كفي ساعه ونظاره ..
مالي إبل أرجـوك مـالي نخيل .. لانصل ولا حـافر..
تعبت من صوت العروق المبطيه.. ومن صمتي الفاجر..
وأنا أخر الفرّيس ظنك ..
أنـا أخـر الفرّيـس ..
حسبك ياحادي العيس ..
هذا الزمن عاري ..لاردن ولا جوخه ..
يصهل مهر راكان ..
وينادي ابن مهيد ..
يوقف شعر هالبيد ..
هذا الزمن أصمخ .. مايسمع شيوخه..
شد الرحال .. سافر ..
دوّر ياحادي العيس .. روض وزهر ماديس
ولذنوبنا.. لذنوبنا غافر
وداع يا خضر العروق اللي على ظهر الكفوف المبطيه
يالماضي الحاضر ..

[مهندسة مطير]

متى الشوارع تجمع اثنين صدفه

يطيح جفن الليل واهز كتفه .....
نجم يشع وباقي الليل مطفي

واحاكي الجدران عن وصف غرفه .....
ماتشبه الجدران ويطول وصفي

وتملني الجدران واظهر لشرفه .....
تحت السما واسكر الباب خلفي

ريح تهب وتسكن العظم رجفه .....
وتموت ريح وتسكن اوراق نزفي

على الروابي تهطل دموع وطفه .....
وتصب لمع بروقها وسط طرفي

ياطاري الغدران والعمر رشفه .....
مع قلها ياليتها يوم تصفى

الحب واجد مير الاقدار صلفه .....
والأرض واجد لكن الحلم منفى

واللي اعرفه راح ماعاد اعرفه .....
ولاظن يذكرني الى أقبلت مقفى

ماهو حبيبي مورد القلب حتفه .....
ولا هو حبيبي يفرح بوقت ضعفي

مر ثمر هالليل وأمر قطفه .....
يالحنظل اللي قمت اذوقه بكفي

متى الشوارع تجمع اثنين صدفه ....
.لا صار شباك المواعيد مجفي

يابنت تو الليل ماراح نصفه .....
وياليل بعض اللي مضى منك يكفي

[مهندسة مطير]

" ناقش الحنا "


ناقش الحنا على الكف الحزين ..
.............. ناثرٍ شعره على شمس الجبين


والعيون السود ذبح العاشقين
.............. انا دخيل الله .. وانا الجريح والله


لا تناظرني بجفا لا .. لا
.............. يا حسين الوصف .. وش ذنب القلوب ..


ما تعرف العطف يالقاسي اللعوب
.............. علّ ماجا منك تكفير الذنوب


انا دخيل الله .. وانا الجريح والله
.............. لا تناظرني بجفا لا .. لا


زاهيٍ بالورد .. خدك يافتون
.............. والعطر دمي .. من رماح العيون


احترق قلبي مثل عود الدخون
.............. انا دخيل الله .. وانا الجريح والله


لا تناظرني بجفا لا .. لا

[مهندسة مطير]

ليل التجافي

آآه ... من ليل التجافي ... ماأطوله
ليلة العاشق ... ثوانيها ليال
من يقول الشمس باكر مقبله
كل شمسٍ مالها وجهك ....ظلال
بسألك باللي خذى منك الوله
وحطه اف صدري ... واعطاك الجمال
حاكني ... لجل الليالي ...الآوله
آه انا بموت من ذل ... السوآل
هو صحيح انك حبيبي اللي دله
واستوى ... عندك فراقي ... والوصال
كل جرحٍ غير ... جرحك بقبله
وكل ظلم ٍ ...غير ظلمك لي ... عدال

[مهندسة مطير]

حسايف

التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...
حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... عمرها ماجت على وقت الوعد ..
إلا ذاك اليوم ..
وعمرها .. مابكت .. وماضحكت ..
ماحكت له .. واسكتت
مثل ذاك اليوم ..
كانت اجمل من خياله .. كانت انظر ..
كانت اكثر .. من أماني عمره الظامي حنين ..
واختفت .. من كساها الليل باللون الحزين ..
اختفت في الطريق اللي معه..
كانت تجيه ..
كيف دربٍ جمعه معها .. خذاه..
ليتها اختارت سواه..
تزرع الفرقا لياليها .. عليه ..
وحسايف ... حسايف

[مهندسة مطير]

يسعد صباحك

يسعد صباحك .. ليلنا تو ماجا
الشمس غابت واشرقت عندكم ... شمس
هى شمسنا اللي في جبينك تلاجا
والا قمرنا اللي فقدناه من امس
لليل السما برد وسحاب وعجاجا
يامن يشب النور .. في الخاطر العمس
انتى وانا لو كنا نتناجــا
لاماطفت في خاطري .. شمعه الهمس
يالى جرحتك ... مالجرحي علاجا
ادري الجروح النازفه تكره .. اللمس
بقول احبك .. وان عقدتى الحجاجا
!!اقولها ثنتين واربع مع خمس ..؟
ويسعد صباحك يابعد كل ماجا
ماراح من عمري .. وانا في رجا الشمس

