رجلٍ من الوقت ممرور ،، اللغز محلول من مدهال ،، صح لسانه

[مدهـال]

السلام عليكم ورحمة الله وبركاته

هذا لغز جديد عساه يجوز لكم

وعلى ماقال شيخ الشيوخ تراني انبقطت والله يعينكم



انشدك عن رجلٍ من الوقت ممرور=من زود غبنه قام واهدى هديه
مضمونها بنتين من غير مشكور=وابدى المعزّب ضيقته من خويه
واصبح قوي الباس للناس ناظور=يخاف لاتقفى البنيه بنيه



وجودك يكفي ممنوع من الإجابه

وله حق الرد على الرمعات لاصرت غير متواجد>>>>اخوي الصغير وآمر عليه

[وجودك يكفي]

صح لسانك وانا اخوك وبيض الله وجهك على اللغز الجزل وعلى العطاء المتواصل ولآ عدمناك يالغالي

أي والله تامر أمر وأقول سمع وطاعه

[مدهـال]

لاهنت وانا اخوك ويعطيك العافيه

[فهيد مقعد الرويس]

صح لسانك

يامدهال

والتفكير جاري ولي عوده

تحيتي وتقديري

[مدهـال]

حياك الله يالرويس واللغز يحتريك

ولاتبطي لايجونه التفّاقه

[{ أبوفيصل }]

صح لسانك يامدهال

لغز وسيم ومزيون دام فيه بنتين
واللي زاد في وسـامته فكرك الرائع

لي عوده

[مدهـال]

صح لسانك يامدهال

لغز وسيم ومزيون دام فيه بنتين
واللي زاد في وسـامته فكرك الرائع

لي عوده
اضحك الله سنّك يالخليجي

اجل نقدر نقول انه لغز غزلي>>>>>>والله ماضنيت بعد الحل تعرف السبب

[{ أبوفيصل }]

اضحك الله سنّك يالخليجي

اجل نقدر نقول انه لغز غزلي>>>>>>والله ماضنيت بعد الحل تعرف السبب

طيب يالقرم الأوله عطنا سبب ضحكك قبل حله
جعلها ابتسامتن ماتفرق محيّاك

:12:

جاري التفكير
وابا أشغل التيربو عساه يثمر بشي هههه

[مدهـال]

طيب يالقرم الأوله عطنا سبب ضحكك قبل حله
جعلها ابتسامتن ماتفرق محيّاك

:12:

جاري التفكير
وابا أشغل التيربو عساه يثمر بشي هههه

انا ضحكت يوم تقول اللغز وسيم ومزيون دام فيه بنتين دريت ان قلبك خضر

شغل التيربو والله ان فيه واحد يتهدد من اليوم اشوفه تحت يروح ويجي مدري وش عنده

[مرزوق فلاح]

اخوي مدهال صح السانك على هالغز الجزل

وسجل حضوري

[{ أبوفيصل }]

مدهال ،، اللغز مزحوم بأكثر من طرف
ميرعطنا لو طارفة علم هو له علاقه بالدين

وش تقول يالقرم في (صدام) عندما أهدى ( جزيرة الفاو ) لوقف الحرب
ايام حربه مع ايران والبنت الأخرى مدري ان كان ماهي
بـ ( نهر دجله والفرات )

[مدهـال]

اخوي مدهال صح السانك على هالغز الجزل

وسجل حضوري

صح بدنك ياابو فلاح وحظورك يشرفني

[مدهـال]

مدهال ،، اللغز مزحوم بأكثر من طرف
ميرعطنا لو طارفة علم هو له علاقه بالدين

وش تقول يالقرم في (صدام) عندما أهدى ( جزيرة الفاو ) لوقف الحرب
ايام حربه مع ايران والبنت الأخرى مدري ان كان ماهي
بـ ( نهر دجله والفرات )

حياك الله يالخليجي وصدقني ان اللغز ماورد فيه غير اشياء تخص المعنى وبعد الحل راح تعرف قصدي ولا له علاقه بالدين ابد ابد

بالنسبه لرمعتك مالك لواااا

[وجودك يكفي]