[مهندسة مطير]

ارفع جروحك

إرفع جروحك عن وصال الخناجر

نزفك عزيز ومثلك النجم لاطاح

ولاتنحني للريح والذّل فاجر

والخوف ساس الذل والغبن ذبّاح

مادام لك عن خفضة الهام زاجر

إمّا إنكسر ولا تعدّاك الارياح

مانته بعشبٍ نابتٍ وسط حاجر

ولا إنت بشراع التيه والوقت ملاّح

إنت الّذي باسمك تضيق الحناجر

لو إنطقوا بك همس سمعوا بك صياح

تقفي وكن الحرف للحرف هاجر

وتقبل وقلب الصخر بالشعر بوّاح

ولا من رمى صبحك عباة الدياجر

ثم إنتهى ظماه شع بالنور مصباح

إرفع جروحك عن تراب الخناجر

نزفك عزيز ومثلك النجم لاطاح

[مهندسة مطير]

السراب


قال السراب وقلت ظامي سرابه

قال الهلاك وقلت لعيون الاحباب

يا لايمي في حب مترف شبابه

الموت حق ولاتبرق في الاسباب

كانة ذبحني صاحبي من عذابه

مابي لدمي يا أهل اللوم طلاب

الجادل اللي فية زين ومهابه

تاقف له قلوب وتخضع له أرقاب

في حجر عينة لي غدير وسحابه

وفي وسط قلبي لة تناهيت وعتاب

إن قلت أحبة يكفي القلب مابه

وان قلت أنا مابية..باصير كذاب

[مهندسة مطير]

لو تغيبي


لو تغيبي ولو رحل وجهك حبيبي

في غيابي عنك أشوفك .. وفي عذابي منك أشوفك

صدقيني ما نقص هالليل بعدك إلا قمرا

وما فقدت من النهار إلا شعاع الشمس بكرا

واجمل الناس حبيبي .. حبيبي

لو تغيبي لو رحل وجهك حبيبي

تصغر الدنيا وتضيق

كلّ مافي الدنيا أعرفه إلا بيتي والطريق

أنا أحبك ذا نصيبي .. إبعدي عني وغيبي

صدقيني مانقص هالليل بعدك إلا قمرا

ومافقدت من النهار إلا شعاع الشمس بكرا

لك ليالي ما سألتي .. ولي ليالي ما سألت

لو دريت إنك زعلتي .. كان أفرح مازعلت

بس داري مافي قلبك إلا قلبك

واختياري إني أحبك والا أحبك

ومن عذاب الحب يكفي لو تجرّح قلب واحد

وإنتي يا حبي وضعفي لا يهمك كله واحد

لجل تتغير فصول .. ويبكي الغيم في عيوني

وتزهر جبال وسهول .. اضحكي بيّا وبدوني

وصدقيني ما نقص هالليل بعدك إلا قمرا

ومافقدت من النهار إلا شعاع الشمس بكرا

[مهندسة مطير]

زمان الصمت

وترحل .. صرختي تذبل ...
في وادي... لاصدى يوصل ..
ولاباقي أنين ..
زمان الصمت ..
ياعمر الحزن والشكوى ..
ياخطوه ماغدت تقوى...
على الخطوه.. على هم السنين ..
حبيبي .. كتبت اسمك على صوتي ..
كتبته في جدار الوقت ..
على لون السما الهادي ..
على الوادي..
على موتي .. وميلادي..
حبيبي .. لو أيادي الصمت ..
خذتني .. لو ملتني ليل ..
أناعمري ..انتظاري لك ...
لاتحرمنى ... حياتي لك ...

[مهندسة مطير]

موت وميلاد


فـ عيني تغيب الشمس .. وتشرق أفـ عيني
في ناظري للشمس ..موتٍ وميلاد
لليل في دمعي سنا .. نجمتيني
وللصبح في جفني شفق هم وسهاد
كن السهر دربٍ عليه اب تجيني
ولاودي اقطع درب لاماك برقاد
ياللي جميع الناس بينك وبيني
وكل لحظةٍ أنا انتظر منك ميعاد
عذري لياسي منك..انك تبيني
خنت الرجا..وان صنت لي عهد ووداد
البسمتك ترخص غوالي سنيني
جرحي يهون وجاير الشوق يزداد
ولمصافحك ربي خلق لي يميني
امدها لك وصل وامدها ابعاد
أنسي عذاب العمر وجروحك اجداد

[مهندسة مطير]

سوالف ليل




سوالف ليل ..
بجنب المنقد الغافي ..
على حد السهاد ..
تحدثنا في تالي ليل ..
زرعنا سرنا الخافي ..
على شفاه الجمر معنى ..
وخفنا الناس تسمعنى ..
يا انتي

.. لاتوادعنا...
في تالي ليل لاتخافي ..
بنلقى اللي بقي معنا ..
سوالف ليل ..
أو حفنة رماد ...

[مهندسة مطير]

ضيعت الدليل



كل مااقفيت نادني تعال

وكل مااقبلت عزم بالرحيل

وكل مااجنبت واعدني شمال

يااهل الحب ضيعت الدليل

الحقيقة غدت مثل الخيال

هو عدوي وهو اغلى خليل

شفت انا الظلم من بعض الدلال

يجرح القلب لو كانه جميل

اشهد ان الهوى مابه عدال

هو خلى وانا قلبي عليل

وكل ماقلت له يابن الحلال

المحبة عطا وانت بخيل

التفت لي وهو عجل وقال

لذة الحب في الشىً القليل

[الصهد]

مهندسة مطير

يعطيك ِ العافيه على هذا المجهود

ولي عوده

تحياتي وتقديري ،،،

[هذاك انا]

.
..
مهندسة مطير

انتي بموضوعك هذا تغازلين الغيم .. كيف لا !! وهو عن مهندس الكلمة
طبتي وطاب ذوقك

..
.

[بنت الهيــــلا]

جميل جميل أختي مهندسة مطير

وصح لسان الامير بدر بن عبد المحسن

واصلي و أنا أول المتابعين لكِ سجلي إعجابي لذائقتك

تقديري ..

[مهندسة مطير]

مهندسة مطير


يعطيك ِ العافيه على هذا المجهود

ولي عوده


تحياتي وتقديري ،،،




يعافيك ربي
وبانتظارك يالصهد

[مهندسة مطير]

.
..
مهندسة مطير

انتي بموضوعك هذا تغازلين الغيم .. كيف لا !! وهو عن مهندس الكلمة
طبتي وطاب ذوقك

..
.


يعطيك العافيه على هالمرور الراااائع مطنش مااننحرم

[مهندسة مطير]

جميل جميل أختي مهندسة مطير

وصح لسان الامير بدر بن عبد المحسن

واصلي و أنا أول المتابعين لكِ سجلي إعجابي لذائقتك


تقديري ..


تسلمين يالغلا
ومتابعتج شرف لي والله
نورتي يالغاليه

[.*إنـْسَـآن عَـآدِي*.]

صح لسآنه ...

مُهندسة مطير مشكوره وماقصرتِ عن نُبذة هذا المُبدِع...

مُتابع لهذا الموضوع ...

الوآصل

[مهندسة مطير]

حيـآآك الله يالوآصل

متابعتك تزيدني شرف

[سعود بن لامي]

شمس الجمال





هيه يا غصن تمايل بالدلال
ما تخاف الكسر لا هب الهبوب
وما تخاف الله وتسعى بالعدال
انصف من لحاظ عينيك القلوب
لا متى ذبح العرب عندك حلال
تابت العالم متى عينك تتوب
مير قلبي يا لغضي بيعه محال
ما أقدر أعطي لو تبي مني ذنوب
أشهد إنك بالحلى فقت الخيال
وعيب حسنك كان في حسنك عيوب
شارقة في طلعتك شمس الجمال
وجامع في ضحكتك كل محبوب
الخمل فيني انا ما بك خمال
مشملٍ نوّك .. وانا نوّي جنوب





لاهنتي ..
وشكرا لك ..

[مهندسة مطير]

ولا انت ياسعود

منوور

[مهندسة مطير]

اشتهر هذا المبدع بالرسم قبل ان يشتهر بالشعر

وفي امسية ومض
تم عرض العديد من لوحاته



http://center.jeddahbikers.com/uploads/jb12760796245.jpg

http://center.jeddahbikers.com/uploads/jb12760797191.jpg

http://center.jeddahbikers.com/uploads/jb12760802124.jpg

[الصهد]

http://dc05.arabsh.com/i/01750/sq6w31qpkchm.jpg


مهندسه امطير

ومهندس الكلمه المبدع بدر عبد المحسن

وابداع لا محدود تحياتي وتقديري ‘‘‘

[نظره خجوله]

مهندسة مطير ..

\

لاهنتي يا الغلا على هالمجهود الرائع .. وبدر بن عبد المحسن شاعر الاحساس احبه بكل تفاصيله ..

[مهندسة مطير]

http://dc05.arabsh.com/i/01750/sq6w31qpkchm.jpg



مهندسه امطير

ومهندس الكلمه المبدع بدر عبد المحسن


وابداع لا محدود تحياتي وتقديري ‘‘‘




الابداع انت عنوانه يالصهد
ماننحرم من طلتك المميزه

[مهندسة مطير]

مهندسة مطير ..

\

لاهنتي يا الغلا على هالمجهود الرائع .. وبدر بن عبد المحسن شاعر الاحساس احبه بكل تفاصيله ..


ولانتي ياقلبي
نووورتي الصفحه ياالغلا
ماننحرم من طلتج الغاليه