اللغز هذا لهالحين وهو عايش مافطس


تراه بسيط وإذا تبوني اقرب لكم واغششكم ماعندي مانع بس لاتعلمون مدهال

[وجودك يكفي]

اول توضيح وتقريب لكم

ترى اللغز ماله علاقه بالدين

[مرزوق فلاح]

السلام عليكم ورحمة الله وبركاته

هذا لغز جديد عساه يجوز لكم

وعلى ماقال شيخ الشيوخ تراني انبقطت والله يعينكم



انشدك عن رجلٍ من الوقت ممرور=من زود غبنه قام واهدى هديه
مضمونها بنتين من غير مشكور=وابدى المعزّب ضيقته من خويه
واصبح قوي الباس للناس ناظور=يخاف لاتقفى البنيه بنيه



وجودك يكفي ممنوع من الإجابه

وله حق الرد على الرمعات لاصرت غير متواجد>>>>اخوي الصغير وآمر عليه

اخوي مدهال ولايهون وجوده شرف على بنا الغز الجذاب والجزل والمحير لفكري
وش تقول بيما نتج عن موتمر مدريد وسلو* او ماحدث للاتحاد اسوفيت روسيا مع امريكيا
بشان اسلاح المدمر ولي عوده
تحياتي

[مدهـال]

اخوي مدهال ولايهون وجوده شرف على بنا الغز الجذاب والجزل والمحير لفكري
وش تقول بيما نتج عن موتمر مدريد وسلو* او ماحدث للاتحاد اسوفيت روسيا مع امريكيا
بشان اسلاح المدمر ولي عوده
تحياتي

مالك لوا يابن مرزوق دور غيرها

وجودك يكفي فكنا منك اللغز تراه بسيط وانت تبا تعلم بعد رد على الرمعات ومكثور الخير لاتعلم احد ولا تقرب مره

[مرزوق فلاح]

ويش رايك بلخلافه الاسلاميه وفلسطين

[شيخ الشيوخـ]

صح لسانك يامدهال وبيض الله وجهك

ولي عودة

[مدهـال]

ويش رايك بلخلافه الاسلاميه وفلسطين
ماااااالك لوا

[مدهـال]

صح لسانك يامدهال وبيض الله وجهك

ولي عودة
صح بدنك ياشيخ الشيوخ

حياك الله ولا تبطي

[مرزوق فلاح]

ويش رايك بضيوف لوط عليه السلام

[مدهـال]

ويش رايك بضيوف لوط عليه السلام
مالك لوا يالذيب

انت وش تبي بالأقوام الغابره

خلك حولنا حوالينا لاتروح بعيد بالسنين

[مرزوق فلاح]

ويش رايك بسفن كسر الحصار وماهو حادث لها الان

[مدهـال]

ويش رايك بسفن كسر الحصار وماهو حادث لها الان
ولالك لواااااااا

[شيخ الشيوخـ]

اعتقد انه نظام المرور الجديد ساهر

[بنت عمي]

آنا عن نفسي آعرف آلجوآآب بس اترك المجال لبااقي الاعضاااء للتفكيرر ...:20:

[وجودك يكفي]

اعتقد انه نظام المرور الجديد ساهر
هلا بك ياشيخ الشيوخ

ومالك لوا بالرمعه

[وجودك يكفي]

آنا عن نفسي آعرف آلجوآآب بس اترك المجال لبااقي الاعضاااء للتفكيرر ...:20:

هلا يابنت عمي
وأنا عن نفسي أقول إذا كنتي عرفتيي الجواب من خلال قراءتك للأبيات فحلاة اللغز حله وجايز بعد تكون الرمعه غير صحيحه

وإذا كنتي تقصدين إنك تعرفين الجواب من زمان فأنا عن نفسي أقول إن اللغز جديد ومامر عليك قبل كذا<<شكلك مشبهه على لغز ثاني ههههه

[م ا ج د]

اللغز جزل وصعب :)

الله يعطيكم العافيه جميع

تحياتي

[وجودك يكفي]

هلا بك يا م ا ج د

نورت الحته ياحلو

[{ أبوفيصل }]

السلام عليكم ورحمة الله وبركاته

هذا لغز جديد عساه يجوز لكم

وعلى ماقال شيخ الشيوخ تراني انبقطت والله يعينكم



انشدك عن رجلٍ من الوقت ممرور=من زود غبنه قام واهدى هديه
مضمونها بنتين من غير مشكور=وابدى المعزّب ضيقته من خويه
واصبح قوي الباس للناس ناظور=يخاف لاتقفى البنيه بنيه






وش تقول 00 في ( المستعجل او المتأني في هذا الوقت ) ومضمونها << البنتين السلامه والندامه

[مدهـال]

وش تقول 00 في ( المستعجل او المتأني في هذا الوقت ) ومضمونها << البنتين السلامه والندامه
هلا وغلا والله
ومالك لواااا

[{ أبوفيصل }]

وش تقول بـ ( الندم ) وماينتج من مضامينه

(التوبه) + (الحسوفه او العوده) على مااعتقد

[مدهـال]

وش تقول بـ ( الندم ) وماينتج من مضامينه

(التوبه) + (الحسوفه او العوده) على مااعتقد
يامرحبتين بالخليجي

ومالك لواااا

يالله بوضح لك شوي

ترى البنتين اشياء ملموسه ولاهي اشياء معنويه

وجودك خل عنك اللقافه ولاتقرب شي

[مرزوق فلاح]

اخوي مدهال ويش رايك ( بسيول جده )

[مدهـال]

اخوي مدهال ويش رايك ( بسيول جده )
مالك لوااااا

[مرزوق فلاح]

ويش رايك ( بالنفط المتسرب الان في امريكاء وعزل جنوب اندنيسيا )

[مدهـال]

ويش رايك ( بالنفط المتسرب الان في امريكاء وعزل جنوب اندنيسيا )

مالك لواااااا

يالربع والله ان اللغز واااااااضح وضوح الشمس

انا اشوف كل الرمعات اللي ذكرتوها ماتنطبق على الحل

ركزواا زين وبالتوفيق

[{ أبوفيصل }]

هلابك يامدهال

طيب طالما ان الموضوع أشياء ملموسه

وش تقول في برنامج ( النفط ) مقابل الغذاء

باقي له عندي طلقه وحده

بأنتظارك

[وجودك يكفي]

هلابك يامدهال

طيب طالما ان الموضوع أشياء ملموسه

وش تقول في برنامج ( النفط ) مقابل الغذاء

باقي له عندي طلقه وحده

بأنتظارك

مالك لوا يالعطاوي

[سعود بن فيصل]

وش تقول بالطالب الراسب ؟

[مدهـال]

وش تقول بالطالب الراسب ؟

اقول فالطالب الراسب شد حيلك فالدور الثاني

مالك لوااا

[سعود بن فيصل]

عندي احساس انه جواب اللغز شي يطبخ

وش تقول ؟

[مدهـال]

عندي احساس انه جواب اللغز شي يطبخ

وش تقول ؟
لا والله يابن فيصل لا ينطبخ ولا ينشوي

[乂صـواعب乂]

مدهال.. صح لسانك على هاللغز الجزل

عندي رمعه ويارب تصيب

شرايك بالرجل هو >> هتلر

والهديه هي هديته لليهود يوم قام وحرقهم في الافران

[مدهـال]

هلا بك ياصواعب


وللأسف الإجابه خاااطئه

[{ أبوفيصل }]

مدهــال .. أطول حل للغز :)

وش رايك بـ محمود عباس الذي يبطن لحركة حماس الكراهيّه
كما أنه حاول اسقاطها بمساعدة اسرائيل له واعتبرها هدية لأسرائيل
حتى يتم وقف الأجتياحات والاستيطان على غزه
ولكن لم يلبث حتى استعادت حركة حماس قوتها وباتت هماً على قلب محمود عباس
وتضايقت أسرائيل من هذه المقاومه ومن محمود عباس

معطيات اللغز :

الرجل << محمود عباس
الهدية << محاولة اسقاط حركة حماس لمصلحته ومصلحة اسرائيل
المعزب << اسرائيل في نظري المعزب لمحمود عباس وبطانته
البنت الأخرى << غزه هي البنت التي يخاف لاتلحق الأخرى بدعوى الأحتلال والأستيطان

والسلام ختام

[مدهـال]

هلا بك يالخليجي
انا اشوف ان الرمعه ماتركب على اللغز
لسببين

الأول انك لم تذكر سوى بنت وحده وهي غزه
الثاني
البيت الأخير مايركب بأي شكل من الأشكال على رمعتك

مااااالك لوا يالذيب

[روقي قرم]

يطري علي ترامس القهوه والشاهي

[مدهـال]

يطري علي ترامس القهوه والشاهي

يامرحبا بك يالقرم

ومالك لواااااااا

[روقي قرم]

اظن الجواب لعبـه :)

[مدهـال]

اظن الجواب لعبـه :)

مافهمتك يالقرم

وش لون لعبه؟؟

[乂صـواعب乂]

وش رايك بـ محمود عباس الذي يبطن لحركة حماس الكراهيّه
كما أنه حاول اسقاطها بمساعدة اسرائيل له واعتبرها هدية لأسرائيل
حتى يتم وقف الأجتياحات والاستيطان على غزه
ولكن لم يلبث حتى استعادت حركة حماس قوتها وباتت هماً على قلب محمود عباس
وتضايقت أسرائيل من هذه المقاومه ومن محمود عباس

معطيات اللغز :

الرجل << محمود عباس
الهدية << محاولة اسقاط حركة حماس لمصلحته ومصلحة اسرائيل
المعزب << اسرائيل في نظري المعزب لمحمود عباس وبطانته
البنت الأخرى << غزه هي البنت التي يخاف لاتلحق الأخرى بدعوى الأحتلال والأستيطان

والسلام ختام
^
^
خليجي ثرك طلعت محلل سياسي http://www.shy22.com/xzfiles/XZJ22845.png (http://www.shy22.com/)

:


مدهال.. بالنسبه لرمعات الشخصيات السياسيه هل هي سماويه وإلا ارضيه ؟ ^_^

جاري التفكير ولي عوده

تريوني >>

[مدهـال]

^
^
خليجي ثرك طلعت محلل سياسي http://www.shy22.com/xzfiles/xzj22845.png (http://www.shy22.com/)

:


مدهال.. بالنسبه لرمعات الشخصيات السياسيه هل هي سماويه وإلا ارضيه ؟ ^_^

جاري التفكير ولي عوده

تريوني >>

حياك ياصواعب والله انك تخوفين

[{ أبوفيصل }]

مساء الخير

مدهال

وش تقول بالأانترنت

والبنتين هن ( المستندات + لوحة التحكم )

والمعزب على مااعتقد قوقل

[مدهـال]

مساء الخير

مدهال

وش تقول بالأانترنت

والبنتين هن ( المستندات + لوحة التحكم )

والمعزب على مااعتقد قوقل
مااااالك لوا ابعدت مررره

[{ أبوفيصل }]

ثلاث رمعات علـ ماشي

(الكام)

اللي ابتكرو له برنامج لفتحه غصب حيث يلتقط
(المحادثات والصور)
ويقوم بالتجسس والمراقبه بدون علم الضحيه



(الأيميل)

وش تقول فيه يامدهال البريد الأكتروني


(صندوق البريد)

الرسالة المسجله والغير مسجله

[مدهـال]

حياك الله يالعطاوي

ومالك لوااا

بعيد حاول تقرب من الحمى شوي

ترى صواعب في رمعتها تخوف

[{ أبوفيصل }]

مدهال

وش تقول في برنامج الحماية ضد الفيروسات

مثل كــاسبر سكــاي اللي يسمونه ( الدب الروسي )

[مدهـال]

مدهال


وش تقول في برنامج الحماية ضد الفيروسات


مثل كــاسبر سكــاي اللي يسمونه ( الدب الروسي )

مااااااااالك لواااااااااا

[{ أبوفيصل }]

مدهال شهرٍ مبارك

حسب التعليمات الخيار لك يالذيب اماّ تفضل بـ حله أو يصبح الرفع غداً

انتظر ردك

[{ أبوفيصل }]

http://www5.0zz0.com/2009/06/17/05/721445861.jpg


(( وش تقول يامدهال في مضمون هذه الصوره ))

بانتظارك ولا ترى اذا ماهذا بـ حله تجينا بـ حله :)

ولا الخيار الثاني سوف يكون الرفع

لتجاوز اللغز كل هذه الفتره

تحيتي لك

[مدهـال]

http://www5.0zz0.com/2009/06/17/05/721445861.jpg


(( وش تقول يامدهال في مضمون هذه الصوره ))

بانتظارك ولا ترى اذا ماهذا بـ حله تجينا بـ حله :)

ولا الخيار الثاني سوف يكون الرفع

لتجاوز اللغز كل هذه الفتره

تحيتي لك


ماعندك مشكله نحله بس بعد ماشوف اللي بالصورهه لأن الصوره اللي انت حطيتها ماطلعت

يمكن يكون حلك صح قل رمعتك

[{ أبوفيصل }]

http://www5.0zz0.com/2009/06/17/05/721445861.jpg

العملاق لرفع الصور

مضمونه

(عذراً , الصورة المطلوبه غير موجودة قد تكون انتهت ، مدتها سنة كاملة ، أو حذفت من قبل مالكها)

اقول ان الرجل هذا هو = العملاق ،، والهدية اللي أهداها الأحتفاظ بالصور لمدة سنه لغرض الرجوع لها اي وقت

كما ان الهدية مضمونها هاتين البنتين ( التحميل + رفع الصور ) وغبنه عندما تحذف الصورة من قبل مالكها

وش رايك

[مدهـال]

هلا بك يالخليجي

ومااالك لوا

ولو تماشينا مع رمعتك فمن يكون قوي الباس اللي للناس ناظور

المهم

قلنا لكم من البدايه ان حله سياسي

بس وش رايك في هالصوره


http://www.palintefada.com/arabic/pic/Palestine_183517342.jpg



انشدك عن رجلٍ من الوقت ممرور

اللي هو العراقي منتظر الزيدي اللي حذف بوش بحذائه اعزّكم

من زود غبنه قام واهدى هديه

من ظلم الإحتلال طبعاً

مضمونها بنتين من غير مشكور

اللي هن اجلّكم الله فردتيّ حذائه

وابدى المعزّب ضيقته من خويه

اللي هو المالكي اللي إستضاف بوش وقتها كان رئيس العراق وطبعاً هو معزَب بوش

واصبح قوي الباس للناس ناظور

المقصود به بوش

يخاف لاتقفى البنيّه بنيّه

وقتها إذا تذكرون قام يتلفّت الاقشر يذل لايجيه مثلهن

وسلامتكم

[{ أبوفيصل }]

ههههههههههههههههه

والله يامدهال ماتوقعت تجيب هالفكرة بصراحه

مع العلم اول رمعة لي كانت حول العراق وحربه مع ايران
واهداء صدام لأيران جزيرة الفاو ..

عموماً صح لسانك وبيض الله وجهك على هاللغز الرائع
وبما اني تركت اللغز يتجاوز الفترة المحدده نبيك تعطينا لغز على كيفك

[ذيب بن عماس]

مع احترامي لك اظن انه ماهو لغز هذي سالفه

اللغز عباره عن شي يعرفه جميع الناس ويرمز له برموز

اما السالفه هذي يمكن واحد ماهو سياسي واكيد مايعرف هالشي هذا



على العموم هذي وجهة نظر ارجوا ان تتقبلها بصدر رحب



اشكرك جزيل الشكر

[{ أبوفيصل }]

مرحبا ياذيب
هل تظن لغز مدهال سالفه ؟ انا ماأعتقدش والشاهد له هذا القسم

ابحث هنا وتجد ألغازه كلها حسب ماتريد

طيب عطنا لغز ياالذيب نبغا لغز على كيفك يطيّر عماس من فيه عماس
يابوعماس :)

سرّنا تواجدك ياذيب

[乂صـواعب乂]

سبحان الله تصدق يااخوي مدهال ان يا في بالي العراقي منتظر الزيدي

بس ترددت وتوقعت ان الشخصيه السياسيه بتكون قديمه لأنك قلت رجل من الوقت ممرور

ع العموم صح لسانك

ويعطيك العافيه